¤®§(*§ لمسة وفاء لشاعرنا// أبوعذاري §*)§®¤

[فايز الشمري]

http://www.seheb.org/sm/aa1aaallah.gif


[ALIGN=CENTER]
احبابي

السلام عليكم ورحمة الله وبركاته

سأقوم من خلال هذا الموضوع بطرح قصائد شاعرنا المبدع



http://9war.jeeran.com/aj/نجوم%20احمر.gifابو عذاريhttp://9war.jeeran.com/aj/نجوم%20احمر.gif


وهي لمسة وفاء من مضايف شمر وكل اعضاءها لكل من كتب هنا
من الشعراء وهذا الجزء الاول من هذه اللمسة الوفيه وان شاء الله
سيتواصل هذا الموضوع حتى ان يشمل كل شعراء مضايف شمر
ارجو ان اكون وفقت بهذه الفكرة وان تنال الرضاء والاعجاب
وهذا اقل مانقدمه لمضايف شمر وصاحبها الذي لم يذخر من اجلنا
جهد وهو وانتم تستاهلون كل تعب

اخوكم
فايز الشمري

http://9war.jeeran.com/aj/نجوم%20احمر.gif





كل ميزات النشاما والرجـــــــــــــــــال=وكل طيب الطيبين الغانميــــــــــــــــن
فيك ياشيخ الضياغم يا((طـــــــــلال))=يالعطيب ويالكريم ويالعويــــــــــــــن
كيف ابمدح وانت كنك كالجبــــــــال؟؟=ماتزحزح لايسار ولايمـــــــــــــــــين
يا((طلال)) العز يازين الخصــــال=يا((طلال)) المجد يالشخص الرزيــن
تشهد لقولك يمينك بالفعــــــــــــــــــال=وتشهد افعالك لناس ٍجاهلـــــــــــــــين
من عمامك ولا من كل الخـــــــــــوال=معرب ٍ واهلك شيوخ معربـــــــــــين
يانسل من طيبهم اصبح مثــــــــــــــال=وراثينه من قديم وكاسبــــــــــــــــين
يانسل من سيفهم علا ّ ومـــــــــــــال=كم قطع من روس قوم ٍ معتــــــــدين
يافخر(( شمر وحايل والشمــــــال))=ياسند ربع ٍ تهين اللي يهــــــــــــــين
ياذرا يانور ياغيث وظــــــــــــــــلال=ياذخر ناس ٍ تجي لك ملتجيــــــــــــــن
من وطا رجلي اليا حد العقـــــــــــال=ومن عقالي لين اطراف اليديــــــــــن
فدوة لك.. وإن بغيت اغلا العيــــال=انت بس امرك... وحنا طايعـــــــــين
ماحداني وقت ٍ اقشـر او ريـــــــــــال..!!=يوم انا امدح حضرتك للسامعــــــــين
الاجابه واضحه بليا ســــــــــــــــؤال؟؟=واجب ٍ وصفك لكل العالمـــــــــــــين
فيك مااناقش ولاخوض الجــــــدال=انت وافي من سنين.. ومن سنـــــين
كان طيب الناس في روس الطــوال..!!=انت طيبك فوقهم نجم ٍ يبـــــــــــــــين
والله ان الشعر لعيونك هبـــــــــــــال=بس ليت الشعر يوفيك الثمــــــــــين
والقصايد غصب تخضع لك جــزال=وكانها عيت اطوعها بحــــــــــــــين
ولاعليّ من الكلام اللي يقـــــــــــال=دامك اللي ماتمد الا السميـــــــــــــن
دامك اللي بالمواقف لك وصــــــال=ترحم الايتام واللي جايعيــــــــــــــن
والعمر لو هو قصر والا إستطال=بأختصر لك منيتي في كلمتــــــــــين..!!
كان وافتك المنيه بأي حــــــال..!!=ليت موتي من قبل موتك يحـــــــــين
والعمر لو ينهدى لبعض الرجــال=والله ان عمري فدالك(( يالرزيـــن))


http://reemmoon.jeeran.com/tanseeq/t2.gif



اعضاء
وزوار
مضـــــايف شمــــــر
مســــــاء الخـــــــير
بدون مقدمات سوف اترككم...مع اخز النزف



http://9war.jeeran.com/aj/نجوم%20احمر.gif



حبيبي كل مافيني يذوب بملح همساتك=حبيبي كل احاسيسي يعشقونك..يعشقونك
مشاعر شاعري تطرب لمزحاتك وغمزاتك=وتطرب يابعد شعري عيون ٍ حيل يغلونك
حبيبي طالبك..تكفى..ابيك بكل لذاتك=ابي جنبك مثل ظلك ولابي شي من دونك
ابسهر في وسط عينك وابشرب كاس نظراتك=والى منك بغيت النوم ابي انام بعيونك
وابي اصحى بكلمة ياصبااااح الخير بشفاتك=وابي فنجال حبك والغلا إتمده جفونك
وابي اهيم بك لامن نثرت عطور كلماتك=واعيش مقابلك دنيا ينورها قمر لونك
ابي فنك وابي سحرك وابي جذاب بسماتك=حلاتك لاتخالط سحرك الجذاب بفنونك
ابسأل وش كثر ((حبي))..؟؟وابي منك إجاباتك=وابيك تجاوب بضحكه معاها..هزة متونك
عشقت الدمع بأحزانك عشقتك عند ضحكاتك=عشقت اهلك على شانك عشقت اللي يعرفونك
عشقت الوانك(( بروجك ومكياجك وساعاتك))=عشقتك في ((نقابك)) لاكشخت وبانت فتونك
قهرت.. وكل من مرك غدا مقهور صداتك=طعنت..ولارحمت بطعنتك منهم يمرونك
تعذب من يشوفك لامشيت او عند وقفاتك=وانا في داخلي ادعي عساهم مايشوفونك
بروحاتك وجياتك...بجياتك وروحاتك=اخاف الناس ياعمري يصيبونك..يحسدونك
حبيبي ماانته بعادي..!!! تجنن عند طلاتك=إذا طليت ياساتر مُنى عروقي يضمونك
تعاااااااااااال واطلب الغالي تعاااااال وهات رغباتك=فداك اللي يبي قلبك مادام ِ صرت مجنونك
وإذا ودك أوكد لك تعال وشف مساحاتك=بوسط الخافق اللي لك حلف لايمكن يخونك
لك الله صورتك عندي تذكرني بجلساتك=تذكرني واقول: شلووووون اعيش اوقاتي إبدونك
تصدق...!!! ياحياتي لاذكرتك بإتصالاتك=اقوم واتصل واطلب عسى يفتح ((تلفونك))
لانك كل ماتبطي احن لصوت نبراتك=عسى الله لايخليني بعيد ٍ واعطش مزونك
وعساني ماانحرم منك ولامن كل غمزاتك=لان عيوني الثنتين يحبووووونك...يحبوووونك




http://9war.jeeran.com/aj/نجوم%20احمر.gif




اعضاء وزوار...مضايف شمر
السلام عليكم ورحمة الله وبركاته..
لكم
نعم..
لكم
هذه الرحله المجانيه مع هذه القصيده..على متن حروفها
التي اتمنى ان ترتقي الى سحاب الرضا....منكم



http://reemmoon.jeeran.com/tanseeq/t2.gif


صدقيني مايميل القلب يمك=لو يميل بذمتي لأقطع ور يده
إنتهى معك الغرام وراح همك=ذاب في جمر الخيانه ياعنيده
كنت أحسب إن الغلا في وسط دمك=وأثرك ا للي بالغلا عني بعيده
كنت اقول إن الهوى لأجلي مهمك=وإنك اللي في هوى روحي وحيده
كنت لامنك تبعثرتي..ألمك=أجمعك حزمة فخر بِيد (ن) شديده
مايقارن فيني اقرابك وعمك=والخوال ووالدينك والبديده
بس و ين الهرج ذاك وحكي فمك !!=ضاع كنه ذاهبه والاشريده
والعهود الماضيه..ولا..لايهمك=والجروح اللي من فراقك عديده
جيت أودع يوم بيّن لي متمك=جيت أبطوي صفحتك طوي الجريده
إرحلي من عالمي وإبدون ذمك=بأختصر لك مابقى..( بجمله مفيده )
صدقيني إنجلى بالروح غمك=ولاأنتي أحزاني ولاأنتي لي فقيده
وصدقيني مايروح القلب لمك=لو يروح بذمتي لأقطع وريده





اعضاء وزوار مضايفنا

مساء الخير

مساء غير

لكم وليس للغير ...

هذه القصيده غاضبه نوعا ما ...

احببت ان تطلع اعينكم عليها .....



http://reemmoon.jeeran.com/tanseeq/t2.gif



[poet font="Simplified Arabic,4,white,normal,normal" bkcolor="transparent" bkimage="http://imagecache2.allposters.com/images/EUR/2400-4727.jpg" border="ridge,10,sandybrown" type=2 line=200% align=center use=ex length=0 char="" num="0,black" filter=" glow(color=red,strength=1)"]
أبعلن للملا حالي معك وإن كان ماودك=أنا في ذمتي مليت أجيلك وأطلب وصالك
عسى لاتكون تحسبني أخذت العهد مااهدك=ترا مابيننا عهد ٍ يقول إني أببقـــــــــــــالك
عسى وقت ٍ لفابك يبعدك عني ولايردك=وعسى طيب المقام بغيبتي بالدمع يهنـــالك
عسى لادارت الايام تحط إيدك على خدك=تلوم الكبر في طبعك وتبكي كيف ســــوالك!!
ابيك تشوف من أمسي عذاب ٍ يسعد بغدك=ابيك تصير وحداني..

[فايز الشمري]

كويتيه..




http://reemmoon.jeeran.com/tanseeq/t2.gif




قبل ماتقلع الرحله رحلت لعالم ثانـــــــــــي..!!=رحلت لكوكب اخر وشفت الموت بعنيّه
رحلت وكني المذهول بدون إدراك ماجاني=رحلت وكني اللي راحل ٍ بااحلام ورديه
مع اللي شفتها صدفه تناظر كن تحدانـــــي=تحداني وأنا ادري رابحه مليووون بالميه..!!
لها هيبة عقيد القوم أو الرزه لسلطانـــــي=بها كل الجمال اليوسفي.. صوره خياليه
يغطي عينها جيش ٍ على العشاق عدوانــي=على كل الملا يعلن حروب العشق إباديه
على شط الكحل شفت الهلاك وصرت غرقاني=يشيل الموج الاسود جثتي لأقصى موانيه
وحييت بقذلة ٍ مدري من أي ألوان وألواني=لها لون ٍ غريب ..وأقرب التوصيف خمريه
وبنيت بشمس ذاك الخد كثير أحلام وأماني=وذخرت بشفة الحلوه دفا وإن جت شمااااااااليه
وخضعت لعقد لولو وإنتهيت وزادت أشجاني=ونخيت بحور شعري كلها معها الهجينيه
وأنا أدري في قصيدي لانخيته دوم ينصاني=يجيني كنه أشجع من وطت بالقاع رجليه
وأنا ماكنت أحسب إني ضعيف الحكي بلساني..!!=إلين الرجل ساقتني أجيها وأصدق النيه
وصلت وقصدي أتكلم ولاأدري ويش خلاني..؟؟=أناظر.. أسكت.. أتأمل.. ببنت ٍ كن حوريه
وبعد ماخفت لاتمشي...وقبل مايفوت الاواني=نطقت وقلت: من شفتك وانا ( والله مافيّه..!!)
أبي اعرف من اي الناس منين.. من اي الاوطاني؟=ملامح حضرتك تنبي تقول إنك خليجيه..؟
من البحرين والا من قطر والا من عمانـــــي؟=من اهل دبي والا بالرياض او انكْ كويتيه..؟
دخيلك ياجمالك وووووين.. رحل بي وين ودانــــــــي=أنا طالبك تكفين إرحمي من جاك يابنيه
عطيني مثل مارب ٍ عطاك الزين واعطاني=عطاني منظر إعجابك وهذي بصمة إيديّه
لك الله وان مشيتي زاد.. قهر حالي وحرماني=واذا ودك تزيديني ( عساها ماهي بهيّه )
ولدّت بالعيون السود وقالت ووووووين تلقانــي..؟؟=انا عنك بعيده.. لاتحسب إني سعوديه..!!
ظروفي ماتساعدني لو إنك جيت لي عاني=لو إنك مشتري بعدي مع الروحات والجيه
ولكن بذكرك لامن شعاع الصبح صحاني=وبذكر كل مايرسل قمر ليل العنا ضيه
وبذكر هالمطار وموقفك كان الله أحياني=ولك مني قبل ماارحل سلامي والوداعيه
وداعيه على خير وعسى مايكون تنساني=وعلى فكره قبل ماامشي انا وحده كويتيه



انا





وحده





كويتيه..


***********


وحده




كويتيه..




**********



كويتيه




http://reemmoon.jeeran.com/tanseeq/t2.gif




قلبك اللي في غرامي مـــــــــــــادري=ليت يدري في سجين ٍبالحنايـــــــــــــــــــــــــا
ذاب قلبي والسبايب مـــــــــــــــقدري=إرحميني في حياتي بالبقايـــــــــــــــــــــــــــا
لأجل عينك بالشجاعه عنتــــــــــــري=ذل روحك هو طريقي للمنايــــــــــــــــــــــــا
صار قلبي يوصفونه بالجـــــــــــــري=ماتجرا غير حبك بالحشايــــــــــــــــــــــــــــا
لبسيني حيزميني خنجـــــــــــــــــــري=خنجري عشقك على مر المدايـــــــــــــــــــــا
زلزليني كدريني مرمــــــــــــــــــــري=إرتويني في خفوقك بالخفايـــــــــــــــــــــــــــا
آمريني وإن أمرتي أبشــــــــــــــــــري=كل روحي تجتمع لك في عطايـــــــــــــــــــــا
في غرامك فازع لك شمــــــــــــــــري=منتخي في لابته باسم الطنايــــــــــــــــــــــــــا
ليت ربي يرحم القلب البـــــــــــــــــري=ليه يسجن في صغيرات الزوايــــــــــــــــــــــا
مار بصبر واه ياروحي اصبـــــــــــري=المشاعر تاصل باآخر نهايــــــــــــــــــــــــــــا



http://reemmoon.jeeran.com/tanseeq/t2.gif


زمان الصمت


http://reemmoon.jeeran.com/tanseeq/t2.gif



زمان الصمت عايشني وانا عايش على التذكــــــــــــــار=هذاك الوقت هو كلي حياتي واجمل ايامـــــــــــــــــي

مع اللي كانت اشبه بالربيع وطلة الازهـــــــــــــــــــــار=هذيك اللي اموت بطيفها لامر قدامــــــــــــــــــــــــي

وأرد احيا.. وأرد اموت.. وأرد احيا.. الين احتــــــــــــــــــار=سبايب رمشها يوم ان نطحني كنه سهامــــــــــــــــي

سهام ٍ كنها جيش ٍ سجد فوق الصباح وثــــــــــــــــــــار=بعد ماثار ثار الشوق وطاح وعود وقامـــــــــــــــي

شربنا من بعضنا البوح وهمس الحب والاســـــــــــــرار=الين الحب بأغصانه كبر ثم صار متنامــــــــــــــــي

مابين الثلج في فمها وبين الجمرتين بنــــــــــــــــــــــــار=تذوقت الدفا والبرد جمال ٍ زلزل عظامــــــــــــــــي

نثرت الصدق في نزفي على كل الورق بأشعـــــــــــــار=ابيها فالقصايد تنتثر من دون الاقلامــــــــــــــــــــي

حروفي كلها كانت تذوب بوصفها وتغـــــــــــــــــــــار=من اللي كنت اصوّرهْ بكلامي والغلا سامــــــــــــــي

مقابلها ياكن الغيم الى من هل بالامطــــــــــــــــــــــــــار=واذا غابت عطشت من الوله واصبحت انا ظامـــــي


الى من شفتها مره ؟؟


اضيع



وانتهي



وانهـــــــــار
=واقول اني فداها لو تبي جسمي مع انسامــــــــــــــي

والى من زولها مر بخيالي تسأل الافكــــــــــــــــار ؟؟=تقول: تحبها واقول : ( الا يكفي هي هيامــــــــــــــــي )

هذاك الوقت انا بعده عرفت ان الزمن غـــــــــــــــــدار=بعد ماحالت الدنيا وضاعت كل الاحلامــــــــــــــــي

جزا الله من تسبب في تصاريف الحياه وصــــــــــــــار=حسود ٍ مبغض ٍ طامع عجز في بغضه ينامـــــــــــي

وانا مانمت من راحت ..الى من نمت نومي.. طــــــــــــــار=

اقوم اصفق


اقوم اصفق

اقوم اصفق يديني بالقهر واموت بااوهامــــــــــــــي

مثل مايصفق المذنب دموع ٍ للذنوب إكثـــــــــــــــــار=بعد ماتاب واتبع توبته ..حج ٍ مع صيامـــــــــــــــــــي

ومثل مايصفق المسجون وحكمه بالقصاص جهــــــار=وسط سجنه قضى له عام...بعد عامه قضى اعوامـي

وكما صفق اليتيم اللي وحيد ولا لقى لـــــــــــــــه دار=تربى بعد دمعاته برعاية دار الايتامــــــــــــــــــــــي

وكما الشايب اليا منه ترجى من ولدهْ البــــــــــــــــــار=يخدمه !! بس ياحْسافه...توفى وزاد باالآمـــــــــــــــــــي

وانا وان قاله الله بالغلا ماشي على المشـــــــــــــــوار=ابصبر والجمل يصبر ..ابجمع باقي إحطامي

وحتى لو زماني صمت انا عايش على التذكـــــــــار=انا والله يشرفني اكون بجرحها دامــــــــــــــــــــــــــي


..





..



..



انا والله يشرفني اكون بجرحها دامي



http://www.moveed.com/data/thumbnails/25/1.gif

http://www.khalid77.8k.com/images/newest.gif

[فايز الشمري]

http://reemmoon.jeeran.com/tanseeq/t2.gif




هذا القدر


http://reemmoon.jeeran.com/tanseeq/t2.gif



احيا على شوفك واموت ان تغليت= يازين من يحيا على شوف غالي
هذا القدرحبي لك ان رحت وابطيت= يبقى غرامي فوق كل العلالي
حبي جبل وانت برفاعه تعليت= حبك شمخ في عاليات الجبالي
سقت المحبه فدوة لك ولاأخفيت= كل الهوى من شان عشقك ماابالي
صعب الوصف وانت بجمالك تحديت= كل البشر مافيه مثلك جمالي
ومن جود حالي لك الصدق مديت= مدة كرم للي زهد بالحلالي
الحرف في وصفك يخونن لو امليت= يفداك من وصف عشيره وقالي
ولوني كتبتك في القصايد كم بيت= لا ماتوصف غير ربع الخيالي
ماجيتيني ياروح جيتك تعنيت= والشمري لامن عشق في خبالي
ومجد الطنايا يشهد اني انا اوفيت= والله ماغيرك سكن في خيالي
وان مت ياعمري انا قبلك الميت= وشهي حياتي دون زولك قبالي
ياليت لومثلك ملايين ياليت= ياللي ندرت ومالك الا مثالي
منك عساني ماانحرم طول مااحييت= ياراس مالي يابعد كل حالي



http://reemmoon.jeeran.com/tanseeq/t2.gif




يابنت أنا ماني على ماتبينه=يابنت دربك غير واللّه وأنا غير
يابنت راح الحب راحت سنينه=راحت مشاعرنا بذيك التدابير
حبيبتي بأقصى الخوافي دفينه=تسكن بدارٍ مادخلها مسايير
تامر وتنهى بالضماير سجينه=لو هي تبي غالي ثمينات ليصير
عشرين عام بسجن قلبي رهينه=مازارها غير الغلا والتفاكير
ومافكها ياغير دربٍ ياشينه=دربٍ خذاها في بعيد المشاوير
حبي لها موج ٍ يشيل السفينه=سفينةٍ راحت عسى دربها خير
قلبي بعدها ضاع وينه ووينه = قلب ٍ حفظها لين وقت المحاشير
هليت من عيني دموع ٍ ثمينه=عين ٍ بكت من صافي الدمع تكرير
ومن يوم راحت والخوافي حزينه=بغيابها خاطر غرامي تكاسير
واليوم قلبي تطلبينه حنينه=تبين نبدا في غرام ومخاشير
اللي طلبتي مايجيك وتجينه=أرجوك روحي وإقبليها معاذير
القلب يذكر والغلا حافظينه=أرجوك جرحي بالضماير مسامير
بعيش عمري والجروح السمينه=بعيش وحدي معتذر للمعاشير
هذي طعون الشّمري يالحسينه=والحب مره والطنايا مشاهير
وهذي جروح القلب هذا ونينه=هذي حكايا قصتي والمقادير



http://reemmoon.jeeran.com/tanseeq/t2.gif




قبر غدرك





أنا ماني بذاك اللي ضعيف ويتبع شعوره=أنا شخص ٍ تحديتك وشوفي وش حصل تالي ؟؟
رجعتي معترف قلبك يسوق العذر بقصوره=رجعتي رجعةٍ حسره بدمع ٍ يطلب وصالي
نسيتي عهدنا الماضي وذاك الشوق وجذوره=مسحتي صادق اوراقي واخذتي قلبك الخالي
رحلتي مع عجاج الغير غديتي حيل مغروره=شروا قلبك لاجل حسدي لاجل موتي وغربالي
وانا بعدك تضايقت بغرام ٍ ينقل كسوره=رميته في بحر صبري رجايه تنجبر حالي
زهابي صمتي الموحش وفكر ٍ فاقد سروره=والى من جعت لوصالك ذكرتك جمر ولوالي
يناجي قصتي شعر ٍ حروفه تشكي بحوره=اسامر نجمة القمرا وتبكي عند موالي
لك الله انطوى عهدك ومات وانتهى دوره=دفنته في قبر غدرك بعزم ٍ وادري اشوالي
واذا كان الامل عندك.. ترا قد هدت جسوره=انا من هده ببغض ٍ نصاك بكل الاحمالي
واذا كنتي تحسبين الضلوع العوج مقهوره=تراها عودت تضحك تقول: الضحك يحلالي
مثل ماجيتي بدربي تريك اليوم مهجوره=هذاك الدرب روحي له عسا فالك مهو فالي
ولمي دمعك الكاذب ولاانتي صدق معذوره=ولاانتي غاليه عندي ولاني صاحب ٍ غالي
ولاني قايل ٍ كلمة ( جزاك الخير مشكوره )=لان الصبر باايامي خذا شكري وغنالي
انا فيني شموخ وعز رجل ٍ قاطع ٍ شوره=انا فيني طنا قوم ٍ رقوا بالمجد بالعالي
وانا ماني بذاك اللي ضعيف ويتبع شعوره=انا شخص ٍ تحديتك وشوفي ...وش حصل تالي !!!!!





http://reemmoon.jeeran.com/tanseeq/t2.gif[/ALIGN]



جوال المملكه





الا ياقبلة الوالي على اللي ماسك الجوال=وربي لايق بشكله ( جهاز المملكه ) مليون

هذاك (التركّوازي ) في اصابع حضرته خيال=بريقه يلمع بيده.. ويده برقها مجنون

هني البث في صوته.. هني الرد والارسال=هني اللي كتب له فالرسايل :( اااااه يالمزيون )

عباه مخصره...وعيون..رموش ٍ سهمها قتال=تصيب اللي وقف مثلي غدا من نظرته مطعون

تشبَع بالترف عمره لبس تاج الجمال اكيال=خذا كل النعومه واصبح لغيره طلب وديون

تقنّع بالحلا كله ولاخلا ولا مثقال=غنْجه بذمتي فتنه.. دلعه بخالقي بفنون

ملكني لعن ابو حيه وصرت لهيبته ميال=انا من جد اعجبني!! ولاادري.. كيف صار.. شلون؟؟

اراقب وانتظر ينظر واذا ناظر يزيد هبال=بشر ماادري عجب ياناس ذبحني ياعرب تكفوووون

جلست بماقفي مذهول ابي شعري يجي بالحال=ابي ارسم جماله في قصيده واعزفه بلحون

وعلى اخر بيت كملته وقف لحظه مشى بإقبال=فرحت وقلت ناويني.. عرف اني معه مفتوووون

وصل عندي.. قرب يمي.. همس في نبرته: تعال=وجيت وخطوتي تضحك واقول بخاطري حنون






ولكن قبل مااوصله





ولكن قبل مااوصله




ولكن قبل مااوصله وصل طفل ٍ وصل بإعجال=فهمت انه يبيه ولايبيني ثم مشى بالهووون


مشى..




مشى..




مشى..



مشى..


مشى ياقبلة الوالي فديته ليتني جوال=(جهاز المملكه).. لونه( تِركوازي).. معه مضمون

[فايز الشمري]

http://reemmoon.jeeran.com/tanseeq/t2.gif




دمعتيــــــــــــن عتـــــــــــــــاب




لقيت اللي ابيــــها وابتهج قلب ٍ تمـــــــــناها=ضحك من بعد غيبتها فرح فرحة مريضٍ طاب
تلاقيــنا وحارسنا غـرامٍ ذاق فرقــــــــــاها=كما طفل ٍ فقد امه قضى وقته مع الاجـــــــــناب
يغرد فوقنا القمري فرح في يوم جمعاها=يجر لحونه العذبه مواويل وترد اســــــــــــراب
يرد الخوخ والرمان يرد التين مااحلاها=ترد زهور وورود وبساتين ٍ بها اعـــــــــــناب
غشتنا غيمة الاحساس روينا من طرف ماها=تبل عروقنا العطشى وتنبت بالحشا اعشــــــــــاب
مطرها صــافي هتان نـــزل للروح واحياها=بعد ماكانت ارض ٍ مابها غير الصخر وتـــــراب
مشاعرنا غدت جمره سكوت الشوق يصلاها=جزاء للي صبر وعن الهوى في دنيــته ماتـــاب
توشحها خجل بنت ٍ شرفها ساس مبداها=شرفها من شرف ناس ٍ حموها ثم غدوا شــياب
غنجها فتنةٍ كبرى يهز الكون ممـــــــشاها= تعدى حسنها الفتنه زمنا مثلها ماجاب
طويلة قـد ورمــوش وثمين اللــبس يزهاها=حلاها غير كل الناس صفاها فاتن ٍ جذاب
جلسنا والكلام عــــيون بها صمت تــقواها=تناظرني واناظرها بلا بعد وبلــيا حجــــــاب
سواليفي بها اللهفه عجزت اقول واقـــواها=اخاف اتلعثم بكلمه تشك بحـــــــــبي الــــغلاب
سكتنا والسكوت اجبر عواطفنا على اقصاها=بديت اجمع كلام ٍ قد كتبته من دهر بكتــــــــاب
كتبت اني لها والله انا والشعر نــــــــفداها=ابيع الناس واشريها شجاع ٍ لأ جلها مااهـــــــــاب
اجيها لو تبي فزعه اذا تنخى انا انصـــاها=اهين اللي يكدرها اهين النــــاس اهين اشــــناب
بديت اتكلم حروفٍ لساني ينطق اصــفاها=تناظرني يسابقني كلام ٍ ماخطر لااحبـــــــــــــاب
وفجأه...؟؟؟ قربت تنوي تقول اللي تخـــــــفاها=تبيني بالكلام اذوب وانا اللي في هواها ذاب
وفجأه..؟؟ انتظر تنطق...ويرجف قلب ٍ اغلاها=

وفجأه





وفجأه




وفجأه






وفجأه....؟؟؟ كنّها موتي.... يجيني من يدق الـباب
عرفت انه مجرد حلم يجيني بس رؤياها=عجزت اصدق اللي صار وهلت ( دمعتين عتـــــــاب )
عتب... للوقت وصروفه وحالي كيف سواها=وعتب..... للحلم يلفيني.... وانا كلي حزن ماغـــاب




http://reemmoon.jeeran.com/tanseeq/t2.gif



http://9war.jeeran.com/aj/نجوم%20احمر.gif
http://9war.jeeran.com/aj/نجوم%20احمر.gif
http://9war.jeeran.com/aj/نجوم%20احمر.gif


احبابي

قبل الختام
اتمنا ان اكون وفقت بهذه الفكرة
وارجو ان يقبل عذري اخي ابو عذاري
ان نسيت شي وانا اعلم باني لم اكمل
كل قصائد شاعرنا ولاكنها لمسة وفاء فقط
واعدكم بان هذا الموضوع سوف يستمر ويشمل
كل من يبدع في مضايف شمر ولن نجحد حق كل مبدع


http://9war.jeeran.com/aj/نجوم%20احمر.gifhttp://9war.jeeran.com/aj/نجوم%20احمر.gifhttp://9war.jeeran.com/aj/نجوم%20احمر.gif


http://www.moveed.com/data/thumbnails/25/1.gif

http://www.khalid77.8k.com/images/newest.gif

تحياتي للجميع

اخوك

فايز

[نوف]

تسلم يمينك يافايز الابراهيم

والله مجهووود رااااائع

استمر

فهناك من يتابع


تحيااااتي

اختك...نوف

[فايز الشمري]

نوف

شكرا لك على حضور وجمال كلماتك
وان شاء الله سوف نستمر لكل جميل


تحياتي

فايزالبراهيم

[ابو غازي]

اااالأخ اااالقدير فايز ااالبرااااهيم

نعم نعم نعم يستااااهل وربي معجز اااالقواااافي وذيب اااالشعااااار

اااالشااااعر اااالقدير ضحوي الأسلمي ابو عذاااااري

اااالغااالي

فايز البراهيم

بيض الله وجهك من كل شهر ثلاثين ليله وسلمت يمينك على ماكتبته ومهما

نقول لن نفي بحق ااالشاعر ولا بحق الكااااتب

تسلم أخي ولايسلم ردي العزااااااايم

[فلاح العماش]

أخوي





فاااايز البرااااااهيم


ألف ألف شكر لهذا الجهد الوفير


وهذا التميز الجميل منك يالغالي


دمت شاامخاً


والغالي المبدع ...../


أبو عذاري


يستاهل .... شاعر جزل ومتمكن جداً


ومن الشعراء اللي نفخر فيهم

[ضحوي الاسلمي]

الاخ الغالي...الشمالي
فايز الابراهيم

,,

اشكرك من كل قلبي ....على هذا المجهود
والحروف صدقني لن توفيك حقك..

كريم دوووووووووم....ومشرف وين ماكنت..


,,


الفكره بشكل عام جميله جداً وليس لأنك وضعت اسمي في المقدمه..
انما هي فعلا رائعه ولمسه تختصر كل ماسجل اغلب الشعراء...
انا شخصياً اوافق على استمرار الفكره......
وان يستمر الاخ فايز بطرح قصائد احد الشعراء حسب مايراه...


,,


فايز الابراهيم انت وبدون مجامله من الاقلام التي تشعر بأنك تدعم هذا الصرح بكل اخلاص وتفاني.....ومهما كتبنا هنا قليل بحقك..



,,


فايز لاهنت ياغالي
وباانتظار الشاعر القادم..


اخوك
ضحوي الاسلمي

للمعلوميه....سوف يثبت طرح الاخ فايز لكل شاعر يختاره

[سنجار]

فايز البراهيم

شكرا على هذا المجهود المتميز والرائع

لقد اتحفتنا بهذه المعاني

لشاعرنا المبدع أمير القوافي ابوعذاري

[فايز الشمري]

ابو غازي


شكرا لك على كل كلمة كتبتها هنا




اخوك

فايز البرااااهيم

[فايز الشمري]

فلاح العماش


شكرا لك على كل كلمة كتبتها هنا




اخوك

فايز البرااااهيم

[فايز الشمري]

أبو عذاري

شكرا لك على كل كلمة كتبتها هنا
وانت اولاً تستحق كل جميل وان شاء الله
سوف تستمر والحمد لله انها اعجبتكم الفكرة




اخوك

فايز البرااااهيم

[فايز الشمري]

سنجااااارررر


شكرا لك على كل كلمة كتبتها هنا




اخوك

فايز البرااااهيم

[ساير الرماحي]

ولو أمدحك دومٍ الابيات تعجزّ=شعري مقصّر لو معاها جوايز





الغالي الشاعر الذيب الشامخ / فايز البراهيم الشمري


والله مدري كيف اشكرك على تبنّي هالفكرة الرائعة والجميلة



والتي تعتبر بحق لمسة وفاء لشعراءنا



واتحفتنا برحلة جميلة ورائعة في قصائد المبدع ابو عذاري


فلك كل الشكر على هالفكرة وهالمجهود الرائع من شخص وفيّ وغالي


تحية طيبة

[فايز الشمري]

ساير الرماحي


شكرا لك على كل كلمة كتبتها هنا

اخوك

فايز البرااااهيم

[عقاب الربع]

الاخ فايز الابراهيم


شكرا لهذه اللمسه الوفيه منك




فهذه الالتفاته الرجوليه لاتستغرب


من رجل بقامة فايز الابراهيم



كله وفاء


ونقاء


وصفاء



فايز كلك عطاء وشعله من النشاط



افرحتنا بهذه الخطوه


لله درك




وابو عذاري يستاهل كل خير



فهو من الشعراء الذين لهم بصمتهم الخاصه على القصيده




والتي بمجرد قراتها تعرف انها لاتدل الا على احاسيس ابو عذاري



كلك روعه فايز وهذه الالتفته الرائعه تسجل لك ولهذا المنتدى الرائع



تقبل احترامي وتقديري

[منار]

كاتب الرسالة الأصلية : عقاب الربع


الاخ فايز الابراهيم


شكرا لهذه اللمسه الوفيه منك




فهذه الالتفاته الرجوليه لاتستغرب


من رجل بقامة فايز الابراهيم



كله وفاء


ونقاء


وصفاء



فايز كلك عطاء وشعله من النشاط



افرحتنا بهذه الخطوه


لله درك




وابو عذاري يستاهل كل خير



فهو من الشعراء الذين لهم بصمتهم الخاصه على القصيده




والتي بمجرد قراتها تعرف انها لاتدل الا على احاسيس ابو عذاري



كلك روعه فايز وهذه الالتفته الرائعه تسجل لك ولهذا المنتدى الرائع



تقبل احترامي وتقديري


....اختك ام سعود

[اميرة]

عندما نقراء لأخي الأسلــــــــمي
صقر المضايف وقصيد الشعـر

يصمت اللسان ،ويتوقف عن الكلام

حاولت ان اخرج من دائرة الصمت

لم استطع ..........

ماذا اقول ؟

حاولت ان اقتبس مقاطع مما سبق

ولكن !

دون جدوى..............

ترى ماذا عساني ان افعل ؟

عرفت ان الصمت هو انسب وافضل حل

لا تعليق على قصائد الشاعر

خوفاً من هظم حقها


اما بالنسبه لك اخي فايز

اشكرك كل الشكر على هذه الفكره الرائعه

والله يعطيك الف الف عافيه

ولكن!
كنت اتمنى لو انك قد استهليت الموضوع
بنبذه عن الشعراء واهم الصحف والمجلات التي يكتبون بها
حتى يتسنى لنا متبعاتها

تحيــــاتي

اختك اميـــــــره

[فايز الشمري]

عقاب الربع

شكرا لك على كل كلمة كتبتها هنا

اخوك

فايز البرااااهيم

[فايز الشمري]

مناااااااااااار

شكرا لك على كل كلمة كتبتها هنا

اخوك

فايز البرااااهيم

[فايز الشمري]

اميرة

شكرا لكي على كل كلمة كتبتيها هنا
وبخصوص ملاحضتك انا لا اعدك ولاكني سأحاول تحقيق
ماطلبتيه اعتباراً من الموضوع القادم ان شاء الله
وتاكدي انني اسعى لكسب رضاكم هنا جميعاً

اخوك

فايز البرااااهيم

[المشرف العام]

أخي فايز البراهيم..
لمسات الوفاء .. ليست غريبه عليك
وهذه إحداهن ..
جهد جميل واخراج اروع ..
وأخي ابو عذاري يستاهل هذا الجهد
.
احترامي وتقديري لشخصكم الكريم

[فهيد العركي]

الاخ فايز البراهيم

مجهود تشكر عليه وفريد من نوعه الكثير والكثير يبحث عن مثل هذه المواضيع لك الشكر والتقدير على البادره الطيبه ونرجو المواصله في مثل هذه الامور

تقبل تحياتي والي الامام يا فايز وباا لتوفيق

[فايز الشمري]

المشرف العام

السلام عليكم ورحمة الله وبركاته


ان كان الاخراج رائع تاكد انها ما اتكتملت الروعه
الا في تشريفك وانا جداً سعيد لهذا الحضور العذب من جانبك

دمت ودام وفائك لنا وتواصلك


تحياتي


اخوك

فايز البراهيم

[فايز الشمري]

فهد العركي

السلام عليكم ورحمة الله وبركاته

شكرا لك على كل كلمة كتبتها هنا
وان شاء الله سوف تستمر هذه اللمسة

اخوك

فايز البرااااهيم

[مرفأ]

كلمات شاعرنا المتألق ابوعذارى كنجو م يضاء بها سماء الشعر الجميل والراقى والتى بالفعل نقف عاجزين عن الرد عليه لكى تبقى انارة للبقية

وشاعرنا فايز الابراهيم

شكرا لك على لمسة الوفاء النقية منك لشاعرنا ابوعذارى ونتنظر البقية

[منازع الغلا]

الشاعر

فايز البراهيم

الف الف الف بل مليار شكر لك على هذا الوفاء بحق هذا الرجل الوفي

رجل والله العظيم يستاهل كل خير وعلم غانم واكثر

الله الله الله

مااروع هذه الحظه التى اتآملها في داخلي

احساس غامر بكل معاني ساميه

بيض الله وجهك اخوي ابراهيم على اتحافنا بهذا الجمال لشاعرنا الرائع

((( ضحوي الاسلمي )))

تقبل مني اطيب واجمل مافي قلبي

اخوك

منازع الغلا

[ضحوي الاسلمي]

اخوة القلب..

نوف


ابو غازي

فلاح العماش

سنجار

ساير الرماحي

عقاب الربع

منار

اميره

المشرف العام

فهيد العركي

مرفأ

منازع الغلا



حضوركم في هذه المشاركه وسام تتقلده جميع قصائدي
تشريفكم فخر كبير...

اعتز بكل كلمه وردت في متصفحي هناااااااااااااااااااااا
اقف عاجزاً عن الشكر لكل شخص منكم...
ولكن اعتقد انكم تعلمون مايكنه القلب لكم...


,,


كما لايفوتني ان اكرر الشكر للشخص الرائع/ فايز الابراهيم
الذي تتضح بصمات مجهوده من خلال مشاركاته المميزه



,,



لكم جميعاً ودي وتقديري واحترامي

اخوكم
ضحوي الاسلمي

[فايز الشمري]

مرفأ


شكرا لك على كل كلمة كتبتها هنا
وابو عذاري شاعر كبير واستحق هذه اللمسة

اخوك

فايز البرااااهيم

[فلاح السعد]

لاهنت ياذيبـــــــــان



تســـــــلم على مجهودك



دائماً الطيّب مايجي منه الا كل طيب



لمســــه وموقف من مثلك ليس بغريب



ويستاهل ابوعـــــــذاري كل خيـــــــــر

[أم نــــــــــواف]

أخوي فايز البراهيم


ماشاء الله عليك على هذا الموقف الأخوي من شاعر ومشرف يستاهل أكثر



ولقد ابحرت مع هذه الباقة من القصائد الرائعه وخرجت محتاره


فكلما اقرأ قصيدة أتخيل شاعرها بصورة وهيئة وشخصية معينه


ولكن حين اقرأ الأخرى تتغير لدي الصورة ، وهكذا مع كل قصيده


أكتشف شاعرا جديدا بشخصية مغايره ... وهذا من مميزات الشاعر المتمكن



ماشاء الله على ابو عذاري من قصيدة قويه إلى أقوى تحتار أيها القارئ فيما


تختار فكل قصيدة منها تناديك وبفتنه فتقف بينها مكتوف الأيدي متراقص القلب



شكرا لكما من جديد ..



أم نــــــــــواف