نوف
24-06-2003, 11:47
ألا ياهل الغرام الضحك وينه والسعاده وين=عسى الله يقطع الفرقا وساعتها وطرياها
احس بوسط قلبي جرح يشبه طعنة السكين=واحس بوسط كبدي جمرةٍ تحرق ثناياها
واحس بداخلي ضيقه غريبه من ثلاث سنين=واحس ان الزمن كشر بنابه يوم فرقاها
وأنا لوني شكيت اللي بقلبي للجبال تلين=وأنا لوني شكيته للسحايب نثّرت ماها
ترى ماهمني حمل المحبه لو غدى حملين=أنا قدّ الحمول الجايرات وقدّ بلواها
ولو راحت ضلوعي من سبب حمل الغرام طحين=أنا مثل الجبال الراسيه مااهتز مرساها
صبور ولو يبور الوقت فيني والزمان يشين=حرام إني لصون أسرار قلبي داخل خباها
عليّه نذر برقبتي ومني حلف معه يمين=لموت ولا دروا من وين ديرتها و منشاها
ابكتم سرها في وسط قلبي لو يطول البين=وأبي أحفظها عن العدوان والصدقان وحماها
غلاها بالضمير وقدرها الغالي بوسط العين=وانا لولا غلاها ماجفيت الخلق لرضاها
تحملت الجروح ولوعة الفرقا وبعد الزين=احن لصوتها واحزن طاريها وذكراها
عليها اللوم من شرقي وطنا لا حدود الصين=وعسى الله ما يواخذها بغلطتها ويجزاها
ابصبر واتجمل واتحمل بالقسى واللين=واقول الله يوفقها عدد ماسارت خطاها
أنا ليه أتبع المقفين وأشحذ رحمة المقفين=وأنا من روس قوماً تستر الخله وترفاها
رجالاً يخدمون ويحتمون وينصرون الدين=على درب الهدى والخير والفزعات ممشاها
هم اللي يطعمون ويرحمون العاجز المسكين=لهم سيرة قديمة من جهل بالعرف يقراها
وعلى سود الليالي والمحبه والفراق الشين=دعيت الله يعين ويكشف الضيقه ويجلاها
ويعين الصابرين اللي على درب الشقى ماشين=ثلاث سنين وهموم الزمان تحف ممشاها
فيصل بن خلف بن هذال
احس بوسط قلبي جرح يشبه طعنة السكين=واحس بوسط كبدي جمرةٍ تحرق ثناياها
واحس بداخلي ضيقه غريبه من ثلاث سنين=واحس ان الزمن كشر بنابه يوم فرقاها
وأنا لوني شكيت اللي بقلبي للجبال تلين=وأنا لوني شكيته للسحايب نثّرت ماها
ترى ماهمني حمل المحبه لو غدى حملين=أنا قدّ الحمول الجايرات وقدّ بلواها
ولو راحت ضلوعي من سبب حمل الغرام طحين=أنا مثل الجبال الراسيه مااهتز مرساها
صبور ولو يبور الوقت فيني والزمان يشين=حرام إني لصون أسرار قلبي داخل خباها
عليّه نذر برقبتي ومني حلف معه يمين=لموت ولا دروا من وين ديرتها و منشاها
ابكتم سرها في وسط قلبي لو يطول البين=وأبي أحفظها عن العدوان والصدقان وحماها
غلاها بالضمير وقدرها الغالي بوسط العين=وانا لولا غلاها ماجفيت الخلق لرضاها
تحملت الجروح ولوعة الفرقا وبعد الزين=احن لصوتها واحزن طاريها وذكراها
عليها اللوم من شرقي وطنا لا حدود الصين=وعسى الله ما يواخذها بغلطتها ويجزاها
ابصبر واتجمل واتحمل بالقسى واللين=واقول الله يوفقها عدد ماسارت خطاها
أنا ليه أتبع المقفين وأشحذ رحمة المقفين=وأنا من روس قوماً تستر الخله وترفاها
رجالاً يخدمون ويحتمون وينصرون الدين=على درب الهدى والخير والفزعات ممشاها
هم اللي يطعمون ويرحمون العاجز المسكين=لهم سيرة قديمة من جهل بالعرف يقراها
وعلى سود الليالي والمحبه والفراق الشين=دعيت الله يعين ويكشف الضيقه ويجلاها
ويعين الصابرين اللي على درب الشقى ماشين=ثلاث سنين وهموم الزمان تحف ممشاها
فيصل بن خلف بن هذال