غيـــــداءنجــد
18-09-2003, 17:44
السلام عليكم
الي بقوله الحين يخص البنات يعني خطه بناتيه بمعنى اخر تقلعوو يالشباب قشوو اثركم من غير مطرود
شفن يابنات انا عندي طريقتن ممتازه تخليتس تكشفين اخوتس اذا هو وقع بهالماخوذ العشق ركزي معي وشغلي هالدميجه هالي بس تدربينه من غير سنع وفطني للخوتس من عده نواحي 1-ابدقي شلون ياكل هو يتمطق ويتشدق ويقرف باالاتسل مثل اول او انه ياكل شوي ... شوي وهو صاكن حنوكه...
2-الياصار على الغداء لحم افطني زين هو ياكل بفجاعه ويعرش العضام عرش او انوه بس ينتف الحيامات باطراف اصابعوه ؟؟
3-وفطني لهالنقطه زيناذا جاء ياكل برتقاله هو يقطعه بسكين اجزاء وياكل شوي ...وينص شوي ...او انوه يعرشه بجلوخه كالعاده اذا شفتيه يقطعه بسكين خلااااص اعرفي ان اخوتس وقع بالعشق ومحد سمى عليه
ولتسان اخوتس بوه خشه وشبعان من الخشه وتسبدوه عايفتن العيشه بكذا يبي يصعب عليتس المراقبه وعليتس بالمرحله الثانيه من الخطه ونتبهي زين للي بقوله لتس ركزي معي
1-افطني له اذا جاب لتس ثوبه يبيك تسوينه وقالتس كثري النشاء عليهمع انوه من قبل بس ياخذ الثوب من الحبل ويلبسوه بعرافيطه
2-اذا شفتيه كل يوم سردادي مردادي على الحلاق يبي سكسوكه غصب وخاصتن ان اخوتس اجرد وشعروه مايوصل للسكسوكه
3- ا1ا قام كل شوي يتعطر ويسالتس يقوولتس وش رايتس بعطري ... عاد مهو تجرحين مشاعروه وتقولين ريحتك مثل وجهك او وعععع وتسبدي وش هالريحه تقل ريحه مراغه غنم ... لا ونا اختك تحملي ريحتووه حتى لو كانت شينه وقولي له ااااالله وش هالريحه الزينه تهبل من وين شاري هالعطر (خوذيه على قد عقلوه يعني )
4-اذا شفتيه يتروش كل يوم ولااا ومن زود الاهتمام شاريلووه شامبو دووف للجسم (الله يالدنياء قبل كان يتروش بتايد يماغدا اشهب من التايد تقل متمرغن بريغا )
5-اذا دعيتيه وقالتس ...هلا او سمي او امري ..عقب ماهو يقولتس هااه وش تبين اخلصي ... انجزي قوولي وش تبين
6-وبدقي زين للي ابي اقوله لتس ... اذا شفتي اخوتس بس سرحان ويفكر وصاير هادى الطباع عقب ماهو اغث واحد بالبيت ... بس شووفي مهو الياشفتيه سارح ويفكر قلتيله يالمطفوقه الي واخذ عقلك يتهنابه ... لااااااا اسكتي وتسنك مافطنتي للشين
7-اذا شفتيه بس يلاعب الوغدان وصاير منا حليلوه معهم عقب ماهو كل مادخل سطرهم وللزخهم .. اذا شفتيه يلاعبهم خلااااص تاكدي انوه وقع بالعشق ودعي ان الله يرفع عنوه ولا يبلاتس لان العشق اقشر ونا اختس يقوولون وكفانا شر مايقولون انوه يمصع التسلوه العشق
8-تسمٍعي للنغمه جواله اذا دق دقه وفصل..ماهو تقولين له يالخبله ..الله الله احلىى وش هالحركات..لانتس بكذا تبين تنبهين اخوتس لتس انتس تعرفين هالحركات ..حركه الدقه والفصله همن عاد وش يفكتس منوه اقل شي يبي يسويه يبي يرنعتس بالجوال على جبهتس
واذا كلامي ينطبق على اخوتس مهو تنطلقين تعلمين امك وبوتس لا انثبري وسكتي وفكري شلون تقلبين الوقف لصالحك وحاولي تسوين هدنه مع اخوتس انوه يوديتس للسوق والعروس متى مابغيتي مقابل انتس تسكتين وماتعلمين ...خلاص اتفقنايابنات ..؟؟؟ ...اتفقنا
هذي اول مشاركاتي وتمنى تجوزلكم ووعدكم .. وعد بنت رجال ان مشاركاتي الجايه احسن وافضل
تشا111111111و ينطح تشا11111111و
الي بقوله الحين يخص البنات يعني خطه بناتيه بمعنى اخر تقلعوو يالشباب قشوو اثركم من غير مطرود
شفن يابنات انا عندي طريقتن ممتازه تخليتس تكشفين اخوتس اذا هو وقع بهالماخوذ العشق ركزي معي وشغلي هالدميجه هالي بس تدربينه من غير سنع وفطني للخوتس من عده نواحي 1-ابدقي شلون ياكل هو يتمطق ويتشدق ويقرف باالاتسل مثل اول او انه ياكل شوي ... شوي وهو صاكن حنوكه...
2-الياصار على الغداء لحم افطني زين هو ياكل بفجاعه ويعرش العضام عرش او انوه بس ينتف الحيامات باطراف اصابعوه ؟؟
3-وفطني لهالنقطه زيناذا جاء ياكل برتقاله هو يقطعه بسكين اجزاء وياكل شوي ...وينص شوي ...او انوه يعرشه بجلوخه كالعاده اذا شفتيه يقطعه بسكين خلااااص اعرفي ان اخوتس وقع بالعشق ومحد سمى عليه
ولتسان اخوتس بوه خشه وشبعان من الخشه وتسبدوه عايفتن العيشه بكذا يبي يصعب عليتس المراقبه وعليتس بالمرحله الثانيه من الخطه ونتبهي زين للي بقوله لتس ركزي معي
1-افطني له اذا جاب لتس ثوبه يبيك تسوينه وقالتس كثري النشاء عليهمع انوه من قبل بس ياخذ الثوب من الحبل ويلبسوه بعرافيطه
2-اذا شفتيه كل يوم سردادي مردادي على الحلاق يبي سكسوكه غصب وخاصتن ان اخوتس اجرد وشعروه مايوصل للسكسوكه
3- ا1ا قام كل شوي يتعطر ويسالتس يقوولتس وش رايتس بعطري ... عاد مهو تجرحين مشاعروه وتقولين ريحتك مثل وجهك او وعععع وتسبدي وش هالريحه تقل ريحه مراغه غنم ... لا ونا اختك تحملي ريحتووه حتى لو كانت شينه وقولي له ااااالله وش هالريحه الزينه تهبل من وين شاري هالعطر (خوذيه على قد عقلوه يعني )
4-اذا شفتيه يتروش كل يوم ولااا ومن زود الاهتمام شاريلووه شامبو دووف للجسم (الله يالدنياء قبل كان يتروش بتايد يماغدا اشهب من التايد تقل متمرغن بريغا )
5-اذا دعيتيه وقالتس ...هلا او سمي او امري ..عقب ماهو يقولتس هااه وش تبين اخلصي ... انجزي قوولي وش تبين
6-وبدقي زين للي ابي اقوله لتس ... اذا شفتي اخوتس بس سرحان ويفكر وصاير هادى الطباع عقب ماهو اغث واحد بالبيت ... بس شووفي مهو الياشفتيه سارح ويفكر قلتيله يالمطفوقه الي واخذ عقلك يتهنابه ... لااااااا اسكتي وتسنك مافطنتي للشين
7-اذا شفتيه بس يلاعب الوغدان وصاير منا حليلوه معهم عقب ماهو كل مادخل سطرهم وللزخهم .. اذا شفتيه يلاعبهم خلااااص تاكدي انوه وقع بالعشق ودعي ان الله يرفع عنوه ولا يبلاتس لان العشق اقشر ونا اختس يقوولون وكفانا شر مايقولون انوه يمصع التسلوه العشق
8-تسمٍعي للنغمه جواله اذا دق دقه وفصل..ماهو تقولين له يالخبله ..الله الله احلىى وش هالحركات..لانتس بكذا تبين تنبهين اخوتس لتس انتس تعرفين هالحركات ..حركه الدقه والفصله همن عاد وش يفكتس منوه اقل شي يبي يسويه يبي يرنعتس بالجوال على جبهتس
واذا كلامي ينطبق على اخوتس مهو تنطلقين تعلمين امك وبوتس لا انثبري وسكتي وفكري شلون تقلبين الوقف لصالحك وحاولي تسوين هدنه مع اخوتس انوه يوديتس للسوق والعروس متى مابغيتي مقابل انتس تسكتين وماتعلمين ...خلاص اتفقنايابنات ..؟؟؟ ...اتفقنا
هذي اول مشاركاتي وتمنى تجوزلكم ووعدكم .. وعد بنت رجال ان مشاركاتي الجايه احسن وافضل
تشا111111111و ينطح تشا11111111و