وين الشعار؟!.

[القادم]

أنشَـدْك عن بنتٍ ومالك مهونه=
إن حبتك تذبح بغرّ الثنايا=
سميّــها كل العرب يرتجونه=
إن طبّ له روضٍ تجيه الرعايا=




من هالبنت ومن سميّــهـــــا ؟!...

[عبدالله الجعيثن]

البنت: عشبه

سميها: العشب

[الخاثر]

اللغز ما هو واضح

[الساكت]

اخوي القادم


البنت :- الحيه

وسميها :- الحيا


دمت بخير


اخوك ... بندر الساكت

[شهاب]

الحل جاب حله الساكت وأنا اضم صوتي معه والله الموفق......... شهاب

[حمود الشمري]

مزنه او مطره

الله يستر لاتكون سماويه

اخوي القادم اسرع برد


تراني متحمس لاالحل

[القادم]

إخواني :
الــغـازي , الخاثر , شهاب , سهيل الشمالي


اللغز حلّه إخوي / بندر الساكت .
( البنت / الحيّـه ) ( سميها/ الحيا)


وبعدين إخوي الخاثر اللغز واضح من حيث,
معنى الألفاظ , ولو أجيب توضيح أكثر ماسمّّـيته لغز .
وإذا حاب أوضّح لك الألفاظ ماعندي مانع ,

انشدك / من النشده وهي بمعنى السؤال.
عن بنت / ليس بالضروري أن تكون بنت إنسانه
, يعني مؤنّــث .والحل / الحيّـه.
وما لك مهونه / اضيفت على القافيه مثل قولة
لاهنت .
وإن حبتك / الحِـبّـه مثل البوسه وحَـبّة الحيه
لدغتها .
تذبح بغر الثنايا / أي تذبح بثناياه أي
مقدّمة الأسنان .
سميّها / السَّـمي هو المشابه للإسم والحيه والحيا متشابهين بعض الشي.
كل العرب يرتجونه / يرتجي بمعنى يطلب , وكلٍ يبي الحيا أي الربيع .
وإن طب له روض/ طب بمعنى نزل , روض جمع
ريضان أي فياض.
تجيه الرعايا / يطلق على الحلال رعايا وعلى الراعيان راعي , أي يودّون حلالهم للروض الخضر.


والحيا وأنا أخوك هوالربيع وهو دارج عند
كل الناس , يقول الشاعر :
الزين مثل الحيا متبوع=
لو ماتلى الناس يتلونه=
والشين مثل الدهر مقطوع=
يمشون ياما يتعدّونه=

ويقول الشاعر /
الأشعل فيصل الخريصي :
عسى الحيا يذكر على ديار الأجواد=
تربّع دياره مع المربعينا=
غدي ليا جانا من الشرق رواد=
قال الحيا بأطراف حايل يبينا =



أرجوا من إخواني عدم إنتقادي لشرحي للغز
وهو واضح , اخوي الخاثر غالي علي بالحيل,
يقول اللغز مهو واضح,,,,,