--(برق النفود)-
16-09-2003, 02:27
بسم الله الرحمن الرحيم
ابي ابشر كم بشارة ماعقبه بشاره
الا وهي اني رجعت << هاذي البشارات والا بلاش :D
الوكاد ادري اني ابطيت عليكم شوين وانا اهنيكم انكم قدرتو ا تصبرون وتمضون ياما ارجع :D<<< مايشوف من القاع شين <<< شين والا سين
عاد انا ابي اعلمك كمكافئتن لكم ليه ابطيت <<< ياحضناهيييه هيييه
هذا طول الله اعماركم جميع توي شارين لي لي كمبيوتر جديد الفيد هذاك اللي تقل شنيطه
اسيود ماعندك احلى منوه وتخبرون هو عاد الله يقطعوه حساس ادناة ماخربوه وانا عاد ذال لا اخربوه لانه غالي
وداسوه بالدكه دافنوه بالبطحى عن الوغدان وكل يوم اكتب بوه سطر وادفنوه وتوي اقضي
وفيه علوم ثانيه بعد صارت منهن غيرت كفرات موتري وجارنا ابو محمد شرى لولده سياره والعلوم واجد ولا ودي اطول عليكم << لا لا عادي :(
نجي عاد للفلم
نفود لا يتننق موفز كمبني
تقدم
(قصة ضياع محيميد )
بطولة الفنان الكبير :حيميد ولد ابو محيميد
والفنانه الكبيره : فتحيه يفتح الله
والخباز الكبير : انور خان <<< الخباز هذا جابه برق ( يعني دخل بالواسطه )
والمخرج الكبير جدا جدا : انا برق النفود
البدايه
في صباح ذلك اليوم البديع وعندما كان العصفور يوغدزو فوق الطلحه فرك العصفور
منفزعا عقب ما سمع صياح وهنوصة وتويلا جايا من بيت ابو محيميد وانفتح الباب
على صفقتيه وخرج محيميد وهو مطسس ويفرك ظهره بيديه عقب مامحطه ابوه
بالشوحط لانه ماقام يصلي الفجر (يستاهل ) <<( يخبر ياما وياما )
8
8
والله يها المقدمه تبي تغطي على قصص نزار قباني <<<< (السفيه مايدري ان نزار قباني قصّاد )
الوكاد ان محيميد توجه يم انور خان الخباز اللي بحارتهم وكا العاده الطلب المعهود
طلب محيميد اثنين عدس وثلاثه فول واربعة اريل خبز <<< (هذي اللي يقاله مصداقية الكاتب ) .
((على فكره انور خان دور البطوله بها الفلم لانه حلقة الوصل بين محيميد وفتحيه ))
وبعد ما خذا محيميد الخبز والفول قام بعمل حركه بهلوانيه نتج عنه ايصال الرساله اللي
تاخر على الصلاه بسبته لانه كان سهران يكتبه الى يد انور خان اللي تبي تاصل عقب
ذلك الى يد فتحيه
طريقة توصيل الرساله الى فتحيه :
يقوم انور خان باخذ عجينه وفردها وتزيينه ويقظب الرساله ويحطه فوق العجينه
ويجيب عجينه ثانيه ويغطي الرساله به ويقوم بخبز الخبزه تميز ( لانه اغلض )
ويكثر السكر ويجي مصطفى ( اخو فتحيه )وياخذ خبز ويدس انور خان الخبزه
اللي به الرساله مع خبزهم واول ما ياصل البيت تكون فتحيه عند الباب تخمش
الخبز وتقطعه ( عاد تخبرون هم وذفين يقطعون الخبز بسكين ماهم مثلنا نعلتسه على كبره )
وتلقى الرساله وتقراه وليا منه قرته وقظت تاكل الرساله علشان تخفي معالم الجريمه
( لو تجمع القراطيس اللي ببطنه يسون له دفتر ابو ميه )
وهذي حركتهم كل ماهاذا فتحيه تفطر قراطيس واذا حالفه الحظ مره وصابه
عسر هظم احلى واحلى لان محيميد توظف سكورتي بالمستشفى وتكون فرصه
تشوفه ويشوفه لا ن اول لقاء كان بالمستشفى <<( حب من اول مغص )
عاد مالكم بالطويله نهج محيميد اكا النهار عقب الدوام يم ابوه عند الغنم وفاتحه
بموضوع عرسه على فتحيه وتخبرون انتم زيك هذولنك اللي يصيرن بالافلام
يصلفقوه ابوه ويروح للبيت يعوي من البتساء الخ الخ ..
ومن باتسر قرر محيميد انه يخطف حبيبته على حصان ابيض وينحاش به
(لاكن لعدم توفر الماده استغنى المخرج عن الحصان الابيض واكتفى بددسن بيضا)
وهو يجي محيميد وهو يكتب اكا الرساله يعلم فتحيه بتفاصيل خطة الهروب الكبير
وهو يشمعه بباتكس وهو يعطيه انور خان الوكاد ان الرساله وصلت ليد فتحيه وهي
ترسل له الموافقه المتفق عليه اللي هي توليعة لمبات السطح ولو هي مطفيتهن
تسان دري محيميد انه مهي موافقه
تنفيذ عملية الهروب :
اول جزو من الخطه تقوم فتحيه وتشرب أي منظف (كلوركس ، ديتول ، شامبو ، أي شي يجيب التسمم )
علشان تتسمم ويرقدونه بالمستشفى ويجي محيميد على الددسن البيضا ويخطفه
والباقي معروف عاد << متعاجس لا يكتب الباقي
الوكاد جت حزة التنفيذ قامت الخبله فتحيه وشربت علبة كلوركس كبير
وهي تشول بكراعه << يعني فطست
وبدال ما تروح للمستشفى باسعاف راحت للمطار بتابوت
نهاية الفلم
محيميد يدوج بالشوارع بعز القايله حافي يجمع قواطي الببسي الفاضيه عقب ما فصلوه
بسبب حالته النفسيه
الفائده من الفلم
الحـــــــب اقـــــــــشــــــــــر
مع تحيات المخرج
--(برق النفود)-
ابي ابشر كم بشارة ماعقبه بشاره
الا وهي اني رجعت << هاذي البشارات والا بلاش :D
الوكاد ادري اني ابطيت عليكم شوين وانا اهنيكم انكم قدرتو ا تصبرون وتمضون ياما ارجع :D<<< مايشوف من القاع شين <<< شين والا سين
عاد انا ابي اعلمك كمكافئتن لكم ليه ابطيت <<< ياحضناهيييه هيييه
هذا طول الله اعماركم جميع توي شارين لي لي كمبيوتر جديد الفيد هذاك اللي تقل شنيطه
اسيود ماعندك احلى منوه وتخبرون هو عاد الله يقطعوه حساس ادناة ماخربوه وانا عاد ذال لا اخربوه لانه غالي
وداسوه بالدكه دافنوه بالبطحى عن الوغدان وكل يوم اكتب بوه سطر وادفنوه وتوي اقضي
وفيه علوم ثانيه بعد صارت منهن غيرت كفرات موتري وجارنا ابو محمد شرى لولده سياره والعلوم واجد ولا ودي اطول عليكم << لا لا عادي :(
نجي عاد للفلم
نفود لا يتننق موفز كمبني
تقدم
(قصة ضياع محيميد )
بطولة الفنان الكبير :حيميد ولد ابو محيميد
والفنانه الكبيره : فتحيه يفتح الله
والخباز الكبير : انور خان <<< الخباز هذا جابه برق ( يعني دخل بالواسطه )
والمخرج الكبير جدا جدا : انا برق النفود
البدايه
في صباح ذلك اليوم البديع وعندما كان العصفور يوغدزو فوق الطلحه فرك العصفور
منفزعا عقب ما سمع صياح وهنوصة وتويلا جايا من بيت ابو محيميد وانفتح الباب
على صفقتيه وخرج محيميد وهو مطسس ويفرك ظهره بيديه عقب مامحطه ابوه
بالشوحط لانه ماقام يصلي الفجر (يستاهل ) <<( يخبر ياما وياما )
8
8
والله يها المقدمه تبي تغطي على قصص نزار قباني <<<< (السفيه مايدري ان نزار قباني قصّاد )
الوكاد ان محيميد توجه يم انور خان الخباز اللي بحارتهم وكا العاده الطلب المعهود
طلب محيميد اثنين عدس وثلاثه فول واربعة اريل خبز <<< (هذي اللي يقاله مصداقية الكاتب ) .
((على فكره انور خان دور البطوله بها الفلم لانه حلقة الوصل بين محيميد وفتحيه ))
وبعد ما خذا محيميد الخبز والفول قام بعمل حركه بهلوانيه نتج عنه ايصال الرساله اللي
تاخر على الصلاه بسبته لانه كان سهران يكتبه الى يد انور خان اللي تبي تاصل عقب
ذلك الى يد فتحيه
طريقة توصيل الرساله الى فتحيه :
يقوم انور خان باخذ عجينه وفردها وتزيينه ويقظب الرساله ويحطه فوق العجينه
ويجيب عجينه ثانيه ويغطي الرساله به ويقوم بخبز الخبزه تميز ( لانه اغلض )
ويكثر السكر ويجي مصطفى ( اخو فتحيه )وياخذ خبز ويدس انور خان الخبزه
اللي به الرساله مع خبزهم واول ما ياصل البيت تكون فتحيه عند الباب تخمش
الخبز وتقطعه ( عاد تخبرون هم وذفين يقطعون الخبز بسكين ماهم مثلنا نعلتسه على كبره )
وتلقى الرساله وتقراه وليا منه قرته وقظت تاكل الرساله علشان تخفي معالم الجريمه
( لو تجمع القراطيس اللي ببطنه يسون له دفتر ابو ميه )
وهذي حركتهم كل ماهاذا فتحيه تفطر قراطيس واذا حالفه الحظ مره وصابه
عسر هظم احلى واحلى لان محيميد توظف سكورتي بالمستشفى وتكون فرصه
تشوفه ويشوفه لا ن اول لقاء كان بالمستشفى <<( حب من اول مغص )
عاد مالكم بالطويله نهج محيميد اكا النهار عقب الدوام يم ابوه عند الغنم وفاتحه
بموضوع عرسه على فتحيه وتخبرون انتم زيك هذولنك اللي يصيرن بالافلام
يصلفقوه ابوه ويروح للبيت يعوي من البتساء الخ الخ ..
ومن باتسر قرر محيميد انه يخطف حبيبته على حصان ابيض وينحاش به
(لاكن لعدم توفر الماده استغنى المخرج عن الحصان الابيض واكتفى بددسن بيضا)
وهو يجي محيميد وهو يكتب اكا الرساله يعلم فتحيه بتفاصيل خطة الهروب الكبير
وهو يشمعه بباتكس وهو يعطيه انور خان الوكاد ان الرساله وصلت ليد فتحيه وهي
ترسل له الموافقه المتفق عليه اللي هي توليعة لمبات السطح ولو هي مطفيتهن
تسان دري محيميد انه مهي موافقه
تنفيذ عملية الهروب :
اول جزو من الخطه تقوم فتحيه وتشرب أي منظف (كلوركس ، ديتول ، شامبو ، أي شي يجيب التسمم )
علشان تتسمم ويرقدونه بالمستشفى ويجي محيميد على الددسن البيضا ويخطفه
والباقي معروف عاد << متعاجس لا يكتب الباقي
الوكاد جت حزة التنفيذ قامت الخبله فتحيه وشربت علبة كلوركس كبير
وهي تشول بكراعه << يعني فطست
وبدال ما تروح للمستشفى باسعاف راحت للمطار بتابوت
نهاية الفلم
محيميد يدوج بالشوارع بعز القايله حافي يجمع قواطي الببسي الفاضيه عقب ما فصلوه
بسبب حالته النفسيه
الفائده من الفلم
الحـــــــب اقـــــــــشــــــــــر
مع تحيات المخرج
--(برق النفود)-