يالابة الشمّرية

[أم نــــــــــواف]

سلام أغلى من معاميل ودلال=من إختكم يالابة الشمّريه

إن كان بالشعّار مخطي ودجّـال=شعّارنا مايشاف منهم رديّه

صغيرهم يسوى ثمانين رجّـال=وأفعالهم ماتصيغها الأبجديه

اليادخلت المنتدى ملت بالحال=لمضايف الأشعار غصب عليّه

من يلعب القيفان يبشر بترجال=هديِّة مامثلها من هديّه

نقهوي الضيفان ببهار فنجال=ونسامر اللي مساهر السرمديّه

لاصار قاف وصاحب القاف رجّـال=من الطنايا لابة الأجوديه

هوايتي بالشعر طرحٍ وتسجال=أكتب بيوتي وآتحرى اللديّه

ياناشدٍ عن حال..ماتدري الحال=وش صابها عقب المطر وبرديّه

تهيضت والدمع من موقها سال=وضلوعها عقب اليبوسه طريّه

تعزمت تصلبت كنها الجال=بعرض الرعيله ماتهاب المنيّه

يالله يالمعبود ياراحم الحال=ياللي عبادك يحترون الجزيّه

تنظر لناس ماتخطّو بتعجال=ومن يرجي الرحمن جته العطيّه





أم نـــــــــواف

[ديمــــه]

صغيرهم يسوى ثمانيـن رجّـال وأفعالهم ماتصيغهـا الأبجديـه




.....
صح لسانك وسلمت يمناكِ على هذي القصيده الأكثر من رائعه
والله لا يحرمنا من جديدك..
........
كلمات تعبر عن مجمل الأحاسيس الرقيقة
اسلوب رائع

فلا عدمنا هذا القلم
ولا عدمنا صاحبته

تحياتي

ديمه

[ضحوي الاسلمي]

حي الحروف اللي لفتنا على الحال=وحي القصيد وحي عطره وحيه
يامرحبا ياشاعره كثر الافعال=اللي لشمر كاسبين الطنيه
ويامرحبا كثر المطر لااهمل اهمال=لامن روى ذيك الفياض العذيه
ويامرحبا كثر المسافه والاميال=بين السماء والارض واكثر شويه
حياك يابنت النشاما والابطال=بنت الكرم والطيب واهل الحميه
جيتي مع ابيات ٍ ثمينات وجزال=والشعر عندك كامل الوازنيه
القاف والمعني كما حلو الامثال=زيه قليل اللي هالايام زيه
ياشامخه كنك كما شامخ جبال=ضلع ٍ صمد يوم السنين الرديه
والا كما نجم ٍ على الضلع بالعال=بين السماء يشر على الكون ضيه
ياشاعره ضاعت حروفي والاقوال=في وسط شعرك فرحة ٍ في مجيه
ايه الشمالي غير لاميل عقال=وانا شمالي شمري للمنيه
افزع الىمن الزمن صار ميال=لذاك الخوي ابقى خويه خويه
وانتي لفيتي ياهلا عد الافعال=اللي لشمر كاسبين الطنيه



ام نواف انتي مكسب وربي لمضايفنا
الف هلا بحضورك...
وصح الله لسانك ملاييييييييين

..


اخوك
ضحوي االسلمي

[ابو غازي]

تسلمين
ثم تسلمين
ثم تسلمين
إختي أم نواف
ياحلوها والله من مصافحه دام هطولك شاعرتنا
وصدق اخوي الشاعر القدير ضحوي بماقال أم نواف إنتي مكسب وربي لمضايفنا
الف هلا بحضورك
وصح الله لساااانك ملاييييييييين
ولايفوتني ان اشكر اخي الغالي ذيب ااالشعار
الشاعر القدير ضحوي الأسلمي
على هذا الرد االرائع الذي تستاهله شاعرتنا أم نواف
صح لسااانك اخي الف

[فايز الشمري]

قال الذي يطيب قوله الياء قال=شاعر ويختار البيوت العذيه

مثايل(ن) قامت تلاطم وتنهال=ناخذ جزايلها ونترك رديه

أهلاً هلا والف سهلا ماله أشكال=ترحيبة(ن) من( ذيب اجاء) شمريه

ترحيبة(ن) عداد مامطر وماسال= مثل العسل يابنت وأحلى شويه

حياك يابنت النشاما وألابطال=ياللي لفيتي بالبيوت الوفيه

مثايلك لك ينشرح ضايق البال=ومضايف الابطال بك واهنيه

ابو عذاري ماترك شي ينقال = أوفاء الكلام ولا ترك لي بقيه

لاشك لك مني قبل ختم الاقوال= أزكى السلام العذب وأجمل تحيه

فايز البراهيم

[بشير اللويش]

اختي العزيزيه


ابداع


وقصيده اكثر من رائعه


صح لسانك وشرفتينا بحضورك

فعلا استبشرنا بمقدمك الخير

......

وشكرا لاخواني

ابوعذاري

وفايز

كفووووو والله

صح الله لسان الجميع

عذرا على التاخير بالرد


تقبلوا تحيات اخوكم الصغير

الراسي

[جوهرة شمـــــر]

أختي..... ام نواف

تعجز كلماتي ان تصف هذا الشلال المتدفق
انه احساس فريد في شاعره متمكنه طوعت الكلمه فجعلتها تلامس مشاعر الاخرين


تقبلي أحترامي

أختك/ جوهرة شمر

[نزهان الأسلمي]

أختي واحترامي / أم نـــــــواف


وبدون مجامله ومبالغه

لا استطيع ان اكتب شي ابدا

ولاكن انسسسسسسسسسخ


إن كان بالشعّار مخطي iiودجّـال شعّارنا مايشـاف منهـم iiرديّـه

صغيرهم يسوى ثمانيـن iiرجّـال وأفعالهم ماتصيغهـا iiالأبجديـه


كلمات كلمات كلمات وبمعنى كلمات

وشاعره مبدعه رائعه قويه

شاعره تنكسر رؤؤس الاقلام عند شكرها

وتنحني اصابع الكتّاب للرد عليها

شاعره ارى فيها قمّة الذوق والكلمه

تنحت لنا هنا اسم لا نستغني عن تواجده

نعم مكسب لنا بشرف الأخوّه والمصداقيه

الف هلا ومسهلا بالتواجد اللامع معنا

فننتظرك دائما دائما

===========================================

[أم نــــــــــواف]

تسلمين ديمه


والجميل هو هذا التعقيب الذي نقشته لي


وشكرا لكل كلمة أهديتني إياها



ولا نخلا إن شاء الله

[أم نــــــــــواف]

أهلا بك مشرفنا ابو عذاري

والمكسب هو لي بالإنضمام لكوكبتكم


وإليك ردّي والعذر والسموحه طال عمرك ..




ميّل عقال وقال .. حيّ الذي قال=الأسلمي بالطيب لا واهنيّه

هلّت حروفه بالقصايد تهمّال=وبلٍ على طول السنه بالحويّه

صايغ حروفه دال ومن عقبها ذال=ومرتب الأشعار ميه بميّه

هلا هلا ياشيخ .. ياواف الأقوال=حييت ياللي تنتخيك الخويّه

كم جادلٍ بالقاف تفرح وتختال=وأنا مع الاشعار بركب مطيّه

شبّيـت نارك والقهاوي على الجال=ودنّيت نجر لراكبين العبيّه

لاصرت بالريضان وسال الذي سال=وسبّحت ربك بالضحى والعشيّه

وهيّضت عذب القاف حكي بتمثال=وغنّيتها بالصوت كالسامريّه

وأبعدت عن..حاسد وفاسد ومحتال=وأرويت نفسك من علوم نديّه

وجلست مابين العمومه والأخوال=ونسيت همٍّ مطوِّيته الحِنيّه

حبيت اصوّر صورة ٍ كنها الفال=يافال يافوّال جبت اللديّه

يامشرفٍ للشعر ماتبدي إهمال=نفسك مع الضيفان نفسٍ رضيّه

جتنا الحروف أصفى من زلال بزلال=ومعصفره كالسمن وسط النحيّه




أم نــــــــــواف

[أم نــــــــــواف]

تسلم

تسلـــم

وتسلــــــم مليون أخوي أبو غازي


ويصح بدنك إن شاء الله


ومثل ماقلت لأخوي ابو عذاري بأن المكسب هو لي وربي


فلك منّي كل الشكر المعطر برائحة الخزامى ..


أم نــــــــــواف

[أم نــــــــــواف]

هلا هلا بالذيب مندور الأشكال=سلامكم مسطور عندي هِنَيّه

أشعارنا ماهي موازين تنكال=ولاني مدوِرةَّ العدد ألف ميّه

ابو عذاري قال وبقولته طال=وطولاتكم ياعيال عمّي مديّه

وأنا بقول وقلت والشعر ينقال=لمثلكم دامي بي الروح حيّه

لي الشرف أختٍ لفرسان وأبطال=ولي الشرف ينقال لي ضيغميّه

ياذيب أجا ياصايغ القاف شلاّل=شلاّلكم حرّك بدمي حميّه

وردّيت بيتي من الحنايا على الآل=وأهديتها لك وتستحق الهديّه

ماهمني حكي التمسخر وجنجال=أهوى القصايد والعلوم القوّيه







أم نـــــــــــواف

[أم نــــــــــواف]

أخوي بشير اللويش


يصح بدنك إن شاء الله


وتعقيبك على قصيدتي هو تكريماً لها


فمليون شكر مع مليون تحيه أخوي


أم نــــــــــواف

[أم نــــــــــواف]

الإحترام متبادل جوهرة الشمال


ولك منّي كل المحبة والتقدير


وأشكرك على كلماتك اللطيفه


وتشجيعك لأخت لك .


وتسلمين مليــون



أم نــــــــــواف

[أم نــــــــــواف]

أخوي نزهان


إن المجامله لو دخلت من النافذه لهربنا من الابواب


ولا ارى هنا مجاملة تذكر بدليل أنه ليست كل القصائد تلقى الردود المناسبه


وأنا بالنسبة لي لن يرضخ قلمي بالتوقيع تحت اي قصيدة مالم تلمس بي شيئا


وأتوسم هذا بكم ايضا ولذا عدت إليكم اخي


فصدقني نحس بالشخص الصادق والمجامل


وكلماتك يتضح لي بجلاء مقدار مصداقيتها


وأعتز بها من أخ لي في مضايف العز


وعلى النور والنقاء والإحترام نجتمع


ولك مني كل الشكر


أم نـــــــــواف

[ضحوي الاسلمي]

ام نواف
فقط انا هنا لأكرر ترحيبي...


لاذعذع النسناس وانزاح ولوال=شديت قافي باللحون السجيه
واسرجت فكري في تشاكيل موال=ونثرت شعري غيمة ٍ عقربيه
ارسل قوي القاف لعيون من قال:=( الاسلمي بالطيب لاوهنيه )
ارسل ولاهمي من الناس قوال=مرفوع راس وماعرفت الدنيه
انا كذا يومي صغير ٍ مع اطفال=وابقى كذا وهناك والا هنيّه
يابنت ياللي جيتك تشرح البال=ماهي مثل جيات هذي وذيّه..!!
ابحترم واعلن على الكل الاجلال=واشكر حروفك والبيوت البهيه
ياللي هلك بالمجد قول ٍمع افعال=الوقت يشهد مجدهم بااوليه
ياللي هلك بالطيب بانين تمثال= والا جهلكم ناس والله غبيه
يابنت يابنت الذي طيب الفال=فرحة قدومك حيل والله قوووويه
لو طال معك الشعر لو طال.. لو طال=زيادة فخر تبقى لشعري و ليّه
مدامني يمك على القاف رحال=هذا يشرفني ولاهو خطيه
يابنت ياللي جيتك تشرح البال=ماهي مثل جيات هذي وذيّه

[فايز الشمري]

لي عودة هنا

[القنياوى]

السلام عليكم ورحمة الله وبركاته:
انتى مكسب لهذا المضيف ،وقصائدك تدل على ذالك 000000

دوما ننتظر منك المزيد ،وارجو ان تتحفينا بقصائد وجواهر تحرك فينا الملكه

الشعريه ،وعساكى دوم على القوه000000

وكم نحن بحاجه الى شاعرات بحجمك وشا عريتك

تقبلى منى اجمل تحيه

[فايز الشمري]

وهاهي عودتي هنا



حل المجال وصار للشعر مدخال= وتفتحت بيبانه الداخليه

تكسرت بيبان شعري والاقفال= وهاضن علي كل البيوت العذيه

واخترت من شعري سمينات وجزال= انقى فرايدهن واخلي رديه

لو توزن الاشعار بجنيه وريال= شريت من عمان لاقصى الحويه

وملكت من طنجه ليادار نيبال= وغرست فيهن زهرتن سوسنيه

ولو ان بالاشعار تجرات واموال= اغنيت ناسن يطلبون العطيه

وصدرت من شعري تصانيف واشكال= وصممت فيه اللوحة الهندسيه

لكن يجي للشعر رغبات واحوال= وفيه الوناسة فوق بسط احمديه

يابنت ماحدن على الشعر موال= ولاشدني فيه الحروف الخفيه

يلعب طرب غصن الشجر عند ما مال= لو العواصف يوم هبت قويه

بين الهبايب غرد الطير مختال= يملى الحدايق بالهوى قابليه

والناس به ناسن مع الناس تجتال= على سنع والا تدوس الخطيه

والحال لو ماحال من دونه احوال= ماياصلون اهل العزوم الونيه

واللي يمل من السفر بعد ما طال= قصده صعيب يحصله في يديه

ولو يستوي بالناس عاقل وجهال= ماصار للعاقل بربعه مزيه

والمال متعه والشرف روس الاموال= والعز جاه وعزوتي شمريه

وان كان للعقده مفارص وحلال= ((سلمى)) لياطريناه ماله سميه

يوم المعارك بين الاقفا والاقبال = تختال بين البيض 0باهل الحميه

وتبقى القصايد تشرح الصدر والبال= ناخذ بها سجات نفسن شقيه

فيكم زهت كل المعاني والامثال= ونظم القوافي ماخذيته عريه

فايزالبراهيم

[فلاح العماش]

أختي الشاااعره



أم نواااف



أولاً ........./




حياك الله بين أخوانك وخواتك



وأنتي راااعية محل قبل كل شيء






ثانياً ........./




صح الله ألسااانك على القصيده الأكثر من راااااائعه




وبأنتظار جديدك وأبداااعك





وصح الله ألسااااااان الشاعرين الراائعين .../



أبو عذاري و فايز البراهيم







وألف شكر للجميع



أخوكم



فلاح العماش

[أم نــــــــــواف]

أخـوي أبو عذاري

أهلا بك وبترحيباتك ..





حييت ياللي تلحق الطيب بهبال=وهبال شمّر بالكرم مهمهيّه

ماهي مسبّه..مدح ياطيّب الفال=يامكرر الترحاب والمرحبيّه

قصايدٍ مابه تغاميز الأنذال=ولابه من السيّات سيّه وسيّه

بياضكم برّاق ويشادي اللاّل=وبياضنا معروف شمس نقيّه

من شوّش الأشعار بأصوات وسعال=قصده يعذرب صافي المي زيّه

إنتم كذا من يومكم كنتو اطفال=وحنا كذا من يومنا للمنيّه

أضحك واسولف شعر مابيعه بمال=دوكم قصايد سالكات قفيّه

سلم بدويّه معودينه بترحال=ولاجيت للحضران صرت حضريّه

ماني من اللي عارفينه بخلخال=ولاني من اللي ضحكته كهكهيّه

أنا عريبة جد مطنوخة الخال=وابوي شيخ مشيخيه رعيّه

لا لاتهاب القال وإلاّ التقلقال=وش عرّف الجهيّل بالشاعريّه

لنا الشرف نكتب على كل الاشكال=وأبو عذاري كلمته معدنيّه

مامعدنه معدن ربوِّين الأدغال=ذيب النفود وكايداتٍ عِويّه







أم نــــــــــواف

[أم نــــــــــواف]

أخوي الكريم القنياوي


أهلا بك وبتعقيبك


ويزيدني شرفا تفاعلكم


وعساك على القوة

[أم نــــــــــواف]

أخوي فايز البراهيم

( ذيب أجــا )


كفو والله

ويكفي ابياتي أنها أثمرت لنا قصائد رائعه منكم




ولي عودة محملّة بالرد ..

[أم نــــــــــواف]

أخوي فلاح العماش


تسلم على ترحيبك


وتتويجك لقصيدتي بهذه الكلمات


وعسى الله يقوينا ويقويكم



وشاعرينا العملاقين أبو عذاري .. وفايز البراهيم ماقصروا ماشاء الله عليهم



ومشكور ..

[سنجار]

ام نواف

صح لسانك

على الأبيات الرائعه

و

اجمل ترحيب بتواجدك

معنا في هذا المنتدى

اخت عزيزه لها كل معزه وتقدير وأحترام

وانتي مكسب لنا وللشعر

سلمت يمناك على الأبيات التي كلها شموخ

وصح لسان ابو عذاري وفايز البراهيم

فعلا أستمتعنا بهذه الأبيات وهذه المساجلات الشعريه

والف شكر للجميع

[أم نــــــــــواف]

أخوي فايز البراهيم

شكرا لتواصلك

ولك وللأخوة الأعضاء والزوار هذه المشاركه




عينٍ تخيل خيال وخيال وخيال=وهلّت قريحة شعرنا الباطنيّه

وتفتحت بيبان ماهي على البال=بأسباب منهم شعرهم به مزيّه

ياذيب أجا صفّيت سنعات الأمثال=بعشرين بيت حسنها كالخليّه

يافايز ابراهيم ماصغت الإهزال=وأبيات شعرك كلها واقعيّه

غربلت حرفك يالسنافي بغربال=ومابه من الشوبات لو هي شضيّه

لله درّك ناسج الصوف بحبال=وحبالكم ياعيال عمّي قويّه

الله عليكم من صناديد وعيال=عيال الطنايا كاسبين القضيّه

ربعي مع الخلاّن زينين الافعال=وإلا مع العدوان نارٍ لظيّه

متوارثين الطيب بأجيال وأجيال=ونسوانكم بالطيب ماهن شويّه

إخت الرجال مساندتهم بالأعمال=مشجعتهم موميه في يديّه

تدعي لهم لاشدّت الحرب بقتال=وتزغرد الافراح لاجو تحيّه

ماظن باب الشعر يوصد بالأقفال=ومن يوصده بالقفل يكسب خطيّه

أركب لعين الشعر بخيول وجمال=وأغوص بالغبّات لو هي عصيّه

ولو أمشي الاشعار بأميال وأميال=مامن تعب دامي مع الناس حيّه

ولو يبتدون الناس يبدو التملمال=ماملّ منَّـه كود يِنقَد عليّه

قصايدٍ من عطرها يطرب البال=وعطوركم بالوصف كالعالميّه

دار النشاما ياعسى دروبه سهال=دار لأهل برزان ماهي خفيّه

اجا وسلمى كلهن فيهن ظلال=وغيره مناطق نستوي به شِويّه

يالله ياللي مرسي الارض بثقال=يامنزّل القرآن بوحي لنبيّه

يالله يامعبود يامسامح الزال=تغفر لمن يخطي معك لو خطيّه








أم نــــــــــواف

[أم نــــــــــواف]

أخوي سنجار


تسلم ويصح بدنك إن شاء الله


وكلّي شرف بالإنضمام إلى شعراء وشاعرات مضايف العز


ونحن يد واحده بعون الله


ولك مني كل الشكر على كلماتك

[ابو خالد الجربا]

هوايتي بالشعر طرحٍ iiوتسجـال ... أكتب بيوتـي وآتحـرى iiاللديّـه

ياناشدٍ عن حال..ماتدري iiالحـال ....وش صابها عقب المطر iiوبرديّه

تهيضت والدمع من موقها سـال ..... وضلوعها عقب اليبوسه iiطريّـه

:::::::::::

شفت الذلول اللي بلا خرج وعقال ... وضحى تهزع فوق راس الثنيّة
وضحى تلفت بين عشرين خيال ... ما فيهم اللي يتقي عن خويّه
يا شفتها بين المصادير تختال ... تقول هذي لنيا صيعريّة
عرفتها في وسمها ياهل الفال ... من لابة سعد الخوي ضيغميّة
قبلٍ تفلا عندنا لكن الحال ... تغيرت مادري علام النديّة
مادري السبب هو وادي الشعر ما سال ... ولا ارضنا ياناس ماهي مريّة
دنياك مادامت لذربين الافعال ... اللي فعوله للورى فاخريّة
واللي يحفر الكهف في زين الاقوال ... تبقى فعوله كلها يوسفيّة
لو غادرت وضحى عن العم والخال ... نلقى مكانه في حيا العاذريّه



اخوكم

[المشرف العام]

ويامرحبـا كثـر المسـافـه والامـيـال
بين السماء والارض واكثـرشويـه
-----------
حياك يابنـت النشامـا وألابطـال
ياللـي لفيتـي بالبيـوت الوفيـه
----------
.
اختنا : ام نواف
الحمد لله على سلامة عودتك لنا ..
وحياك الله بين اخوانك وأخواتك
.
قالوا فرسان القوافي وأجادوا ، وصح لسانكم جميعا

احترامي وتقديري لكم .
اخوك/
ابو سلطان

[أم نــــــــــواف]

هلا هلا بالذيب ياطلعة هلال=بأول شهر كلٍ تحرّى مجيّه

تلمع ومن يلمع على الراس ينقال=نجم بسمانا ساطعات ضويّه

وزنك ثقيل ومايعادِلك مثقال=ولاشك كلٍ خابر وش خويّه

تكتب يمينك وتسند يمين بشمال=وتبدع قوافي كلّها جاذبيّه

وشِـعَّارنا الباقين عالٍ على عال=كلٍ بديع ويستحق التحيّه

خالد عساه يكون فارس وخيّال=ونوّافي اللّي مرضيٍ والديّه

عمّمت أخاف يقال وش ربَّط حبال=وقصيدة الضبعان شبَّت عليّه

وعمّمت أخاف إن الخطا يشغل البال=وأخاف أضايق شاعر النرجسيّه

وبنجدد الأشعار جزلات وطوال=ومن قدّم المردود يبشر بزيّه







أم نــــــــــواف

[أم نــــــــــواف]

هلا بك أخوي المشرف العام


وقصايدنا لها الفخر أن تنال توقيعك أسفل منها


فهو كوسام نعتز به


وشعراءنا ماقصّروا الله يخليهم


وشكرا

[ssss_ksa]

ياهلا فيك انورة المضايف اختي ام نواف بين اخوانك واخواتك في مضايفك

صحيح الترحيب جاء متاخر لاكن السموحه يالضيغميه

وياهلا فيك مره ثانيه

[تركي ثنيان]

ياشاعره ضاعت حروفي والاقـوال
في وسط شعرك فرحـة ٍ فـي iiمجيـه
ايـه الشمـالـي غـيـر لامـيـل iiعـقـال
وانـــا شـمـالــي شــمــري iiللـمـنـيـه
افـزع الىمـن الزمـن صــار مـيـال
لـذاك الـخـوي ابـقـى خـويـه iiخـويـه
وانتـي لفيـتـي يـاهـلا عــد iiالافـعـال
الـلــي لـشـمـر كـاسـبـيـن iiالـطـنـيـه


عنــــــــــــــــدما تكون الحروف صـــــــــــــــادقه

والاهـــــــــــــــات انفاس مع نسمات الحنيـــــن

والذكــــــــريات نصيغها حــــــــــــروف لامعـــــه

تكـــــــون تلك هي حــــــــــــــــــــــــــــروف

ام نــــــــــــــواف


تركي ابن ثنيان

[هايس الشمري]

حياك الله يالضيغمية

قالوا الاخوان و ليس لنا بعد مقالهم مقال

فقد كفوا و وفوا

ذيب2002

[حرالشمال]

ولك منّي كل المحبة والتقدير


وأشكرك على كلماتك اللطيفه

[أم نــــــــــواف]

هلا أخوي ssss

والمضايف منوره بكم وبأشعاركم


وشكري اقدمه لكم ولكلماتكم

[أم نــــــــــواف]

أخوي تركي ثنيان

عندما تكون النفوس نقيه


والكلمات صادقه


والردود مشجعه ومحفزّه


تأكد بأن من يعقب عليك هو تركي بن ثنيان


لك كل شكري

[أم نــــــــــواف]

أخوي ذيب 2002

الله يحييك


ووجودكم هو المكسب


وتعقيباتكم أكبر حافز أخوي


وشكرا

[أم نــــــــــواف]

أخوي حر الشمال


وأنت لك مني كل الشكر


ومرحبا فيك

[فايز الشمري]

عينٍ تخيل خيال وخيال وخيال=وهلّت قريحة شعرنا الباطنيّه

وتفتحت بيبان ماهي على البال=بأسباب منهم شعرهم به مزيّه

ياذيب أجا صفّيت سنعات الأمثال=بعشرين بيت حسنها كالخليّه

يافايز ابراهيم ماصغت الإهزال=وأبيات شعرك كلها واقعيّه

غربلت حرفك يالسنافي بغربال=ومابه من الشوبات لو هي شضيّه

لله درّك ناسج الصوف بحبال=وحبالكم ياعيال عمّي قويّه

الله عليكم من صناديد وعيال=عيال الطنايا كاسبين القضيّه

ربعي مع الخلاّن زينين الافعال=وإلا مع العدوان نارٍ لظيّه

متوارثين الطيب بأجيال وأجيال=ونسوانكم بالطيب ماهن شويّه

إخت الرجال مساندتهم بالأعمال=مشجعتهم موميه في يديّه

تدعي لهم لاشدّت الحرب بقتال=وتزغرد الافراح لاجو تحيّه

ماظن باب الشعر يوصد بالأقفال=ومن يوصده بالقفل يكسب خطيّه

أركب لعين الشعر بخيول وجمال=وأغوص بالغبّات لو هي عصيّه

ولو أمشي الاشعار بأميال وأميال=مامن تعب دامي مع الناس حيّه

ولو يبتدون الناس يبدو التملمال=ماملّ منَّـه كود يِنقَد عليّه

قصايدٍ من عطرها يطرب البال=وعطوركم بالوصف كالعالميّه

دار النشاما ياعسى دروبه سهال=دار لأهل برزان ماهي خفيّه

اجا وسلمى كلهن فيهن ظلال=وغيره مناطق نستوي به شِويّه

يالله ياللي مرسي الارض بثقال=يامنزّل القرآن بوحي لنبيّه

يالله يامعبود يامسامح الزال=تغفر لمن يخطي معك لو خطيّه




ام نواف

لله درك
لله درك
لله درك

صح الله لسانك على هذا الرد الاكثر من رائع
ومشاء الله عليك

شاعره جزله وفعلاً من كل قلبي اهني مضايفنا
بقدومك ولاكن ننتظر جديدك بشوق فلا تتاخري
على من ينتظرونك

لك مني اجمل واصدق التحاياااا وكل الوووووووود


اخوك


فايز البراهيم

[شمالية روح]

جميل شعرك ، قوته هزت جبال ** ماهو مجرد مدح يالشمريه
أجمل كلام الشعر ، لو صدقه انقال ** واقوى كلامه بالحكم ، والسجيه
بخيل شعري ، لو علا كتفه سجال ** بخيلٍ أكثر.. لاتمرد ..عليه
وش حيلته،، لا بلل بحبره رمال ،،** والشمس خاضت حرب ياهي قويه


اللي انتصر قولك على كل الاحوال ** أقبل ، ولجله جادت الشاعريه



...
توقفتُ هنا ، ولم أبرح مكاني حتى سجلتُ إعجابي بما كتبتِ .. أختي أم نواف ..
لكِ الشكر الجزيل حتى يصل إلى جمال نظمك

[موال]

صح السانك أم نواف
وحقيقه شعرك دلاله على رقي الكلمه النسائيه الشعريه
ام نواف نقول لك استمري جمهورك يرتقب كل جديدك

والله لا يهينك وحي نباك

[حليف شمر]

والله والنعم فيهم



وصح لسان القائل وتسلم يد الناقل



الله يعطيك العافية

[خلـيف الجهيلي]

ام نواف


صح لسانك على هذا الشموخ والتميز

بقلمك الرااااااائع


كل الشكر والتقدير

يا أم نواف


تحياتـــــــــــــي



اخوك

خليف الجهيلي

[نواف السويــدي]

اللــه عليــكـــم 00


ومن اقول 00ومن أخلــي 00


من الالف لليـــاء 00جميعا ً 00


سطرتوا لنا لوحة وفـــــــــــاء وســـــمـــو ّ اخــلاق


نعتز بتواجد كوكبتهــا هنـــا



في هذه المــضــايف التي تحمل اسما ً غاليا ً


على البعيد 00قبل القريب 00



للــــه درّكـــــــــكم 000

ودمتم مبدعين من الالــف 00لليـــاء







اخووووكم /


نـــواف الــســويـــدي