المساعد الشخصي الرقمي

مشاهدة النسخة كاملة : يالاصمعي مرحبا يالا صمعي مرحبا


حمود الشمري
13-07-2003, 19:11
يالاصمعي مرحبا يالاصمعي مرحبا"=" ارحب واجهزلك الداله يفنجالها

رد الرساله اذا يصلك مني نبا"="وش موقعك عن رجال ن مايل اعقالها
الاصمعي
14-07-2003, 00:26
ابك البقا يالشمالي يا سليل نجبا=يمجهزٍ للضيوف العود ودلالها
يومك تنشّد علامك يافتى وش تبا=الخلق ربه يحاسبها على اعمالها
حمود الشمري
14-07-2003, 12:32
انكان تبي البعد اناس كثر الدبا"="بسالك عن بنت انا عمه ونا خالها

عاروس خليتها زمان وكت الصبا"=" والحين انا سالك يارجال وش حالها
ثامر
14-07-2003, 16:14
عاشوووووو ترونا متابعين

اخوي ابو عيد
اخوي الاصمعي
صح لسانكم جميعا
ونبي الابداع ياعرب :D
الاصمعي
14-07-2003, 20:08
اخي ثامر حياك الله واسعدنا مرورك ، ولاتبعد ترى قرب مسك الشوش;)


اخي سهيل استلم لاهنت



خلك على اسمك شمالي لاتبيح الغبا(1)=والبنت كثروا عمامه وسائت احوالها

ابعد عن دروب تكشف ما حواه الخبا(2)=واذكر علومٍ قديمه واعم جهالها




1-الغبا = السد او المتغبي لاتروح بعيد;)
2-الخبا = البيت او الستر
داب الشغايا
15-07-2003, 06:39
يا سلام

وسجلونا من ضمن الصفوف

لين انشوف من الي راح يمسك شوشت الثاني


وشد حيلك يالشمالي ..
داب الشغايا
15-07-2003, 06:42
يا سلام

وسجلونا من ضمن الصفوف


الين نشوف من الي راح يمسك شوشة الثاني


وشد حيلك يالشمالي
حمود الشمري
15-07-2003, 12:14
هو ليه تبعد عن الموضوع مابه ربا"="الحق مشروع اللي عاش بجبالها

من البحر الحمر ليامن رحت لادبدبا"="تمر بجنوبها وتمر بشمالها
حمود الشمري
15-07-2003, 12:17
اشكر الخوان الشعرى


ثامر المتعب

وداب الشغايا

والله لايجيب ساعت الزعل

حنا اخوان في ضيافت ابو متعب والقديمي
ثامر
15-07-2003, 15:04
الله مار يحيكم والمحل محلكم اخو ابو عيد عين غطى وعين افراش ٍ وزل
الاصمعي
15-07-2003, 20:17
الاصمعي وان تدرى مهو مستغربا=ناسٍ تبي تفهمه وناسٍ يورالها

وسهيل وش مبعده عن دار فيها ربا=دامه شمالي وراه يفارق سهالها
حمود الشمري
15-07-2003, 22:40
فارقتها غصب عني وسل ابو هبا"=" اهل العمل ضلت العربان بضلالها

صاروبها بعد ذالك من عربناانسبا"=" ان ماعرفت القضيه خله ابفالها
الاصمعي
15-07-2003, 23:23
طبعٍ بكم يابدو مع الذي يغلبا=وليا امحلت ديرةٍ دورتوا ابدالها
الله ينصر وليه والعدو يهبا=ان ما كلته الاسود الامر لاشبالها
حمود الشمري
16-07-2003, 12:03
اشكرك يوم المعاني جبتها مهذبا"=" كم واحدن غايته ياخوك مانالها

علمي بها قبل ميه وحسبه وحسبا"=" وعطيت مضمونها وعطيت موالها
المخاوي
16-07-2003, 14:47
الاخ سهيل الشمالي

الاخ الاصمعي

محاوره رائعه بين شاعرين متميزين

صح لسانكم جميعا ولاهنتوا

والله يعطيكم العافيه

واصلوا ونحن نتابعكم

وسجلوني من ضمن الصفوووووف

اخوكم المخاوي
حمود الشمري
16-07-2003, 18:54
مرورك شرف على


موضوعنا


ومشكؤر

لاكن ماقلتلي انت مع اي صف


مع صفي ولا مع صف الشاعر الاصمعي
الاصمعي
16-07-2003, 20:15
حياك وشرفتني معاك بالملعبا=لا يبن عمي اشرايك ننهي جدالها
وحصان شعري وشعرك دايماً يهذبا=يسبق اصايلهم وكدشه مع جمالها






حياك الله يالمخاوي ، شرفتنا بالمرور ،ايييييييه ارفعوا الصوت حيل غطوا على صوت صفه:D
اما المخاوي معاك معصي يكفيك ثامر وداب الشغايا:D
حمود الشمري
16-07-2003, 23:34
اخي الاصمعي العب معك جميل


ولاينمل ونت شاعر جيد تنقض البيت


وترد بقموض


وحب اتابع لك لعبات مع الشباب

وفيت وكفيت لاهفيت

اخوك ابو عيد