نوف
10-04-2003, 23:57
تزهب ياقصيد وانت لك بيد وسبع عدود=مداهليك شماليين.. مداهيله شماليه
عصبتك ياعصابة راسي اللي فيه طنخت زود=وترى الطرقي يجي طرقي وكل الناس طرقيه
خذ البندق مع المحزم مدام ان الجبال سنود=تولّم لعنبو جد القصيد.. ولعنبو حيه
على قلبي تهب النود نودٍ من وراها نود=طواريقٍ تصافق كنّها الطيه ورا الطيه
فرقناها مثل فرق الحشو عن فرقة المفرود=وسمناها..مطارق..حلقتين.. وفوقهن كيه
يقولون العرب جنب خبيث الطبع والمقرود=خلق ربك عبادٍ كل ماسجّوا على النيه
وانا ومنين مالديت جاني واحدٍ ملدود=يشيل السم في كفه.. وكفٍ فيه شبريه
مطافيس الرجال اللي يحسبون الزمان سهود=مدابيح الرقاب اللي تساوق سوقة الغيه
يكب الطيب من عافه وإذا باعه عليه شهود=تدورون (الرحا) وأدري وش اللي صايرٍ فيه
وسيع بطان وادري بالوغا ياريحه العبرود=يعاف الحرب من يعرف هل الفزعات والهيه
على عيطا الجزايل وان عطينا مانبي مردود=عليك الله وامانه قلنا ياجرة الحيه
هنا حبل انبرم ظلمٍ قفاه من الزمان جحود=و(حرامية علي بابا) على خبري حراميه
غدوا قومٍ عريبه جدها جدٍ يكف جدود=شجرهم لو تفرعن مانبي لغصونهم فيه
يموت الشك لكن مايموت الجرح بالمظهود=تشبون الفتايل.. والفتايل نارها حيه
تلاعج بالسما برقٍ يحن ولا سمعت الرعود=مذايير الهوا وان ودته باكر يجي زيه
وانا والله لو موتي دنا مالد بالمقرود=على الله والمداهيل الشماليه... شماليه
الرائع والمتألق
ممدوح المسطح
عصبتك ياعصابة راسي اللي فيه طنخت زود=وترى الطرقي يجي طرقي وكل الناس طرقيه
خذ البندق مع المحزم مدام ان الجبال سنود=تولّم لعنبو جد القصيد.. ولعنبو حيه
على قلبي تهب النود نودٍ من وراها نود=طواريقٍ تصافق كنّها الطيه ورا الطيه
فرقناها مثل فرق الحشو عن فرقة المفرود=وسمناها..مطارق..حلقتين.. وفوقهن كيه
يقولون العرب جنب خبيث الطبع والمقرود=خلق ربك عبادٍ كل ماسجّوا على النيه
وانا ومنين مالديت جاني واحدٍ ملدود=يشيل السم في كفه.. وكفٍ فيه شبريه
مطافيس الرجال اللي يحسبون الزمان سهود=مدابيح الرقاب اللي تساوق سوقة الغيه
يكب الطيب من عافه وإذا باعه عليه شهود=تدورون (الرحا) وأدري وش اللي صايرٍ فيه
وسيع بطان وادري بالوغا ياريحه العبرود=يعاف الحرب من يعرف هل الفزعات والهيه
على عيطا الجزايل وان عطينا مانبي مردود=عليك الله وامانه قلنا ياجرة الحيه
هنا حبل انبرم ظلمٍ قفاه من الزمان جحود=و(حرامية علي بابا) على خبري حراميه
غدوا قومٍ عريبه جدها جدٍ يكف جدود=شجرهم لو تفرعن مانبي لغصونهم فيه
يموت الشك لكن مايموت الجرح بالمظهود=تشبون الفتايل.. والفتايل نارها حيه
تلاعج بالسما برقٍ يحن ولا سمعت الرعود=مذايير الهوا وان ودته باكر يجي زيه
وانا والله لو موتي دنا مالد بالمقرود=على الله والمداهيل الشماليه... شماليه
الرائع والمتألق
ممدوح المسطح