أحب أزور حايل .. من يكون مرشد سياحي

[المهاة]

حياكم الله جميعا .. ان شاء الله الجميع بخير ..


كل عام وانتم بخير بمناسبة الاجازة لو انها متأخرة واجد:o

بصراحة حابة ازور حايل .. وكل ما الزّم على اللي عندي نزور ديرتنا يقولون وين نروح هناك وش نشوف وين نسكن ...!!!:confused:


فلو تكرمتوا كل واحد يمر الموضوع يشارك مشكور باللي يعرفه ..

مثلا الفنادق او الشقق المناسبة .. اماكن الترفيه و التسوق.... و أهم شي المناطق الطبيعية و التراثية اللي تستحق الزيارة . و ياليت ترفق صور للمواقع قدر الامكان :o


اتمنى حقيقة اجد تجاوب من أهل المنطقة لعل الموضوع يكون نواة دليل سياحي للمنطقة .

و مشكور كل من يقدم المساعدة مقدما .:)

[ابو غازي]

هلا والله وغلا باااالمهاة


يسعدني أن أكون أول من يرد عليك عزيزه وغالية المهاة على قلوبنا


أبد لايهمك بس مرشد بسيطه وأنا خيك

ماريح تلقين أحسن منا أنا يامحاسيس ولا ذويباااان


علمينا بس برايك وحنا بالخدمة :D


تقبلي خاااالص تحيااااتي

[موال]

عوده حميده المهــــاه
وانا من جد نفسي ازور حائــــل
حيث مازلت اقبع خلف تلال الثلج
تحيه لحائل واهلها الكرام

مواطن يعيش في المنــفى
موال

[الضيغمي]

حياك الله

وياهلا والله والف غلا

بخصوص الشقق المفروشة

هناك شقق الضباب

وايضا شقق الحياة

وشقق المقصورة

وشقق الوسام

وشقق الديوان

وشقق النخيل

وهناك الكثير التي لم يحضرني اسمها الان

عموما تتكون من غرفتين للنوم وصالة ومطبخ ودورتي مياة

وبعضها تحتوي على ثلاث غرف وجميعها للعوائل
الثلاث الاوائل السعر 200 ريال لليوم وممكن مع المكاسرة تصل 180

شقق الوسام يصل السعر من 300 الى250 ريال

هناك محلات لتاجير السيارات

البلوي لتاجير السيارات ...جميع السيارات الموجودة موديل 2002

وهذا توه بادىء جديد وتقع على الدائري الشمالي بجوار شقق الحياة

الرحيلي لتاجير السيارات

شخاليل لتاجير السيارات....وايضا هناك الكثير
,,,,,,,,,,,

بخصوص الاماكن الترفيهية

هناك مهرجان السمراء وفيه الان عرض للمشغولات القديمة
والاكلات الشعبية

ايضا هناك منتزه مشار وهو خاص بالعوائل نساء فقط

ايضا حديقة الغابة وهو خاص بالنساء

ايضا منتزه مرح لاند للعوائل

ومنتزه حديقة الامير سلطان

والحكير للالعاب وتقع على خط المطار

,,,,,,,,
التسوق

هناك سماح سنتر

وايضا سوق برزان

ومركز الصالحية

وهناك اسواق كثيرة ايضا

آمل ان اكون قد قدمت مايفيد .


تحياتي

الضيغمي

[ابو خليف]

حقيقه المهاه اخوي


الضيغمي ماقصر


كان افضل مرشد سياحي بس عاد انه نسا شوين


اضيف على كلامه



شقق صحاري حائل


وشقق المناخ


وشقق الفاخريه

وشقق الضاوي


وشقق روابي سلمى


واجنحة الجبلين للشقق الفاخره


ومركز الحيدان التجاري والسكني وهو عباره عن مركز تجاري وشقق واجنحه مفروشه


واسواق الجامعيين



اما اماكن الترفيه


اضيف


حديقة الغابه

وقرية مرح لاند الترفهييه على طريق المدينه مركز المشعان التجاري


علمنا بن الدور العلو من اسواق سماح سنتر كله مطاعم عالميه

خاصه بالعوائل فقط



ومن اهم المناطق الطبيعه منتزه مشار

ويوجد به اماكن خاصه بالنسا ء ويوجد جلسات بالبر ومتوفر فيه كل انواع الخدمات والترفيه


كما انه تقام في هذا الوقت العديد من الانشطه السياحيه

وفعيات مهرجان حايل صيفها هايل السياحي


وتقام هذه الفعيات

في كل من


منتزه السمرا

وحديقة الامير سلطان (( المسطحات الخضرا كما يسميها اهالي المنطقه))


وحديقة السلام على الدائري

علمنا بان الاخيره التراث الشعبي من سامري وعرضه ومحاوره وغيرها من تراثات الجاليات الموجوده بالمنطقه




كما يوجد كتيب يوزع بالمحلات التجاريه والشقق المفروشه
مجانا ويوزع بمحلات تاجير السيرات والاماكن العامه

هو عباره عن دليل سياحي للمهرجان وفيه اغلب ماتحتاجينه من اماكن اثريه ومحلات واسواق وشقق ومتنزهات طبيعيه واماكن الترفيه

وجميع مايلزمك بالمنطقه


اسمه دليل حائل السياحي



وقبل كل هذااااااا يهلا بك انت والي عندك على قولتك عندنا انتم اهل البيت وحنا الضيوف وماله داعي شقق وخرابيط فاضيه

ان ما شالكم البيت تشيلكم عيوننا


تحياتي

[ابو غازي]

ول ول ياذويبااااان |512|

ماصدقت على الله هالطلب جاء من المهاة وفرطت ااالسبحه ياشين :D

|512| إعقل وثقل شووووين |512| نبي نعرف كم تدفع لنا المهاة مقاااابل الأتعااااب |512|

وإنت يالضيغمي

ماصدقت خبر ياكاااافي |512|:D


تحيااااتي للجميع

[سلمان النبهان]

حقيقة ان حائل ماتبي دليل سياحي
فوجودكِ بوادي الديعجان يكفي عن كل شي
النظر لقصر السناعيس برزان هو الشموخ
روية جبال اجا وسلمي وجلديه عن العالم كله
روية وجيه اهل الجبل والكرم فوق كل شي
تاريخ يفوح بالبطولات والماضي الاصيل
هنااااااك نشوه لان تعرفه حتى تذخل حائل ...
هنااااااك حزن يعرفه من هو خارج حائل ....

[المهاة]

ابو غازي ماتقصر اخوي .. قول و فعل

ترا نبيك تستقبلنا في المطار وجيب معك ثلاث صوالين بس :D


تسلمون انت وذيب ..

[المهاة]

كان الله في عونك اخوي موال .. وردك سالما و أقرّ عينك برؤية أحبابك ..

أخي الغربة شعور داخلي لا علاقة للاماكن بها .. أذهب الله عنك ماتكره و حفظك من كل سؤ...

ان كنت تعيش في المنفى فلعل لك عذر في بعدك عن حايل لكن فيه من أهل حايل من يعيشون في الوطن و لم تتسنى لهم الفرصة في زيارتها بعد .. شرايك تجي معانا دام ابو غازي بيتكفل فينا ..:p:rolleyes:

[المهاة]

أخوي الضيغمي .. الله يحييك و يسلمك ..

بيض الله وجهك كفيت و وفيت أخوي ..

[المهاة]

تسلم عيونكم أخوي ذيب شراف .. و عسى البيت عامر بأهله يارب

بس اخاف نجيكم تهربون و تتركون لنا الديرة مو البيت بس ..:p

ماتقصرون ومافيكم شك اخوي بس انت عارف اهل الرياض غثيثين و ماعندهم هالسوالف :o

يعطيك العافية و وجود الكتيب شيء رائع ..


ما قصرتوا الله يبارك فيكم جميعا

[المهاة]

بو غازي كنك زعلت ان الضيغمي وذيب شراف سبقوك ..

و لا يهمك احنا ما نلفي الا عليك كله الا زعلك ..:p

[المهاة]

اخوي سلمان النبهان لا ألومك في وصفك لحائل فشوقي لزيارتها ..

و لهفتي لرؤيتها .. تفوق كل وصف .


دامت اخت الجبال شامخة .. و اتمنى ان أجد نشوة لقائها عن قريب


شكرا لمرورك اخي الكريم

[ابو غازي]

الإخت ااالغااالية المهاة

هذي والله الهقوة بخيتي عسأ الله مايحرمنا من المهاة وباقي بنيواتنا بعد :D


وحنا رهن الإشارة دائماً


تقبلي خاااالص تحيااااتي

[الهوم]

في البدايه اخت مهاء الله يحييك في ديرتك الثانيه حانل وكل لنا الشرف في خدمة الضيوف
والشبا ب الي ردو عليك مافيهم قصور

واذا ماحصلتي احد ابشر ي بسعدك


تقبلو تحيييييياتي الهـــــــــــــــــــــــــوم

[المهاة]

تسلم اخوي الهوم و بارك الله فيكم جميعا


هذي الهقوة في اهلي :cool:

[عايش العنزي]

انا اقول ( الحمني ) جاهز لإستقبالك انت ومن معك

تراه شقردي ..!!

انتي بس روحي لـ( (موقق ))..وأسألي عن (( حمني ))

ومايصير خاطرك إلا طيب ...

[ابو عادل 111]

اختي المهاة شوقتونا لعروس الشمال حا ئل والعقال مائل
صراحة الاخوان ماقصرو لكن فية مناطق تستاهل الزيارة مثل سوق برزان
والقشلة ومنطقة عقدة في وسط اجا وتوارن وقصر العشروات ومركز المشعان
الترفيهي 0