نوف
24-06-2003, 11:52
من بغا الفرقا لقا له عذْر واسباب ودليل=خل عنك العذْر والأسباب دام الحب ضاع
كان ودّك بـ (الفراق) .. ابشر عسى عمرك طويل=لا تردد وانت لك كلمه ولك أمرٍ مطاع
لي عليك .. انك تبتّ بـ (كلمةٍ) تشفي الغليل=ولك عليّ .. اني لا وقّف وقفة الرجل الشجاع
لا تجاملني مخافة (قال) .. مدري خوف (قيل)=عمر هرج الناس مايسمن ولا يغني جياع
كان قصدك (سرّ) حبك .. أوعدك لـ (أصبح) بخيل=واحمل أسرارك معي لـ (الموت) قدر المستطاع
بس قلها .. قل: مـ (احبك) .. وابشر بصبرٍ جميل=لا تحب اني مثل من طبعهم لوي الذراع
صاحبك ماهو كذا .. ياصاحب القدّ النحيل=صاحبك طبعه غريب .. وغربته غربة طباع
فـ (الهوى) مايقبل الحل الوسط ولا القليل=مثل ماهو لا شرى, يشري .. ولا من باع , باع
ثابتٍ لو هي تميل الأرض حدره مايميل=يدري ان الفقر ماهو عيب والدنيا متاع
ماعشَق لذة حياته .. كثر عشقّ المستحيل=ولا كَره حتى مماته .. كثر كِره الإنصياع
كم تعلّم من حياة البدو .. وش معنى الرحيل=وكم تعلّم من غروب الشمس .. وش معنى الوداع
وكم تعلّم من سحاب الصيف .. وش معنى الحصيل=وكم تعلّم من ليال البرد .. وش معني الضياع
ايه .. انا هذا طريقي (موحش وصعب وطويل)=وانت لامنّك تعبت .. العالم فجوجه وساع
اعتبرني في بداية سكّتك .. عابر سبيل=ورح وانا قلبي معك من وين وجّهت الشراع
يكفي اني لاذكرت فـ (سالفة) عشّاق .. قيل:=((عاشر أحبابه شجاع .. وفارق أحبابه شجاع))
فهد المساعد
كان ودّك بـ (الفراق) .. ابشر عسى عمرك طويل=لا تردد وانت لك كلمه ولك أمرٍ مطاع
لي عليك .. انك تبتّ بـ (كلمةٍ) تشفي الغليل=ولك عليّ .. اني لا وقّف وقفة الرجل الشجاع
لا تجاملني مخافة (قال) .. مدري خوف (قيل)=عمر هرج الناس مايسمن ولا يغني جياع
كان قصدك (سرّ) حبك .. أوعدك لـ (أصبح) بخيل=واحمل أسرارك معي لـ (الموت) قدر المستطاع
بس قلها .. قل: مـ (احبك) .. وابشر بصبرٍ جميل=لا تحب اني مثل من طبعهم لوي الذراع
صاحبك ماهو كذا .. ياصاحب القدّ النحيل=صاحبك طبعه غريب .. وغربته غربة طباع
فـ (الهوى) مايقبل الحل الوسط ولا القليل=مثل ماهو لا شرى, يشري .. ولا من باع , باع
ثابتٍ لو هي تميل الأرض حدره مايميل=يدري ان الفقر ماهو عيب والدنيا متاع
ماعشَق لذة حياته .. كثر عشقّ المستحيل=ولا كَره حتى مماته .. كثر كِره الإنصياع
كم تعلّم من حياة البدو .. وش معنى الرحيل=وكم تعلّم من غروب الشمس .. وش معنى الوداع
وكم تعلّم من سحاب الصيف .. وش معنى الحصيل=وكم تعلّم من ليال البرد .. وش معني الضياع
ايه .. انا هذا طريقي (موحش وصعب وطويل)=وانت لامنّك تعبت .. العالم فجوجه وساع
اعتبرني في بداية سكّتك .. عابر سبيل=ورح وانا قلبي معك من وين وجّهت الشراع
يكفي اني لاذكرت فـ (سالفة) عشّاق .. قيل:=((عاشر أحبابه شجاع .. وفارق أحبابه شجاع))
فهد المساعد