قصيدة ترحيب بأبي حسناء .... ياهلا ...

[العذب]

الأخ الكريم ( أبوحسناء )الشمري... تمويه :):)

يامرحبا .. وهذي الساعة…( الخراشة )
قصدي ( المباركة )
وهذه الأبيات تهايلت من يوم شفت اسمك .. مدري هل السر في كلمة ( أبو )
أو في كلمة ( حسناء ) أو في كلمة ( الشمري ) ….الملفقة من عندي
السر في بطن الهواوي ….


ألف مرحب .. مع تحية نابعة من قلب هاوي
……………………… صاغها بوزن القوافى من ترانيم القصيد
شاعر طبعه هواوي في مهب الحب داوي
…………………… يرسم البسمة على الثغر الحسن باحلى نشيد
يابوحسنا الف مرحب .. أفزع لقلب شقاوي
……………………… من سنين الحب يسمع ولا لقى شيء مفيد
يزرع دروبه ورود ويجني من همه بلاوي
……………………… ويبني من حبه قصور وتهدمه كلمة جحيد
يابو حسنا جيت يحدوك الهوى وشيء سماوي ؟
…………………….. ارفع الأزرق وعلّب بسمة القلب بجليد
لو نخيت الزوم عنك ما تهايق للرجاوي !!
…………………….. بين سجات القوايل والمسا علم أكيد
هي تبي تسمع كلامي بس في قلبي متساوي
……………………. مدحها والذم والسبة تجاعيد البليد



وعلى الحبة ,,,,

[فواز]

عز الله يستاهل ابو حسناء ..( الشمري )

وما قصرت يالعذب ..

وهذي عوايدك ....

دلال وعلوم رجال ....

والقصيد حلوة مرررة ... ياليتها بي :):)


تسلم

وعلى دروب الخير تلتقي

[أبو ريان]

أبو حسناء الشمري !!!!!

الله يحييه ..

[العذب]

ابو حسناء يستاهل ....

والله يحييه ...

لكنه وينه ما عينتوه ؟؟؟




وعلى المحبة ,,,

[العذب]

اخوي فواز



ما عليك زود ...


ولا تغرك هالابيات .....

هذي من اطراف الحلال ....


وانت تستاهل اكثر يابعد حيي ..



وعلى المحبة ,,,

[ابو حسناء]

هييييييييييييييييييييييييييييييييييييييي يه

خلوووووووووووووووووووووووووووووووووووووه ا

[العذب]

خليناها .. ولا شفنا شيء



وعلى المحبة ,,,

[ابو حسناء]

للذكرى تم رفع الموضوع



البقا..مليون ياللي عادته صب القهاوي

...............جيت الضيفان عنده يالجماعه يوم عيد

شاعرٍ عارف ولا هو في دروب الشعر غاوي


...............مرسلٍ عذب القوافي في شكل عقدٍ فريد

ضمّن الترحيب شكوى طالبٍ مني فتاوي

...............ما درى ان بالحب مابه عندنا أي سديد

ما وصلني علم بين بس متحري حراوي

...............لين لاحت لي رساله في ملفات البريد

يوم ضغطت اللنك بيّن منتدى لأهل العزاوي

...............منتدى شمر تبين لابسٍ ثوبٍ جديد

ياصديقي العذب حذرى لا يجيك الهم ضاوي

...............أحذر دروب الهوى درب الهوى للرجل قيد

حيثها جرحٍ لقلبك ما تلاقي له مداوي

...............كل من خاضوا الهوى صاروا كما الأسرى عبيد

كان مقصودك خفاني والرمي عود سماوي

...............فوضح المقصود عجل وعسى عمرك مدد