الــــجـــنــــــازه ......,

[القادم]

من يعرف تكملة القصيده اللي بالجنازه :
ماتستحي لا يا قليل العذاريب ... لو تستحي ما تاخذ الطيب كله .

ابو اليتاما ومن قصر رجله العيب .. وسناد من صار العصا ثالث له .

وهل قائل القصيده هو : دغيم الظلماوي ؟؟؟؟؟؟؟

[عبدالله الجعيثن]

في البدايه

ارحب فيك اخي. وصراحه انا كنت ساكت ابي اللي اعرف مني يردون.

لكن انا بقول اللي اعرفه ويعذروني اذا فيه خطأ اونقص

قائل القصيده هو دغيم الضلماوي وسببها:

ان محمد الرشيد يسمع بقصيدته اللي تقول

ياكليب شب النار ياكليب شبه

فتنكر محمد الرشيد ومعه بعض الرجال وسيروا بالليل على دغيم وجلسوا عنده وكان الضلام دامس فماعرفهم وقام وقهواهم من الوالمه من الدلال ويوم تقهووا شب النار وقام يسوي قهوه جديده وقام يبي يقهويهم من الدله الجديده ويوم اقبل على محمد الرشيد عرفه على ضو النار فعرف قصده من هالزياره وعلى طول احضر القصيده:

مده رهن لولاك ماقلت ياكليب
ولا قلت شب النار صرموقد له

يابو اليتاما وابومن صابه العيب
وسناد من صار العصا ثالث له

ماتستحي لا ياقليل العذاريب
لو تستحي ماتاخذ الطيب كله

فأمر محمد الرشيد له بالقهوه كشرهه تكال له
كل سنه الي ان مات.

[القادم]

اخوي الغازي /

ما قصرت ومشكور يالغالي على الرد , والله قبل احسب القصيدة
بالجنازة , طلعت القصيدة بالامير / محمد العبدالله الرشيد ,
الله يرحمه .



اخوك / القادم .