المساعد الشخصي الرقمي

مشاهدة النسخة كاملة : طــــرائف الشـــعر


ابوعلي
20-11-2001, 00:26
يامرحبا بك عدد ماطار تمساح .... او عدد ماتـنقش سنون نعامه

او عدد مايزعل على الموز تفاح .... وعداد قشر في بعير وسنامه

او دب امعط لابغى يطير ماطاح .... الا بجــرف بعيد ولا عــدامه

والا خروف دايم الدوم نواح .... ضيع ثغاه وجاب صوت الحمامه

على عشير كن زوله لاراح .... كنغر وشكله مايعرف الوسـامه

ماشافني وانا مع السوق رواح .... صد وتركني بين شبه وعلامه

ــــــــــــــــــــــــــــــــــــــــ ـــــ

انا وليفي طش راسي غرامه ....... لولاي اكافح حبها بالبـــندول

خلي ذبحني طسمته واللثامه .... والعين تشدي لابرق الريش مع جول

يقطش وليف الروح قطش الحمامه .... يامحلا ريقه مع الشدق سعبول

ياناس انا هلي واحف السلامه .... واموت من حب اريش العين لاحول

خلي لمع في راس خشمه زمامه .... ومعلق في الحلق فضه بدلــدول

تقول قرد في روابي تهامه .... يفجعك شكله لاضحك كنه الهــول

لا هوب دبه ولاهو هلامه .... ماشفت مثله سيد الاحباب عصـقول

ــــــــــــــــــــــــــــــــــــــــ ـــــ

لا تسأليني ليه طبع العرب غير .... لا تسأليني وين عصر الصحابه

صارت ثقافتنا مظاهر وتزوير ... . نرقص مثل جاكسون ونلبس ثيابه

نشري الحضارة بالذهب والدنانير ... ياويلنا لاسكر الغــرب بابه

كم واحد بيبدل البنز ببعير .... ويبدل الدســكو بصوت الربابه

ــــــــــــــــــــــــــــــــــــــــ ـــــ

ياوجدي وجد من ضيع نعوله

لاقى وحده والاخرى مالقاها

عايش معاها من ايام الطفوله

شاب راس العود نعله مانساها

ــــــــــــــــــــــــــــــــــــــــ ـ

المطرب اللي يهز الراس

ويفـــــجر اذاننا بصوته

الله يبلاه بالوســـــواس

ويطيح له في نحر حوته

اشــــباه هذا يغث الناس

ودك بمن يرقعه شــوته

والا يصــكه بحد الفاس

وليـا صرخ ياخذ النوته

ــــــــــــــــــــــــــــــــــــــــ ــــــ

من كثر حلفه برأسي و ف عيوني . ... انحولت وصار بعيوني رمد

ومن كثر مااكلــــمه من تليفوني .... انقطــع خطي ولا شفته ابد

يابنات الناس تكفون اسمعوني .....الرجاجيل انتهوا ما ظل احــد
\nـــــــــــــــــــــــــــــــــــــــ ـــــــ

والله كبيره يا بو ساره ... للديرة ترفض توديني

مشتاق لشوفة الحارة ... اللي بها داعج العيني

والنوم منخش في داره ... حاولت به مير جافيني

لكن اب اجيب سيارة . .. موديل تسعه وتسعيني

واصكها يمها غارة . . . وادوس في كل رجليني

وارمي على باب سناره ... واصيدها وارجع بحيني

ــــــــــــــــــــــــــــــــــــــــ ــــــ



قال الذي بطنه من الرز مليان ... يلهم من المزه على غير قـادي

عمره وصل خمسين ماذق قرصان ... ولا ناظر المرقوق وسط البوادي

يدربي كرشه ويزنت بليهان ... وان قلت له وين انت به قال غـادي

ماهو بمثل اللي مر دكان ... شرى طحينيه وخبز وزبـــادي


الـــــــــــــــــــرد

حي الكلام اللي منقيه فنـان ... اللي بتكريم البشـاور ينادي

زدني نهم زدني عطش زدني ادمان .. زدني كسل زدني جهل بالنوادي

بكيت متأثر وغنيت طربان ... ياريحة العنبر سـرت في فـــؤادي

اسمك لنا ياطيب الفال عنوان ... مثل العلم بين الحضر والبوادي

خلك بشانك واترك الناس تشتان ... بالضغ والسكر ونم وانت هادي

لين اتغدي كنك دعايات ميشلان ... ماعاد تقدر تلتـفت للمنـــادي
العذب
20-11-2001, 02:32
نشري الحضارة بالذهب والدنانير ... ياويلنا لاسكر الغــرب بابه

كم واحد بيبدل البنز ببعير .... ويبدل الدســكو بصوت الربابه



يابو علي ... انت منين تجيب هالسوالف ... الله يقطع شيطانك


بس والله مشاركاتك حلوة مرررة


وعلى المحبة ,,,
ابو يزيد
20-11-2001, 03:08
الأخ/ابو علي
الشهر مبارك
بعد الزحمه
هذا اذا بعد ماقلتها
لك من اول .
وبعدين ياخوي ياحلو هالقصايد
هاللي توسع الصدر وعزالله
اللي قافلة عنده يدخل بس، لإختيارات ابو
علي وعزالله انه يبي يستانس ويفل الحجاج

ولعلمك لاهالحين براسي اللي تقول
((لي صاحبن تبي منه تطلع الروح****خبلن ومنهي مولعة فيه خبلة))
وهالحين كل ليلة بهاالشهر ادعيلهم عسى الله يجمع
شملهم لأني اعتبر هذا الدعاء يحقق مبدأ التكافل الإجتماعي .
\r
اخيرا اقول والله تعبناك
يابو علي بتجميع هالأشعار
((صحيح اننا مالنا الا ولد يقرا))

وتقبل تحياتي
اخوك ابو يزيد
المشرف العام
20-11-2001, 04:21
ماشاء الله عليك ..


منين جايب ها الـ كولليكشن ..:D


مجموعه رائعه ...


تسلم ..


تحياتي
عبدالعزيز
20-11-2001, 04:32
عزي لعينه راس ماله بطاطس
0000000000000ويحكر الكراث يزرع معه خس
هذاك خسران وبالدين غاطس
0000000000000ذليل عن عين الديايين يندس
ماتشوف عبدالله تقل وجه فاطس
0000000000000وانا مثل زقم السلوقي ليا نس
ليا سمع بالشيكات دلايعاطس
0000000000000وان حلت الاقساط يلبد تقل بس



تسلم يابو علي على هالمواضيع

وهاذي مشاركه بسيطه(خاصه ببعض المزارعين وخاصةالمفلس منهم)
وماأردى من هالمزارع المفلس ألاراعي القصيده
ابوعلي
20-11-2001, 22:46
العذب

هذا قليل من كثير لديكم

ومثل ما قلت انكم السبب في استمرار المشاركات

وتسلم لي ياالحبيب
ابوعلي
20-11-2001, 22:50
الاخ الحبيب ابويزيد

الله يطول في عمرك ويزيد

اذا انت استانست فانا جدا مستانس لشعورك

واشكر مداخلاتك اللي كلها عسل

وعلى المحبه
ابوعلي
20-11-2001, 22:54
المشرف الغالي

الله يمسيك بالخير اذا مساء

ويصبحك بالخير اذا صباح

بالنسبه للكولكشن زي ما انت عارف الايميلات الي من مثلك وشرواك

من الاخوان والاصدقاء والمنتديات

وتسلم
ابوعلي
20-11-2001, 23:00
ابوصياح

يعلم الله اني استانس الى شفت اسمك

لانه بالتاكيد ستكون مشاركه حلوه

او رد احلى من الموضوع الاساسي

ماتشوف عبدالله تقل وجه فاطس
0000000000000وانا مثل زقم السلوقي ليا نس
ليا سمع بالشيكات دلايعاطس
0000000000000وان حلت الاقساط يلبد تقل بس

حلوووووووووه يلبد تقل بس

وعلى المحبه
برزان
24-11-2001, 00:48
هلا ابوعلي
شو هالحكي يابو علي منين جمعت هالقصايد الحلوة
,,,,,,
مشاركه حلوة مثل كل مشاركاتك الناجحه السابقه
,,,,,,
بـــــــــــرزان
ابوعلي
24-11-2001, 02:20
الاخ برزان

يسعدني دائما ان ارى اسمك سواء بمشاركه او بتعليق :cool:

واشكر تشجيعك المستمر :):):)

وتسلم