نشده ..........

[القادم]

يالربع مساكم الله بالخير .....


من يعرف قصيدة الشاعر - حسب إعتقادي إنه أسلمي - اللي يقول :القلب كنه بالسكاكين يشعط ... والروح مفجوجه كما فج الأصباح .

يا تل قلبي تلة الجمس مع خط .. ويا حن قلبي حنة السير يا صاح .

[عبدالله الجعيثن]

القلب كنه بالسكاكين يشعط
والروح مفجوجه كما فج الأصباح


ياتل قلبي تلة الجمس مع خط
وياصيح قلبي صيحة السير لاصاح

مع سهلة قدمه تغاريس وهبط
شرار شكمانه تقل ضوح قداح

عليه حمل بالشناكير يربط
ومحمل حمله هراوين وسلاح

ناظر وشاف الجمس مع ايسره قط
خفر السواحل عندهم شرطة كفاح

قالوا توقف مار ماطاع غبط
تل الوانيت وروح الجمس وانزاح

بثنين والثالث على الجمس يشحط
وان عد طبلونه عطا الجمس وارتاح

خفر السواحل كلموا قدمه نقط
مراكز صكت على كل الاجناح

الدرب قدمه يوم حيصر تورط
ماعاد يمديها عن الخط مصفاح

كلبش وحط القيد في رجله حط
وخذوه للتحقيق واسلوب الايضاح

عقب العصاوالجلد والفرش والبط
دانوه بالترويج وافساد الارواح

وحكم عليه اعدام بالسيف الاسلط
وصدر قرار الحكم في بيض الالواح

تقسيم ميم ودال بالامر يضبط
في ساحت المذبح تولاه ذباح

خلفه شرط وواقف قدمه شرط
ووجده نواح ومثلها وجدي نواح

عليك ياوجدي يابو عنق انوط
اول صبرت وكمل الصبر وانباح

لوان مخلوق على الصبر يغبط
لا كان صبري جابلي كل الارباح

نصيت من قرنه على الكتف يمشط
ورجعت لا شفته ولا ضالمي لاح

اول سبحت مع الهوى شط مع شط
واليوم غرقني عقب مانا سباح

****سالم سعدي الذرفي****

[اليم]

لا هنت يابو جعيثن على هالتوضيح

عوايدك





.

[الاصمعي]

ايييييييييييييييييييييييييييييييييييه هذا الشعر وهذا التوجد (ادخلنا بفلم تراجيدي) مهي سوالف الي يطنون عليهن لين هن الي يراضنهم؟ تقل يتغزلون بأنفسهم!
عزالله بنبطي مانقرأ مثل هالشعر في مضيف الشعر النبطي!!!!!!!

ماشاء الله عليك يابن جعيثن ماتحفظ الا القصيد الزين.
تكفون كثروا النشدات اغديه يطلع ماعنده.

شكراً لكم جميعاً على ما اتحفتمونا به من شعر رائع.

تحياتي

[القادم]

اخوي ـ الغازي :


ماقصرت يالغالي على التوضيح ..........

تقبل تحيات اخوك / القادم