قصيدة الأمير عبيد العلي الرشيد [الأرشيف]

ولد حرب

12-06-2003, 00:46

السلام عليكم

الأمير الفارس عبيد العلي الرشيد رحمه الله يعد الغارة التي شنها على

أهل عنيزه سنة 1261 هجري.

قال هذه القصيدة

طلبت من يعطى العطايا الى سيل ****اللي عن الطلاب ماصك بابه

يحطنا لشيوخكم طير ابابيل ****ودياركم على يدينا خرابه

واعطان مولانا وزادٍ بتسهيل ****وأرجى ان دعوتنا عليكم مجابه

حطيت لك أفكار تحبل حبابيل ****ورزقه من الضبان تملا عيابه

تبي تحارب متعبين الفناجيل ****قبلك مضو ناسٍ سعوا في خرابه

حنا لكم مامن ورانا محاصيل ****الذيب ما عنه حدٍ طرنابه

ظهور طوعات يشحلن تشحيل****يردون حوض الموت عند اقترابه

وبايماننا حدب السيوف المصاقيل ****ومطارقٍ ماينتداوى صوابه

ودهم بهن ريش النعام المضاليل ****نروى من الضد المناحر احرابه

لزماً الى وردن يصملن تصميل**** بقوم يسدك حاضره عن غيابه

وان شفتهن يقفن تراهن مقابيل ****لهن عند الملزمات اقلابه

جينا وجونا فوق زمل الجماميل ****وردوا عليهم موحشين الحرابه

بيومٍ خفا عج السبايا تقل ليل**** صحنا وعنكم ورحمة الرب غابه

واحلو زعجنتنا عليها الهلاهيل ****بيومٍ كسا وادي عنيزه ضبابه

صارت فقايدهم ارقاب المثاكيل ****بايمان من لا ثمنوا فى عقابه

واللي وطنه غابت الشمس ماسيل ****وحريبهم ردت بتالٍ حسابه

عقب القريرات ردن للنيل**** والعيد هبي يوم جاهن اخضابه

ياذيب صح وازعج الذيب الهذاليل ****واذكر له الوادي يدور العشابه

عن فرسة الطليان يفرس رجاجيل ****بدارٍ بصرف البين ينعي غرابه

وقبله مضى منا عليهم تهاويل ****والشر هذي عاقبة من سعى به

بالطقطقانه والزقاريط واعقيل****وبقعا تفطن ياعلي وش جرى به

حنا كما مزن صدوق المخاييل ****دوم ٍ تسيل ولا حد ٍ قد درابه

وان كان تنكر ياعلي غارة الخيل**** ترى خيلنا تاطا الوعر ما تهابه

حنا الى صلنا ابعاد المصاويل****وصولاتنا كم راس شيخ ٍ غدابه

وعر العميل ان كان هو صال اوصيل****عليه اوجاه البلا من قرابه

فليا طغيت وقمت تمشي بتبديل**** فرعونكم ياعلي حنا شهابه

وليا بدا خشمك يشول بتشويل****الضد حنا اللي نهدى صعابه

اطلب من الي فضل الرسل تفضيل****رب السما وانا شديد الرجابه

بايات ياسين وطاها وتنزيل ****والمدعي والبيت واللي دعابه

جعل شرايدكم لحول العباهيل****ودياركم هن اللي ساكناتٍ جنابه

هذا قضى كسب امهات المخاليل****والميت ماينعى خلاف القضابه

وعاداتنا الديان نوفي له الكيل ****ثلاث مراتٍ خذه ياللي سعابه

وصلات ربي عد وبل المخاييل****على النبي اعداد وبل السحابه

وسلامتكم

العنفوانية

19-06-2003, 06:16

ولد حرب

أولا ،

حياك الله معانا ..

و إن كنت ولد حرب أو غيره ،،،

تبقى أخو عزيز ، ونفتخر بك منين ما كنت ...

ثانيا ،

ألف شكر على القصة ، وعلى القصيده ،،

واللي عجبني أكثر ،

هو

اهتمامك بمثل هذي القصص حتى لو ماكانت

لفرسان قبيلتك ..........

لأني بصراحه ما اعرف غير شمر .... !!!

ليس تحقيرا ،،،

بل

تقصيرا مني ...

لك تحياتي ...

و نبي أكثر ،

وياليت الجايات عن قبيلة حرب ...

(( نبي نتعلم )) .

دمت بحفظه ،

أختك

العنفوانية