كبسة ياهل الكبسة....لحم وفقع وخيرن من ربي تسثير [الأرشيف]

مشاهدة النسخة كاملة : كبسة ياهل الكبسة....لحم وفقع وخيرن من ربي تسثير

عبدالعزيز

13-04-2003, 03:41

http://abdulazez123.jeeran.com/1kabsah.jpg

هذي كبستن لي ظبطته هكا الحين

مقاديره
طماط
بصل
لحم
رز
فقع
بهارات
ملح
شطة كريستال
ولبن الصافي ابولترونص

وسلامتكم

عبدالعزيز

13-04-2003, 03:43

ايه نسيت مقادير الزلطة

طماط وبصل وملح

ابو خليف

13-04-2003, 04:12

وشلون نعمل بهن

نحطه بالقدر او ناكلهن

كذا

الله والعالم

انه تاكل اصابعك من وراه

ابي انفض غباري واقوم

اطبخه ما مثله فطور قبل صلات هالصبح

او انا غلطان
ما تصلح

ابي اقوم اجيب القز والقدر عني بهاه وابي افسر عن ذرعاني

واما ادعيلك بخير عقبه او يودوني المستشفى

وادعي عليك

هههههههههههههه

لا تنخرع ادعي عليك دعا زين

عبدالعزيز

13-04-2003, 04:19

:D:D:D
أخييييييييييييييييييييييييييرررررررررررر رررررآآآآآآآآآآآآآآآآآ
ذيب شراف
هو انت ...ماغيروه
هلا بالعزوة
هلابالطربة
وش عندك اليوم مسفهل بالتعقيب.....اشوفك مزود التعقيب شوين:D

قلت لي وش تعمل
سلمك الله قطع اربع بصلات تقطيعآ مبرحآ وقطع مثلهن طماط
شب على القدر وحط شوين زيت ملعقتين او ثلاث
كب البصل واحمسوه لما يشقر شوين وحط عليه اللحم (كيلوين)والطماط وعندك لهن بالملاس ...فوق وتحت بلا رحمة
دقيقتين وكب عليهن ماء لمين يغطي اللحم شوين همن حط ملعقتين بهرات ونص طابق معجون طماط ....اعط الملاس لفة وطبق القدر.........نص ساعة أو ساعة الاثلث وافتح القدر وكب عليه الرز عقب ماتغسلوه اربع غسلات ....تر القمل عادي ماهو لازم تطلعوه هذا يعطي نكهة خاصة
وحط الفقع .....طبق القدر ونصصصصصصص ساعة وبهالهناء والشفاء

عبدالعزيز

13-04-2003, 04:23

ايه ترو اللبن مايكب مع الرز>>>>بلا شغل بدو
حنا نسينا الاكواب ومشينا حالنا بالطاسة
والطماط والبصل واللحم بدون غسل احسن
برضو يخلي بالطبخة طعم ممتااااااااااز

ابو خليف

13-04-2003, 04:41

بدايمون ذيب شراف

هلا عزو

شفت شلون الميانه

بص مطشيك هذا ينوكل هالحزه او لا

ترا حنا بنت اذان رضوان واقامته

يمدينا ناكل المطشي اولا

انت وش علومك

كني اعرفه من الحاره

الحاره===== حايل

قل تم قهوتك

عندنا امس مدري من الي جايبه

تعال خذه

عبدالعزيز

13-04-2003, 04:43

تمووووووون يالطربة والله تمون

وهاذي وانا اخوك ماهي بهالحزة توكل

اصبر نص ساعة وعليك بمضياف;)

ابو خليف

13-04-2003, 04:53

اقول تيس يقول احلبوه

قطعت مصراني شورما جنكيز وسنويساته

ابي رز لحم

ابي اشبع

ابي غير مضياف

تعرف واسطه باتراثي يطبخون لي رز الحين مشتهي رزيز

ابن جشعم

13-04-2003, 13:15

تسلم ويعطيك العافية على الطبخه

ماقصرت يالغالي

المهاة

13-04-2003, 18:20

ما شاء الله من متى و انتم بهاه :cool:

تسلم يدينك اخوي عبدالعزيز .. بس و ين السماط و الملاعق و الكاسات و الصحون .. بعدين لا تمشون واجد انت وذيب بتملون الصحن رمل ..

هي كانت طبخة تمام خصوصا مع الفقع لو ما القمل و الطماطم و البصل اللي ما انغسل .. |8|

بس يالله يجي منك تفك أزمة مو مثل الناس اللي ماتعرف الا تاكل ..|118|

نورتوا المطبخ شباب بس لا تنسون تغسلون مواعينكم ..

عبدالعزيز

14-04-2003, 04:23

ذيب .
يالغالي .....أي رز يوكل بالصبح الله يهديك...جلطة هذي على طول

هلا ابن جشعم...شفت طبختك للسليق وماصدقت ....شهد لك الوبيري بالطبخ ...وليه ماتعلم يوم انك عندي بهاه ...مافات شي تر مهية تستحق مويضيع كل اسبوع

المهاة
حنا مبطين بهاه ...بس انتي الله يهديك ...طاخ طيخ هناك ولا انتي هينا;)

والقمل والغسيل .....تخبريننا يالشباب وخصوصآ بالبر ...أميرنا اللي يطبخ
والدعوى كله كسل
ومواعيننا كلهن مانبيهن خلوهن بمطبخكن

ابو خليف

14-04-2003, 06:12

اخيه اثريك داخل مطبخ الحريم وما تنحنحنا

الله يفشلك

ياعزووووووو

سني مستحي

اسفين ياخاله شفت العذر وشلون ابشري

هالشغيغيله بتغسل المواعين

بس لا تزعلين

اميرة

14-04-2003, 07:23

صباح الخيرررررررررررررررررررررر:cool:
كيفكم جميعا ;)عساكم بخيرررررررر يالله انك تحييهم :D

>============ مهو لله سامعتن بطاري الفقع :o

عبدالعزيز

14-04-2003, 16:35

هلا ذيب هلا العذا

كلنا مشفوحين بالفقع هالسنة ......اطلبي من الله يجيب لنا خير بالوسم الجاي

محمد العربي

14-04-2003, 17:12

يالغالي .. ماشوف الخير التسثير وعلى قولتك .. غير البصل اللي بهالسحله !!

لا لحم ولا فقع ولا يحزنون !!

عبدالعزيز

14-04-2003, 17:24

هلا ابوعرب هلا بالزميل هلا بالغالي

ياعزوتي ...شوفة عينك الصحين الصغير بوه سلاتاااا(زلطة) واما اللحم متخالط مع الفقع بوسط الرز......تعال تعال لمنا وابشر باللي يدسم شواربك من هالدسم وازين بعد

عاد شف لنا طبخة ابوعرب حولك