فايز الشمري
20-07-2003, 02:00
قال منهو لانوى الاشعار ياخذ جزلها
سلسبيله شاربينه والعذوبة كالنهر=
حي قافن مرسله لي من شكالي خلها
ياهلابه مرحبابه عد ماهل المطر=
مالت الاغصان مع حب البنات وظلها
والرياح الموسمية ماتعلم بالخطر=
هاوي الخفرات يجهل ويتناسى فعلها
ويتحمل من عناهن بالسنة قبل الشهر=
عارفن كل القضية دقها مع جلها
وبالقضية ياعشيري عندي الحل انحصر=
كانهي بالجاه جالك غير بعضه كلها
وكانهي بالمال حاضر من الخطوبة للمهر=
وكانهي مثلك تراجي لاتباعد وصلها
الهوى شيٍ نحسه بالضماير يستقر=
ملهمات الشعر يبقى بالضماير غلها
شيٍ اقوى من الكهانة والعرافة والسحر=
من قديمن سيدات الحسن هذا عملها
يجذبن قلب الهواوي بالعيون وبالنحر=
مايلومك كود خبلن مادخل في فصلها
لاالدراسة تنفعه والسلم مالمّه نظر=
لاتراجع عن حبيبك والسوالف خلها
لذة الحب الحقيقي موعدٍ له تنتظر=
ورشفة عقب الظما والنفس يبرى علها
والعسل دونه مخاطر شوك واوراق وشجر=
وهقوتي بالذيب شيٍ لابغاه احتلها
وحاول الغرات معها لو على وقت السحر=
ودون يومك ماحدٍ روح الاوادم سلها
وكل شيٍ له حسابٍ وكل ماجانا قدر=
واحسب اني في لزومك كثرها مع قلها
ماتمل العين والله ماتمل من السهر=
لين تسعد بالحبيب اللي زهاها دلها
كان جتلك بالسهولة او جبرته لك جبر=
الجوارح
سلسبيله شاربينه والعذوبة كالنهر=
حي قافن مرسله لي من شكالي خلها
ياهلابه مرحبابه عد ماهل المطر=
مالت الاغصان مع حب البنات وظلها
والرياح الموسمية ماتعلم بالخطر=
هاوي الخفرات يجهل ويتناسى فعلها
ويتحمل من عناهن بالسنة قبل الشهر=
عارفن كل القضية دقها مع جلها
وبالقضية ياعشيري عندي الحل انحصر=
كانهي بالجاه جالك غير بعضه كلها
وكانهي بالمال حاضر من الخطوبة للمهر=
وكانهي مثلك تراجي لاتباعد وصلها
الهوى شيٍ نحسه بالضماير يستقر=
ملهمات الشعر يبقى بالضماير غلها
شيٍ اقوى من الكهانة والعرافة والسحر=
من قديمن سيدات الحسن هذا عملها
يجذبن قلب الهواوي بالعيون وبالنحر=
مايلومك كود خبلن مادخل في فصلها
لاالدراسة تنفعه والسلم مالمّه نظر=
لاتراجع عن حبيبك والسوالف خلها
لذة الحب الحقيقي موعدٍ له تنتظر=
ورشفة عقب الظما والنفس يبرى علها
والعسل دونه مخاطر شوك واوراق وشجر=
وهقوتي بالذيب شيٍ لابغاه احتلها
وحاول الغرات معها لو على وقت السحر=
ودون يومك ماحدٍ روح الاوادم سلها
وكل شيٍ له حسابٍ وكل ماجانا قدر=
واحسب اني في لزومك كثرها مع قلها
ماتمل العين والله ماتمل من السهر=
لين تسعد بالحبيب اللي زهاها دلها
كان جتلك بالسهولة او جبرته لك جبر=
الجوارح