داري انكم تبون تبتسون بس وش اسوي

[محارش]

يوم طاح تمثال صدااااااااااام وشفت العالم اللي يضربه بالنعول ( الله يعزكم ) واللي يرشه بالكلاش قلت بنفسي تخيل يامحارش لو انك محله :p
وقمت ادزلب الفكره براسي قلت انا هاللحين وش علمي متوتحن بالاشراف على فلة الحجاج وجامدن على تسبود العالم !!!!
الخوف والله ان الاعضاء يفزّعون حدى المراقبين او المشرفين ويقلبون الحكم علي صن :D وهمن ابلش بروحك يا محارش :(
من اللي يزبنك من الاعضاء اللي دبلت قاعة تسبودهم طول هالشهور اللي زلن ( تسبودهن :D )

وبعد ما درست الموضوع بيني وبين نفسي الله لا يخلينن منه قلت وليه انا ما اصير ديموقراطي واتنحى عن الاشراف بارادتي قبل ما يجي اليوم اللي يعيّفن الاولي والتالي :p

عاد انا هاليوم واللي اعتبره تاريخي ( والظاهر انه يبي يصير عيد ) قررت اني اتنحى عن الاشراف على مضيف فلة الحجاج .

بصراحه عاد قلت خل اعطي فرصه لغيري يخدم المضايف عبر الاشراف على مضيف فلة الحجاج سواء من الاعضاء او من المشرفين الاخرين اللي باستطاعتهم النهوض بهالمضيف .

وحتى تكونوا على اطلاع تام فأنا قررت ترك الاشراف لاسباب كثيره منها اتاحة الفرصه لغيري وكذلك اني اجد نفسي عضو اخدم المضايف افضل بكثير من ان اكون مشرف ( فالاشراف تشريف و تكليف ) واخوكم بالله ما يداني يسوي شئ ( كسووووووووووول مره ) والاشراف يحتاج شخص نشيط :)

وتمهيدا لهذا القرار تركت المضيف يقوم بنفسه بدون تدخل مني الا فيما ندر حتى يثبت للجميع ان مضيف فلة الحجاج قائم بي و بدوني ولم اكن ارد على المشاركات الا نادرا ( اما التثبيت فكنت اقوم به بناء على ما اراه متميزا بغض النظر عن كاتبه ) .
وبالفعل لم يتوقف مضيف فلة الحجاج بل كان قائما بجهود جميع الاعضاء والذين لا احب ان اخص شخص وانسى الاخر .


ولا انسى ان اشكر اخي الغالي المشرف العام والذي تعامل معي ومع غيري من المشرفين بمنتهى الاحترافيه والاحترام .

كما لا انسى الاخوة المشرفين والمراقبين .

ولا انسى فضل الاخ فلاح السعد في امور عده منها انه اول من اخبرني عن المضايف .

وشكرا لكل الاعضاء الذين لم اجد منهم الا كل محبه واحترام ولهم مني مثل ذلك :)




والله يعينكم على المشرف الجديد
<<< يبي يكرهكم بوه من البدايه :D:D:D


تحياتي للجميع وسامحونا على القصور .

اخوكم الشيخ محارش سابقا .

محارش وبس حاليا .

[الكونكورد]

وشنوح عاد تبي تترك واجليك تبي تضرب عاد

(( سته )) هالحين الناس تبي تكشخ بالاشراف وانت تنازل

اها عاد بس

تعوذ من هاك الملعون وخلك شيخن تسبير

ولاتخاف يارجل ماحدن يبي يطيحك (( واجليهم يقوون )) هم من يسمعون قولة

شيخ وهم يتنافضون

لو اني جديد بهذا ولادخلت الا البارح بس اشوف مشاركاتك يابعد حيي و عاد هو شيء راجع ياشيخ محارش والله يعينك ويوفقك

تحياتي

الجناح الايسر من الكونكورد

[ابو خليف]

يسلمووووووو ياشيخنااااااااا



الله يعطيك الف عافيه

[مفتاح14]

اول شي الحمدلله على السلامه مرّه ثانيه على عودة المضايف ..

ثاني شي : وش هالحتسي يامحارش(وجه زعلان وبنفس الوقت يبي يدندنه خليليّه)
يعني هي على كيفك هالحين يوم انت تحزم عفشك وتربطه بطرف عصا وتحط العصا على متـنك ؟!!
<<-- قال وين اذنك يامصطفى قال هذيتس :D

والله ماهي على كيفك يابعد روحي..ولاحنّا متصورين المنتدى وانت منت مشرف عليه (البــتّه)
ولازم تراجع عن هالقرار والا تراني ابمشي معك واعتزل الكتابه (هي نوبه)..
اتمنى انك تحذف موضوعك هذا هالحين ولا عاد تعوّدله :mad:

ياللي ودّعتـنـا طـــارش *** لي صاحبن زاد به طيشــه
رسالتي معك لمحارش *** قـلّه لا ينســحب جيشـــه
وان كان انّه بدا ايغارش *** خـلّه يحذر ( تعاكيشــــــــه*)
وقلّه بماسنجري فارش *** وعندي مفطح معه عيشه



*تعاكيشه: كلمه ماله أي معني..يعني مثل موضوع محارش هذا بالضبط!!

نسلّم عليكم.....

<<--- ناسفن الكيبورد على متـنه (ومدزفي):(

[المهاة]

كاتب الرسالة الأصلية : محارش_محارش

الخوف والله ان الاعضاء يفزّعون حدى المراقبين او المشرفين ويقلبون الحكم علي صن :D وهمن ابلش بروحك يا محارش :(
من اللي يزبنك من الاعضاء اللي دبلت قاعة تسبودهم طول هالشهور اللي زلن ( تسبودهن :D )

.


صح انك دابلن كبود واجد و الي أخر لحظة >>> أولهم .. |513|

بس لما يجي الجد ترانا نشميات و بنات رجال .. ;) خلك و انا خيتك محلك .. و ان حصل ماحصل لا يردك شي دولتي كلها قصدي مضيفي تحت أمرك .. و ابتنازلك فيه عن الاشراف على المطبخ ..:rolleyes:

http://shammar.org/vb/forumdisplay.php?s=&forumid=9

<<< شكلها تبيه ينتحر .. :D:p


*****

ياشيخ طلبناك و لا تردنا لا تترك محلك لو مشغول اطلب من ابو سلطان يضيف لك مشرف يساعدك ..:(

و الو تامر جيناك أنا و ريم نعاونك من غير ماتطلب <<< بيرتكب فيها جريمة . :D


تكفى ياشيخ شد أرضك و ان صار و الا ماصار لا يردك الا مملكتي .. و ولد أبوه يجيك هناك ان اقصف كل موضوعاته و ردوده بقنابل التعديل و الحذف ..

مع اني أشك ان انسحابك هذا اعتذار مبطّن عن تخريبك للمضايف .|3| |3|

[شموخ]

والله مانعرف مزحك من صدقك يامحار ش و ان كانه صدق لايارجال تعوذ من

ابليس ويعينك ربي يابن الحلال خل احد من هالنشيطين مثل ابو مشاري

يساعدك وتيسر الامور انشاء الله .


تقبل تحياتي

شموخ

[محارش]

الاخوه جميعا

والله اني مقدّر طلبتكم جميعا واتمنى منكم جميعا عذري في عدم تلبية رغبتكم .

وانا حينما كتبت هالموضوع فكان الهدف منه شئ واااااحد فقط هو :
ايضاح الامر لكم فقط حتى لا يحصل لبس في الموضوع .

وخروجي من الاشراف يعني شيئا واحدا فقط
هو اني سأتفرغ للمحارش على اصوله وابلاهد المشرفين :D
هذا من ناحيه ومن ناحيه ثانيه فإشرافي لمدة سنه كامله او اكثر يعتبر كافيا .
الكونكورد

شكرا لك يا بعدي وهذي ابرك الساعات اللي طبيت المضايف .
ومن ناحية الضرب هههههههههه شكلك ما تعرف الاعضاء زين :D
الواحد منهم اذا ما سويت اللي يبي يتمردغ ببطنك زي سلامو عليكم :D
طع شوري لا تصير مشرف بس :p

ذيب شراف

ياشيخ اقطع يدي اذا انك قريت الموضوع انت وخشمك:D:D:D
لعنبوا بليسك هاللحين انا قاعد اتبتسبتس ومسوي زحمه واخرته ترد علي بكل برود
احر ما عندي ابرد ما عندك
الشرهه مهي عليك والله الشرهه علي اللي احسب اني مهم :p
<<< آخذ مقلب :D

شكرا لك ويسلمووووو ولا له عاده هالعمل :D
على الاقل سو نفسك متأثر لو نصب علشان ما تجرح شعوري <<< مار ألا :rolleyes:


مفتاح اربعطعش

اييييييييييييه جت الحركات اللي ما له سنع :D
اقول خل عنك اذا طلعت من الاشراف ترن ابطلع ومدري وشو ;)

شف عاد يابو اربعطعش والله لو ماني مقدر ظروفك العمليه يا الوليد ابن طلال تسان نشّـبتك بالاشراف بدالي بس اني عارفن وضعك يا بيل قيتس الودي :D
انت تدري بمكانتك عندي وانت تدري اني ما اقدر ارفض لك طلب بس هالموضوع والله انه منتهي يا بعدي وراح اتصل بك هالليومين بس خلن اشحن سواي :D
<<< يعني افهمه وكلم :D:p:D
انتظرن
زين
مهو تطلع خارج التغطيه :p


تدري عاد والله لو كان لمضيف فلة الحجاج مشرف فخري فهو بلا شك انت يابو اربعطعش:)
اقول هالكلام من دون نقص بأحد لكن انت وقفاتك ما انساهن ابد .
ومن لا يشكر االناس لا يشكر الله .


المهاة

شكرا لك ولكني كما قلت عازم على ترك الاشراف واحمدوا ربكم اللي جت مني هههههههههههههه
اما مضيف المطبخ فيكفيه غلفصة ابو صياح بوه تبوني عاد احوسه زود .
وشكرا لقبولك لجوءي السياسي عندكن , مدري وش اللي خلاني اتذكر قصة ماجد الحثربي بس يمكن علشان راعية البويت ;)


شموخ

لا والله الا جد وعم وخال :D
<<< الشرهه على اللي يطلبك اصلا انت ووجهك :p
والمسأله مهي مسألة مساعد او نحوه لان ابو مشاري يعتبر مشرف معي بالمضيف لانه المراقب الوحيد اللي مسنتر بالمضيف اربع وعشرين ساعه وأي شئ يتطلب التدخل السريع ما يقصر ابو مشاري الله يخليه .




شكرا لكم جميعا
وكلي اسف لعدم تلبية رغبتكم لكن والله الموضوع منتهي وتبقى طلباتكم محل تقديري .

[ابن جشعم]

لا لا .... قل غيره يامحارش
مــــــــــــــــــاهي هي .. شنوح :mad:


ماصدّق ابد ابد ابد |512|
محارش{ بوه خطيط بالوسط }محارش يبي يتنحى عن الحكم :eek:


ياخي خلّك مدزعي بمتسانك لو بس زول اشوى شوين...

تنّح بمتسانك وتجود بالقاع تر عندي لك تباشير اعلمك بهن عقبين ;)



امّا تسان قصدك من التنحي تبي تختبر غلاك وردود الأفعال ومقتبس
الفكرة من تنحي جمال عبدالناصر عن الحكم هكالحين تر ماعندك سالفة:D

ولاتنخرع متسانك وغلاك متعلّدز بقصى المعاليدز من فوق ;)



اقول عاد يامحارش


قل هاه




تدري بكيفك واللي تبيه سوّه :p <<< يبي فرقاووه وملبد :D







الوكاد يالغالي اتركك من هالسوالف وعدل عن حتسيك بس هالنوبه:)





WIDTH=540 HEIGHT=115
التوقيع لازم يطلع :D

[محارش]

هلا والله بابن جشعم

الله يسلمك يا بعدي لكن الامر منتهي يا جدي وترن معطيكم فرصه اليوم بس احتسي معكم اخلاق وباتسر ابرجع مثل ما كنت << خرّب الدعوى :p


يالربع والله ما لاحدزن شك بكم ابد
وهالموضوع يوم احطه هنا فــ حتى ما يصير فيه لبس .

والمسأله بس اني تركت الاشرااااااااااف فقط .
لكني ابغثكم وابدبل قاعة تسبودكم .


اقول يابن جشعم وش التباشير اللي تحتسي عنهن
عطن اياهن هاللحين وللا ترن ابداهمك بالبيت ( والله البلشه صدز :D )

شكرا لك وللجميع واتمنى ما احد يحرجن زياده
سنه كامله وانا غاثكم بالاشراف على فلة الحجاج :p
مهي طلابه عاد <<< خربت الاخلاق:D:p:D

[ابو مشاري الشمري]

ياشيخنا الغالي محارش
أنسحابك من فلة حجاج ,,,حطه بين قوسين
(يعني معصي)
وين تبي تروح
أبد مانرضي
وبعدين لو رحت يصير يمكن نهب من مشاركات الاخوان والخوات
الله لايقوله
فهذا لايرضيك

نشكرك جزيل الشكر على متابعتك المستمرة
وتعديل مايحتاج من تعديلة
وتثبيت المواضيع المميزة
ولا قصرت أخي العزيز عن فلة حجاج أبد
والدليل واضح

وأقول معصي نوبتن آخرى
أبد مأنت رايح
ولا نستغني عنك ياشيخنا

[اليم]

وش هاللي انا اشوف

والله يانا موبدن لي كم مشاركه وكم موضوع لبعض الاعضاء

والاهم

ولا واحد يقرب او يفكر انوه يقرب

للرسايل الخاصه حقت محارش

ترونن حاجزه:D

محارش يا مولّي

ادري ان الموضوع منتهي بس علمن وشهن تباشير ابن جشعم:mad:

لا يكون مثل حقت الشيعه هاللي كل يوم لهم مولد:D << له شغل بالموضوع:confused:

عاد هذي تباشير ابن جشعم:D

[متجند سيفه]

كاتب الرسالة الأصلية : ذيب شراف
يسلمووووووو ياشيخنااااااااا
الله يعطيك الف عافيه
يقصد يسلموا على هالبشاره الحلوه:D


اييييييييييييييييييييييييييييييه من زمان ماسمعنا بمهالعلوم الطيبه;)

وينك ياروز خان تجي وتسمع بهالاخبار الي تستاهل له ذبيحه:)

من زود فرح ذيب شراف خانه التعبير ولاقدر يوصل المعلومه حتى اتهموه انه ماقرا الموضوع:D الي مايعرفك يجهلك:D

الى مادري وش وظع المنقول بعد ها لاستقاله:p

يبيلك تخلي وزير الاعلام يصرح الي هو م14 :D(صحاف المضايف:D)


تمنياتي لك بمزيد من التوفيق والسداد

[محارش]

معليش رد خطافي على متجند سيفوه
ههههههههههههههههههههههههههههههههههههههه


وش طلعك من البريدز :D
الله يهديهم هالوغدان ما يخلون بريدز ما يحكونه ياما نتقت انت وخشامك :p

وبالنسبه للمنقول لا اشوفك توطوط بهاه اهم شرط للي يصير مكاني انه ما يقبل المنقول ههههههههههههههههههههههههههههه
هههههههههههههههههههههههههههههههههه
يعني سلعتك بايره يا بعدهم ;)



الا على فكره جت الساعه سبع وراحت سبع وانا اتحراكم ايها النصابون !!!
الا ليت يصكونكم بمخالفة قطع اشاره يااااااااااااااارب :p

[أم قرينات]

اقول محارشووووه :D <<< تمون :rolleyes:


ماعليك منهم


انا بقولك الحتسي الصزي


هذولا كلهم يعزونك وكل الكلام اللي قالوه من معزتك


لكن انا ماتهمني :D




لاني اول شي جنيه













ثاني شي جنيه بعد :o




وش تبي تطالع فيني كذا مالقيت حتسي اقوله

وصرفت فيها شي :mad:




المهم

بقول رايي الصريح البعيد عن المجامله


اول شي انت عندك اسلوب خطييييييييير
ومصرقع درجه اولى :p وفيك كميه من الرجه
تكفى بلد .....وغير قابل للتقليد ومافيه من نمونتك هنا في المضايف
الا قليل ..وبعضهم مخفين المواهب مسوين فيها عاقلين :rolleyes:
وفيه واحد منهم معسكر هناك في العام يخاف يطلع منه ينسرق :D


هذا شي

الشي الثاني
بالنسبه للاشراف على مضيف فله حجاج ....بصراحه
انت مقصر جدا جدا جدا ......بالرغم من متابعتك
لكن الردود والتشجيع مطلوبه منك .....
والمشاركات هنا كثير .....يعني المسأله
تحتاج لاكثر من مشرف مو مشرف واحد
وراد بالشعب :confused:
انت شكلك من اللي تحب تصير حر طليق

علشان كذا الاشراف مقيدك

وانا اؤيد وبشده قرارك الشجاع




نقطه اخيره

انت مو حيا الله مشرف او عضو

لك مكانتك هنا في المضايف

ومو معقول تكون مجرد عضو عادي

طبعا الامر هذا بيد ابو سلطان
وهو اللي يقرر وين يجدعك فيه :D

وانت المفروض ونزولا عند رغبه الجماهير

انك تسمع وتطيع ....



بس هذا اللي عندي :o












محارش


اظن طبعا ماتخفى عليك منهي الجنيه :D





بالتوفيق:)

[صدام]

طيب ورا ماتحطوني بداله
<<<<<<<انقلع انت ووجهك توه منوه عليك بالسطور الأولى وقايل انك
منضرب بالنعول والكلشان ومافي مقاس نعول الا وانطبع على وجهي الله يعز السامعين

لا والله ياشيخ وين تبي تروح مالنا غناة عنك يالعزوة
مافي روحة وان رحت ابي انسحب انا والحرس الجمهوري حقي
<<<<<<<<أي حرس الله يسلمك
اركد احسن لك

وبعدين مانت مقصر بشهادة الجميع
بس ابو ميشو الظاهر انه مخرب عليك
علشانه مسنتر خمس وعشرين ساعة باليوم
<<<<<<<قام يخبص بالكلام

لو انك مقصر كان حنا اشتكينا ياخوك وقلنا شيلوه وحطوني بداله
يالله عاد اتكل على الله وتراجع احسن لك
من الصبح وحنا طايحين رجاوي بك
واذا مالنا قدر ومالطلباتنا قدر عندك انسحب وانتهى الامر

أخوك صدام
...فهد الشمري...

[الفاضي]

طاااااااااااط


افااااااااااااا كل هذا يصير وانا ما ادري عنكم:mad:

هين يا محارش:D

شغلك عندي
خلن بس افضي من هالشغل الي بيدي واناطحك بالماسنجر:mad::mad:
والله ماهو اشوى لك:D:D<<<<<< يبي يذبحه بس القهر ان محارش حاطه بلوك:D:D




اقول محارش فك الحظر عني احسن لك:mad::D ابي اتفاهم معك:mad::mad:<<<<<< اخسسسسسس يا شدشد:D


اقوووووووووووووووووووول

لا تروحون دقايق ابي اجيب الليور عشان اتمردغ به محارش وانتم فرقوا:D عشان ما يموت بيديني:D:D<<<<< يلعن ام الثقه


طاااااااااو

[--(برق النفود)-]

ماهي هي
ماهي هي
8
8كرروه ثمانين الف مليون مره
محارش والله اني داخل الموضوع اتبلج واكشر ابي اضحك
ويوم قريتوه وانا لك انحدر كلي
والله العظيم ماتوقعت هاللون
تسيف لعنبو العدو تنازل عن الاشراف
وحنا ما عسفنا الا انت <<<<< اتكلم عن روحي طبعا
والله يا محارش اني تحطمت
اه اه اه اه اه اه اه اه اه اه اه اه اه اه
لا وحلولات لو انت عندي
والله لا اخليك تغير رايك
مار طيب ولا غصب
محارش
ابي اكلمك باسلوب ماتعودت اكلمك بوه
افتح قوس اقضب ارضكتسان انك ماتبينن احت ثناياك بالقاع فاهم سكر القوس
ولي رجعه

[محارش]

تدرون عاد ( شكله يبي يهوّن الله يسبعوه :D ) احسن ما بهالموضوع هن شيين فغط لا غير ( سمعت ان بعض الزوله يتابعون المضايف قلت ارضيهم :D )

الشئ الاول هو انكم تبون تفتكون من محارش النشبه ( المشرف طبعا اما العضو فمعصي ان قاله الله )

والشئ الثاني وهو المهم هو عودة اسماء لها في قلبي وقلوبكم مكانه خاااااصه خصوصا وان غيبتهم طالت :)

نبدأ بالردود

ابو مشاري

يا بعدي والله انت هالخشم بس هالقرار اسمح لي بوه ما اقدر اطيعكم لاني احب التزم بكلمتي هذا شئ والشئ الاخر ان فيه ناس اكفأ مني بالاشراف ويستحقون ان يكونوا مكاني .

اشكرك جزيل الشكر يا بعدي :)


اليم

تصدق لا هاللحين وابن جشعم معلقن ما علمن بشين وانا الله يدفع البلا لا ليلي ليل ولا نهاري نهار مغير اتحرا هالتباشير ( مصدق :D )


الجنيّه ام قرون

سكنهم مساكنهم :D
اسمعي يا بنت الاجواد
الشئ الاول انتي عطيتيني فوق قدري وجزاتس الف خير .
والشئ الثاني بيض الله وجهتس لانتس قلتي الحق بعينه وعلمه .
والنقطه الاخيره اظني غير قادر على حمل جمايل اكثر .

وشكرا لك .


صدام

لحووووووووووووووول
الواحد يالله يتخلص من الجن يجيه اللي اقشر من الجن
ياخوي تر القلب لك عليه والركب جتهن رقله تقل رقلة ددتسن ما رصصت مار غير اسمك وحطوه اي شئ ان شاء الله تسمي نفسك فيدل كاسترو ( رجعنا على طير ياللي :D )
شف يا بعدي

والله ان طلبتكم على العين والراس بس اطلبوني غير هالموضوع لان القرار خرج من يدي ولا لي مجال اتراجع مرررره ( تخيل شكلي وانا متراجع عن قراري وشلون يصير , عاد مثلك يدري ان قراراتنا حنا يالشيوخ مافيه امل تنزل الارض <<< اممممممممممم :rolleyes: )
شكرا لك من اعماق قلبي


الفاضي

اسمع انت ووجهك
حظرك اللي بالمسنجر ماراح افكه لو تحب الخضيرا مار عيّن خير واي شئ تبيه مني اطلبه من اي واحد على المسنجر وقله يعلمن وانا عاد اشوف انا ارد عليك او لا :D

تصدق عاد
والله يالمضايف بغيابك احس به شئ ناااااااااقص وشو ما ادري
اثريني طلعت اغليك وانا ما ادري ( امحق سالفه :D )

بس الحمد لله اللي اشغلك علشان تحس بقيمة النعمه اللي كنت عايشن به من الفضوة الدااااااااااائمه .

تحياتي والمسنجر ابشرك قشعته من الكمبيوتر والسبب ازعاج المعجبين تخبر الشهره هههههههههههههههه
بانتظارك على المسنجر هاللحين واذا ما رديت علي خلال دقيقه فراح ارجعك للحظر من جديد :D
خلاص انتهت الدقيقه :p
باك تو نورمال
بلوكد:D
تشااااااااااااااو


--برق النفود--

وين الغيبات يارجال
عسى ما شر
الحمد لله على السلامه والعقلان

فنك تقربن :mad:
ياشيخ لا اتلتلك من شرطه لشرطه :D
تحسب الدعوى فوضى:p

حياك يالغالي واعذرن .

[الصاروخ]

والله ياشيخ محارش

ماعقب حكي الشباب حكي


بس ودي اصارحك بحويجه


هات اذنك خل اقاصيك :)

الصراحه اني قليله مرتي على المضايف

لكن لازم امر على الاقل باليوم مره اتشوف اسمك وامشي

ولو شفت اني مالي مشاركات ولا تعقيب بس تراني مثل ضلك

واطوردك مطارد

<<< معجب وش نسوي


ترا ماقلتلك الا الصدق يامحارش ووالله اني صادق بكل اللي قلتوه


هذه الاوله


والثانيه واللي تتبعه انك كانك معزم على ترك الاشراف يعني معزم معزم مابه مابه

فـــ


اني اناشدك بالذي خلقك بـ ان لاتترك المشاركات هنا وان نراك بشكل اكثر كثافه ومالك عذر لاتحررت من القيود البيروقراطيه والاداريه


وان كنت ستترك المنتدى لزعل او ماشابه فــ اني ارجوك ان تخبرني بـ اتجاهك الى اين تحديداً

حتى استمر بملاحقتك :D



وفي الاخير تبقى رجاء خاص للاداره ....


بانه اذا اصر الشيخ محارش على ترك المنتدى كمشرف

بان تعينه على ذلك على ان يوضع له اعلى صفه بالمضايف يستحقها هذا المحارش

وتفتح امامه جميع الصلاحيات الممكنه دون مطالبته بأي عمل

يعني يصير دلوع المضايف

ويترك على كيف كيفه طالما انه اثبت خلال العام المنصرم انه اهلاً للثقه

والله يمحارش هذا جزء من حقك ولو الود ودي كان طلبت بعد منهم يسون لك تمثال بالمضايف بس اخاف ان المضايف تستحل بعد وهمن يدربون راسك بين هالمضايف |8|

والسلام عليكم ورحمة الله وبركاته


طخ طخ طخ طخ طخ طخ طخط

[متجند سيفه]

^
^
^
^
ارى يحبيبي والله:D

عزاة والله بس :p

والله انك هشمت قلبي

عسالله يحنن قلب هالجلف عليك:D

اذا غيرتوا المنتدى لاتنسون تعلموني:p

ابروح معكم

شسوي ماصبر عنكم ياملي انتم:D:D

[اميرة]

كاتب الرسالة الأصلية : متجند سيفه
^
^
^
^
ارى يحبيبي والله:D

:D:D

هههههههههههههههههاي

>>>>>>>>>>>> جازت له :D
الا ياريت وش قلبها اخبرها الا :o
ارا :rolleyes: >>>>>>> يمكن موضة هالسنه الله يعلم

الفاضي
الله لايهنيك وماعليك امر :oا ذا جيت مره ثانيه خل قرقاعتك :cool: برا لاتدخله داخل المواضيع

وعلى فكره ترى وجهت لك تهمة ازعاج الأعضاء وترويع الأمنين وننتظر الرد من السلطات المعنيه :cool::cool:

يعني يبون يشتون قرمبعك قريبا :p:p:p:p:p:p

محارش وشو :mad:
لاتسمعك اذني تطري هالسالفه :o مابقى الا هاذي
محارش يستقيل :eek:

ان استقلت والله لايدج المضيف عقبك ويفقد الأمن مثل مافقد العراق امنه
>>>>>>>>> متأثره بالأخبار:o

شيخنا تعوذ من ابليس واقضب ارضك وعين من الله خير وخل عنك الخرابيط اللي مالهن سنع ;)

[محارش]

الصااااااااروخ

ارى ياخشم العربان انت هالخشم :)

هالمضايف ما أخليه لو يطردوني بالعكس لو يبون يطردوني ازوّد العيار واقهرهم بكثر المشاركه وخصوصا هالحبيب متجند سكين الخضره :D
افا عليك بس وانا اخوك :)

بس عاد كلامك الحلو عني حسسن اني رهيب ( حاس انه ماله دااااااااعي مرره ) وخصوصا قولك ومطالباتك للمشرف العام الله يسمع منك وان شاء الله يحطن مشرف عام :D



ان جيت للجد يالبناخي :)

والله ان ابو سلطان ما قصر معي لا اول ولا تالي وجمايله ماليتن بطني ولا ابي الا اني اكون احد اعضاء المضايف علشان آخذ راحتي بالكتابه والمحارش :)

تحياتي

**********************************

متجند سكين الخضره

خل عنك والله يا انت طردي ورا مواضيعي وللا وش اللي طلعك من البريدز المكسور :D وخلاك تشوف موضوعي هااااااااااااااه
متى علمنا بك
قال ايش قال تهشم قلبه هههههههههههههههههه
من متى طلع لك قلب !!؟؟
تسبد وريه وطحال ويخبن عليك شرهان تبي قلب بعد :D:D:D

بس برضوه جيتك بهه تسوى الدنيا ومابه
على الاقل نلقى واحد نضحك عليه هههههههههههههههههه

هههههههههههههههههههه



اقول عاد يا متجند سكين الخضره

متى الحق بس:D

معك مهله اسبوع

ولا ترن اعلم الشباب ان اليم يطلبك حقين :D:D:D

والوعد بمطعم دارين :p

هههههههههههههههههههههههههههههههههههههههه ههههههه

هههههههههههههههههههههههههه

لا تنسى

واذا ما معك فلوس مهي مشكله انا اكفلك عند اللي بالي بالك :D

***************************************

العذا

شكرا لك ولكن سبق ووضحت ان الامر منتهي وهالموضوع فقط حتى يكون الاخوة الاعضاء على علم :)

تحياتي وشكرا .

[الصاروخ]

http://www.albayan.co.ae/images/gotop.gif

[المخاوي]

علمن لفاني عبر النت = يقول الشيخ هد الزعامه
ياشيخ الظاهر انك مفلت = واعتقد ان يبيلك حجامه




لا لا ابد مايصير هالكلام عدل بدل يمين يسار

اقول انا طالبك ياشيخ .... لا لا لا لا تحلف :D.... لا لا لا لا ياشيخ لاتحرم..:D

الشكوى للي ماتنام عينوه ;)

مافيه فايده ياالربع الرجال ملزم وقطع ديني الله يهديه:D

أقول معصي
أبد مأنت رايح
ولا نستغني عنك ياشيخنا

[متجند سيفه]

^
^
^
^
هذا منين طلع

اكيييييييييييد من البريدز:D


يالحبيب تر الي منقطعين من مبطي مالهم راي:p

مير ارجع للبريدز:D:D

[المخاوي]

الله يرجك انت منين طلعت يالمتجند:D

الظاهر ان البريدز واحد:D