( )

[جواهر]

ياللي زعلت أزعل ولا ني مراضيك .. اشرب كدر ماي البحر كانه أرضاك

لاتحسب اني عقب صدك بداريك .. بعز نفسي عنك مدراك مدراك

اربع سنين وانا متحمل تغليك .. راضي بتعذيبك لجل قلب أغلاك

وخليتني واليوم والله لخليك .. وأدوس قلبي لينه يقول خلاك

قبل توريني الحسايف بوريك .. ليمن قال فلان هانك ووراك

كانك تحداني فانا اقبل تحديك .. وانسى الغرام اللي مضى واتحداك

ماني بقايل لك عسى الل يهنيك .. الله يحرمك كل ماكان هناك

عسى العمى ياخاين العهد يعميك .. فوق الغرور اللي عن الماضي اعماك

وعساك ماتسمع قريب يناديك .. حيثك تجاهه صوت محروم ناداك

وعسى الشلل يعوق رجل تمشيك .. لينك تندم ليش غيرت ممشاك

وعسى حياتك بس فرحه لشانيك .. يلقا بها الفرصه عدوك ويشناك

وعسى الليال اللي تجيني بطاريك .. يصبح عليها الصبح وتموت طرياك

وعسى المنام وكل راحه اتجافيك .. آمين حتى اللي تمناه يجفاك

وعساك ماتفرح وتكثر بلاويك .. وأمك تشق الجيب من عظم بلواك

ولا مت ، جعل في جهنم اتصاليك .. نار الجحيم ونار دنياك تصلاك

الله يكره فيك حتى دوانيك .. غشاش خاين من من الناس داناك

هذي النهاية روح والله يجازيك .. امسك ويومك عن هوى الغد يجزاك


طلال السعيد .

[موج البحر]

ذوق واختيار رائع

مشكوووووووووره


تحياااااااااااتي

[ابو يزيد]

الأخت /جواهر

تحية وسلام

شكرا لهذه القصيدة التي ساصفها بعد هذا البيت::

اربع سنين وانا متحمل تغليك .. راضي بتعذيبك لجل قلب أغلاك

صراحة شكله حب من طرف واحد والا مامعني تطنيش المحبوبة له اربع سنوات وهذا الصحيح.

وخليتني واليوم والله لخليك .. وأدوس قلبي لينه يقول خلاك

بعد ايش ياطلال:

((بعد ايه ترسل عتاب ؟؟؟؟؟؟؟بعد ماطال العذاب ؟وانكوى قلبك وذاب ))


قبل توريني الحسايف بوريك *** ليمن قل فلان هانك ووراك

اختي جواهر غريب هذا البيت وكيف يكون من طلال السعيد لاحظي :

قبل توريني الحسايف بوريك

الله واكبر ياطلال : وش غير هالحسايف اللي ورتك مابعد الا اقول انها ورتك نجوم الليل بعز الظهر.


كانك تحداني فانا اقبل تحديك *** وانسى الغرام اللي مضى واتحداك

الشاعر بعد اربع سنين توه يدري انها تحداه اصلا هي ماعطتك وجه

وتوك تصحي بعد هاالسنين وتحسبه تحداك.

لكن الشاعر الآن استخدم حيلة العاجز وقام يدعي عليها بكل انواع الأمراض ياساتر:


ماني بقايل ك عسى الله يهنيك (لكن ابقول ):

الله يحرمك كل ماكان هناك

وعسى العمى ياخاين العهد يعميك

وعساك ماتسمع قريب يناديك

وعسى الشلل يعوق رجل تمشيك

وعسى حياتك بس فرحه لشانيك

وعسى المنام وكل راحه اتجافيك

وعساك ماتفرح وتكثر بلاويك

ولا مت ، جعلك في جهنم اتصاليك

.. نار الجحيم ونار دنياك تصلاك

الله يكره فيك حتى دوانيك

صراحة المسكينة تحتاج الى ان نفتح لها مستشفى والحقيقة

ماتستاهل لأنها من اربع سنين وهي شاطفته.

وانا من وجة نظري ان هذه ليست قصيدة محب والا المحبين عندما

نرجع لقصائدهم نجد انهم يتمنون الموت على ان تحيا الحبيبة


اختي جواهر شكرا على هالمشاركة وسامحيني والله انا قلت اللي يجب

ان اقوله وغريبة من شاعر بحجم طلال السعيد هذه المتناقضات لكن

يمكن هذه القصيده من قصائد البدايات له.

اختي جواهر ابعدي العاطفة واقرأي القصيدة وبصراحتك المعهودة

هل لكي مآخذ على القصيدة ام اني مخطء في قرائتي للقصيدة ولكي

من اخوكي خالص الشكر على طرحك المتميز واذا انا مخطء في نقدي

للصيدة فانا استسمحك ان لايكون في خاطرك شي لأني صريح دائما في

وجهة نظري وعسى صراحتي ماتفقدني اخت بحجم جواهر.


تحياتي


اخوكي/ابو يزيد

[جواهر]

تسلم موج البحر

وقصايد الخيانه بدت تشتغل


تحياتي .

[جواهر]

الاخ بو يزيد

هلا وعليكم السلام والرحمه

والظاهر ان طلال قصته مع البنت

انه حبها وهي شافت نفسها عليه وبدات تتغلى والمسكين يبلع

من الهموم ويصبر على المر لحد مانفذت طاقته

انا اقول شكل قصتهم كذا


اربع سنين وانا متحمل تغليك
.
.
قبل توريني الحسايف بوريك

التناقض هنا يابو يزيد بالعربي ورته الحسايف بالاربع سنين

وهو توه يصحى " العشق اعمى قليبه " وبعد ماصحى بيشوف شغله فيها
\nياللي زعلت أزعل ولا ني مراضيك
.
.

وخليتني واليوم والله لخليك

ياللي زعلت ... وخليتني " هي السالفه زعل ولا هجران"
شي طبيعي لما احد يتركك اكيد راح تتركه

واستخدامه لاسلوب الدعاء من شي بقلبه
بس ارجع واقول معقوله مافهمها ولا حس انها ماتبغاه بالاربع سنين

على قولتك الحب من طرف واحد

على العموم يابو يزيد مانبي نطول عليك
وانا اقدر وجهة نظرك واحترمها ومافي شي يزعل بالموضوع
وكل شخص حر بانه يعبر عن اللي في داخله ناحية اي موضوع

تسلم لنا يابو يزيد ويعطك الف عافيه

تحياتي .

[برزان]

الاخت العزيزة جواهر
,
اختيار موفق ومشاركه جيدة
والله يكفينا جميعا شر الخيانه والخونه
,
والسلام