زيـــد
25-09-2003, 03:32
يشرفني أن أضع هذه القصيدة أمام أنظاركم الكريمة ..
البارحة يوم المواليف سمّار =
وأنا مع العبرات يا دار دوري
الله من دمعٍ على وجتني سار =
كنه من أسباب المواجع يفوري
دنوا لي الطرس المسطّر والأحبار =
بكتب على بيض الورق من شعوري
البارحة يابو فهد كنت محتار =
رغم الوجود اللي تمنوا حضوري
ضاع الصواب اللي معه كل الأفكار =
وأحس عبراتي تجمّع بزوري
الله على جيبٍ مسمّاه فاكس آر =
ما هو خسارة لو سحبت التجوري
من وارد اليابان عسرين الأنظار =
اللي على الدرب الصعيبة صبوري
من ميزته لونه مثل شخب الأبكار =
وليا مشى كنه من الزين نوري
له حنةٍ كنه يبادلني أسرار =
وله طلعتٍ يبكن عليه المهوري
يسري عليه ليا بدأ وقت الأسحار =
صميدحٍ ماهو غشيمٍ طيوري
يلفي على سلمى بها ناس أخيار =
أهل الكرم والطيب وأهل البخوري
ودلالهم دايم بها البن وبهار =
وتشكي صيانيهم سمان الظهوري
( شمر ) هل النخوة على الوقت لاجار =
أقولها دومٍ بصوتٍ جهوري
ياما سبقني للفخر كل مغوار =
في مدحهم جتني تسابق سطوري
ربعي بسلمى علمهم سر وجهار =
يرفع جبيني عن طمانٍ غيوري
ربعي بسلمى ما بهم طافي النار =
فيهم مواكر من حرار الصقوري
ربعي بسلمى طيبهم واف الأشبار =
وليا قصرت بحقهم فمعذوري
فيهم صفاتٍ ما توصف بالأشعار =
الله يعين اللي عليهم يجوري
ياديار سلمى كل ماهاجسي ثار =
جيت أسوق أبيات شعري بحوري
يالله عسى يسقي مرابيعك أمطار =
ويكثر بك ألوان العشب والزهوري
يالله لا تحرم عيوني هل الدار =
اللي محبتهم سبايب سروري
وختامها صلوا على خير الأخيار =
وأزكى سلامٍ للنبي الطهوري
وسلامتكم
البارحة يوم المواليف سمّار =
وأنا مع العبرات يا دار دوري
الله من دمعٍ على وجتني سار =
كنه من أسباب المواجع يفوري
دنوا لي الطرس المسطّر والأحبار =
بكتب على بيض الورق من شعوري
البارحة يابو فهد كنت محتار =
رغم الوجود اللي تمنوا حضوري
ضاع الصواب اللي معه كل الأفكار =
وأحس عبراتي تجمّع بزوري
الله على جيبٍ مسمّاه فاكس آر =
ما هو خسارة لو سحبت التجوري
من وارد اليابان عسرين الأنظار =
اللي على الدرب الصعيبة صبوري
من ميزته لونه مثل شخب الأبكار =
وليا مشى كنه من الزين نوري
له حنةٍ كنه يبادلني أسرار =
وله طلعتٍ يبكن عليه المهوري
يسري عليه ليا بدأ وقت الأسحار =
صميدحٍ ماهو غشيمٍ طيوري
يلفي على سلمى بها ناس أخيار =
أهل الكرم والطيب وأهل البخوري
ودلالهم دايم بها البن وبهار =
وتشكي صيانيهم سمان الظهوري
( شمر ) هل النخوة على الوقت لاجار =
أقولها دومٍ بصوتٍ جهوري
ياما سبقني للفخر كل مغوار =
في مدحهم جتني تسابق سطوري
ربعي بسلمى علمهم سر وجهار =
يرفع جبيني عن طمانٍ غيوري
ربعي بسلمى ما بهم طافي النار =
فيهم مواكر من حرار الصقوري
ربعي بسلمى طيبهم واف الأشبار =
وليا قصرت بحقهم فمعذوري
فيهم صفاتٍ ما توصف بالأشعار =
الله يعين اللي عليهم يجوري
ياديار سلمى كل ماهاجسي ثار =
جيت أسوق أبيات شعري بحوري
يالله عسى يسقي مرابيعك أمطار =
ويكثر بك ألوان العشب والزهوري
يالله لا تحرم عيوني هل الدار =
اللي محبتهم سبايب سروري
وختامها صلوا على خير الأخيار =
وأزكى سلامٍ للنبي الطهوري
وسلامتكم