غالــب
23-05-2003, 17:13
يالله يامن كلنا له مطيعين**يجازي انفوس العباد ابعملها
رحماك ياربي وحنا ضعيفين**نطرد هوى نفس(ن)عن الذنب ولها
أقلوبنا زينه ودرب الخطى شين**وعيوننا دمع الخطايا كحلها
جينا نبي رحمتك يا حافظ الدين**جيناك ندفن روسنا من خجلها
لنا ثلاث اسنين او اربع اسنين**نرجي حيا قاع(ن)تطاول محلها
يالله بغيث(ن)يضرب القاع شهرين**على الديار اللي تشرف بهلها
تغريب من (حايل)شمال الشريفين**دار(ن) تضم بطيبها من نزلها
يا علها الوسمي من الحين للحين**والنفس من ضعف الهواجيس دلها
المي ناقع تحت سرب الكوارين**وأم الأرانب لعبها في دحلها
وتلقى الزبيدي مثل روس الصعانين**الارض قابلته وهو ماقبلها
تقطف زبيديه...ومن بعد يومين**من نفس مقطفها تعيّن بدلها
والعشب فوق الارض تقريب مترين**متخالط(ن)نوارها مع نفلها
ياوجد حالي يا الرجال الحشيمين**اللي قليله بالمخاوي زللها
تمشي على سلم الرجال القديمين**من مرته عوجا رفيقه عدلها
ميعادنا بكرى على وارد ألفين**اجيوب شاص(ن)مانحرك دبلها
عيونهن تشبه عيون الشياهين**كن الرياح الزاريات اتحملها
أول ميطري مع زنين الشكامين**زنت خليات النحل من نحلها
وإلى أنتها المشوار بين الضحاوين**والنفس تدفع في رضاها زعلها
طاح الحطب والنار دخانها زين**اللي تمكن بالعيون وغسلها
قرب لها الرسلان ابو ختم قوسين**في كف شغموم الرجال وبطلها
وتثنكرو أولاد السنه بالكراعين**شعيرها الفلاح ماقد اكلها
وليا سكر هب الهوى جاك صوتين**يبرن أكبارن مرمسات عللها
والأرض مد الشوف مثل البساتين**والابل تعطف فوقها من مهلها
واللقح والفطر من الشعبه ويمين**يسارها الخلفات بالروض تلها
ابكار عام العام بين الجهامين**ترعى تحت هيبه وحشمه جملها
يبرا لهن راعي تبعهن من اسنين**أموالفات لصيحته لانتلها
وليا بغا درهامهن هالمليعين**حول عن أوروك الرحول وعقلها
وليا ضوانا الليل بحساب ليلين**وصدورنا وسع الفياض وسهلها
ثم استوى الفنجال بين الصلاتين**وقامت سواليف القصيد في عملها
هذي منات الروح والقلب والعين**قدام روحي لاتوفى اجلها
أخير من قولت حكم..صن..خمسين**هذامثريها والآخر دبلها
قال أبشر بميه وتردف سراوين**وأن قالها الله غير نلقى حللها
جمع ورق بالوت زاتين زاتين**وقل للموزع رح دامه شخلها
عطني هنا ياموزع الزات زاتين**وشلها إذا تقدر عمى عين شلها
صجه ولجه تقل جمعت مساكين**أكبار سن وزود الله جهلها
وسلامتكم ...اخوكم غالب اللويش (الهاجس)
بسم الله الرحمن الرحيم
خواني وخواتي الشعااار هذي هالقصيده لاخوي العزيز مطلق النومسي العنزي اللي رفع راسي بين الهواجر في امسيه شعريه كنت حاضرها ولاكنت اعرفه يوم قال بالبيت (تغريب من حايل شمال الشريفين *دارٍ تضم في طيبها من نزلها ) وبعد ماخلص جيت وصعت على المنصه ورفعت اعقاله وحبيت راسه وطلعت من الامسيه :D
رحماك ياربي وحنا ضعيفين**نطرد هوى نفس(ن)عن الذنب ولها
أقلوبنا زينه ودرب الخطى شين**وعيوننا دمع الخطايا كحلها
جينا نبي رحمتك يا حافظ الدين**جيناك ندفن روسنا من خجلها
لنا ثلاث اسنين او اربع اسنين**نرجي حيا قاع(ن)تطاول محلها
يالله بغيث(ن)يضرب القاع شهرين**على الديار اللي تشرف بهلها
تغريب من (حايل)شمال الشريفين**دار(ن) تضم بطيبها من نزلها
يا علها الوسمي من الحين للحين**والنفس من ضعف الهواجيس دلها
المي ناقع تحت سرب الكوارين**وأم الأرانب لعبها في دحلها
وتلقى الزبيدي مثل روس الصعانين**الارض قابلته وهو ماقبلها
تقطف زبيديه...ومن بعد يومين**من نفس مقطفها تعيّن بدلها
والعشب فوق الارض تقريب مترين**متخالط(ن)نوارها مع نفلها
ياوجد حالي يا الرجال الحشيمين**اللي قليله بالمخاوي زللها
تمشي على سلم الرجال القديمين**من مرته عوجا رفيقه عدلها
ميعادنا بكرى على وارد ألفين**اجيوب شاص(ن)مانحرك دبلها
عيونهن تشبه عيون الشياهين**كن الرياح الزاريات اتحملها
أول ميطري مع زنين الشكامين**زنت خليات النحل من نحلها
وإلى أنتها المشوار بين الضحاوين**والنفس تدفع في رضاها زعلها
طاح الحطب والنار دخانها زين**اللي تمكن بالعيون وغسلها
قرب لها الرسلان ابو ختم قوسين**في كف شغموم الرجال وبطلها
وتثنكرو أولاد السنه بالكراعين**شعيرها الفلاح ماقد اكلها
وليا سكر هب الهوى جاك صوتين**يبرن أكبارن مرمسات عللها
والأرض مد الشوف مثل البساتين**والابل تعطف فوقها من مهلها
واللقح والفطر من الشعبه ويمين**يسارها الخلفات بالروض تلها
ابكار عام العام بين الجهامين**ترعى تحت هيبه وحشمه جملها
يبرا لهن راعي تبعهن من اسنين**أموالفات لصيحته لانتلها
وليا بغا درهامهن هالمليعين**حول عن أوروك الرحول وعقلها
وليا ضوانا الليل بحساب ليلين**وصدورنا وسع الفياض وسهلها
ثم استوى الفنجال بين الصلاتين**وقامت سواليف القصيد في عملها
هذي منات الروح والقلب والعين**قدام روحي لاتوفى اجلها
أخير من قولت حكم..صن..خمسين**هذامثريها والآخر دبلها
قال أبشر بميه وتردف سراوين**وأن قالها الله غير نلقى حللها
جمع ورق بالوت زاتين زاتين**وقل للموزع رح دامه شخلها
عطني هنا ياموزع الزات زاتين**وشلها إذا تقدر عمى عين شلها
صجه ولجه تقل جمعت مساكين**أكبار سن وزود الله جهلها
وسلامتكم ...اخوكم غالب اللويش (الهاجس)
بسم الله الرحمن الرحيم
خواني وخواتي الشعااار هذي هالقصيده لاخوي العزيز مطلق النومسي العنزي اللي رفع راسي بين الهواجر في امسيه شعريه كنت حاضرها ولاكنت اعرفه يوم قال بالبيت (تغريب من حايل شمال الشريفين *دارٍ تضم في طيبها من نزلها ) وبعد ماخلص جيت وصعت على المنصه ورفعت اعقاله وحبيت راسه وطلعت من الامسيه :D