المساعد الشخصي الرقمي

مشاهدة النسخة كاملة : شمّر بعد حيي


منار
28-07-2003, 00:08
بسم الله الرحمن الرحيم

مساء الخير

أخواني وأخواتي

صاحب الموقع

المشرفين

أتمنى أن أكون ضيفه خفيفة دم عليكم .

واليوم ضيفه وبكرى صاحبة محل ، صح وألا لا ؟؟

وأنا فخوره بتواجدي بينكم .وماصدّقت يوم قريت اسمي عضو جديد

وبصراحه عاجبني موقعكم وسرعة الرد على المواضيع هنا .

عل وعسى ان تحمّسوني بردودكم على قصيدتي المتواضعه .


ياويل حالي ذقت هم وغرابيل = مات العزيز وصار تحت النصايب

مات الحنون اللي زبون الرجاجيل = وآحسرتي فقدت انا اغلا القرايب

يابوي عقبك ذقت مر البهاذيل = وعزّاه لي من ساطيات الحرايب

يابوي بعدك أسهر الليل لليل = ولالوم عيني لو دموعه سكايب

ليت البلا بالعين من سوجة الميل = مير البلا فيني جروحٍ عطايب

وساعه بعد ساعه مع الهم والويل = عسى العوض بسعود مايصير خايب

وليدي حياتي فرحتي بالمقابيل = توّه صغيرٍ مادرى بالمصايب

أرجيه أنا والله ينفل على الجيل = فيه الامل مزروع بدرب النجايب

وياهل المضايف بلّغوا عنّي القيل = دامي أصيله من عريب الصلايب

شمّر بعد حيي هل الهجن والخيل = عزّي .. هلي لاراح عمري نهايب



تقبلوا تحياتي وأشواقي

ام سعود
فهد الغاطي
28-07-2003, 00:39
أختي أم سعود اللـه يرحم موتانا وموتا المسلمين .
واللـه يخليلك ولدك سعود .
بالنسبه للقصيده ( المرثيه ) فهي واللـه العظيم رائعه وبدون
مجاملة...... ودمتي على العز أنشاء اللـه .
عبدالله الجعيثن
28-07-2003, 09:31
منــار (ام سعود)

صح لسانك عـزيزتي

الله يخلي سعود ذرى لك ورحم الله اموات المسلمين

قصيده جميله

لكــن نحن طمعـانين بالاجمـل والاروع

ننتـظر عزفك ونزفك بفارغ الصبر

تحياتي
المتوكل
28-07-2003, 09:56
بسم الله الرحمن الرحيم

الأخت (أم سعود) أهلاً بك ومرحباً

فأنت من البداية صاحبة محل

رحم الله جميع أموات المسلمين وأسكنهم فسيح جنانه

وصح لسانك على هذه القصيدة .

أخوك المتوكل
حمود الشمري
28-07-2003, 10:09
هلا وغلا وحياك الله

على كيس المعزيب
سلطان الشمري
28-07-2003, 13:33
ام سعود .............. حياك الله



وصح لسانك ... (( والله يرحم موتاك وموتانا وموتا المسلمين اجمعين))





وقصيدة رائعه ...... والله يصلح سعود ويجعله من حفظة القران الكريم





وتقبلي تحياتي ..اخوك نبرااااس حايل
منار
28-07-2003, 23:19
اخواني

فهد

الغازي

المتوكل

سهيل الشمالي

نبرااس

هذا اللي توقعته منكم

وجزاكم الله خير

وعسى الله يصلح لنا ولكم

اختكم ام سعود
خلـيف الجهيلي
29-07-2003, 00:49
اختي ام سعود

يعلم الله قصيدتك
هزت المشاعر

الله يرحم شايبك مطلع القيل
ادعو له الجنه بزود الطلايب
نطلب له لجنه تجيله محاصيل
عساه بالجنه عطيب الضرايب
ويبقى العوض طفلن مثل نجمة اسهيل
الله يديمه دايم الدوم طايب
غيثٍ لكم مثل الخيال المضاليل
والا السحاب اللي حقوقه سكايب
وجعل الولي يجبر عزاكم ولا اطيل
هذا كلامي واضحٍ بالكـــــتايب

الله يجبر عزاكم
ويسكنه فسيح جناته
والله يخلي لكم سعود

تقبلي تحياتي
اخوك
خليف الجهيلي
المشرف العام
29-07-2003, 01:23
أم سعود

الله يرحم فقيدكم ويدخله فسيح جنّاته.

وشكرا لكِ اختنا الفاضله ام سعود بإنضمامك لاسرة المضايف

والله يصلح سعود ، وندعوه سبحانه ان يجعله من البّارين بكم

صح لسانك ..

اخوك
ابو سلطان
منار
31-07-2003, 14:34
اخي خليف
شكرا لك
وقد زدت حماسي اكثر
واخواني لاتنقدون علي لو كل يوم نزلت قصيده:D
جزاك الله خير
اختك ام سعود
منار
31-07-2003, 15:09
المشرف العام


هرم المضايف


قصرت حروفي في توصيل مايلوج في داخلي من تقدير لك

وانا فخوره في كوني عضو في المضايف

وهذا من فضل الله ثم فضلك اخي

جزاك الله خير وابقاك


اختك ام سعود
فلاح العماش
01-08-2003, 14:24
أختي منار




أحسن الله عزاك بوالدك


ورحمه الله رحمة واسعه












أما القصيده فهي رااائعه بكل تأكيد





وأنتي بالفعل راعية محل ومنّا وفينا




وحياك الله ( مع أنّها متأخّره شويّ )






دمتي بخير وبأنتظار جديدك



أخوك

فلاح العماش
ضحوي الاسلمي
02-08-2003, 14:20
مناااار ( ام سعود)
اولا..
ياهلا فيك
وشرفتي ونورتي المضايف بحضورك
وابرك الساعات تواجدك بيننا..

ومصافحتك نقيه جدا ومعطره بصدق النبلاء..
لاهنتي عليها..


والف شكر لهذا النزف...
اخووووك
ضحوي الاسلمي
منار
21-08-2003, 23:41
اعزائي


فلاح


ابوعذاري


مثلكما عندما يعقب على قصيدتي اعتبره فخر لي


صحت ابدانكم


اختكم . ام سعود
تذكار
21-08-2003, 23:54
ام سعود .............. حياك الله



وصح لسانك ... (( والله يرحم موتاك وموتانا وموتا المسلمين اجمعين))





وقصيدة رائعه ...... والله يصلح سعود ويجعله من حفظة القران الكريم





أختك المحبه .... تذكار
منار
22-08-2003, 21:37
....اختي الفاضله


تذكار


جزاك الله خير

واثابك عنّي


شكرا لك على دعوتك

والله يصلح لي ولك ولجميع المسلمين


صح بدنك


...منار
نزهان الأسلمي
22-08-2003, 21:45
الاخت / منــــــــــــــــــــار

اولا اقول رحم الله اموات المسلمين جميعا


وألهمكم الله الصبر والسلوان


وجعله الله من اصحاب الجنه والرضوان بأذن الله تعالى


كما احب ان انقل لكي تعازي من قلبي عبر المظايف فتقبليها اختي العزيزه...



قصيدتك المرثيه رائعه وخارجه من قلب لطيف وطاهر وحاس بمى قدمه الوالد

لابنائه من جهد وغيره

الله يستر عليك ويقوي قلبك الى الطاعه باذن الله تعالى


===========================================
فايز الشمري
22-08-2003, 21:54
العزيزة منار

لا اعتقد باني سأجد من الكلام اجمل من قول الاخوة من قبلي

ولاكني لا اقول الا

رحم الله والدك واسكنه فسيح جناته
ورحم اموات المسلمين
انه سميع مجيب

وصح لسانك على هذه القصيده والذي تحمل من الحزن والاسى
الشي الكثير ولاكنها قدرت الله



اجمل واصدق التحايا لك اختي

وسجلي متابعتي لكل جديد انتي كاتبته

اخوك

فايز الشمري
ابو غازي
22-08-2003, 22:27
الإخت اااالفااااضلة (منار ) أم سعود

الله يرحم فقيدكم ويدخله فسيح جنّاته.

والله يصلح سعود ، وندعوه سبحانه ان يجعله من البّارين بكم

صح لسااااانك ألف

اخوكي

ابو غااااازي
منار
24-08-2003, 20:51
اخي الفاضل


نزهان


اثابك الله فيما قلت

وجزاك عني كل خير


ورحم الله موتانا وموتاكم وموتى المسلمين


واتشرف بشهادتك


اختك ام سعود
منار
24-08-2003, 20:54
اخي الكريم


فايز الشمري


جزاك الله خير

شكرا لك على الدعاء

ورب الفلق اني عزيزه بوجود الانقياء شرواك


وصح بدنك ،،، وانا لازلت متذوقه

ولاتساوي كتاباتي قصائدكم


لكن الجود من الماجود


..ام سعود
منار
24-08-2003, 20:58
اخي الكريم


ابوغازي


الله يصلح لنا ولكم وللمسلمين جميعا

وجزاك الله كل خير


صح بدنك


...اختك ام سعود
محمد هنيدي
24-08-2003, 21:19
أختى منار


رحم الله والدك وأسكنه فسيح جناته

والله يخليلك سعود ويجعله ولد صالح

صح لسانك على القصيده الرائعه

وسلم بنانك


محمدهنيدى القنياوى
ساير الرماحي
25-08-2003, 02:24
يابوي عقبك ذقـت مـر iiالبهاذيـل وعزّاه لي من ساطيـات iiالحرايـب

يابوي بعـدك أسهـر الليـل iiلليـل ولالوم عيني لو دموعـه iiسكايـب

ليت البلا بالعين من سوجة iiالميـل مير البلا فينـي جـروحٍ iiعطايـب

وساعه بعد ساعه مع الهم iiوالويـل عسى العوض بسعود مايصير خايب

وليدي حياتـي فرحتـي iiبالمقابيـل تـوّه صغيـرٍ مـادرى بالمصايـب

أرجيه أنا والله ينفل علـى iiالجيـل فيه الامل مزروع بدرب iiالنجايـب

وياهل المضايف بلّغوا عنّي iiالقيـل دامي أصيله من عريب iiالصلايـب

شمّر بعد حيي هل الهجن iiوالخيـل عزّي .. هلي لاراح عمري نهايـب







الغالية ام سعود ( منار)


اولا رحم الله الوالد واسكنه فسيح جناته اللهم آمين


ثانيا الله يخلي لك سعود ويحفظه من كل مكروة يارب


ثالثا صح لسانك على ابداعك الشعري


قصيدة مبكية اختى


لك كل الشكر والتقدير


تحية عطرة
منار
03-09-2003, 01:56
اخي


عزيزي


محمد القنياوي

جزاك الله خير

والله يرحمنا جميعاً

ويصلح لنا ولك .

وصح بدنك ،، ويسلمو

اختك ..ام سعود
منار
19-10-2003, 18:40
اخوي ساير

صح بدنك

والله يرحم موتانا جميعاً

ويصلح للجميع

يسلموو

اختك ام سعود