روعه
12-04-2003, 11:22
دجله...طفله عراقيه خرجت صباح
يوم العاشر من ابريل الى الشارع لتلعب
مع ابن الجيران علاوي:
صباح الخير ياريس
صورتك شبيها اليوم؟
علاوي علاوي شوف تعال تعال
هاي صورة الريس عليها تفال
شوف شوف تعال
صورة الريس تنطق بالنعال
شقد جرى ووكيح مقداد
على الصوره بال
شصاير؟
صدق جذب؟
حلم علم؟
وين المخابرات؟
وين الامن؟
الحرس وين؟
وين المضاهرات؟
امي لهسا تبجي اخوها الشهيد
وابوي مات قهر على اخوي فريد
واختي خاتم خطوبتها على الميز
من اختفى بالامن خطيبها عزيز
وام علاوي ماتت خطيه
حرق على اختها مكيه
يما تعالي تعالي
شوفي شصار بالغالي
ابو عدي يا حيف
انتصارك زيف بزيف
هوايه طولتها ياريس
بس عاد كااااااافي
خمسه وثلاثين عام
والحبل لي جدام
نسينا حتى اسامينا وذكرناك
نسينا حتى اهالينا وذكرناك
نسينا لون الفرح
والقلب اللي انجرح
ريقتنا حرب
وغديتنا حرب
و عشيتنا حرب
صار الخوف اخوانا وامنا وابونا
صار المستقبل حلم بعيد
والحرب تنور كل يوم شاب تريد
بس صورك ياسيدي
تزين كل مدينه
كل شارع وغرفه حزينه
كافي علينا
من نشوفك
نغسل ايدينا
من نسمعك
تنشل ايدينا
من نحجي
ينقلب هالكون علينا
كافي مو سيدي؟
والله كافي
نريد ننام وما ينطق بابنا
نريد نتسوق ونجيب ايدامنا
نريد نركض بالحدايق
نريد سياره ويا سايق
نريد نشخبط على الطوف
وما نتلفت
نريد نكتب شعر وما عين رفت
نريد ونريد
شقد نريد
من كثر امانينا ايسنا
من كثر الاحلام تيبسنا
بس انا مو مصدقه لهسا
ولك علاوي شو تعال اقرصني
يمكن حلم
تعال ولك ارفسني
يمكن اصحى من الالم
وسلامتكم.. هذي القصيده للشاعر عجيل السعدون
وكانت منشوره بالجريد.. ومن كثر روعتها حبيت تقرونها
يوم العاشر من ابريل الى الشارع لتلعب
مع ابن الجيران علاوي:
صباح الخير ياريس
صورتك شبيها اليوم؟
علاوي علاوي شوف تعال تعال
هاي صورة الريس عليها تفال
شوف شوف تعال
صورة الريس تنطق بالنعال
شقد جرى ووكيح مقداد
على الصوره بال
شصاير؟
صدق جذب؟
حلم علم؟
وين المخابرات؟
وين الامن؟
الحرس وين؟
وين المضاهرات؟
امي لهسا تبجي اخوها الشهيد
وابوي مات قهر على اخوي فريد
واختي خاتم خطوبتها على الميز
من اختفى بالامن خطيبها عزيز
وام علاوي ماتت خطيه
حرق على اختها مكيه
يما تعالي تعالي
شوفي شصار بالغالي
ابو عدي يا حيف
انتصارك زيف بزيف
هوايه طولتها ياريس
بس عاد كااااااافي
خمسه وثلاثين عام
والحبل لي جدام
نسينا حتى اسامينا وذكرناك
نسينا حتى اهالينا وذكرناك
نسينا لون الفرح
والقلب اللي انجرح
ريقتنا حرب
وغديتنا حرب
و عشيتنا حرب
صار الخوف اخوانا وامنا وابونا
صار المستقبل حلم بعيد
والحرب تنور كل يوم شاب تريد
بس صورك ياسيدي
تزين كل مدينه
كل شارع وغرفه حزينه
كافي علينا
من نشوفك
نغسل ايدينا
من نسمعك
تنشل ايدينا
من نحجي
ينقلب هالكون علينا
كافي مو سيدي؟
والله كافي
نريد ننام وما ينطق بابنا
نريد نتسوق ونجيب ايدامنا
نريد نركض بالحدايق
نريد سياره ويا سايق
نريد نشخبط على الطوف
وما نتلفت
نريد نكتب شعر وما عين رفت
نريد ونريد
شقد نريد
من كثر امانينا ايسنا
من كثر الاحلام تيبسنا
بس انا مو مصدقه لهسا
ولك علاوي شو تعال اقرصني
يمكن حلم
تعال ولك ارفسني
يمكن اصحى من الالم
وسلامتكم.. هذي القصيده للشاعر عجيل السعدون
وكانت منشوره بالجريد.. ومن كثر روعتها حبيت تقرونها