اناالمسحور وان جت وحدةٍ تنشد عن المسحور $$عطوها رقم جوالي ودلوها على دروبي

[ابو خالد الجربا]

السلام عليكم ورحمة الله وبركاته

احب ان ارحب بكم واشارك بهذه القصيدة




انا مشكلتي اني لا عشقت اعشق بدون اشعور

.....................اصير من امس الأول صيدةٍ في يدين محبوبي

اهيم ابحرها وابحر ولو ماني خبير ابحور

...................... على وجهي ولا ادري وين مرسايه ومكتوبي

هنوفٍ دربها شوك وغرابيل و شقا و عثور

,.................... أبمشي صوبها واقبل مدام عيونها صوبي

وابكتب ف محبتها قصيدٍ(ن) يطرب الجمهور

..................... مدام اني مع الشعار شاعر ماليٍ ثوبي

لها خصرٍ نحيل يرتطم به شعرها المنثور

..................... لها عنق طويل اليا انثنى غنيت مسحوبي

غدى قلبي صويب من العنيون الناعسات الحور

................... لو اهرب وابتعد عن حبها ما ابطيت بهروبي

وانا لو ما قدر اكتب قصيد بزينها معذور

.................. .... واشكتب عن جمالٍ لا ذكرته بانت عيوبي

اخطط قبل اقابلهاولا ودي يبين قصور

........................ وايها وأتجود واحترس ويبين عذروبي

هي اجمل بنت بالدنيا تعيش وعرضها مستور

........................ حسب ذوقي وتقديري و تعبيري ومطلوبي

انا دكتور دكتوره وهي دكتورة الدكتور

........................ نداوي بعض والا ينتهي عمري وانا عزوبي

ولا به غيرها من يملك دواء الخاطر المكسور

...................... ولو راحو بي وجوبي ، ولوجوبي و راحوبي

وانا طبحت ما ادري طحت ، لا راضي ولا مجبور

..................... ولا ادري هو سببها حظ والا اسبابها ذنوبي

سقتني كوب ما صافي واثري فيه البلا منثور

..................... ومن هاك النهار اقصد واغني من بلا كوبي


اناالمسحور وان جت وحدةٍ تنشد عن المسحور

..................... ..عطوها رقم جوالي ودلوها على ادروبي

وهي سبة غروري والغرور يضيع المغرور

.................... ...احسب الناس دارين اببهاهايوم طاروبي




الشاعر / زياد بن حجاب بن نحيت


:::::::::::::::::::::::::::::::::::::::::::::::::::::::::
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
"""\"""""""""""""""""""""""""""""""""""""""""""""""""""""
.........................................................

ارجو ان تنال على استحسانكم
ولكم تحياتي


اخوكم

[ابو يزيد]

الأخ/ابو خالد الجربا

مساء وصباح الخير

اخي ابو خالد فاجأتني بالقصيدة وكم سرتني

لأني كنت اتوقعها من قولك لا من منقولك ودار في بالي

عدة خواطر حول القصيدة قبل ان اعرف قائله لكن الآن

مااقول الا اختيار لايعلى عليه خاصة عاد انه مسحور

والمسحور عاد يقصد يدون اشعور و لكن اللي متأكد منه انه

شاعر فعلا مالي((هدومه))ودكتور في الشعر لكن المسكين

شكله طاح ماهو متواسي((متساوي) وهذا اللي نكبه ويحتاج ودى

لحدا المشايخ يقرا عليه ويعطيه (( حجــــــــــــــاب !!)) :


((وانا طبحت ما ادري طحت ، لا راضي ولا مجبور

..................... ولا ادري هو سببها حظ والا اسبابها ذنوبي

سقتني كوب ماء صافي واثري فيه البلا منثور

..................... ومن هاك النهار اقصد واغني من بلا كوبي ))


لكن عاد اقول عسى الله يشفيه وانا اتوقع ان لقيناها وعطيناها

رقم جواله اكيد اكيد انه بيبطل مفعول السحر:


((ولا به غيرها من يملك دواء للخاطر المكسور

..................... ولو راحو بي وجوبي ، ولوجوبي و راحوبي ))


واكيد انه بعد مارايح يتعود انه يجي كله لاحب ويصير صيدتن من


اول نظرة ودك الواحد يثقل شوي لاحب :


((انا مشكلتي اني لا عشقت اعشق بدون اشعور

.....................اصير من امس الأول صيدةٍ في يدين محبوبي))



اخي ابو خالدعطني اذنك

وشل الشماغ عنها:

وقرب شوي :

تراي اطالبك يابو خالد بقصيدة من قصايدك

خاصة اني فزيت فزة واحدن مسحور احسب القصيدة لك.


اخيرا اختيار لايعلى عليه
n
وعسى الله يحفظك .



وتقبل تحياتي

اخوك ابو يزيد

[معدل بواسطة ابو يزيد بتاريخ 02-12-2001 عند 05:02 AM]

[موج البحر]

تسلم على الاختيار الجميل

فعلا قصيده جميله في معانيها


تحياااااااااااتي

[سيف الاسماء]

الاخ ابوخالد مشكور على هالقصيده الرائعه التي نقلتها ...

[ابوعلي]

ابوخالد

اختيار موفق

والكبير كبير سواء قصيد او مشاركه او نقلا

ارجوا لك المزيد من التألق

والمحافظه على النقله النوعيه الممتازه

وتسلم