حبيبتي عندما تغتسل !!!! [الأرشيف]

مشاهدة النسخة كاملة : حبيبتي عندما تغتسل !!!!

ريم شمر

13-04-2003, 05:53

في هذه الساعه الخامسه والنصف صباحا
تهطل امطار غزيره على الرياض
ويسمع صوت الرعد
اللهم اجعلها امطار خير ونعمه ...
وانفع بها ....اللهم امين

*************
قد لايهمكم الخبر
لكنه بالتاكيد يهمنا نحن اهل الرياض
ويهمنى انا بالذات
فليس هناك اروع ولااجمل من المطر
وخصوصا اذا كان على الرياض الحبيبه
مااجملها وهي تغتسل بهذا الماء الطهور
ومااروع هذه المعزوفه التي نسمعها
اجمل معزوفه على الاطلاق
صوت حبات المطر وهي تتساقط ...

..حبيبتي الرياض .....
تفتح عينيها هذا الصباح ....
لتعانق الماء الطهور ....ماء السماء
لتغتسل.... لترتوي ...لتتوضاء ...

هذه الحوريه في وسط الصحراء
تشتاق للمطر ....وتنتظره بكل لهفه ...
فاذا اقبل ....عليها انتعشت ...
وابتسمت ...وازداد جمالها ....
**********

الشكر والحمد والمن والفضل لصاحب الفضل سبحانه
اللهم ادم علينا هذه النعمه وارزقنا شكرها

مراسلة المضايف في الرياض
ريم شمر

ريم شمر

13-04-2003, 07:13

width = 540 height = 180

8
8
8
8
فلاش الامطار اللي كان منزله ابو صياح الله يرحمه:(

في مضيف الاهداءات

شفت انه يناسب للموضوع قلت اسرقه ولا احدن داري :D

الله يرحمك يابو صياح فيك الخير حتى وانت فطيس|8| |8|

ريمو

فلاح السعد

13-04-2003, 08:48

جعــــــــــلها اللـــــــــــه سقيا خير

والامطار بشرى للجميــــــــــع

وعلى مااظن انها تهم الجميـــع

شكراً ريم

تحياتي

قصر خراش

13-04-2003, 09:19

اللهم زد وبارك وعلى " ارض قصر خراش" وماحوله شمالا وجنوبا وشرقا وغربا ...............يا رب العالمين .......

اللهم ارحم "نور الشمري " شهيدة الأرض والعرض ....ماجدة الماجدات ....ameen

اميرة

13-04-2003, 09:29

ريومه حسبي الله على ابليسك وربي انفضخ قلبي احسبه غاره جويه|13|

يملا الجنه يابو صياح :(

يملا الحل يملا الحل لكا الوجه

|8||8||8||8||8|

ريومه اللهم اجعلها سقيا خير وبركه على جميع بلاد المسلمين ياررررررررب

عبدالعزيز

13-04-2003, 11:21

:(الله يزيد ويبارك عليكم ....انتبهو لاتغرقون بالكباري

:(ياطربتي ياحايل .....يالله ياكريم تجيب لنا المطر ....ولا تفر
سحابة هالرياض علينا:p .....حنا أولى ....يبسنا.....فاحت ريحة شوارعنا
ياااااااالله ياكريم

ابن جشعم

13-04-2003, 12:35

ياعلوووه مبروك عليكم هالمطر

وجعله الله امطار خير وبركة وعم بنفعها ارجاء بلاد المسلمين

ــــــــــــــــــــــــ

الله يرحمك يابو صياح تسيف على طوول تناتفوه ...

اسمه وعماله وممواضيعه والخافي اعظم..

ــــــــــــــــــــــــ

تحيتي لك ريم

ريم شمر

13-04-2003, 19:10

مرحبا فلاح

صحيح معك حق المطر والخير يهم الجميع :)

قصر خراش

هلا فيك وحياك الله وشكرا لمرورك

اهلين عذاوي :)

سلامه قلبك .....قلب بوش انشاء الله وبلير يتبعه :mad:

عبد العزيز :D

****************
الله يزيد ويبارك عليكم ....انتبهو لاتغرقون بالكباري
****************

مهو كنها دقه :eek:

معليش نفوتها هالمره :rolleyes:

بس ماالومك .......ماتشوف الكبارى والجسور الا بالتلفزيون :D

********************
ياطربتي ياحايل .....يالله ياكريم تجيب لنا المطر ....ولا تفر
سحابة هالرياض علينا .....حنا أولى ....يبسنا.....فاحت ريحة شوارعنا
ياااااااالله ياكريم
**********************

8
8
8
8
اي سحابه واي غيوم انت نقيت فيها

راحت السحابه ابشرك |8|

ابن جشعم

الله يبارك فيك يارب

بالنسبه لبو صياح الله يرحمه ترك ورث مهو سهل

وكلن يلقط له شي الحق على عمرك

غديه يحصل لك شي تستفيد منه

ثوب والا شماغ ....والا فروه :eek:

مشكورين ماقصرتوا
نجاملكم بالافراح
والله يديم الخير

ريموووووووو

المشرف العام

14-04-2003, 00:36

جعلها الله سقيا بركه لا سقيا عذاب

شموخ

14-04-2003, 00:51

يانجد قلبي لك حبيب ويهواك ....كم عشت بك من خافيات الشجوني

ياللي رعيتينا عسى الله يرعاك .....ويسقي ثراك من الحياء والمزوني

جعلها امطار خير وبركه على الرياض الحبيبه :):):)

وياصبا نجد جددت الجروح القديمه ....يوم ذعذع هواك وخالي البال نايم

هيضت المشاعر ياريم شمر ومشكوره على هالخبر الحلو اللي يشرح الخاطر

تقبلي تحيات اختك

شموخ

الحربي

14-04-2003, 01:40

الريموووووووو

عساك غنيتي اغنية المطر

يامطره حطي حطي على قريعة بنت اختى

صايره حسن كراني بتقديم نشرة الاحوال الجوية :D:D:D:D:D

تهناكم الرحمة

اخوكم الحربي

al_snafy_1999@s

14-04-2003, 02:01

بسم الله الرحمن الرحيم
السلام عليكم ورحمة الله وبركاته

اييييييييييييييييييييييييييييييه

الله يفرح قلبك
هذي الاخبار

ماهي اخبار صدام الله يختله هو وطقته من الخونه

واليوم الصبيحه جانا خبر ان المجمعه عليها امطار

الله ينفعبه

اما حنا ياهل القصيم البارح واليوم ترعد وتبرق

بس مانالنا الا طفيت الكهرب :D لكن الله يعيد ولا هو بعيد

قريت الموضوع هااااصبيحه لاكن ماااا امداني اشكرك عليه

الله يعطيس العافيه على هالخبر

الفيتو

14-04-2003, 02:43

عساااااااااااااااااو الف مبروك ريمو

جعله الله سقيا خير وبركه

الله يجيب لتس يا حائل الخير

بس من يوم دعى له عزوز عزالله الا ياجاي شي:D:D:D:D:D

محمد الربع

14-04-2003, 03:16

اااااااااااااااااااااااااااااااااااااااا ااااه

اه ما ارق الرياض تالي الليل

هكذا قال البدر بن عبد المحسن

وانا اقول (( وشلون لو هي تغتسل بالمطر ))

كم احبك يا عاصمتنا الحبيبة

شكرا يا اختنا (( ريــــــــم شــــــــــــمــــــــــــر ))

المهاة

14-04-2003, 18:46

خسارة فاتني مطر الفجر بس مطر الليل الساعة 12 تقريبا كان رووووووووووووعه ..

ليتك ريمو ماعلمتي هالشهبان نظلونا اليوم الشمس تشوي الطير في السماء .. :(

موج البحر

14-04-2003, 20:27

الله يجعلهااااااا امطااااار خير وبركه

فعلاااااااً كان الجووووووووووووو شي

لكن انتي متاااااكده من الي قلتيه

هذه الحوريه في وسط الصحراء

هههههههههه تحيااااااااااااااااااتي

ريم شمر

15-04-2003, 09:48

المشرف العام

شكرا

اختي شموخ
ياحبي لك والله :)
انتي بالذات احس ان تحبين الرياض مثلي
الله يسعدك ويوفقك يارب

اخوي الحربي
يوووووه على اللي سويته
غنيت و ركضت ونطيت :D
من اللي مايفرح بالمطر ؟؟؟!!

اما حسن كراني :D

الله يذكره بالخير :o
ترى النشره الجويه حقت الصيف
هي نفسها مسجله
تنعرض كل يوم :D

السنافي

الله يجيب الخير للقصيم والزلفي والمجمعه وسدير
وكل مناطق المملكه :)

ابو مرزوق

ايه ياليت انه مادعا :mad:

جاب العيد لنا ....ولانفع حايل :eek:

محمد الربع
مرحبتين والف مسهلا بكل من يحب الرياض:)
وهذي لك وانا اختك لانك تحب الرياض
*************
في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده ..ا ومشينا ..
***
يا نصيبي من الصور .. والرسايال
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
وين احب الليله .. وين اهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..
***
وين احب الليله .. وين أهيم ..
ارفعي طرقة الشيله .. عن سديم ..
وكوبٍ وهاج ..
اقطعيني بنصل طرفٍ سادرٍ وحجاج ..
شقيقيني يالهبوب العارضية ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا
*****************

مها :)

خلي النوم ينفعتس :D

وبالنسبه للشهبان

ماتصدقين يامها .....ماامدى يحط التعقيب الا وقف المطر
وطلعت الشمس :(

موج البحر
هلا فيك
وبالنسبه للحوريه
متاكده ميه بالميه
على الاقل بالنسبه لي :cool:

شكرا لكم جميعا