مسلسل كل مشاهده مؤذيه انصحكم لاتتفرجون عليه

[أم قرينات]

مشاهد مؤذيه نشوفها في الاسواق
تخلى الوحد ه تعاف السوق وتعاف الطلعه من أساسها ....
خوذوا عندكم :o

المشهد الاول : مجموعه بنات يمكن خمس او ست ماشين مع بعض
....مافيه مشكله ...عادي كل الناس تمشى مع بعض :D
لكن المشكله ان البنات هذولي
...كانت اصواتهم عاليه وضحكهم مالي السوق
...ضحك واستهبال وحركات ميوعه لمجرد لفت الانتباه :mad:
والمشكله اذا لحقوهم الشباب سووا فيها عاقلات ...

طيب من الاول احترموا انفسكم ...
من البدايه امشوا عاقلين وراكدين ..
.من الاول ابعدوا عن الشبهه وغنوا لها ..
لكن بعيد عنكم ..
.الحيا اذا راح من البنت ماعاد يهمها شي

....الله الهادي :(...


المشهد الثاني : مجموعة شباب متزكرتين وكاشخين ورازين الجوالات
....وطردي ورا بنات خلق الله :rolleyes:
.....الصالحه والطالحه ...مافيه تمييز ابدا
...مادام اللي قدامه سواد ... خلاص لو هي عنز لحقها

وياحلوه وياعسل .....وهو مايدري وش تحت هالنقاب
....يمكن يكون بصل :D ...والا عسل اسود ومنيل :confused:

مااقول الا الحمد لله والشكر على نعمة العقل ...
لو واحد فيهم يفكر لحظه او يتخيل بس
ان البنت اللي قاعد يطاردها ويحاول يرقمها ممكن تكون اخته
..كان مافكر يسوي هالشي

كماااان وكمااااان .....الله الهادي :(....



المشهد الثالث :بنوته حلوه رشاقه وجمال
...صاكه على نفسها بالعبايه المخصره المشكوكه ...
ولااحلى فستان سهره:rolleyes:
..وكملتها باللثمه ..اللي تكشف اكثر مما تغطى:mad: ..
الجبين والخدود والعيون ورسمة الحواجب ..طالعه
واللثام اصلا شفاف ..يعني حتى الشفايف مبينه ....
والعطر يسبقها بمسافه ...ورنة الخلخال واضحه ...

بالله عليكم وحده بالمنظر هذا بيتركها احد في حالها:eek:...

اتحدى....اذا كنت انا ياالبنت ..لفتت انتباهي ...اجل وش الشباب ...
مساكين الشباب ......نلومهم مع ان البلاء من البنات :(

....ليه طيب تعرضين نفسك يالخبله لكل من هب ودب
ليه ماتصونين جمالك اللي الله عطاك للي يستاهله بس
..ليه ترخصين نفسك لهالدرجه تكونين مجرد دميه
ينلعب فيها ويتفرج عليها الناس وببلاش بعد ....

الجمال يكمله الستر والعفاف والعقل ...
والجوهره الغاليه ...دايم تكون بعيده عن العيون ..
الالماسه الغاليه مهو اي احد يشوفها ..
ولا اي احد يحصل عليها

.لكن الاكسسوار ...صناعة تيوان :o
..تكون معروضه في كل مكان وممكن يلبسها
اي احد وارخص ماتكون
...ياليت تكونين الماسه ...بدل ماتكونين
مجرد اكسسوار من ابو ريالين :confused:...


مااقول .الا ...الله الهادي:(


المشهد الرابع : شاب وسيم طويل ..
اظن وعلى مااعتقد انه ينتمى لعالم الرجال:rolleyes: ...
مع ان شكله يعطي انطباع بعكس هالكلام :(
...بوصف لكم الشكل وانتم احكموا ...
جنز ابيض ضيق + بلوزه بلون بناتي بازارير مفتوحه :eek:
+ حزام يلف الخصر + جزمه بكعب عالي
+ شعر طويل بخصلات على الجبين مع كميه كافيه من الجل :confused:
+ اسواره في اليد مع عدد من الخواتم ...|512|

مو كني قاعده اوصف بنت:mad:

....قسم بالله ان الاشكال هذي تسبب الغثيان
عيب والله ...وش بقى من الرجوله

....لا والمشكله يعاكس بعد ... له وجه :D...

صراحه انا اذا شفت الاشكال هذي ودي اني امحطه بعصا الين يتوب ..
والا اربطه واقعد اكش عليه :D علشان يضيق صدره وينتحر :D:D

المشكله ان المسأله مجرد اعمى وتأثر بالقنوات الفضائيه

اذا ماجاك لابس الثوب والشماغ والعقال
وشاربه مرتز فوق خشته .واذا فيه دقن ..احسن واحسن
...والمشيه مشية رجال والهرجه هرجه رجال
والرزة رزة رجال ...ماودك تطالع فيه اصلا ...
ولاتعبره :o.....


اخيرا ....ودائما وابدا ...والى مالانهايه
الله الهااااااااااادي ....



خلاص انتهى المسلسل :p

المخرجه والمصوره ام قرينات :D

[روعه]

مشكوووره اختي

والله انك ما زليتي بأي كلمه..

والمصيبه ان اللي يسون هالحركات مستااااااانسين

وطايرين من الفرحه وحاسين روحهم محد قدهم..

بدال الوحده ما تفتخر بعفتها وادبها..!!! صارت الكشخه والمياعه

وقله الادب هي المفخره..

وبدال الواحد ما يفتخر برجولته ونخوته..!! صار المهايط والمسخره

هي المفخره..

والله زمن اللي خلانا احنا ياالمسلمين نسوي هالسوايا!!!!!!!

[المحمود]

ما اقول اللا ليتهن ينظرن نظرتس للموضوع

وليتهم يقروون المكتوب ويستحون


وعساتس على القوووه


وســـــــــــــــــامحونا

[أم قرينات]

روووووووعه

المحمود



هلا ومسهلا


وشكرا على القراءه والتفاعل والردود :)





ام قرينات

[عقيل]

ما نقول الا الله الهادي

مشكوره علي هذه المشاركه الهادفه ياجنيه ام قرون

تحياتي

[شموخ]

هلا بام قرينات

عز الله صدقتي بكل مشهد قلتيه واكثر شي يقهرني المشهد الرابع

يرتفع ضغطي اذا شفتهم كذا .

تحياتي اختك
شموخ

[الشمـــااااالي]

مشكوووووووووووورة

يا عمووووووووو

المشهد الثالث النسبه فيه اكثر

من ( 80 ) بالمئه مش بس فى

السوق ....؟ اذا كانت رايح المدرسه او الجامعه او المستثفى اوالعمل.. او ..او ...!!! ألا يعجبك.....؟؟؟؟؟؟

(((((( والمشكله ان بعض الامهات ....اقصد.. كبر الســـن هم من يقومون بهذا الحركات.......)))))))
هذا هو الى يرفع الضغط .......؟؟؟؟؟؟


تحيـــــاتى للجميــــع



يا عموووووووووووووو

[رضا الزميلي]

مشكووووووورة أختي ،،،،،،،

جزاك الله خير على هذا المسلسل اللي ما ودنا أنا نشوف ولا مشهد من هالمشاهد لكن حسبنا الله ونعم الوكيل

بعدين انا مستغرب من أهل المعاكسات ما يدري هالمسكين أن الجزاء من جنس العمل ومن طق باب الناس طقو بابه......

الله يكفينا الشر ويحفظ بنات المسلمين وشبابهم من كل شر

لكم تحياتي،،،،،،،
أخوكم/ المجهول

[أم قرينات]

عقيل
شموخ
الشمالي
مجهول


مشكورين وحياكم الله








ام قرينات

[مجموعة إنسان]

أم قرينات

ياهلا والله

وعزاللــه كلامك صح وعين الصح


لكن وش الدبرة بهالمناظر اللي


(( توجع القلب والله والمشكلة لو حاولتِ تنصحين قالو ياااي متخلفه |8| ))


حدث لي موقف بالفيصلية حين حاولت نصح إحداهن ولو بالإيماء فثارت ضاحكة

وربي !!!!! عجــــــــــــب |1|


إنك لاتهدي مكن أحببت ولكن الله يهدي من يشاء ...


تحياتي،

[عبدالرحمن]

اختى الفاضلة - ...ام قرون - اهلا فيك وموضوعك الناقد لبعض تصرفات الشباب

والشابات : حقيقة ان الواحد منا يخجل من هذه التصرفات وكيف سمحوا

لأنفسهم بهذا التصرف الغريب والعجيب،ومع كل هذا نحن لانغلق باب الاسباب؟

حيث ان هذه التصرفات هى لها اسباب عديدة ووجوه عده؟

فمن الشباب همه لفت انظار الاخرين، و اشباع لذاته واشعار

الاخرين بوجوده؟ ومنهم من يفرغ هذه الشحنة فى هذه التصرفات!!ان اهم

شيء لديهم هو افراغ هذه الطاقة المكبوتة؟ بغض النظر عن صحتها من عدمه!

ولكن مع كل هذا علينا ان لاننسى دور الاسرة وتربيتها.

=== ودام الجميع بكل خير ==

[المشرف العام]

كاتب الرسالة الأصلية : مجموعة إنسان
أم قرينات

ياهلا والله

وعزاللــه كلامك صح وعين الصح


لكن وش الدبرة بهالمناظر اللي


(( توجع القلب والله والمشكلة لو حاولتِ تنصحين قالو ياااي متخلفه |8| ))





إنك لاتهدي مكن أحببت ولكن الله يهدي من يشاء ...


تحياتي،

[نجمه السماء]

الغاليه جنيه ام قرون ..
كلامك عين العقل ..
وتفكيرك راقي ..
بس ياليت اللي يسوون الاعمال التي ذكرت يتعضون ..
ويعلرفون ان هناك من يراقبهم وانهم اذا لم يستحوا ممن حولهم عليهم ان يستحوا من خالقهم ..
وان كانوا اهلهم لا يرونهم فان الله عينه لا تنام ..
غاليتي ..
موضوعك في منتهى الروعه ..
تحياتي ..

[أبو فيصل]

الله يهديك يأم قرون
-----------------------
ونا جنية ...... وما ادري ايش ؟؟؟؟؟؟
ودك تمحطينة بعصا؟؟؟؟؟؟؟:confused::confused:

كان داخلة بوة ..... ومخليتة يصبخ براسة كل ميل قزداممموة ؟؟؟؟
وحايسة مريرة وبعدين طالة منة ؟؟؟؟

موضوع والله مهم
والخافي اعظم والله العظيم الخافي اعظم ....؟؟؟؟

لكن اذا لم تستحي فصنع ماشئت

[أم قرينات]

مجموعة انسان
المشرف العام
عبدالرحمن
نجمة السماء
الصارم


الله يسلمكم يارب وشكرا لكل من اضاف مايفيد

ولمن اسعدني بمروره الجميل

شكرا لكم جميعا








ابو فيصل :D


تعال





















الله يسلمك هالاشكال ماتستاهل الا العصا

وفوق مستواه بعد :mad:


وابشرك بيموت من اول ضربة عصا :p







اما شغل الجنانوه بالطلبيه يجي بس :D






ام قرينات

[عمر الويباري]

عزيزي
حتي انت تر اختيارك لنك نيم حقك ماهو حق رجل رزين الظاهر انك بس تراقب الناس وتطلع عيوبهم (( من راقب الناس ماتي هم وهم))
الصراحه اذا شفت مقال جيد وفوق العاده واذا شفت اسمك والذي تحت من صور وكتابات احس انك طفل بدون زعل اخوي ...
انا اريد ان انتقد حتي ترجع لصواب
وشكرا
اخوك عمر الويباري

[أم قرينات]

عمر الويباري :)

هلا فيك ومرحبا وشرفني حضورك
شكرا لنصائحك ودررك القيمه

بس فيه بعض النقاط حبيت اوضحها لك اخوي

* اولا انا بنت ولست رجلا ولااسمح ابدا ان تخاطبني
كرجل لانني افتخر بانني بنت واعتز بذلك ولم ولن ارغب
يوما ان اكون رجلا ....لأني اعتبرها نعمه من خالقي
واشكره عليها ليل نهار ان خلقني انثى ....

* ثانيا اخي الكريم مع كامل احترامي لك ليس لك او لغيرك علاقه
باسمي او توقيعي مادام ليس حراما ولاعيبا .....ولا بتحليل شخصيتي
كل هذا يخصني ولست مخولا بتقييم هذه الامور فكل ماعليك هو مناقشه الكتابه نفسها فقط اما الكاتب واسمه وكل مايخصه اذا لم يستشيرك
فهي تعتبر مراقبه للناس وتدخل بامورهم
( ومن راقب الناس مات هما ):D


* انا اكثر من يتقبل النقد وبروح طيبه .....
هذا النقد وليس التهجم ولمواضيعي وليس لشخصي
اما مافعلته اخي الكريم فلا يدخل ابدا تحت هذا المسمى
مافعلته معي ومع غيري ممن عقبت على مواضيعهم
يسمى تهجما ونظره فوقيه وتبجيل لنفسك ...
بأنك الافضل من الجميع


* بالنسبه للموضوع لايسمى تدخلا ومراقبه للناس فهو يسمى
امرا بالمعروف ونهيا عن المنكر وعلى قدر استطاعتي فهذا مااقدر عليه
واستخدمت اسلوبا بسيطا لان هذه الطريقه هي التي تؤثر بالبنات والشباب
الان وليس اسلوب النصح بالشده والتهجم .....والاستعلاء والفوقيه



نصيحه اخيره اخي
اظن فيك الخير والحرص عليه لكن اسلوبك ينفر ولايبشر
هناك فرق بين النصيحه والفضيحه الا ليتك تعود لسيره نبي الرحمه
وترى كيف كان يدعو ا الكفار الاشداء باللين والرحمه
وهم كفار
فكيف بنا ونحن اخوتك واخواتك المسلمون ماضرك لو نصحت بكل هون
وليس امام الناس ان كنت تقصد النصيحه فعلا وليس الاستعراض
والاستهزاء ومراااااااقبه الناس ....بدل ان تراقب نفسك


رأيت ردودك على الجميع لم يسلم منك احد هداك الله
والوحيد الذي مدحته كان اخونا طاب الخاطر وهو يستحق اكثر من المدح
لكن ياليتك رأيت طريقته واسلوبه في الدعوه واتخذته قدوه ...

عموما جزاك الله خير على نيتك وعفى الله عنك
وسامحك على اسلوبك وتهجمك ....





ام قرينات

[عمر الويباري]

اعوذ بالله من الشيطان الرجيم ومن حذا حذوهم
ام قرون
شكرا لنقدكي البناء وهذا يدل على الفضيله في شخصكي الكريم الذي ندر وجوده في ايامنا هذه ولكن هناك ملحوظه صغيره بقدر ماهي ملاحظه وهو اختياركي للقب الجنيه ام قرون الذي يتعارض مع ماوصفتكي انفا وارى انه لقبا يشعر قارئه بالنفور والاشمزاز من اول وهله على الرغم ان مقالكي يدل على الخير والافضيلة وفقكي الله لما فيه خيرا وصلاح وان يعفوا عنا .

عمر الويباري

[أم قرينات]

مرحبا اخوي عمر
وشكرا على تقبلك

بالنسبه للاسم له اسبابه وظروفه
وعموما هذا ردي على من يردد مثل هذا الكلام
===========
بالنسبه لاسم الجنيه
هو مجرد اسم لايعني بالضروره معناه
وياخذ معنى الشقاوة اكثر من معناه المعروف
علشان بس تتضح الصوره
هل اذا شبهنا الرجل الشجاع بالاسد
هل نقصد ان نشبهه بالحيوان فالاسد قام والا قعد
حيوان لايعقل ....لكن ناخذ صفه الشجاعه منه و قوة القلب
ونطلقها على الرجل
كذلك هل اذا اطلقت على نفسي الجنيه معناته اني جنيه صدق

انا اخذت صفه الشقاوه فقط

احيانا الاب او الام يصف او تصف ابنها بانه شيطون او جني
فهل يعني بذلك انه جني فعلا

==============

وعموما احتراما لرائك وغيرك
قد اغير اسمي فقط اذا اقتنعت انا بذلك


ام قرينات