إلى المشرف العام والنائب والمراقبين والمشرفين والمشرفات

[الداعيه / براك الفريسي الجربا]

إهداء

من قلب ٍ نابض ٍ بالحب



الله يبيض وجه راع المضايف = اللي عليها ساهرٍ دايم الدوم

انشهد انه نايفٍ وابن نايف =أبدا بشخصك يا فتى الجود ملزوم

والنايب المشرف كريم الطوايف = الصارم اللي يجعل الضد مصروم

وبشير والنبهان ماهم خفايف = مراقبين وعندهم تحشم القوم

والواكد اللي ما تبع كل هايف = طود المضايف قمة فاقت الحوم

وعبد الله السالم سليم ٍ و رايف = طاف الكرم دايم على عالي الزو م

ودكتورنا الجرباعلى الطيب طايف = هو القمر اللي اختفت عنده نجوم

والمهيني اللي معتلي راس ضايف = وعبد العزيز والعذب والعربي قروم

وفلاح والغازي و وثامر نوايف = وطلال والرويتع وفيصل كما حزوم

وابو عذاري وابن قشعم مصايف = الفكر ياجاهم يصيف على الدوم

والا القديمي ياهبا كل هايف = ومحارش اللي عندنا دوم محشوم

واليم وابو فارس رجالٍ نظايف = وجهز وابو مرزوق غالين بالسوم

ومن عرض الاعضاء فيه ناسٍ لطايف = ما يزحمه عند الاواليد مزحوم

ناسٍ زحازيحٍ زحولٍ مرايف = من عانده تجعل له الخشم مخزوم

فيهم مقاديمٍ شيوخٍ كتايف = يا جاهم العاني فلا يعود مضيوم

ولابي اعد اخاف انسا النصايف = اخاف انسا ياهل العرف شغموم

والمشرفات المترفات الترايف = الكل منهن مابهن أي مثلوم

ما ورسن للعاشقين الشفايف = ولاهن من اللي تغادر السوق برقوم

ولا هن من اللي مايعاتٍ قرايف = كلامهن موزون ما يلحقه لوم

يالله ياللي للخفيات شايف = يا منزلٍ عمّـا وتبارك مع الروم

مزبان من صكه زمانه وخايف = يافارضٍ حجه عقب هلّة الصوم

ياعالمٍ باسوورد كل الطوايف = يا شايف احلام البشر في دجا النوم

يا جاعل اوصاف البشر بالوصايف = وسترتهم من العرا بكاسي هدوم

وبوصافهم مثل الرطب والقطايف = وفيهم جلوفٍ ريحته ريحة الثوم

تجعل لنا بجنات خلدك مصايف = مع الرسول اللي عن الذنب معصوم

[ريم شمر]

الله يبيض وجهك يوم تبيض وجوه وتسود وجوه

عز الله انك ماقصرت

قصيده رائعه وكلمات طيبه في

حق جميع من يستحق

وكلهم يستحقون

كل الشكر والتقدير لك اخي براك

واكرر الشكر لتشريفي بقدومك لمضيفي

وارجو ان لاتكون آخر زياره

http://www.mamarocks.com/pinkrose25.gif


ريـــــم

[ضحوي الاسلمي]

براك الفريسي



اهداء مميز جدا...




وماقصرت فيه ابد




كفيييت ووفيييييت




قصيده جمعت فيها كل الغالييين بمضايفنا الغاليه




لاهنت والف شكر عليها




اخوك



ضحوي الاسلمي

[عبدالله الجعيثن]

براك الفريسي

الف نعم بك وبأصلك يااصيل

اهداء مميز

تسلم يمينك وصح لسانك

اخوك/الغازي

[أبو فيصل]

اخي الغالي ومشرفنا الرائع
براك الفريسي

بيض الله وجهك ونا اخوك

اي فلاش واي سويتش واي فوتوشوب

ياخوي ارفق علينا شوي شوي ....

اسمح لي بأن اقول بأنها معلقة مضيف الآهداءت

فلك الشكر ايها المبدع

وجميع الآخوان هنا يستحقون كل خير وثناء ولا هو كثير عليهم

اخوك
ابو فيصل

[اخو سعدى]

الاعضاء و زوار المضايف


مالهم اهداء



|8| |8| |8| |8| |8| |8| |8|




ليش التفرقه ؟؟؟؟

[المشرف العام]

أخي براك ..

بيّض الله وجهك .. وجزاك الله خير

لا استطيع مجاراتك في البلاغه والوصف ..

ولكن كلّي ثقه أنك تعلم ما أكنّه لك من مودّه وتقدير


اخوك ابو سلطان

---------

همسه :
اخو سعدي :

ومن عرض الاعضاء فيه ناسٍ لطايف ما يزحمـه عنـد الاواليـد iiمزحـوم

نـاسٍ زحازيـحٍ زحـولٍ iiمـرايـف من عانده تجعل له الخشـم iiمخـزوم

فيهـم مقـاديـمٍ شـيـوخٍ iiكتـايـف يا جاهم العاني فـلا يعـود iiمضيـوم

ولابي اعد اخـاف انسـا iiالنصايـف اخاف انسا ياهـل العـرف iiشغمـوم
;)

[مجموعة إنسان]

.

تسلــــم أخــوي برّاك



والله يرفع من قدرك



وإهداء رائع على هيئة قصيدة رائعه

فالف شكر لك أخي


تحياتي،

[Doctor aljarba]

إبن العم العزيز ..

براك الفريّسي الجربا

أشكرك على دماثة خلقك .. بأن جعلت لنا موقعاً بين هذه النجوم والأقمار في مضايفنا العزيزة .. فبالرغم من عدم تقديمناالشيء الذي يستحق ذلك .. إلا أنني مدين لك بالكرم والطيب ..

كل التقدير من إبن عمك المحب ..

[فـهـد الـعـواد]

براك الفريسي الجربا

وفيت وكفيت

هم يستاهلون وانت تفعله

عزالله ما قصرت بابن الاجواد ولا هي غريبه على مثلك وشرواك

الله يبيض وجهك ويعطيك العافية

لك من كل تقدير واحترام

[شموخ]

يستاهلووووووووووون كل المشرفين والله ويستاهل مشرفنا ابو سلطان

والله يعطيهم العافيه

تحياتي اختك
شموخ

[عبدالله المهيني]

أخي العزيز

براك الفريسي الجربا

والله ماأدري وش اقول

ولكن بيض الله وجهك

وكفيت ووفيت

لك كل المودة والإحترام

من أخوك

عبدالله المهيني

[عبدالعزيز]

الغالي براك
يعلم الله اني شفت القصيدة الضهر وبلشت بالرد اللي يعطيك ولو شي بسيط جداً مماعطيتنا اياوه
قلت اخليه لليلة يمكن يطلع معي شي ولهالحين بلشان

لكن مااقول الا بيض الله وجهك وياعلك تسلم لنا وتبقى ذخر يالعزوة

[أماني]

************

أهـــــــداء راااائــــــــع تسلم أخي البـــراك


كفيت ووفيـــــت


يعطــــيك العـــــــافيــــــــه



تقبـــــل تحيــــــــاتــــي


********

[(فرح)]

شكرا على هذا الاهداء

الاكثر من رائع

من اخ لنا

براك الجربا

سلمت اخي ....الى كل

مافيه نفع ...واطراء

تحيات اختك

[طلال صعفق الحافظ]

اخوي براك الفريسي..

شكرا لك ويعلم الله اني .. ما عملت الشي اللي يستحق ايراد ذكري بهالمعلقــة الجميــله والدرة النفيســه

على كل حال .. شكرا ..شكرا جزيــلا موصولا بدعوة صادقه..

[ثامر]

الاخ العزيز الشاعر / براك الفريسي الجربا

صح لسانك اخوي وتسلم على القصيده الحلوه وصراااااااااااااااااااااااحه اشكر اهداءك الجميل اخوي

اخوك
ثامر المتعب

[سلمان النبهان]

الاخ الغالى براك الفريسي سلمه الله
حقيقة اهداء شهم كريم من شخص عظيم
اخي براك ان الهدية الكبيرة للجميع هي ::ـ
وجودك معنا بالمضايف وسعادتنا بصحبتك
صح لسانك وتسلم وتدوم يالغالي .

[فواز الشبيكان]

الاخ الغالى بـراك الفريسـي سلمـه iiالله
حقيقة اهداء شهم كريم من شخص iiعظيم



وتستاهل هلبيت


براك من اهل السيوف الرهايف=حرٍ تعلا ماكره جعله ايدوم

[عبدالرحمن]

الاخ الكريم - براك - تشكر على هذه الابيات

الاكثر من رائعة بحق اخواننا ، وهم يستحقون الكثير....

لفتة كريمة من اخ كريم.

== اخ براك....تحياتى...==

[ابو خالد الجربا]

براك الفريسي الجربا



سلمت وهذا ماهو غريب على انسان مثلك





تقبل مني اجل تقدير واسما احترام





والله اني اكن لك حب جليلاً لا يعلمه الا الله



تسلم ياشهم




والاصيل لا يأتي منه الا الاصيل





لك الحب كما تحب

[فارس]

براك الفريسي الجربا




الله يعافيك




ولا هنت على هذه المعلقة





سلمت قريحتك وسلم بنانك





الله يعافيك

[فرحان]

براك الفريسي الجربا




يا شيخ والله انه رائعة من انسان رائع مثلك




الله يجعلك دايم على القوة




لا عدمناك

[موال]

صح السانك وكل من ذكرت اسمه يستحقون الاشاده وهذا
شىء جميل ان تلتف القلوب مع بعض اشكر لك شهامتك
بس تراك نسيتنا :):) بس ترى اللي عندك معروف يالقرم تقبل تحياتي

[al_snafy_1999@s]

بســم الله الـــرحـمـن الـرحـــيــم

الســلام عليــكـم ورحــمة الله وبـركاتــة


اهداء راقي من انسان ارقاء


ويستاهل ابو سلطان ان تبدا بشخصة الكريم


لي جـــمعنا هـنا (بشبكتنا الغالية )


نطرح موضوع ونرد علي مواضيع وكننا بقهوتة(ديوانيتة)


والكل منا يبعد عن خوية الاف الاميال


ويستاهل ابو سلطان راع الدار




الله يبيض وجه راع المضايف = اللي عليها ساهرٍ دايم الدوم

انشهد انه نايفٍ وابن نايف =أبدا بشخصك يا فتى الجود ملزوم





ولا يهون من جاع عقبة


من نــايب ومــراقبـيـن ومــشـرفـين


ونــتم يالجــــربان وجـــودكــم لـه نـكهة خــاصـة






مقارب الجربان فرضا وسنة = فرض(ن) علينا مثل فرض الصلات ٍ



= = = =


يطلع من الجربان مايدلة البال = لا غاب واحد قـــــام الثاني بزية



البيت اعتقد انة كذا اذا ماخانتن الذاكرة


ويستاهل الدكتور ماسطرة قلمك






ودكتورنا الجرباعلى الطيب طايف = هو القمر اللي اختفت عنده نجوم







وشكرا علي الابيات

الي عــمت كل عـــضو

من اعـضـاء شبـــكتنا الغـــراء






ومن عرض الاعضاء فيه ناسٍ لطايف = ما يزحمـه عنـد الاواليـد مزحـوم

نـاسٍ زحازيـحٍ زحـولٍ مـرايـف = من عانده تجعل له الخشـم مخـزوم

فيهـم مقـاديـمٍ شـيـوخٍ كتـايـف = يا جاهم العاني فـلا يعـود مضيـوم

ولابي اعد اخـاف انسـا النصايـف = اخاف انسا ياهـل العـرف شغمـوم

والمشرفـات المترفـات التـرايـف = الكـل منهـن مابـهـن أي مثـلـوم

مـا ورسـن للعاشقيـن الشفـايـف = ولاهن من اللي تغادر السوق برقـوم

ولا هن من اللـي مايعـاتٍ قرايـف = كلامهـن مـوزون مـا يلحقـه لـوم

[عامر الشلاقي]

صح لسانك مع انني لم ارى اسمي معهم
((((واحد منقهر))))))))

[اميرة]

اخي الجربا

صح لساااااااااااااانك ملااااااااااااااااااين

لكن يبدو لي ان هناك اسماء اشخاص

قد سقطت سهوا

ابو مشاري الشمري والفاضي

هذا مايخطر في بالي الأن

ولا اعلم ان كان هناك اخرون

الجربا نبي قصيدة مدح فيهم

والا وش قصرتهم عن الباقين


شكرا على هذ ا الأبدااااااااااااااع

الذي اتحفتنا به

[اخو نوير]

وعليكم السلام ورحمة الله وبركاته

صح السااانك يابعدي ولاهنت ياراس الرجاجيل

والزين لاجاء منك يابعدي ماهوب غريب علينا

تحياتي لك;)
اخو نوير

[المهاة]

اللهم امين ...


صح لسانك و الف نعم فيك و في كل من ذكرت ..


و الجميع فيهم البركة و يستاهلون أكثر ..

[الشيخ/عبدالله الواكد]

الأخ الفاضل / براك حفظه الله

السلام عليكم ورحمة الله وبركاته وبعد

أشكرك على هذه القصيدة الجميلة التي أتحفت المضايف بها

وليس بغريب على شاعر متبحر مثلك أن تنساب منه هذه الجداول اللفظية العذبة ، أسأل الله لك التوفيق والسداد

أخوك عبدالله الواكد

[محمد العربي]

الأخ براك الفريسي الجربا .. والف نعم ..

بيض الله وجهك .. وإهداء مميز من شخصٍ مميز .

[ابن جشعم]

مشكووور اخوي براك الفريسي على الإهداء

انت كريم وحنّا نستاهل يالعزوه


والله يقدرنا ونرد الهديّة بهديّة تكون بمثابة وقدر هديّتك لنا


تحياتي لك

[الشمري محمد فهد]

كاتب الرسالة الأصلية : ريم شمر




الله يبيض وجهك يوم تبيض وجوه وتسود وجوه
عز الله انك ماقصرت
قصيده رائعه وكلمات طيبه في
حق جميع من يستحق
وكلهم يستحقون
كل الشكر والتقدير لك اخي براك

[سعوط المجانين]

لاهنت يبراك لاهنت وصح اللسانك علي هالقصيده وتسلم يدينك علي النقل والكتابه


وجمعنا الله وياكم في جنات الخلد مع النبيين والصدقين والشهادءوالصالحين


امــــــــــــــــــــــــــــــــــــــ ــــــــــــــــين

[فايز الشمري]

براك الفريسي



الشعر بك يفخر وشمر وحايل= وانا اشهد انك يابن الابطال وافي
وفيت بأمثال(ن) قريته جزايل= ولاهي غريبه منك حيثك سنافي
اهديك شكري في جديد المثايل= وتستاهل اكثر ياجزيل القوافي

فايز البراهيم

[الخاثر]

كاتب الرسالة الأصلية : فايز البراهيم
براك الفريسي الجربا

الشعر بك يفخر وشمر وحايل= وانا اشهد انك يابن الابطال وافي
وفيت بأمثال(ن) قريته جزايل= ولاهي غريبه منك حيثك سنافي
اهديك شكري في جديد المثايل= وتستاهل اكثر ياجزيل القوافي

فايز البراهيم
[/B]



الخاثر

[الأستشاري]

براك الفريسي الجربا
ماشاء الله عليك اهداء مميز ويستاهلون الربع
سجل اعجابي

[الداعيه / براك الفريسي الجربا]

اعتذر عن التأخر في الرد





ولكن سوف ارد على كل رد على حده



ولكم الشكر مقدماً




وياهلا

[هادي المنيس]

الأخ/براك الجربا
مشكور على هذه التحفه الجميله
التي اتحفتنا بها


ويستاهلون الشكر والثناء منك ومنا

وتقبل تحياتي

[هادي المنيس]

الأخ/ براك
مشكور على هالقصيدة الرائعه
والربع يستاهلون الشكر منك ومنا


وننتظر المزيد من روائعك

وتقبل تحياتي