هوجاس
25-06-2003, 15:09
من ناظري دمعي على الخد مسكوب=ومن الحوادث شاب راسي وانا شاب=
لا لذّ لي زادٍ ولا حلو مشروب=ولا لومق العين طيب الكرى طاب =
لاشكّ مايجري على العبد مكتوب=طول الزمان وكل شيً له اسباب=
وانا سبب قتلي ضحى شفت رعبوب=يضحك ويومي لي وهو من ورا الباب =
من قبل شوفي له وانا كان ابا توب=ومتّركٍ عني هوى تلع الارقا
هايف حشا عنقه كما الشاخ مسلوب=والردف عزالٍ لوسطه وجذّاب=
ومبيسمٍ كنّ العسل فيه مذيوب=إن ذاق سلساله ضجيع الهوى طاب=
والعين خرسا كنّها عين يشبوب=وجدايلٍ من فوق الامتان سكّاب=
طرّشت انا لمورّد الخدّ مندوب=يقول لي مرسول معسول الأنياب=
ترى خليلك قال لي قل لمحبوب=عينه تبارى للقمر خامسه غاب=
وانسبت له في جنح ليلٍ ولاهوب=عيب إلى خلًّ على خله انساب=
لولا الحيا نطّيت من راس مشذوب=وانوح نوح الورق واجيب ماجاب=
وقطفت وردٍ فيه بالنازمكتوب=كالآس ياسي له لمن طان طلاّب =
وخلّي سقاني كاس وصله على الدوب=وبنيت له في مسجد القلب محراب=
قولي أنا من عقب مادار دالوب=وصرف النيا وافق بتفريق الاحباب =
لا حزن يعقوبٍ ولا صبر أيوب=حزني ولا صبري على تلع الارقاب=
ياالله يامولاي ياخير مطلوب=ياللي إلى ماساله العبد ماخاب =
تجعل موازين المحبه على الدوب=بيني وبين مورّد الخد بالباب =
ختمي صلاتي عدّ ماسار مندوب=يمشي بعقد الصلح مابين الاحباب
الشاعر : محسن بن عثمان الهزاني
لا لذّ لي زادٍ ولا حلو مشروب=ولا لومق العين طيب الكرى طاب =
لاشكّ مايجري على العبد مكتوب=طول الزمان وكل شيً له اسباب=
وانا سبب قتلي ضحى شفت رعبوب=يضحك ويومي لي وهو من ورا الباب =
من قبل شوفي له وانا كان ابا توب=ومتّركٍ عني هوى تلع الارقا
هايف حشا عنقه كما الشاخ مسلوب=والردف عزالٍ لوسطه وجذّاب=
ومبيسمٍ كنّ العسل فيه مذيوب=إن ذاق سلساله ضجيع الهوى طاب=
والعين خرسا كنّها عين يشبوب=وجدايلٍ من فوق الامتان سكّاب=
طرّشت انا لمورّد الخدّ مندوب=يقول لي مرسول معسول الأنياب=
ترى خليلك قال لي قل لمحبوب=عينه تبارى للقمر خامسه غاب=
وانسبت له في جنح ليلٍ ولاهوب=عيب إلى خلًّ على خله انساب=
لولا الحيا نطّيت من راس مشذوب=وانوح نوح الورق واجيب ماجاب=
وقطفت وردٍ فيه بالنازمكتوب=كالآس ياسي له لمن طان طلاّب =
وخلّي سقاني كاس وصله على الدوب=وبنيت له في مسجد القلب محراب=
قولي أنا من عقب مادار دالوب=وصرف النيا وافق بتفريق الاحباب =
لا حزن يعقوبٍ ولا صبر أيوب=حزني ولا صبري على تلع الارقاب=
ياالله يامولاي ياخير مطلوب=ياللي إلى ماساله العبد ماخاب =
تجعل موازين المحبه على الدوب=بيني وبين مورّد الخد بالباب =
ختمي صلاتي عدّ ماسار مندوب=يمشي بعقد الصلح مابين الاحباب
الشاعر : محسن بن عثمان الهزاني