المساعد الشخصي الرقمي

مشاهدة النسخة كاملة : الاصمعي والثلاث بنات


الاصمعي
23-05-2003, 11:03
اخي العزيز اليم والاخوان في مصيف الالغاز.
اخوكم الاصمعي جاكم ومعه لغز يتحدى به مار همتكم ولا ترى ابي اعلم.


انشدك عن بنتين في ماضيٍ فات=يرعن لهن بنتٍ بهمه قويه
اليا اتفقن بمسئله صارت اثبات=وليا اختلفن يصير منها قضيه
كنا وكانن يالسنافي عزيزات=واليوم نبكيهن بدمعه سخيه
ولو راحن البنتين كم مثلهن مات=مير البنيه ذيك ملزوم حيه


تحياتي
حمود الشمري
25-05-2003, 19:34
هل هن اعلام
اقصد نجمات العلم اسوري
ونجمه هي ونجمت سرايل
الاصمعي
26-05-2003, 11:32
الاخ سهيل الشمالي

مالك لوى يالغالي

حاول وتبي تجيبه انشالله مار ترى البنات وخاصه الاخيره يهمننا جداً.

تحياتي
فايز الشمري
22-06-2003, 22:10
الاصمعي

يسعد الله مساك

وشكرا على طرح هذا اللغز الجميل واكيد لي هنا عودة عندما اجد الرامعه المناسبه

تحياتي
عبدالله الجعيثن
14-10-2003, 10:08
الاصمعي

عنـدي رمعه وادري انه مدحدره

بس مادري ودي اقوله

(عبده/الصايح) والبنت قبيلة شمـر

واذا غلط نرجواالمساعده
فلاح السعد
14-10-2003, 10:46
بالخير يالربع


وش حالكم



وش حالك ياصبي يالاصمعي



انا ابي مكه حدى البنات كان صح ابي اقول لك الباقي :) الولد ذهين :)


تحياتي
الاصمعي
14-10-2003, 13:19
الاخ العزيز/فايز البراهيم

حياك الله وانتظر عودتك بالرمعه الي تقشعه

تحياتي
الاصمعي
14-10-2003, 13:47
هلا والله بالغازي

حيالله نجم الالغاز


صح انت سقماني للالغاز قناص=وليا رمعت اللغز ماهو مثني
لاكن رميك عن هدف لغزنا حاص=حق النظر يالقرم لاتخيب ظني


تنويه:اللغز حل في مكان آخر بعد محاولات عديده

البنتين الاوليات ملموسات=ماديات
البنت الاخيره غير ملموسه وأمره يهمنا كثيراً جداً

تحياتي
الاصمعي
14-10-2003, 13:55
يامرحبا ياوجه السعد

حيالله ابو ضاري

تدري ذبحتن الشفايه ودي اقول صح لسانك على شان تكمل الرمعه، ولكن مالك لوى ،حاول مره اخرى، والشهم لاتطريه الا بالزين;) وسيبك من الدهشوريين .

تحياتي ولا تقاطع
الغثه
14-10-2003, 21:17
مدري وشم اسمه هذيك اللي يحطونه على لسان المتهم:D

مدري هي ولا لا

الغثه:p<<< ماعنده سالفه
سنجار
05-11-2003, 19:49
السلام عليكم

الأصمعي

لغزك صعب شوي

لكنه وارد

عندي رمعه ماني متوكد منه

لكن ابي اقوله

يقولون الشيخه سيف ومنسف

والشجاعه والكرم هي اثبات لهذه

الشيخه....
الاصمعي
06-11-2003, 13:04
حيالله اخوي الدهنا مهو الغثه

رمعتك البشعه مالك لوى

تحياتي
________________________________________

الاخ العزيز/ سنجار >>>>>عسى الله يفك قيد سنجار;)

رمعتك طيبه ، ولاكن مالك لوى لان البنتين ماديات مثل ماوضحت سابقاً

مثلاً = البنتين امريكا واسرائيل ويرعن الصهيونيه

امريكا+اسرائيل عليهم من الله مايستحقون :بنتين ماديات (ملموسه)
الصهيونيه : بنت غير ماديه (محسوسه)


ان شاء الله هالمثال يقرب لكم الحل جداً


تحياتي
مستريح البال
22-12-2003, 09:54
السلام للجميع :)
اعتقد والله العالم :- الذهب والفضه
والبنت :- الماليه
وماقصرت على هاللغز يالاصمعي
وانشالله مااكون سماووووي :)
بقايا إنسان
23-12-2003, 02:42
وش رايك
بالبصره والكوفه
في العصور الأسلاميه الأولى
والأهتمام باللغه العربيه
وكان الأختلاف في مسائل اللغه يحصل
بين علماء البصره والكوفه
الاصمعي
24-12-2003, 23:37
مستريح البال
حياك الله ومالك لوى



كاتب الرسالة الأصلية : بقايا إنسان
وش رايك
بالبصره والكوفه
في العصور الأسلاميه الأولى
والأهتمام باللغه العربيه
وكان الأختلاف في مسائل اللغه يحصل
بين علماء البصره والكوفه

لقد آن الأوان لهذا اللغز ان يترك الساحه لغيره ويستريح في دهاليز الالغاز المحلوله :(

صح لسانك ملايين يابقايا انسان

نعم هو كما تفضلت>>>>هل سبق ان رأيته في مكان آخر؟


تحياتي
بقايا إنسان
26-12-2003, 17:13
صح بدنك

لا والله هذي أول مره
أشوف هالغز ...
لكن المثال اللي ذكرت
عن امريكا واسرائيل
قربني من الاجابه

كل الحب اخي الغالي
بقايا إنسان
26-12-2003, 17:18
صح بدنك

لا والله هذي أول مره
أشوف هالغز ...
لكن المثال اللي ذكرت
عن امريكا واسرائيل
قربني من الاجابه

كل الحب اخي الغالي