نوف
31-07-2003, 00:18
ضاقت بشعري ضلوعي .. واستضاقت بالحنايا=والبلا إني بنت بدوٍ العشم فيها وفيّه
بنت بدوٍ مابدعت القاف في كسب العطايا=ولامسحت الجوخ طامعةٍ ورا مسحه عطيّه
بنت ناسٍ مايبيعون الضماير بالهدايا=ولايذلون العمايم في بلاط المكرميّه
ولابدعت القاف وأنا أرجي ورا بدعه نوايا=ولامدحت إلاّ وجيهٍ حيل غاليةٍ عليّه
ولامدحت وجيت أبطلب من ورا مدحي حذايا=كل حرفٍ أسكبه فالمدح قدّمته هديّه
ما أعنّ القاف غير لواحدٍ ماله حلايا=شخص ماله ندّ يستاهل حروف الأبجديّه
آآهـ ياشعري .. ويا دمعي .. ويا كثر الخطايا=وآآهـ ياناس ٍ وجودي بينهم لي منقديّه
وآآهـ يا يومٍ نجي قدّام وجه الله عرايا= مانشيل إلاّ الذنوب ولا نشيل إلاّ الخطيّه
والنفوس المظلمات اللي تردد فالحجايا=ماعليّه من حجاياهم وأنا نفسي بريّه
بدوي اللي علومني بالقصيد وبالوصايا=بدويٍ أيضاً نبهوني من عقول الجاهليّه
حذروني من صروف الوقت ومن كيد الصبايا=وذكروني بمنزل القرآن وبسنة نبيّه
قلت أنا آمنت بالله خالقٍ كل البرايا=البلا إني بنت بدوٍ العشم فيها وفيّه
بنت أبوها
بنت بدوٍ مابدعت القاف في كسب العطايا=ولامسحت الجوخ طامعةٍ ورا مسحه عطيّه
بنت ناسٍ مايبيعون الضماير بالهدايا=ولايذلون العمايم في بلاط المكرميّه
ولابدعت القاف وأنا أرجي ورا بدعه نوايا=ولامدحت إلاّ وجيهٍ حيل غاليةٍ عليّه
ولامدحت وجيت أبطلب من ورا مدحي حذايا=كل حرفٍ أسكبه فالمدح قدّمته هديّه
ما أعنّ القاف غير لواحدٍ ماله حلايا=شخص ماله ندّ يستاهل حروف الأبجديّه
آآهـ ياشعري .. ويا دمعي .. ويا كثر الخطايا=وآآهـ ياناس ٍ وجودي بينهم لي منقديّه
وآآهـ يا يومٍ نجي قدّام وجه الله عرايا= مانشيل إلاّ الذنوب ولا نشيل إلاّ الخطيّه
والنفوس المظلمات اللي تردد فالحجايا=ماعليّه من حجاياهم وأنا نفسي بريّه
بدوي اللي علومني بالقصيد وبالوصايا=بدويٍ أيضاً نبهوني من عقول الجاهليّه
حذروني من صروف الوقت ومن كيد الصبايا=وذكروني بمنزل القرآن وبسنة نبيّه
قلت أنا آمنت بالله خالقٍ كل البرايا=البلا إني بنت بدوٍ العشم فيها وفيّه
بنت أبوها