المساعد الشخصي الرقمي

مشاهدة النسخة كاملة : ((مسابقة مضيف الأسرة الثقافية )) سجل اسمك للمشاركة


المهاة
14-04-2003, 16:49
حياكم الله جميعا ...






بعون الله تعالى ستقدم خلال الايام القليلة القادمة مسابقة ثقافية لاعضاء المضايف .. باشراف مضيف الاسرة


شروط الاشتراك في المسابقة ..


1_ كل من يرغب المشاركة عليه تسجيل اسمه هنا خلال اربعة ايام اي ينتهي التسجيل بانتهاء يوم الجمعة 16/2 .


2_ سيتم توزيع المشاركين الي فرق بحسب عددهم و ان لم يشارك مايكفي ستبقى المسابقة فردية ..


3_ ستعرض طريقة وضع الاسئلة و استقبال الأجوبة مع بداية المسابقة ...


و بالتوفيق للجميع ..
مرفأ
14-04-2003, 17:16
المهاة يحق لنا المشاركة |1|
المهاة
14-04-2003, 18:20
أكييييييييييييييد اختي مرفأ ..


طبعا يحق لجميع الاخوة و الاخوات من مشرفين و أعضاء المشاركة .. :)

و اعتذر عن عدم التوضيح من البداية .. :o
الدكتور محمد الشمري
14-04-2003, 18:26
00---------------------------------00
المهأة
00---------------------------------00
نريد المشاركة
يا لله جمعت كتب ومجلات أكثيرة وصرت أتصحف
أنا أبي أكون مع مجموعة مرفأ
Ok
00---------------------------------00
تحية من القلب
المهاة
14-04-2003, 18:53
حياك اخوي سواح ..


بالنسبة لتوزيع الفرق راح نتفاهم عليه بعد نهاية التسجيل ..


بس عشانك مشرف و لك واسطة بعلمك انه التوزيع راح يكون بالقرعة .. ;)

الان معانا مشاركين ..


1_ مرفأ


2_ سواح نت ..

و ننتظر بقية الراغبين في المشاركة ..:)
رضا الزميلي
14-04-2003, 19:22
حياك الله أختي المهاة

أتشرف بالإنضمام إليكم،،،،،،،

أريد الإنضمام للأخت مرفأ والأخ سواح

ممكن؟؟؟؟؟؟؟؟؟؟!


لك تحياتي أختي المهاة،،،
عبدالعزيز
14-04-2003, 19:30
سجلينن معكم ولو ان الفكرة للآن ماأتضحت
المهاة
14-04-2003, 20:04
حياكم الله .. اخواني المجهول و عبدالعزيز


راح تكون مسابقة ثقافية متنوعة و راح تتضح أكثر مع نهاية التسجيل لانه على اساس عدد المسجلين راح يتقرر هل تكون فرق او فردية .. :)
محمد العربي
14-04-2003, 20:10
أرجوا أن يضاف اسمي مع المشاركين .

وحبذا , إذا كانت المسابقه جماعيه , أن أكون مع الأخ ابوقوسين .. عبدالعزيز .
ابن جشعم
14-04-2003, 21:00
سجلينن معكم
المهاة
14-04-2003, 22:16
حياكم الله اخواني محمد العربي و ابن جشعم .. يشرفني انضمامكم للمسابقة


اذن عدد المشاركين الان ..


1- مرفأ

2_ سواح نت

3_ المجهول

4_ عبدالعزيز

5_ محمد العربي

6_ ابن جشعم


ممتاز ستة في يوم لعنا بنهاية التسجيل نصل للعدد الذي يمكننا من تقسيم المشاركين لفرق .. :)


الف شكر اخوتي لتفاعلكم ..
شموخ
15-04-2003, 00:52
الاخت المهاة

مشكوره على هالمسابقه مع اني ماحب اعطي وعد من خوفي اني ماوفي

به بس ابيكم تسجلوني معكم وبإذن الله رايحه اشارك اذا مامنعي مانع لان

الواحد مايضمن الظروف واذا شاركو اعضاء فله الحجاج ياليت لو اكون في

مجموعتهم .

تقبلي تحيات اختك

شموخ
المهاة
15-04-2003, 01:41
بحول الله بتقدرين تشاركين اختي شموخ .. و ان شاء الله راح تكونين مع مجموعة ترتاحين معها .. :)
ابو خليف
15-04-2003, 02:18
والله ما ادري هو انتها او لا

بس يالله بنسجل
الحربي
15-04-2003, 02:44
سجلي اسمي

يمكن تحتاجين احد يسجل النقاط :D:D:D



اخوكم الحربي
المهاة
15-04-2003, 02:53
اخوي ذيب لا ما انتهى اليوم بدأ التسجيل حياك .. :)



------------

حيا الله الحربي أكيد بنسجلك لانك بتجيب الكور .. :p


لا قصدي بترفع الكأس .. فعلا سعيدة بتفاعلكم و اتمنى تكون المسابقة بحجم تطلعكم .. و تضيف لكم فائدة ..



ممتاز و صلنا اليوم تسع مشاركين ..


تحياتي للجميع .. و بانتظار يوم الاحد القادم بدء المسابقة .. :)
المشرف العام
15-04-2003, 08:18
وأنا ... ممكن
هـــلا
15-04-2003, 09:32
أنا بعد أضيفيني معاكم مع أني مو فاهمة القصة للحين بس

حشرٍ مع الناس عيد
اميرة
15-04-2003, 09:37
انا سجلوني معاكم :cool:
بس زين ترى مدري شنو السالفه :rolleyes:
وبعدين ابي وايا البنيات:o
مابي مع التماسيح وع:D
ابو فارس
15-04-2003, 10:18
السلام عليكم


سجلوا اسمي
وراح اجيب لكم ملف علاقي
وصورة من اللي تبون


والف شكر لكم
السنيورا
15-04-2003, 11:05
السلام عليكم

يا ليت تسجلون اسمي مع اني موفاهمه المسابقه بس


( مع الخيل ياشقرا )


وعلى شرط انا الكابتن:D:D:D
صريح جدا
15-04-2003, 12:19
و أنا بعد :D:D:D
المهاة
15-04-2003, 12:22
ما شاء الله كل هذا بس لما رحت الدوام .. أجل بنحط رسوم على المشاركة <-------- أنواع النذالة .. :D


-------------------


حيا الله أبونا العود أكيييييد ممكن و ثلاث أرباع بس أخاف ينهزم فريقك تصقعني باند .. :(


لا أبشر حياك ربي و مبروك الفوز مقدما .. ;) <------ مخططة تصير مراقب .:p



------------------




هلا و الله و غلا بهلا و الله و غلا .. :confused:


أبشري عيوني و من العايدين مقدما ..


-----------------



من عيوني عذاتي ...

لما اسوي القرعة بغمض بس عين عشان تجين مع البنات بس لا تعلمين التماسيح .. ;)



------------------



حيا الله أبو فارس .. مو مصدقة أول مرة يدخل مضيفي .. :confused:

بس ترا لازم الملف العلاقي أخضر و ست صور شخصية حديثة بدون

شماغ مثل السفارة الامريكية و الله ياهم طلعوا فضايحكم .. :D

و لا يهمك بحطك مع ابو سلطان عشانه بيفوز .. بس لا حد يدري .. ;)



--------------------



هلا سنيورا منورة ..


خلاص ابشري بحطك الكابتن مع فريق الزرادية |513|
المهاة
15-04-2003, 12:24
حياك ربي اخوي صريح جدا و نورت المضايف كلها و يسعدني تكون المسابقة من اوائل الموضوعات اللي تشارك فيها ..
النبهاني
15-04-2003, 13:15
فكرة جميله
في ظل الظروف الراهنه

لتخفيف التوتر والاحتقان

احبذ المشاركة وسجلنن اسمي بس وش الجوايز؟؟
abuturky
15-04-2003, 14:10
اختي المهاة

وأنا بعد إذا أمكن


شكرآ لك ولجهودك

أبوتركي
الكونكورد
15-04-2003, 14:16
ماادري تسان الاشتراك ماقضى ودنا لو ندهر معاكم
السنيورا
15-04-2003, 14:55
مشكوره اختي

بس هاااا ابي تحطيني مع فريق شغل عدل


اوكيييييييي|118|
فهد المويهي
15-04-2003, 15:30
اختي المهاة .... الله يعطيك العافيه على هالفكره الحلوه

وماهي بغريبه عليك ... وعسى الله يوفقك


كنت اتمنى اشارك بس ....



















سجلي اسمي لاني راح اكون سعيد بالمشاركه

بس ابي اطلب طلب صغير

اذا صارت مجموعات لاتحطيني مع السنيوره ...

<===== تالي عمره بفريق والكابتن بنت الله لايقوله :D

بننتظر هالقرعه والله يستر


فهد المويهي
الحربي
15-04-2003, 18:15
الاخت العزيزة

المهاة

متى تبدأ المسابقة

الحين مجلس ادارة الفريق متهاوشين وين نقيم المعسكر للفريق .

ومحتارين نختار اي مدرب

واعضاء الشرف مفلسين

والشيخ محارش يصرح بالجرايد عن تبرعاته للفريق وماشفنا منه اي ريال واسئلي امين الصندوق ابو مرزوق.

اقول الله الله باخوك غششيني على الرسايل الخاصة:D:D:D:D

ابو صياح قاعد يقرأ فالمجلات والجرايد يبي يفوز هين :cool:




اخوكم الحربي
مجاهد
15-04-2003, 18:17
السلام عليكم ورحمة الله وبركاته

قد وصلتني الرساله عبر بريدي وقد شدتني

وانا معكم ان شاء الله

واشكر كل من قام عليها

اخوكم مجاهد
ابو غازي
15-04-2003, 19:21
وانا سجلينن يالمهاة

بس رجاءاً لصقيني بجنب هالمقرووودة اااالعذا |8|
جــواهــر
15-04-2003, 19:24
مساء الخير ...

ألاقي مكان بعد ولا اكتفيتوا ...

اختي الغالية المهاة ...

اذا تكرمتي قبولي من ضمن المشتركين بهذه المسابقة ...

تقبلي تحياتي ...

جــــواهــــر
ابو غازي
15-04-2003, 19:33
اااالمهاة

بالله سجلينن وحطيني بجنب هالمقرودة الي يقالها ااالعذا |8|
مفتاح14
15-04-2003, 19:59
سجلوووني والا بخـرّب :D:D
المهاة
15-04-2003, 22:30
يا هلا و الله وغلا بالجميع يالله انت تحييهم ..


بس جهزوا الملف العلاقي الاخضر و الصور الشخصية بدون غترة للرجال و لا غطوة للحريم انواع الفضايح .. :rolleyes:



------------------


اخوي النبهاني يسعدني اغير جو المضايف الي شحن ثقافي مثمر بحول الله ..


الجوائز أممممممممممممممم مع عددكم ما شاء الله شكلكم انتم اللي بتعطوني جوائز عشان أعملكم مسابقة ... ;)


لا ابشروا بالخير بس نحدد كيف يكون تقسيم الفرق و على اساسه تتحدد الجوائز .:)



-----------------


اخوي ابو تركي اكيد يمكن اخوي حياك الله



-----------------


حيا الله الكونكورد نبشرك بعد التسجيل ما قضى ..



----------------


سنيورة أكيد انتي راعية الشغل العدل نبي نشوف مجهودك في مجموعتك .. ;)
المهاة
15-04-2003, 22:49
أخوي فهد المويهي ..


مشكور للمشاركة بس شكلك بتصير في فريق كابتنه بنت .. :D

عندي احساس القرعة بتحطك كذا يعني مالي علاقة .. :rolleyes:



-------------------



اخوي الحربي المسابقة تبدأ بحول الله الاحد .. و الربع خلهم يتهاوشون مو جديد علينا احنا نتهاوش حتى في حلومنا .. <------ تقوم من النوم تعبانة من الطقاق .. :confused:


اما محارش بنعينه رئيس اللجنة الاعلامية للمسابقة لانه طبعا مافيه امل يشارك .. ;)

اما المعسكر يمدحون المحذوفات و الله يابعض ناس هناك يتدربون على مستوى .. :D و الجو براد و ربيع الله يديم النعمة .


بالنسبة للتغشيش ابشر و انا خيتك بس ترا رقم حسابي وصلك و مايخدم بيخل .. :p


ام اخوي عبدالعزيز يستاهل و انت ذاكر زين مو تضيع وقتك بالبراشيم .. :mad:


و الفوز اكيد للمجموعة المجتهدة اللي هي مجموعة المشرف العام :D


لا امزح مو تصدقون شدوا حيلكم و أكيد كلنا بنكسب .. :)





----------------


حياك الله اخوي مجاهد و الشكر لاخي المشرف العام على تبليغ الاعضاء عن المسابقة و يسعدنا مشاركتك اخي الكريم ..



-----------------


هلا بابو غازي انا مسجلتك قبل تقول بس عاد اي مجموعة هذي نتركها لوقتها اللي راح يكون يوم السبت ان شاء الله .


----------------


هلا فيك اختي جواهر اكيد فيه مكان و لو مافيه دفيت واحد من التماسيح و حطيتك مكانه .. ;)



-------------------


ابو غازي خلاص سجلناك بس الفريق اسفط يمين ليوم السبت .. |513|



------------------



هلا بمفتاح 14 ابشر بنسجلك بس تكفى لا تخرب .. :(
الفريدي
16-04-2003, 01:01
المهاة

سجلني لا هنتي

اذا مافاتني التسجيل ترى ماعندي واسطه |118|
المهاة
16-04-2003, 01:06
حياك اخوي و بعدين كيف ماعندك واسطة .. :eek: اجل انا وين رحت انا واسطة كل الاعضاء في مضيف الاسرة .. ;)


و لما ينتهي التسجيل راح نقفل هالموضوع .. :o












------------------
المهاة
16-04-2003, 01:26
المشاركين الي نهاية اليوم الثلاثاء هم ..
----------------------------
1- مرفأ
2_ سواح نت
3_ المجهول
4_ عبدالعزيز
5_ محمد العربي
6_ ابن جشعم
7 _ شموخ
8 _ ذيب شراف
9 _ الحربي
10 _ المشرف العام
11 _ هلا والله وغلا
12 _ العذا
13 _ ابو فارس
14 _ السنيورا
15 _ صريح جدا
16 _ النبهاني
17 _ abuturky
18 _ الكونكورد
19 _ فهد المويهي
20 _ مجاهد
21 _ ابو غازي
22 _ جواهر
23 _ مفتاح 14
24 _ الفريدي
المهاة
16-04-2003, 01:34
ملاحظة ..

********
احببت التنبيه انه قد يقفل التسجيل عند اكتمال المشاركين ثلاثين متسابق لاني ارى ان وجود ست فرق و كل فرقة فيها خمس مشاركين سيكون كثير جدا فقبول اكثر من ذلك سيسصعب المسابقة .. :(


تحياتي للجميع ..
الحيــــــــد
16-04-2003, 08:58
السلام عليكم ورحمــــه اللـــــه وبركاتـــه
أتشرف بالأنضمــام اليكم

أخــــوكـــــم/ الحيــــــــــد
عذب الوصل
16-04-2003, 14:08
السلام عليكم

ودي انكم تسجلون اسمي معكم إذا يمدي

والف الف شكر
المهاة
16-04-2003, 19:20
أخواني الحيد و العطاوي حياكم الله


يسعدنا انضمامكم لنا .. :)















---------------
ملاغي
16-04-2003, 19:49
اقول قبل الترحيب سجلوووووووووني بلعب والا بشق الكوره|8|
المهاة
16-04-2003, 20:24
ملاااااااااااا غـــــي


خلاص خلاص عن اللغوة سجلناك .. بس لا تزعج المتسابقين محتاجين للهدوء .. ;)


ألف مرحبا اخوي نورت المضايف و يسعدني ان المسابقة اول مشاركاتك .. :)


لا تبعد بنبدأ ان شاء الله يوم الاحد و تقسيم الفرق راح يكون السبت .ز
سلمان النبهان
16-04-2003, 20:45
اختي المهاة يعطيك العافية.....
اولا انا ارغب التسجيل
ثانيا الله يعينك ......
المسابقة لازم تكون على مستوي عشان العباقرة
كلهم حضروا .......
باقي اخونا عبدالعزيز واختنا ريم شمر
وتكمل الرصه تمام ....
بالتوفيق وحاضرين للمساعدة او الشماته .
المهاة
17-04-2003, 01:14
حياك الله اخوي سلمان اتمنى تكون المسابقة بمستوى المشاركين .. :9


بالنسبة للاخ عبدالعزيز فقد سجل مشكور اما الاخت ريم فبقي لها فرصة ان رغبت و انا ارحب بالجميع .







------------------
الشمري فايز
17-04-2003, 05:06
ارجوا تسجيل انضمامي للمسابقة ودمتم سالمين


فايز الشمري
عبدالله المهيني
17-04-2003, 05:16
المهاة شرايك 25 الرقم هذا مو لايق علي


:D:D:D


يعني سجلينن معاكم الله لا يسيئك


ترى يسيئك هذه سمعتها اليوم يعني فرش طازجه


لك الشكر على هذا الجهو لتفعيل المضيف
المهاة
17-04-2003, 12:57
أخوي فايز حياك و يسعدنا انضمامك ...




-----------------


اشوى يالمهيني لحقت على التسجيل لانك أخر واحد بك كملنا ثلاثين ..

ستر الله شوي و تفوتني الفرش .. :(
المهاة
17-04-2003, 13:12
احبتي سأضطر أسفة لأيقاف التسجيل لأننا وصلنا الي العدد المطلوب و هو 30 متسابق .
و ساطرح موضوع أخر يضم أسماء المتسابقين و طريقة المسابقة قريبا
فأرجو ممن سجلوا استمرار المتابعة شاكرة للجميع تفاعلهم الرائع .. :)


أكرر أرجو من المشاركين ان يظلوا متابعين .. لان المسابقة ستبدأ يوم الاحد ان شاء الله و تقسيم الفرق و شروط المسابقة ستعرض قريبا جدا بحول الله ...