ألى أعز أنسان عندي **(سود البيارق)**

[فارس الشمال]

هذي من القصايد الجديدة الي كتبتة

أرجو أن تعجبكم بأذن الله

قالو حروفي عمي وعيونك بروق=مافي قصيدي جنح ليل وبارق
قلت الذي له داخل ضلوعي حروق=أقرب من اللي في سما الناس شارق
غيري يشوفك واجودالشعر مطروق=وأناأحسك واصدق الحب فارق
ياللي عيونك دم وعيونك عروق=ولهاث قلب في نواعسك غارق
أقول احبك يخرج البحر صندوق=تبرالغزة وكنزسودالبيارق
واقول أحبك صدرالايام مشقوق=عن وجه غرناطه وعن مهر طارق

[عبدالله الجعيثن]

الاخ العزيز فارس الشمال

صح لسانك

قصيده روعه

كلام عذب وجميل

اخوك/الغازي

[طلال صعفق الحافظ]

غيري يشوفك واجودالشعر iiمطروق وأناأحسك واصدق الحـب iiفـارق




صح لسانك اوي

امتعتنا... بذائقيتك الشعرية المتميزة

شكرا لك

[فارس الشمال]

ماتقصر يا الغازي وخوي طلال ومشكور على هذا
الأطراء منكم

أنشالله تشوفون أكثر وكثر بأقرب وقت بأذن الله

[شقران]

العزيز فارس الشمال

ابياتك جزله وصادقه لاهنت يالحبيب على كل حرف سطرته
وفعلا قليله لكنها عن الكثير
سلمت وصح لسانك


شقران

[اسيرة البرقع]

الاخ فارس الشمال القصيده اكثر من رائعه ولاكن يبدو انك قد نسيت ان تنسبها


الى صــــــــــــــــاحـــــبهــــــــا الحقيقي الذي قال هذه الرائعه

الاخ فارس القصيده مشهوره وسبق ان نشرت في العديد من المجالات الشعريه

ارجو منك ومن المشرفين على المضايف مراقبت القصائد قبل النشر ولكي لا يكون هناك هضم لحق الشاعر الاصلي


وتقبل تحيات اختك هدى الشمري

[فارس الشمال]

سلماتك يا ختي أسيرة البرقع

أنا الي كاتبها يمكن أنك مشبه او ما قريت القصيدة عدل ولا تزعلين

هذي كاتبها وعندي شهودد على كلاميي يا طويلة العمر
وأذا ماهو عاجبك كلامي هذا شي راجعلك

أخوكم فارس الشمال

[خلـيف الجهيلي]

فارس الشمال

قصيده ولا اجمل منها
صح لسانك ولاهنت
يالغالي

اخوك
خليف الجهيلي

[ابو خليف]

الله يعطيك العافيه


وصح لسانك


وتتسلم والله

[خزاري]

فارس الشمال


يا أخي الشعر ماهو بالقوه وماهو بسرق قصائد الآخرين

وسلب أفكارهم ومجهودهم ...


أنت بكل أسف أخي تقوم بسرقة القصائد وتنسبها الى نفسك

فلا أعلم حقيقة أنت تضحك على من على نفسك أم علينا ؟؟؟



وأنت مسجل بأكثر من أسم هنا وكان أسمك من قبل صقر شمر

وللأسف فأنت مجرد نعامه والآن بأسم فارس الشمال وأيضاً

للأسف لست الا شخص وضيع لاناقة لك ولا جمل ولاتملك الشجاعه للمواجهه


وكانت لك مشاركات من قبل بأسم صقر شمر واحده من القصائد للأمير

الشاعر بدر بن عبدالمحسن ( الشارع المهجور )


وأخرى للشاعر الأمير منادي ( كيف تنساك نفسي وأنت والله نفسي )

والمشكله هناك من يعقب عليك ويمجدك .

وأنت حتى أملائياً صفريييييين على الشمال .!!!!



أتمنى من المشرفين أن يتبهوا لك ولمن هم على شاكلتك لأنكم

تسيؤن للشعر أولاً وللمضايف ثانياً .







أتمنى أن يكون هناك جزاء رادع لك

[فارس الشمال]

خزاري أول شي أنت توك مشترك معانا وثاني شي

أنت ما تعرف شي عن القصايد ولا أحساس شاعر

وأي واحد يقدر يغير أسمه بس يكلم اخونا المشرف العام
ويطلب منه يغير أسمه ويغير أسمه بأذن الله

وأنت وختي أسيرة البرقع شكلكم شخص واحد وتبون تسونه لعبه

علي ومثل هذي التفاهات ما تليق بمضايف شمر ومفروض أن يلغون أشتراكهم
مع المضايف
وانا أدري لو مثلا مثل ما تقول أني سارقة كان مكتوب منقول يا اخوي

.................

أخوكم***** فارس الشمال