نواف حمود الشمري
21-06-2003, 10:45
يالربع مادري وش اقول؟؟..((اجل وش جايبك؟؟))
والله من ضيقة الصدر الواحد مايدري وش يصخم؟؟ خصوصا اذا كان الواحد
فاضي مثل حالاتي.. مرات احس اني مالي داعي بهالدنيا؟؟ الله يهديتس يايمه جبتيني وابتلشتي بي..
ماتصدقون لو اقولكم اني مرات تجيني حالات دبلت تسبد تشلع التسبد شلع..
ومن كثر ماتجيني هالحالات قمت افكر (( زيييين)) بشي يقلع هالحالات هذي..
نوبتن من النوبات اندبلت تسبدي كالعاده.. وانا اقوملك احوس..ادور شي يلهيني..ويخفف علي..قمت اراعي لاخوي الصغير وهو يسعبل ((تكرمون)) قمت اقول لروحي.. ليه مااشغل نفسي مع هالوغد..اخيرا لقيت لي شي يوسع صدري..
عاد هالسالفه ابتعب وانا اقولكم ((تكرمون))....وعشان اختصر لكم..تكرمون لباتسر..
فقلت ابحسب كم يستغرق السعبول وقت من يطلع من خشته يما ياصل سره ..ثلاث مرات احسب ( فاضي)..وخذيت المعدل فاكتشفت ان السعبولة الوحده تستغرق زمن مقدارة اربع دقايق وثلاثين ثانية وثلاثة أجزاء من الثانية ... معناته ان اخوي يبي ينزل خلال ساعة وحده حوالي اربع طعش سعبولة ..فلو قلنا ان الف وغد بنفس الوقت يسعبلون...معناته اننا نستهلك اربع طعش ألف سعبوله خلال ساعة وحده .... وبما ان السعبوله الوحده حجمه ثلاث سم مكعب لذوي الخشش الصغيرة وخمس سم مكعب لذوي الخشش الكبيره ...اذا فالقضية اصبحت ظاهره وتشكل خطر على مخزون السعابيل بمجتمعنا ... هذا غير اذا حسبت لكم السعابيل وقت الذروة .. يعني وقت النوم ...اذاً اخواني واخواتي يدا بيد لمنع الهدر السعابيلي القادم حفاظا على سعابيل اجيالنا القادمة.
خلونا من هالسالفة العوجا....
لالحين ضيقة الصدر ماراحت...
قمت افكر بيني وبين نفسي...ليه انا وجهي مو حلو ؟؟؟ ليه الله قردن بهالفره؟؟
ليه كل ماامر من قدام عنز ولا ناقه ولا بقره تبدا تغير تعابير وجيههن؟؟
مرة البقرة ماقدرت تحمل من شيني نطقت تكلمت ..قالت تكفى اذا شفتن تعامل معي على اني زرافة بس لاتقرب عندي ..
انا شين ... ربي خلقن شين طول عمري شين ...وش اسوي ...سويت عمليات تجميل مانفع ..قدمت على قرض ترميم مانفع .....ياربي وش اسوي؟
تقول امي اني اول مانولدت من شيني الدكتور قاعد ينغزن بعصا المكنسة ويقلبن يمين ويسار يبي يشوف أنا آدمي والا كرشة طلي.
اخواني كلهم حلوين ..كل واحد احلى من الثاني الا انا,,,,,ليييييه؟؟؟ ليه انا شين؟
ياربي وش اسوي...شين وين ما اروح وين ما اجي شين صار عمري عشرين وتجاوزت مرحلة البلوغ ..قلت ايه ان شاء الله يبي يتلاحق وجهي ويزين ..مامن فايدة كل ما اكبر يكبر معي شيني .
قلت مالي الا انهج للبنان اسوي عملية سمكره للخرابيط اللي بوجهي...ولبنان عاد يمدحون العمليات عندهم..
رحت وانا ادخل لك على هاكالدكتور ...قلت له شوف مثل منت شايف وجهي تقل صندوق طماط داعسته ددسن على خط رفحا...عاد انت وضميرك يادكتور..
قال لي:: شوف يابني..انا راح اعطيك عدة خيارات..وانت بكيفك..
تبي تصير مثل سعد جمعه ماعندي مانع..تبي تصير مثل عبدالله بالخير هم ماعندي مانع.... اما انك تصير مثلنا فمعصي...على وجهك هذا ولا كنسولتو من اكبر مستشفيات التجميل بالعالم ينفع معك....؟.
صابن احباط ...ما قدرت اتحمل ..ودي احب ودي اغازل ودي ارقم ودي اشبك البنات .. نزلت الى ادنى المستويات لبنات مامن بالشين مثلهن..منهن نيجيريات تقل بعارين مامن فايده ما احد عطاني وجه ... اذكر اني رقمت بنت تبيع فصفص شكله تقل كفر جمس منفقع بطريق القصيم وصاكته الشمس يما داخ .. وش سوت بنت اللي ماني قايل.. راحت اتصلت على الهيئة وقالت اسجنوني اذبحوني بس لايرقمن هذا ..اتصلت على الجوازات وقالت سفروني بس لايرقمن هذا .. اتصلت على حقوق حماية الانسان ..اتصلت على بوش قالت شوف هذا ارهابي.
حقين الهيئة يوم جو.. شافوني .. يمين يسار فوق تحت .. قالوا ليت كلن مثلك تسان تبطحنا بمكاتبنا لاشغل ولا مشغلة.
انتهينا من سالفة شيانتي...ولا به فايده
لالحين ضيقة الصدر ملازمتن مادري وش اسوي؟؟؟
اعيش ضيقة صدر وفضاوه مامثله....
مريت على المطبخ ناديت الشغالة.. قلت له متى تروحين اندونيسيا(فاضي).. قالت بعد سنة .. قلت زين تبين اساعدت بضف غراضتس؟؟..؟ قالت لا ساعدن بضف وجهك ....لاحوووول ..
الله من موتة الحييييييييل ... طلعت برا ..رقيت فوق الجدار ((وفي روايه::الحايط)) .. فكيت اللمبة((وفي رواية لنبة)) اللي فوق باب الحريم .. وديته عند باب الرجال وفكيت اللي فوق باب الرجال وحطيته عند باب الحريم
مامن فايده.........
قلت مالي الا افكر ..لو انا ماني نسناس الشمال.؟؟ وش اكون؟؟
عاد بديت اتخيل نفسي...
اول شي تخيلت نفسي لو اني بيبسي وشلون تكون حياتي؟؟؟ يمكن تكون ابرك من هالضيقه اللي انا به؟؟
بهاثلاجه ميتن برد ومرتاح على يميني ويساري هالمريندات الشقر ..والله من الاحتكاكات الغير مقصودة <<<< تفكير ببسي سعودي عاد اذا جو يبيعوني اكون على اعصاااااااااابي من اللي يبي يشتريني تعرفون الدعوة به مصمصة وتبويس ان صار هندي الله يعين والا يماني مخزن ,, واحسن شيء اذا سواق جاء يشترين ادري ان الدعوة به عائلات بس القهر انه كل مايوديني عند بنت زينة تقعد تميلح وتصبن بكاس وانواع الدلع تقل داريتن عن نواياي الخبيثة.
لاببسي مايصلح ..تدرون ابدور لي شيء ثاني
كفر ددسن <<<< وش يبي هذا ,,, والله حالة المشكلة اذا صرت كفر ددسن واحدن من هالشباب الدشير ماغير ادوجه ووجع راس ومطامر على هالارصفه والله حالة.. وازين شيء اذا صرت بسيارة شايب بس ياخي هالشيبان لازم اذا بغى يوقف يدعم الرصيف وتالي كل جبهتي صعارير...ولااستفدنا شي..شين يعني شين,,, و المشكلة ان نهايتك بالسكراب ولا المحرقه مالك اي قيمه...
لااا كفر ددسن مايصلح ليه ماادورلي شغلتن ثانيه؟؟؟
بس والله بلشه هالفضاوه؟؟؟؟
الا ليييه مااصير مدمن؟؟؟يعني هالمدمنين احسن مني بوشو؟؟؟ حتى وجهي يصلح دلهالشغله..يعني مدرب وخالص...
اعوذ بالله انا وش بلاي؟؟؟الله يكفينا الشر ..وشوو مدمنه؟؟؟
اقوووول
مامن فايده
ومشكلتي ماله حل...
والظاهر مو بس انا اللي واقعن بمشكلة ضيقة الصدر ..حتى انتم
واكبر دليل انكم قاعدين تقرون موضوعي
(((( خاتمه))))
عسى الموضوع اعجبكم بس؟؟؟
هذا ماقدرت اقدمه لكم بهالفتره وادري اني مقصر...
لكن ابي منكم تعذروني لان هالموضوع راح يكون اخر موضوع لي
واعتبره وداعيه
وبصراحه عرسي مو الاسبوع الجاي..اللي وراوه..
>>>ماودك تعزم؟؟
اعتبروا انفسكم مدعوين...
الخفجي_ قصر الف ليله وليله_ الخميس مو الجاي..اللي وراوه
سلاااااام كبيير
والله من ضيقة الصدر الواحد مايدري وش يصخم؟؟ خصوصا اذا كان الواحد
فاضي مثل حالاتي.. مرات احس اني مالي داعي بهالدنيا؟؟ الله يهديتس يايمه جبتيني وابتلشتي بي..
ماتصدقون لو اقولكم اني مرات تجيني حالات دبلت تسبد تشلع التسبد شلع..
ومن كثر ماتجيني هالحالات قمت افكر (( زيييين)) بشي يقلع هالحالات هذي..
نوبتن من النوبات اندبلت تسبدي كالعاده.. وانا اقوملك احوس..ادور شي يلهيني..ويخفف علي..قمت اراعي لاخوي الصغير وهو يسعبل ((تكرمون)) قمت اقول لروحي.. ليه مااشغل نفسي مع هالوغد..اخيرا لقيت لي شي يوسع صدري..
عاد هالسالفه ابتعب وانا اقولكم ((تكرمون))....وعشان اختصر لكم..تكرمون لباتسر..
فقلت ابحسب كم يستغرق السعبول وقت من يطلع من خشته يما ياصل سره ..ثلاث مرات احسب ( فاضي)..وخذيت المعدل فاكتشفت ان السعبولة الوحده تستغرق زمن مقدارة اربع دقايق وثلاثين ثانية وثلاثة أجزاء من الثانية ... معناته ان اخوي يبي ينزل خلال ساعة وحده حوالي اربع طعش سعبولة ..فلو قلنا ان الف وغد بنفس الوقت يسعبلون...معناته اننا نستهلك اربع طعش ألف سعبوله خلال ساعة وحده .... وبما ان السعبوله الوحده حجمه ثلاث سم مكعب لذوي الخشش الصغيرة وخمس سم مكعب لذوي الخشش الكبيره ...اذا فالقضية اصبحت ظاهره وتشكل خطر على مخزون السعابيل بمجتمعنا ... هذا غير اذا حسبت لكم السعابيل وقت الذروة .. يعني وقت النوم ...اذاً اخواني واخواتي يدا بيد لمنع الهدر السعابيلي القادم حفاظا على سعابيل اجيالنا القادمة.
خلونا من هالسالفة العوجا....
لالحين ضيقة الصدر ماراحت...
قمت افكر بيني وبين نفسي...ليه انا وجهي مو حلو ؟؟؟ ليه الله قردن بهالفره؟؟
ليه كل ماامر من قدام عنز ولا ناقه ولا بقره تبدا تغير تعابير وجيههن؟؟
مرة البقرة ماقدرت تحمل من شيني نطقت تكلمت ..قالت تكفى اذا شفتن تعامل معي على اني زرافة بس لاتقرب عندي ..
انا شين ... ربي خلقن شين طول عمري شين ...وش اسوي ...سويت عمليات تجميل مانفع ..قدمت على قرض ترميم مانفع .....ياربي وش اسوي؟
تقول امي اني اول مانولدت من شيني الدكتور قاعد ينغزن بعصا المكنسة ويقلبن يمين ويسار يبي يشوف أنا آدمي والا كرشة طلي.
اخواني كلهم حلوين ..كل واحد احلى من الثاني الا انا,,,,,ليييييه؟؟؟ ليه انا شين؟
ياربي وش اسوي...شين وين ما اروح وين ما اجي شين صار عمري عشرين وتجاوزت مرحلة البلوغ ..قلت ايه ان شاء الله يبي يتلاحق وجهي ويزين ..مامن فايدة كل ما اكبر يكبر معي شيني .
قلت مالي الا انهج للبنان اسوي عملية سمكره للخرابيط اللي بوجهي...ولبنان عاد يمدحون العمليات عندهم..
رحت وانا ادخل لك على هاكالدكتور ...قلت له شوف مثل منت شايف وجهي تقل صندوق طماط داعسته ددسن على خط رفحا...عاد انت وضميرك يادكتور..
قال لي:: شوف يابني..انا راح اعطيك عدة خيارات..وانت بكيفك..
تبي تصير مثل سعد جمعه ماعندي مانع..تبي تصير مثل عبدالله بالخير هم ماعندي مانع.... اما انك تصير مثلنا فمعصي...على وجهك هذا ولا كنسولتو من اكبر مستشفيات التجميل بالعالم ينفع معك....؟.
صابن احباط ...ما قدرت اتحمل ..ودي احب ودي اغازل ودي ارقم ودي اشبك البنات .. نزلت الى ادنى المستويات لبنات مامن بالشين مثلهن..منهن نيجيريات تقل بعارين مامن فايده ما احد عطاني وجه ... اذكر اني رقمت بنت تبيع فصفص شكله تقل كفر جمس منفقع بطريق القصيم وصاكته الشمس يما داخ .. وش سوت بنت اللي ماني قايل.. راحت اتصلت على الهيئة وقالت اسجنوني اذبحوني بس لايرقمن هذا ..اتصلت على الجوازات وقالت سفروني بس لايرقمن هذا .. اتصلت على حقوق حماية الانسان ..اتصلت على بوش قالت شوف هذا ارهابي.
حقين الهيئة يوم جو.. شافوني .. يمين يسار فوق تحت .. قالوا ليت كلن مثلك تسان تبطحنا بمكاتبنا لاشغل ولا مشغلة.
انتهينا من سالفة شيانتي...ولا به فايده
لالحين ضيقة الصدر ملازمتن مادري وش اسوي؟؟؟
اعيش ضيقة صدر وفضاوه مامثله....
مريت على المطبخ ناديت الشغالة.. قلت له متى تروحين اندونيسيا(فاضي).. قالت بعد سنة .. قلت زين تبين اساعدت بضف غراضتس؟؟..؟ قالت لا ساعدن بضف وجهك ....لاحوووول ..
الله من موتة الحييييييييل ... طلعت برا ..رقيت فوق الجدار ((وفي روايه::الحايط)) .. فكيت اللمبة((وفي رواية لنبة)) اللي فوق باب الحريم .. وديته عند باب الرجال وفكيت اللي فوق باب الرجال وحطيته عند باب الحريم
مامن فايده.........
قلت مالي الا افكر ..لو انا ماني نسناس الشمال.؟؟ وش اكون؟؟
عاد بديت اتخيل نفسي...
اول شي تخيلت نفسي لو اني بيبسي وشلون تكون حياتي؟؟؟ يمكن تكون ابرك من هالضيقه اللي انا به؟؟
بهاثلاجه ميتن برد ومرتاح على يميني ويساري هالمريندات الشقر ..والله من الاحتكاكات الغير مقصودة <<<< تفكير ببسي سعودي عاد اذا جو يبيعوني اكون على اعصاااااااااابي من اللي يبي يشتريني تعرفون الدعوة به مصمصة وتبويس ان صار هندي الله يعين والا يماني مخزن ,, واحسن شيء اذا سواق جاء يشترين ادري ان الدعوة به عائلات بس القهر انه كل مايوديني عند بنت زينة تقعد تميلح وتصبن بكاس وانواع الدلع تقل داريتن عن نواياي الخبيثة.
لاببسي مايصلح ..تدرون ابدور لي شيء ثاني
كفر ددسن <<<< وش يبي هذا ,,, والله حالة المشكلة اذا صرت كفر ددسن واحدن من هالشباب الدشير ماغير ادوجه ووجع راس ومطامر على هالارصفه والله حالة.. وازين شيء اذا صرت بسيارة شايب بس ياخي هالشيبان لازم اذا بغى يوقف يدعم الرصيف وتالي كل جبهتي صعارير...ولااستفدنا شي..شين يعني شين,,, و المشكلة ان نهايتك بالسكراب ولا المحرقه مالك اي قيمه...
لااا كفر ددسن مايصلح ليه ماادورلي شغلتن ثانيه؟؟؟
بس والله بلشه هالفضاوه؟؟؟؟
الا ليييه مااصير مدمن؟؟؟يعني هالمدمنين احسن مني بوشو؟؟؟ حتى وجهي يصلح دلهالشغله..يعني مدرب وخالص...
اعوذ بالله انا وش بلاي؟؟؟الله يكفينا الشر ..وشوو مدمنه؟؟؟
اقوووول
مامن فايده
ومشكلتي ماله حل...
والظاهر مو بس انا اللي واقعن بمشكلة ضيقة الصدر ..حتى انتم
واكبر دليل انكم قاعدين تقرون موضوعي
(((( خاتمه))))
عسى الموضوع اعجبكم بس؟؟؟
هذا ماقدرت اقدمه لكم بهالفتره وادري اني مقصر...
لكن ابي منكم تعذروني لان هالموضوع راح يكون اخر موضوع لي
واعتبره وداعيه
وبصراحه عرسي مو الاسبوع الجاي..اللي وراوه..
>>>ماودك تعزم؟؟
اعتبروا انفسكم مدعوين...
الخفجي_ قصر الف ليله وليله_ الخميس مو الجاي..اللي وراوه
سلاااااام كبيير