المساعد الشخصي الرقمي

مشاهدة النسخة كاملة : الى الشيخ محارش ..شوه تعال شوين


نواف حمود الشمري
19-04-2003, 03:40
الرسيفر حق الموقع خرب له كم يوم ...مازعلنا

محد زرق لحدى هالمصلحين الي مالين الشوارع... قلنا ميخالف


المضايف عيت تقبل اليوزر حقي لمدة شهر..هم قلت معذورين ...


اماانكم تاخذون موضوعي الجديد وتطوحونه بالدرام؟؟؟.


فمعصي وستين معصي

يامحارش


الله لايهينك عطن مفاتيح الدرج الي بالزاويه هذااااك




ابي ادور موضوعي


0-----ماني سائلك عاد ليه تنقصون مشاركاتي ولاني ساءل ليه تاخذون لحافي -كنت شارره قبل الرسيفر يخرب
ولاني قايل ليه البواب الجديد السوداني الي حاطينه عيا يدخلن المضايف???(((طيب ااانا وش ذنبي اذا كان اخوي شبهه)))))


نسناس الشمال
ابو خليف
19-04-2003, 04:16
iiiiiiiiiiiiiiiههههههههههههههههه
نسناس


قويه




ايه حيلك بهم ترناا نستحي حنا ونذل وانت الله هو العالم انك ما تهاب


شيخ وغيره
نواف حمود الشمري
07-05-2003, 21:05
محارش لييييييه ماترد؟؟عمى


واسال المشرف العام ليه مااقدر اضيف رد الا وانا طالعن لي سبعين قرن؟؟؟؟


وخلهم يشيلون عضو جديد واستحو ترو تاريخ تسجيلي فضحكم














سلملي على فلاح السعد وقوله اني اعرفه شخصيا منذو مبطي ــــــ تنااااااجيب والرزق على الله ــــ

بعدين قولهم يرجعون عدد مشاركاتي ترن زعلت صدز
محارش
08-05-2003, 01:35
هلا والله وغلا بالكاتب الكبير نسناس الشمال

لك حق تزعل ثم لك حق نرضيك آمر تدلل بس وش تبي :)

واللي صار يالغالي اني اشوف الموضوع وكل ما جيت ابرد اقول هاه خله بعدين خله بعدين ويوم افطن الا هو صايرن بالصفحة الثانيه بعدين اقول هاه ان رديت هاللحين يبون يقولون اني ارفع مواضيع قديمه ( ذبحن التسويف والكسل وهذا مهو مع موضوعك بس الا مع مواضيع واجد ومن ضمنهن مواضيعي )

هذا شئ والشئ الثاني والله يالغالي ان بي مرض النسيان بشكل ما تصوره وهالشيين سببن لي احراجات وااااااااااجد مع الناس لكن والله هذا العلم الزنيدي :(


هذا عذري تسانك انت والربع تبون تعذروني فحمد وقضاه الله , واذا ما انتم عاذريني فالشكوى للي ما تنام عينه واللي تبونه ابشروا بوه .

<<< والله انه يضيم يالربع :p

بالنسبه لردودك اللي راحن يالغالي فما فيه امل يرجعن ( لان السيرفر انعطب هكالمره وضاعن ردود واااااااااجد على كل الاعضاء :( ) لكن تسانك مضيع مواضيع وللا شين ابشر باللي يدوّرهن لك ياما يجيبهن لاني ما شلت الكوكيز من الملوي .

هذا اللي اقدر لوه واعذرن على القصور .

واي شئ تبيه من عيوني بس اهم شئ رضااااااااااك :)
السنافية
08-05-2003, 03:51
صبحكم الله بالخير يا وجيه الخير


الحقيقة انا قريت الموضوع منذو مبطي

ونفس مشكلة نسناس الشمال كانت مواجهتني....



قلت ابنطر واشوفهم وش يردون عليه.....


<<< == خافت يردون له مشاركاته ;) وناوية تتقعد لهم|510|



بيني وبينكم لما شفت اخر رد لمحارش قلت بس اكيد الواسطة اشتغلت.... جاهم محارش رد له مشاركاته وانا لي الله محد عبرني:(


يوم اجي واقرا الرد مالقيت الا الفشيلة ولا واسطة ولا بطيخ:o



يعني حتى انا ما لي امل ارجع مشاركاتي<<== الله عاد من كثرهن مع وجهي:D


على العموم


طولتها وهي قصيرة


مع الف سلامة

تقبلوا تحياااااااااتي


اختكم

السنافية