بدوة سهيل
26-06-2003, 19:22
نص أول أزفه إلى أساتذتي الأفاضل واخوتي الكرام، بمنتديات مضايف شمر .
لعله يرتقي الى رقي آذانكم ،وجمال أعيونكم
&
&&
&&&
قضيت الليل في رسمه أناغي لون أوجانه=أناغي كبريا صورة خذت منّي كثير أوقات
خذت ليلٍ معا فجرٍ وكملت عقب آذانه= تصبّحني صباح الخير اقبّلها على الوجنات
رسمته أوّل اللوحة رسمته سيّد ازمانه= رسمته قيصر المالك وكسرى في هبة خيرات
رسمته فارس اللوحات وخيّالٍ بفرسانه=مهار الخيل تتمختر على شوفه بكل حزّات
رسمته مكتسي بشتٍ يطرّز عالِ امتانه= رسمته والذهب لونه بريقٍ ماعلى لوحات
يمينه دلّةٍ صفرا صلت جمرات نيرانه=وعود ازرق على يسراه تفوح ابّه ولع جمرات
أصيلٍ يعشق الصحرا رسمته شيخ بدوانه= رسمته عزّ للشيخة وفخرٍ يعتلي هامات
غلب طبع التحضر..والحضارة كاسب رهانه= فهيمٍ مفتهم طبعه أبد ماتلحقه شرهات
خذت طائي كرم شخصه خذت ورثٍ علا شانه = خذت حاتم وهو حاتم فعايل ماتبي اثبات
رسمته يالليلي دن..ويادانه على الدانه= على الدانه يلا دانه ويادانه على الدانات
رسمته والفرح يرقص تصفّق شوق نسوانه =تزيّن له عبير الود طريقه بكمل الزينات
رسمته رافعٍ راسه ..ترى حقّه وميزانه= رسمته صورة الماضي ومستقبل حياةٍ جات
رسمته والشكر للّه على برّه وإحسانه = على صورة خذت جهدٍ خذت منّي كثير أوقات
بدوة سهيل
لعله يرتقي الى رقي آذانكم ،وجمال أعيونكم
&
&&
&&&
قضيت الليل في رسمه أناغي لون أوجانه=أناغي كبريا صورة خذت منّي كثير أوقات
خذت ليلٍ معا فجرٍ وكملت عقب آذانه= تصبّحني صباح الخير اقبّلها على الوجنات
رسمته أوّل اللوحة رسمته سيّد ازمانه= رسمته قيصر المالك وكسرى في هبة خيرات
رسمته فارس اللوحات وخيّالٍ بفرسانه=مهار الخيل تتمختر على شوفه بكل حزّات
رسمته مكتسي بشتٍ يطرّز عالِ امتانه= رسمته والذهب لونه بريقٍ ماعلى لوحات
يمينه دلّةٍ صفرا صلت جمرات نيرانه=وعود ازرق على يسراه تفوح ابّه ولع جمرات
أصيلٍ يعشق الصحرا رسمته شيخ بدوانه= رسمته عزّ للشيخة وفخرٍ يعتلي هامات
غلب طبع التحضر..والحضارة كاسب رهانه= فهيمٍ مفتهم طبعه أبد ماتلحقه شرهات
خذت طائي كرم شخصه خذت ورثٍ علا شانه = خذت حاتم وهو حاتم فعايل ماتبي اثبات
رسمته يالليلي دن..ويادانه على الدانه= على الدانه يلا دانه ويادانه على الدانات
رسمته والفرح يرقص تصفّق شوق نسوانه =تزيّن له عبير الود طريقه بكمل الزينات
رسمته رافعٍ راسه ..ترى حقّه وميزانه= رسمته صورة الماضي ومستقبل حياةٍ جات
رسمته والشكر للّه على برّه وإحسانه = على صورة خذت جهدٍ خذت منّي كثير أوقات
بدوة سهيل