المساعد الشخصي الرقمي

مشاهدة النسخة كاملة : المدرسة والددسن و الوايت و غنمنا قصتن خربوطيه


هايس الشمري
27-09-2003, 11:35
احم احم :cool: <<<<<<<يتزين اول مرة يكتب موضوع

بسم الله الرحمن الرحيم

حكايتي لكم هذا اللي يوم <<<<<<<<<صاروا وغدان اويطي يالتخبيص بس

درات وقائعها عندمت كنت في الثانية عشر من عمري:cool:

حينها كنت ادرس في الصف السادس الابتدائي<<<<<<<<واصل ادعس

و عندما اتيت من المدرسة في يوم الاربعاء:eek:

في اجازة نهاية الاسبوع<<<<<<<<يا قلبي بس:D

و على ما نزلت شنطتي <<<<<<<<خربت اللغه:(

الا ابوي يقول شف ترنا يا تغدينا نبي نروح للغنم نبي نرحل باتسر

عاد لسان حالي يقول: اويطي والله ما استانسنا بهالخميس والجمعه:(


تناولنا طعام الغداء و امتطينا صهوة ددسنا متجهين الي مكان الغنم


التي تبعد عن بيتنا حوالي المائة و الخمسون كيلا<<<<<<<<يا زين كيلا:D

يعني حوالي الساعة و النصف بسيارة عاديه


اما بددسنا والله ثلاث ساعات و انت ما وصلت:confused:

و عندما وصلنا الى حيث توجد غانمونا (يعني غنمنا)

قال ابوي يالله صلح لي شاهي قلت ابشر:)

و بينما هو جالسا يرشف من هالشاهي

قال الليله نمرح و باتسر نبي نرحل


و نحن نبيت تلك الليله (يعني امرحنا):D

و مع الصباح الباكر و على زقزقت العصافير

و على ثغاء نعجتن مضيعتن ولده:D

وانا اقوم الا ابوي قايلن للراعي انت مد هنا و حنا نلحقك

و بعدما ذهب الراعي الى وجهته

اخذنا انا و ابي بتجميع الحياض و قطبتن لنا بانينه يتظللن به الغنم

و طوينا الخيمه و بعدها

التفت الي ابي قائلا: خلك وراي

قلت ابشر و اخذت اسير ورائه

و اجعله:D بعيدا عني الى ان يصير بينا ويبنوه حزم ما يشوفن

علشان امارس هوايتي على راحتي

الا وهي التفحيط ما فيه الا اثنين:D

وبينما انا على هذه الحال وبين (مؤيداو معارض)<<<<<<<<اعجبتن قلت لا ترده بنفسك:D


يا مار قدامي اكالغراز قلت: مخاطبا نفسي:rolleyes:

اتحداني ما امشي شوي شوي ولا ااغرز|513|

و على ما صرت بوسطه الا الدقيسن مغرزه:D

و بينما <<<<<<<<يا كثرت ما قلت وبينما:D

و بينما انا احاول الا ابوي جاين اقبل علي

قال: وش بلاك هذي احد يغرز به:mad:

قلت: والله ما ادري طلع علي بس و وقفت و هي تغرز;)

قال: اعقب ما اتسذبك:confused:

و نحن نواصل مسيرنا الى غياهب المجهول:D

فاذا بنا عند الغنم و هو يقف ابوي

و انا اجيب الددسن و اوقفه وراوه

و ابي يترجل من وايته نازلا الى غنمه

و انا جالس في السياره

تارتن اشغله و تارتن اخرى اطفيه

و بينما انا على هذه الحال

قلت يا ولد متسانه هنا مو زين خلن احطه جنب الوايت:rolleyes:

و ادير محركها و اكسر مقودها الى اليمين

و اتهايق:D <<<<<<<<<تخبرون طويل


تطلع ما تطلع قلت يا ولد تطلع

اتري بوه حديده طالعه قدام و انا لك اصفقه

يا مار عينه منفضخه و الرفرف منعفط


و انا اتجه مسرعا الى ابوي

قلت يبه صدمت الوايت:)

قال : :mad:

عطااااااااك العمى بهالخلا و تصدم

يالله يالله ول لا تشوفك عيني بهذا

و انا اطالع له بنظراتن كلها غرابه|513|

قلت هذا صادز ولا يمزح الظاهر انوه يمزح:)

ذهب هو الي حيث مكان الحادث :D

وانا اباريه يعني امشي بجانبه و انظر اليه قلت يمكن يمزح

قال اقولك يالله ول لا اشوفك:mad:

قلت الرجال مصمل:(

و انا اجنب و اخذ لك هذا و كل شوي التفت:(

اتحراه يصوت لي الا الرجال والله معطيني اشكل

و التفت الا هو ينزل حوض و يصب بوه ماء حتى الددسن ما شافه

و انا اتوكد انوه معطيني اشكل:(

و اقوم لك افكر ما ادري وش اسوي|512|

قلت يا ولد مالك الا تروح يم الخط

و تشر لحدا هالسيارات سيارة توصلك الرياض

و بعدين اروح يم امي هي اللي والله يا جيته

تبي تقول: فدوتن لك يا خلف ابوي:cool:

خذيت شوين الا هذا حس الددسن <<<<<<<هلا والله بهالحس:D

و انا احط روحي زعلان ولا التفت لوه:mad:

جاء جنبي قال تعال ارتسب

قلت ماني راتسب:mad:<<<اخس يعرف يزعل

و هو يحول علي و يترضاني و انا ارحموه و انا ارتسب

قلت شف علشانك ابوي بس:D


و هذي هي حزيمات تريترا________________________________
هذي اول مشاركه لي


ان اعجبتكم يا زينه

وان ما اعجبتكم نحاول مرتن اخرى <<<<<<<<<لا يروح بالكم بعيد


يالله
عووووووووووووووووو عوووووووووو
الغثه
27-09-2003, 14:36
هلا والله وغلا بذويبان

ماشالله صايرن تعرف تحتسي فصحى:D

اقول سالفتك مهي مثل سوالف جحا:D:D<<<< تحطيم



الا تعال ياربدان

ابوك صدق يوم قال يالتسذبان

شلون تبي تروح للخط العام مشي وهي تبعد 150 كيلا مثل ماتقول:D


اشوى انوه راضاك ولا تسان ميت بهالبر ولا من شافك وتصير وليشه:D


مير الله ستر




اقول ذويبان


سالفة منتازه


اقول للحين انت شايلن بخاطرك على ابوك يالبناني ولا رضيت




تحياتي لك


الغثه :p >>>> سجل إعجابه عندك
غيـــــداءنجــد
27-09-2003, 17:27
ها11111111111111111111ع هع هع هع هع

اخسسسسسسس يالزعوول

اويليييييييييييييييي

وحلولات لو اصير ابو لك لو ربع ساعه بس ابي ولله اتوطى ببطنك وتزلق بمصرانك

يعني جالسن ترثع بالشايب وهو وددسنه ويووم خانقك تطنى

<-------- عاضتن على للسانه من القهر على ذويبان

زين يصير خير

بس من جد سالفتك حلوووووووووووه ووسعت صدورناااااااا

على فكره ترن للقيت من يصيدك ونت تفحط بالددسن ويصوورك
يعني لو تزوده معي اوري الصووره للشايب عاد مايحتاج اشرحلك مخماس الشايب

(مخمس =اي كف وصابر على الخشه )
ابو غازي
27-09-2003, 18:29
بعذر اااالشاااايب بك :p
دابلن قااااعة تسبدوه من تخميسك على اااالددسن
:cool: إلا أبي أسعلك إنت أكا ااالوقت تعوي عندهم بعد أكيد مجننهم بااالعوى :rolleyes:
ذويبااان 2002 |513|وين رفيدزك رفيدز ااالشمته مالوه حس(ن) يعوي :(
اقول إكرب حنتسك وجب لنا وحدة(ن) ثااانيه من الي أخبر عندك :D
تسلم على هااالمشاااركة ااالطيبه :p
:D:D:D:D:D:D:D:D:D:D:D:D:D:D:cool:
هايس الشمري
27-09-2003, 19:59
هلا بك يالغثه

ايه صايرن اعرف احتسي خبرك قديم:D

و بعدين يوم اقولك 150 كيلا و ركز على كيلا

من البيت اما الخط يمكن والله 10 كيلو

المهم اصلن حتى لو ما جاء ما علي منوه :D

اخوي الغثة مرورك زاد متصفحي نورا <<<<ماني قايلك صايرن اعرف احتسي:D

و اعجابك فخر لي

طحياطي:cool:
هايس الشمري
27-09-2003, 20:04
هلا بوغيدة نجد:D

ما تعرفيني يا زعلت ما اعرف اللي قدامي لو انوه ابوي:D<<<<لحد يدري هاه


اختي غيـــــداءنجــد

مرورك زاد مشاركتي بريقا على بريقها:D<<<<مصدق عمروه والله

اما سالفة اني ازعلتس و احد يقدر على زعلتس<<<<مهو علشانتس علشان الصورة:D


طحياطي
هايس الشمري
27-09-2003, 20:10
هلا بابو غازي اللي مبهذلينا بالملويه:D

يا مرحبا والله

اما دابلن قاعدة تسبدوه :D

فانا دابله صدز بس الحين صرت رجل:D

نسينا السوالف الاوله

اما لو يشوفن اعوي عندوه صكن باقرب حاجه عندوه:D

ما بقا الا انت يهالحصني تعوي:D

و ذيبان والله فاقدوه بس اكيد يدور لوه صيده.


ابو غازي

شكرا لك على منحي شرف مرورك ولا هنت اخي:cool:

طحياطي
رضا الزميلي
27-09-2003, 21:04
هلا أخوي ذويبااان


ماشاء الله أما اللغة بلبل <<<<شكلك مدرس لغة عربية


قصتك يجب أن تدون في ألف ليلة وليلة<<<<<<لا تقطع



لاتحرمنا من المشاركات الحلوة اللي مثل راعيها


لك تحياتي،،،،،،
أخوك /المجهول :D :D :D :cool: :cool:
أبو مقرن
27-09-2003, 21:13
ياحلو هالحزيمات...الله يسبع العدو...منين تجيب هالمفردات..وتعجيف هالحتسي...:D:)

وبعذر الشايب..لو تولجك...والله ماينلام...والله هاللي محردز.ن. رزك..يوم إنت تعافر هالددسن ياما صبخت الوايت...وشو؟؟؟ غير اللقافة:D
<<<<<<<<<<<<<<<وليه مايعلّم روحهووو..

ذيب2700...أو ددسنكم ماهي من أمهات 2700:p

يملا العافية اللي توازن لك وتصكك من بين مفرق هالعيون....
على هالسويلفة اللي تونس..

تسثر من هالسوالف...:cool:

تحياتي
الفاضي
27-09-2003, 21:16
طااااااااااااط

الفاضي وصل



قول ذويبان انت رحت وراء الحزم تفحط




والا



اقول والا لا:D:D


ابي اقول


تبي تتن يالتتان:D<<<<<< من اليوم وانا اتهجاه يالله يالله جت معي هالون:D


اترك من التتانه:D
ولا بعد خوش ترقيعه تبي تفحط :D:D





تسلم يا اخا العرب على هذي القصه الجميله جدا

تحياتي لك:D
هايس الشمري
27-09-2003, 21:33
المجهول

هلا بك اكثر

اما مدرس لغة عربية انشد ابو غازي يعلمك;)

ما حنا و اللغة العربية الايف

المجهول

شكرا على اطرائك و مرورك على موضوعي

لك فائق احترامي
هايس الشمري
27-09-2003, 21:38
يا حي الله ابو مقرن

لك هالسع نورت المشاركة<<<مدري هي عراقيه ولا سورية



اما الشايب والله انا عاذروه ما ينلام

لو عندي ولد مثلي تسان ذبحتوه:D

والددسن اخبر اننا بعناه تشليح <<<<صدم عليه هالمقرود :D

ابو مقرن

ردك افرحني لك خالص طحياطي
هايس الشمري
27-09-2003, 21:41
بسم الله الرحمن الرحيم


الفاضي انت معك عجوز تعلمك:eek:

وش دراك الله يقطع ابليسك تفحيط و تتن

حج و حااااجه:D

الفاضي

توقيعك يكفيني فكيف بردك<<<<من زين هالتوقيع عاد يا ظغطه مدري وش يطلع لك

طحياطي
السنيورا
27-09-2003, 21:52
السلام عليكم ورحمة الله وبركاته

خينا راعي التفحيط

ذيب 2002 <<< الحين وصلنا 2004 وانت توك 2002


مبروك مبروك صرت تكتب ..:D

الله يعينا على يومياتك مع هالغنم والددسن..

الا اقول يوم انك تفحط بهالددسن وش اللي بلاك ..:mad:

والله لو انا مكان ابوك كان رجعت للبيت وخليتك تدقها كعاااااااابي:D

الصراحه سالفه روووعه

وتشكر على هالكلام المنتاز وخاصة :

تناولنا طعام الغداء و امتطينا صهوة ددسنا متجهين الي مكان الغنم:D:D

وتارتن اشغله و تارتن اخرى اطفيه :D:D

اقول كثر من هالسوالف ويملا العافيه


خيتك.... السنيورا
هايس الشمري
27-09-2003, 21:58
وعليكم السلام ورحمة الله وبركاته

حي الله السنيورا

ذيب2002 تصدقين عاد مهو معجبن:(

بس عقب هالسالفه بغيروه :)

بخليه راع الددسن:D

الله يبارك بايامتس يالسنيورا

افحط يوم انا وغد الحين ما اتعدا 120 ابدن ابدن

لو معي واحدن يبي يموت|513|

خيتي السنيورا

مرورك و تعليقك هو الاروع

لك خالص طحياطي:cool:
السنيورا
27-09-2003, 22:08
الله يحييك ويبقييك..

ياراعي الددسن:D

ماشالله كثروا راعي الكابرس وراعي الددسن وراعي الدكان:D

لاتقولي انك ماتعدى 120 ابدن ابدن

مو معقول اصلا انتم عندكم 120 ولا شي كأنك ماشي 60 :D

والله الواحد اللي يركب معاكم يتشهد على روحه :eek::eek:

اخوي:

قصتك هي الاروع وتجبرنا صراحة على الرد

طحياطي<<<<كثر منها الله لايهينك


خيتك... السنيورا
هايس الشمري
27-09-2003, 22:12
لا انا قصدي 120 هذا اذا صرت مع حارة:D

اما اذا كنت رايح للرياض والله اللي تقدر عليه السيارة:D

السنيورا

نورت المشاركه بردوك

طحياطي:D
عبدالعزيز
27-09-2003, 23:38
وانا اقوووووووووووول وش بلا فرة هالولد فرة المخرع من صغرة
اثري طفولتك بائسة

الاواحلولات يالو انا ابوك بهكا الحزة
ماوالله يكفينن اللفة عليك وانت على الاكتاف وبس الا طردي بوسط هالخلا لياااااااااااااااااااااااما تسبدك تسبدك
هايس الشمري
27-09-2003, 23:45
كاتب الرسالة الأصلية : (عبدالعزيز)
وانا اقوووووووووووول وش بلا فرة هالولد فرة المخرع من صغرة
اثري طفولتك بائسة




8
8
8
وش هالفزعة اللي ما تباركت به:D


يالله حي عزوز


اما سالفة انك تطردن والله تتعب انت و انا ما تعبت<<<تسبد سلوقي احم احم قصدي ذيب:D


(عبدالعزيز)

شكرا من الاعماق لاعطائي بعض من وقتك لقراءة مشاركتي:cool:
بشير اللويش
28-09-2003, 00:25
ياسلام

لله درك يالذيب


وربي مشاركه رائعه


سجل اعجابي


سجل اعجابي بقووووه

لاتحرمنا واصل ابدعاتك


تقبل تحيات اخوك الصغير


الراسي
شموخ
28-09-2003, 00:27
كاتب الرسالة الأصلية : ذيب2002
و و تطلع ما تطلع قلت يا ولد تطلع

قلت ماني راتسب:mad:<<<اخس يعرف يزعل

و هو يحول علي و يترضاني و انا ارحموه و انا ارتسب

قلت شف علشانك ابوي بس:D


[HR]

ههههههههه يغصبوني واتغيصب ودك بالركوب وعندك عزة نفس لجله هاوشك :D

قصه حلوه
تحياتي
شموخ
سليمان الثنيان
28-09-2003, 09:19
فعلا حزيمــــــــــــــــــــــــــــات تـــــــــــــــــــريتـــــــــــــــــ ــــــرا

..................................................................|513|
خوش سالفه ياذيب2002:D

|118|

|1|





بس لا تــــــــــــــــــــــــــــــــــعــــ ـــوده .......

سراحه كنت اتخيل اني معك بلحوض...................


يعطيك العافيه ياذيب2002



اخوك
سليمان الثنيان
هايس الشمري
28-09-2003, 11:06
بشير اللويش هنا <<<<<<<<<صبخ براسوه الجدار علشان يتاكد انه مهو حلمان

بشير اللويش الراسي

<<<<<<والله ضاعت علومه ابركب كلمه وحدة عجزت

اخي بشير

مرورك و تعقيبك لهما بالغ الاثر في نفسي<<<<<<<<<هذا اللي قدرت اكتبوه


شكرا لمرورك

شكرا لمرورك

شكرا لمرورك
هايس الشمري
28-09-2003, 11:12
يالله حي شموخ

شموخ اصلن انا ودي اروح:D

بس يوم شفته كذا قلت علشانك بس:D<<<<<<<<<تسذوب


شموخ

شكرا لمرورك و تعليقك

دمتي شامخة اخيه
هايس الشمري
28-09-2003, 11:16
سليمان الثنيان

هلا بك والله

والله لو انك معي بالحوض تسان ما شفت ردك:D

سليمان الثنيان

مرورك تشريف لي
محارش
28-09-2003, 13:16
هههههههههههههههههههه

بصراحه اعجبتن يوم سامحته وهذا يدل على انك مهما زعلت الا انك تظل برحه :D:p:D

هههههههه

وهذي اول محاوله كتابيه جبت هالابداااااع اجل لو هي الثالثه تسان وش تكتب <<< ناوي يعطبه :D

ابدااااااااع والله يعطيك العافيه :)
هايس الشمري
28-09-2003, 18:15
محارش_محارش

اخي ياخي <<<<<<<<<<<<<<لحد يدقق:D

ياخي ليه انتم اللي يسامح و الطيب تسمونه برحه:confused: <<<سؤال عجزت القى جوابه


محارش_محارش

شيخ الفله ردك اعطاني مزيدا من الحماس

و مهما وصلت من ابداع لا ازال تلميذا في مدرستك<<توك اول موضوع:D

فمنكم نستفيد و على مساركم نسير

تقبل تحياتي:cool:
أبو طنب
22-10-2003, 02:43
موضوع حلوووووووو يا ذويبان النعسان
<<< جته حاله السجع
حتى انا اعرف للغه

المهم لاتحرمنا من اعطاباتك قصدي ابطاعاتك ( ابداعاتك)


<<< رافع يديه لسماء يحمد ربه انه مهو ددسن وعن ذويبان النعسان


تحياتي
بنخيكم
أبو طنب
ابو مشاري الشمري
24-10-2003, 01:50
أخي الكريم
((الذيب))

الله يعطيك الف عافيه
رائع وربي
فعلا أعجبتني
تسلم يمينك
ونتمنى ان تواصل على أبداعك
يامبدع
والله مبدع
مثل سوالف تريترا
اللي كنت مأنام لما أسمع سوالفها
تحياتي لك
هايس الشمري
25-10-2003, 20:52
أبو طنب

حي الله البناخي

و انت الحلو والله

و هلا بك يا ابو طنب

اما اعطاباتي تامر امر:D


شكرا من الاعماق لمرورك
هايس الشمري
25-10-2003, 21:23
ابو مشاري

هلا بك والله

نورت المشاركه

و الرائع هو تعقيبك

الذي افتخر به

لك كل الود والاحترام

((الذيب))
شريف روما
25-09-2005, 02:32
موضوعك حدوه مغبر يااخ العرب :)
واحب اقول لك يخرب بيت اللي درسك لغة عربية:goooood:
وموضوعك حلوووووو
والاحلى اللغة العربية :)
وبانتظار مشاكة جديدة
تحياااااااتي
الشبث
25-09-2005, 14:51
ههههههههههههههههههههه


الذيب

والله اول مشاركه حلوووووه


بس ياقردك ان صارت الاخيره


ترن ابي اشهر بك بين العربان هههههههههه





بس والله لو انا بمكان ابوك تسان من امس وانا موصلك للرياض رجليه




اسفك بهالددسن ليما ينقطع قلبك هههههههههه



علشان تعرف تزعل علي هههههههه






وتقلد تحيتي
حمود الباتع
25-09-2005, 15:48
ذويبان والله انك ذويبان وربي

عزة نفس تعجبني حتى لو مهي يمهن ههههههههههههه

لكن حلو بينت للشايب ههههههههههههههههههههههههههههههه عزة نفسك وانك ما انت ميت على ددسنه ,, بس تبي الصراحة زين انه حن عليك والا وربي كان للحين رجولك توجعك من دق الكعابي ,,
بصراحة ضحكتني وونستني الله يونسك دوم يارب

وراح انتظر قصص مغامراتك بفارغ الصبر

ياليت ماتطول علينا

تقبل تحياتي
عيون السروق
25-09-2005, 18:46
هلا يالذيب ،، :7ayyoh: :001b:


الله يعطيك العافيه على السولافه الطيبه ،، :)


وياليت كل مارحلتوا تسولف لي عن الرحيل ،،



ترى تسبدي ماله قلبن على الرحيل ،،



تخبر من زمان ودي ارحل مثل هالرحلات بس ماش ماعندنا غنم ولا ددتسن ،، :)






وتسلم مرتن اخرى على هالسولافه الرائعه ،،:goooood:






ودمتم،،،،،،،،،،
^^ فتى حايل^^
28-09-2005, 15:59
يويطى يالذيب

الذيب والله اخبرو امحق مجدى ابوك بك لو انا تسان تعرف وشو اعملبك

قال تفحيط قل تبى دخن يملعون الجدف

خل عنك الخرابيط وقلهم سالفتنا يوم بلندن يوم اشبلك واحرق المعسكر يكمخه

وسالفة انجى دعونى اللقنه درسن من دروسى

قال ذيب قال اقول حصنى واجد علااااك

اسمع انا قلتها من اول وقولها الحين

ما ورى مصبح شى يربح


حظرن يوم السبت يمكن اتاخر
ههههههههههههههههههههههههههههههههههههه



<<<<<<<< لا بالله انطقيت فلصت بكل شى

<<<< جا من اقصاه

كفو ذويبان شد حيلك بالموضوع الثانى
^^ فتى حايل^^
28-09-2005, 16:01
يويطى اسمحلى يحيى عباله واحدن اعرفو

<<<<<< جبت الطعه عزالله قرادة الاسلم كلها فينى

يويطى عزالله مابى فود مقرود من الله خلقن

اسمحلى يحيى
الـمـحـروووم
28-09-2005, 18:45
((الذيب))

هلا والله بها الطٌلة

يابعد شبيثان أنت

أثريك راعي تفحيط
هايس الشمري
28-09-2005, 23:09
موضوعك حدوه مغبر يااخ العرب :)
واحب اقول لك يخرب بيت اللي درسك لغة عربية:goooood:
وموضوعك حلوووووو
والاحلى اللغة العربية :)
وبانتظار مشاكة جديدة
تحياااااااتي


و الله ممتلي غبار يالزقروطي و هذا من خرابيط البدايات :)


و انت بعثته من جديد


اما الحلو فهو مرورك يالغالي


اخوك


الذيب
هايس الشمري
28-09-2005, 23:11
ههههههههههههههههههههه


الذيب

والله اول مشاركه حلوووووه


بس ياقردك ان صارت الاخيره


ترن ابي اشهر بك بين العربان هههههههههه





بس والله لو انا بمكان ابوك تسان من امس وانا موصلك للرياض رجليه




اسفك بهالددسن ليما ينقطع قلبك هههههههههه



علشان تعرف تزعل علي هههههههه






وتقلد تحيتي


الشبث زين هالموضوع اللي جابك

و تسلم على مرورك
هايس الشمري
28-09-2005, 23:12
ذويبان والله انك ذويبان وربي

عزة نفس تعجبني حتى لو مهي يمهن ههههههههههههه

لكن حلو بينت للشايب ههههههههههههههههههههههههههههههه عزة نفسك وانك ما انت ميت على ددسنه ,, بس تبي الصراحة زين انه حن عليك والا وربي كان للحين رجولك توجعك من دق الكعابي ,,
بصراحة ضحكتني وونستني الله يونسك دوم يارب

وراح انتظر قصص مغامراتك بفارغ الصبر

ياليت ماتطول علينا

تقبل تحياتي



دايم العالي


جعلك دوم مستانس


تسلم على هالمرور


الذيب
هايس الشمري
28-09-2005, 23:18
هلا يالذيب ،، :7ayyoh: :001b:


الله يعطيك العافيه على السولافه الطيبه ،، :)


وياليت كل مارحلتوا تسولف لي عن الرحيل ،،



ترى تسبدي ماله قلبن على الرحيل ،،



تخبر من زمان ودي ارحل مثل هالرحلات بس ماش ماعندنا غنم ولا ددتسن ،، :)






وتسلم مرتن اخرى على هالسولافه الرائعه ،،:goooood:






ودمتم،،،،،،،،،،


عيون السروق


هلا بك

تسلم على المرور


اخوك


الذيب
هايس الشمري
28-09-2005, 23:20
يويطى يالذيب

الذيب والله اخبرو امحق مجدى ابوك بك لو انا تسان تعرف وشو اعملبك

قال تفحيط قل تبى دخن يملعون الجدف

خل عنك الخرابيط وقلهم سالفتنا يوم بلندن يوم اشبلك واحرق المعسكر يكمخه

وسالفة انجى دعونى اللقنه درسن من دروسى

قال ذيب قال اقول حصنى واجد علااااك

اسمع انا قلتها من اول وقولها الحين

ما ورى مصبح شى يربح


حظرن يوم السبت يمكن اتاخر
ههههههههههههههههههههههههههههههههههههه



<<<<<<<< لا بالله انطقيت فلصت بكل شى

<<<< جا من اقصاه

كفو ذويبان شد حيلك بالموضوع الثانى


هلا يا فتى حايل


و انا اقول وش عندوه هذا تولجن :)



تسلم و ما صار الا خير


اخوك

الذيب
هايس الشمري
28-09-2005, 23:21
((الذيب))

هلا والله بها الطٌلة

يابعد شبيثان أنت

أثريك راعي تفحيط


هلا بالرحااااااااااال


تسلم يا بعدي انت


اخوك


الذيب
راعي الطيب
29-09-2005, 02:31
تسلم اخوي ذيبان على هالسالفه

بس عندي سعال

بالله عليك الرحااال كان معك عندما كنت تسوقو الددسن ؟

لا تقل لماذا لانه رحااال؟

موضوعك حلو والاحلى اللغه الحلوه هذي

انت نيتف سبيكر بهاللغه ؟؟؟؟؟
الا الوايت كم سنه طايفتن استمارتوه؟
عجايب بنت الشايب
29-09-2005, 19:16
الذيب

يازين سوالفك

ذكرتني بالماضي


لا والله موهو ماضي للاسف مازال حاضر




تصدق عاد هالشيبان استفحل فيهم الامر


لانهم يخلوننا حنا البنات السنيورات

اللي الحكومه ماسمحت لنا بالسواقه هم

سمحوا لنا بها



تصدق انه انا


انا الله يخليني لكم





قد رحل مع ابوي




شافني ذاك اليوم غايبه

من الكليه




قال لي




تعرفين تسوقين

قلت .. ليش ؟ ايه ؟


قال تعرفين ؟

قلت نعم << ناذخه!!




قال يالله ارتسبي


للغنم


ابيتس تباريني





والله وانا اركب يافضيحتي عند بنات الكليه


وينهم يجون يشوفوني




لا وشكلي يومن اصفط الذرى حق الغنم




سؤال بيني وبينك











ذراكم منى خيام ولا من خياش ؟؟ حنا من الثاني خخخخخخ








والله ويومن مشيت ورى ابوي قلت له شف يالشايب


ترى القير ما اعرفله ضبطه لي وانا اكمل





والله ويوم مشا



بالوايت



وانا على الددسن شايلتن الشبوك


يمار هو يخايلني من منظرة الوايت


ويومن وقفت




وهو ينزل



قلت ما عرفت



قال








قال






كش عليتس ماتكفيتس









وانا ازعل


مثل زعلتك





بس ماراضاني


ليش ما ادري




يدري ان مالي والي






الذيب ممكن اعطي رقمك ابوي


تبادل ؟؟
اعطيك ابوي وعطني ابوك


ابوك يراضي !!








طحياتي يالذيـــــــــــــــب
مشعل بن حويد
30-09-2005, 11:33
7
7
7
7
اقول اطلعي من صفحة صديقي!

_____________________________________________________________

يالذيب ماعندك غير السالفه هذي

ترا مليت منها!!!!
عجايب بنت الشايب
30-09-2005, 18:01
7
7

مــــــــــــا بي

كيفي


بفلوسك ولا بفلوسك؟
شريف روما
30-09-2005, 18:43
^
^
هدوا اعصابكم ترى السالفة ماتسوى
ولا تدرون شلون



































اطلعوا من الصفحه اثنينكم :)
الأصيل
01-10-2005, 10:21
يخي .. يوم عندك هالسويلفات ..

ليه تساميه عننا :7ayyoh:






أما الخاتمه ..


تحس إنك تشوف فلم عاطفي دراميكي رعب:315r:



لكن






رضى الذيب .. ورتسب مع أبوه:thumb:
هايس الشمري
02-10-2005, 13:16
تسلم اخوي ذيبان على هالسالفه

بس عندي سعال

بالله عليك الرحااال كان معك عندما كنت تسوقو الددسن ؟

لا تقل لماذا لانه رحااال؟

موضوعك حلو والاحلى اللغه الحلوه هذي

انت نيتف سبيكر بهاللغه ؟؟؟؟؟
الا الوايت كم سنه طايفتن استمارتوه؟




نعم انني اتحدث العربية الفصحى اينما وطئت قدماي :)


اهلا بك اخي و اهلا بريح الاقحويان و الخزامى :)


شكرا لك لمرورك متصفحي :)

اخاك :)

الذيب
هايس الشمري
02-10-2005, 13:24
الذيب

يازين سوالفك

ذكرتني بالماضي


لا والله موهو ماضي للاسف مازال حاضر




تصدق عاد هالشيبان استفحل فيهم الامر


لانهم يخلوننا حنا البنات السنيورات

اللي الحكومه ماسمحت لنا بالسواقه هم

سمحوا لنا بها



تصدق انه انا


انا الله يخليني لكم





قد رحل مع ابوي




شافني ذاك اليوم غايبه

من الكليه




قال لي




تعرفين تسوقين

قلت .. ليش ؟ ايه ؟


قال تعرفين ؟

قلت نعم << ناذخه!!




قال يالله ارتسبي


للغنم


ابيتس تباريني





والله وانا اركب يافضيحتي عند بنات الكليه


وينهم يجون يشوفوني




لا وشكلي يومن اصفط الذرى حق الغنم




سؤال بيني وبينك











ذراكم منى خيام ولا من خياش ؟؟ حنا من الثاني خخخخخخ








والله ويومن مشيت ورى ابوي قلت له شف يالشايب


ترى القير ما اعرفله ضبطه لي وانا اكمل





والله ويوم مشا



بالوايت



وانا على الددسن شايلتن الشبوك


يمار هو يخايلني من منظرة الوايت


ويومن وقفت




وهو ينزل



قلت ما عرفت



قال








قال






كش عليتس ماتكفيتس









وانا ازعل


مثل زعلتك





بس ماراضاني


ليش ما ادري




يدري ان مالي والي






الذيب ممكن اعطي رقمك ابوي


تبادل ؟؟
اعطيك ابوي وعطني ابوك


ابوك يراضي !!








طحياتي يالذيـــــــــــــــب


هلا كلي بكم اعجاب

اما الذرى خياش شعير رابطهن الراعي على الشبك و كل وحده بلون ما فيه تناسق :) :) :)


اما سالفة قيادة المراه :) هالشيبان ما دريوا ان الناس معارضة :) :)


ااما ابوتس الله يخليه لتس و يخلي لي ابوي :)



هلا و شكرا على مرورك


الذيب
هايس الشمري
02-10-2005, 13:27
ايه نسيت ليه ما تسمعين كلام عطيب الضرايب


get away from my explorer <<<<<<<<هي كذا يا عطيب يال (MIS)

سلاااااااااااااااااام
هايس الشمري
02-10-2005, 13:28
الزقروطي لو ما يبقى بهالصفحة الا انت يكفيه نورك طال عمرك :)
هايس الشمري
02-10-2005, 13:33
يخي .. يوم عندك هالسويلفات ..

ليه تساميه عننا :7ayyoh:






أما الخاتمه ..


تحس إنك تشوف فلم عاطفي دراميكي رعب:315r:



لكن






رضى الذيب .. ورتسب مع أبوه:thumb:


يخي هي هالسالفة :)


و بارك الله بالزقروطي اللي رفع هالموضوع و خلانا نشوفك


اخوك

الذيب