بينكن وحدة تعرف تطبخ أولأ؟ [الأرشيف]

فوفو

14-01-2003, 14:58

افا عليك بس اخوي ابو صياح ....

اللحين حنا بس شوفنا كيف نجزر الخروف ونقطعه حت حت ....وتشوف هاك المفطح اللى مامن مثله:D

حبكت عاد على كبسة ...ولــ 6 بس :)

البهارات حط نص الرز باالضبط يعني مثلاً تبي تحط كاسين رز تحط كاس بهارات وهكذا:D اما وقت الطبخة فعلى حسب الرغبة :)

اممممممممممممممممممممم

ابو صياح كان ودي اساعدك بس تخبر الحريم السنعات((تريني منهن:D )) مالهن علم بالكاتم ....اذا ماولعنا القز وجبنا هاك القدر اللى تقدر دخل فيه من كبره :) ...اما سالفة كاتم ماكاتم هذا للشباب اللى توهم مالهم خبرة ....يعني المفروض تطلب هاالطلب من الشباب السنعين راعين البران والمندي:)

ولا بعد جاي قبل الأمتحانات بكم يوم:mad:

عبدالعزيز

14-01-2003, 15:05

ترى مايمنع الإستعانة بشغالة يافوفو
ولا انشدي أمتس
وبعدين بالعكس الكاتم هو الفن وهو المرحلة الإنتقالية من الطبخ بالقدور وتمططهن لعصر السرعة .
القدور واعرف اطبخ بهن ازين من أفضل طباخة بعفنان
والكاتم نفس الشي بس عاد ماتخلا من بربسه ...قلت ابي ادور الشغل المظبوط عندكن.
والضاهر ماعندكن ماعند جدتي

فوفو

14-01-2003, 15:22

:eek: :eek: ابو صياح :eek:

اللحين انا فوفو استعين بشغاله.؟؟؟؟؟؟؟؟؟؟ بحق هذي

انا امسكلك الخروف واغوووله واقشروه واطبخوه :D

وبعدين القدر الكاتم صغير ...حتى لو تجيبلك تويس صغير مايكفي :P

وبعدين يقولك قديمك نديمك لو الجديد اغراك ايه:)

وبعدين زي ماقلت الكاتم به شغل بربسه ماينفع ....صدقني خذ النصيحة من طباخة له 18 سنه وهي تطبخ مفطحات وتيوس ...كاتمhttp://www.handykult.de/plaudersmilies.de/nono.gif

عبدالعزيز

14-01-2003, 15:31

وانا قايل اني ابي اطبخ تيس؟
كل الدعوا كيلوين حاشي على الطاير من الصالحية
وهو صحيح ان قديمي نديمي بس عاد الوذافة زينة
هذاك لاصارت الطلعة تسبيرة ممكن اخذ القدور لاكن ليلة وحدة لأ

نجمه السماء

15-01-2003, 00:03

ابو صياح ما طلبت شئ ..

غالي والطلب رخيص ..

انت قلي متى تبيه وانا اطبخه وارسله لك ..

ليه اعلمك واتعبك ..وتقوم تعاطس من ريح البزار ..

اوكي اتفقنا ..

واوعدك اذا ذقت طبخي انت والست اللي معك ..راح تاكلون مو اصابعكم بس

الا يديكم بعد ..

عبدالعزيز

15-01-2003, 00:41

أي ست الله يهديتس
كل السالفة اني ابي اطبخه لهالجعارير بالبر
ولا تحسبينن اطبخ لمرتي بعد ........عسى عمري ماأعرست تساني ابي اطبخ له

هاللي اقول
ابي مقاديروه بالظبط يانجمة وكم وقته مع العلم ان اللحم حاشي (بعير صغير )
يخليتس ربي لعينن ترجيتس

نجمه السماء

15-01-2003, 00:46

اخوي راح اعلمك بلي اعرفه ..كسرت خاطري ..

بس لحظه انت ما قلت لي ..حجم الصحن اللي تبي تنشب الارز فيه ..

كبير وإلا صغير ..

لان الحجم له دووور ..

الفاضي

15-01-2003, 00:47

وليييييييييييييييييييييييييه ما تعزم يابو صياح

ابو مشاري الشمري

15-01-2003, 00:53

ابو صياح
وأنا أعزمني متى أجي
وبعدين والله مشتهي لي جمريه على الجمر
ممزوجة بالطبخ اللي أنت تشتهيه

سلملم

نجمه السماء

15-01-2003, 00:55

الحين خلو ابو صياح يعرف يطبخ ..

وينجح بالاختبار بعدين اعزموا انفسكم ..

ابو مشاري الشمري

15-01-2003, 01:00

مانصدق ان أحد يعزمنا
مار يعرف يطبخ ولا مايعرف
متى العشاء
قلنا بس
على شان مأكل قبلة بيومين

سلملم

عبدالعزيز

15-01-2003, 01:06

اصبررررررررررررررررررررررروووووووووووو
وخرووووووووووووو
دورت باالتسدر كم لتر مكتوب عليه لاكن يضهر ان النار تفاهمت معوه المسكين
على كل حال هاذا هو تسدري <<<<<<<<وش عليه موقع وكميرا
http://abdulazez123.jeeran.com/0715_0006.jpg
الفاضي
واجما وراك اختبارات

ابومشاري
واجليك حولي
ليامنك جيت ابشربه والله

الفاضي

15-01-2003, 01:06

ابو صياح بالله هذا قدرك <<<يشمت

الاختبارات ملحوقه يابو صياح

لكن اهم شي العشاء<الي يسمعه يقول شكله دب مثل ابو صياح

الوكاد وين العشاء يابو صياح وانا اجيك ومعي الرياضيات والفيزياء عشان اغثك بالمراجعه ههههههههههههه

طااااااااااو

نجمه السماء

15-01-2003, 01:14

ابو صياح ..

قدرك صغير ليه كذا ..

بس راح اعلمك الطريقه ..

بس عااد مو تروح وتنشرها في المجلات بإسمك ..

ترى حقوق الطبع محفوظه ...

بس نسيت اسألك ..اللي انت عازمهم فيهم احد ا يحب البهارات ..

والا عنده شئ معدته ..يعني ابي اعرف تاريخ مرض كل واحد عازمه ..

ترى لازم اعرف ..هذه طريقه جديده ..

اوكي .

عبدالعزيز

15-01-2003, 01:22

اييييييييييييييييييييه يلطون البهارات لط الله ياخذهم ....أنتي عطينن المقادير وبس
وبعدين هالقدر خذا اكثر مرة معي اربع كيلو ونص لحم .....عشى تسع اشخاص .....نعمة ياربي لك الحمد
المهم انه الموضوووووووووع وصل 15رد ولا طلعت بنتيجة للآن ....والله مصيبة

الفاضي
انت تعال بس .
يحرم علي حرم الا بحدى هالسكاكين ولا الملاس اللي تشوفهن.

نجمه السماء

15-01-2003, 01:33

اوكيه ريلاكس ابو صياح ...

راح اعلمك do not worry

يووه نسيت اسألك .. اي نوع من الارز تحب تستخدم ..

وإلا اقولك ..ابي اقولك الطريقه واكسب بك اجر ..وارميه بالصحراء ..

اسمع وانا اختك ..

اغسل اللحم كويس ..وقطع راس بصل وفص ثوووم ..( افكه بيدك عدل ) علشان يعرفون انك طابخ ..

وقطع طماطتين كبار ... حطهن مع بعض..وحط عليهن ماء يغطي اللحم يعني ما ابيك تشوف اللحم ..نجي للبهارات ..طبعا تعلاف البهارات المخلوطه ..
مثل الكزبره والكمون والكوكم والقرفه وشويه هيل اطحنهن مع بعض وحط بمقدار ملعقتين ..وملعقتين ملح ..

والارز تقريبا اربع اكواب .. تغسله وتحطه على اللحم ..

شكله راح يصير هريس ..مو مشكله..

وبس خله تقريبا نصف ساعه ..

وبالهناء وادعو لي ..

اعترف لك تراني ما اعرف اطبخ لحم حاشي ..

تبي دجاج ممكن ..

بس جرب وعلمني بالنتيجه ..

ابو مشاري الشمري

15-01-2003, 01:34

ابو صياح ذبحن الجوع
تكفى
متى العشى ولو كان ماهو بقدر كاتم
أهم شي نأكل
اقول وشرياك تقلب بدال المفطح ضبان
وتر الحريم خبيرات بطبخ الضبان
آخ يالجوع..
سلملم

نجمه السماء

15-01-2003, 01:38

وع ابو مشاري ..

في احد يأكل الضبان الحين ..

وين عايشين ..الله يسامحك ..

بس تدري ابي اعلم عليك حمايه حقوق البيئه ..

عبدالعزيز

15-01-2003, 01:39

هلااااااااااا ابومشاري .
هالعشى باتسر إن شاءالله بحدى هالشغيوات باه ...تسانك حولي الله محييك يالغالي

نجمة
إذا كان الرز عنبر (أبوفيل) وطريقتي بالرز ما ارغب الكبس يعني الرز مع اللحم ...كل واحد لحالوه .

نجمه السماء

15-01-2003, 01:42

طيب ليه تقول من اول تبي كبسه ..

وخليتني اعصر مخي ..الله يهديك بس ..

وبعدين انا ما اعرف رز عنبر ابو فيل ..

مهو عندنا هذا ..

وقلي اذا تبي معاه خبز وإلا لا .بسرعه ترى وراي دوام بكره ..

اميرة

15-01-2003, 01:46

الغالي ابو صياح
تكفى طلبتك لا ترديني ابيك تسفط لك سيارة اسعاف بحدى هالحزوم ما تكون بعيدة عن موقعكم وتراقبكم عن كثب وهقوتي والله اول من تبي ترقع ابو مشاري لانه يبي يجي بدون عزيمه ولا على جوع بعد ثمن الفاضي
ابو صياح هالحين مالقيت الا بنات الماضيف تسألهن هن لو بهن سنع كان هالحين يدهرن بمطابخهن لا تزعلوا يابنات نمزح انتن ملح المضايف وقبلتها
ابو صياح هالحين مولمن قدورك ومصورهن وكل شي والم وتسأل وشلون تطبخ وخزيااااااااااااه
الا اقول خذهالنصيحة من شخص يعزك بالحيل اذا تبي ترز وجهك وكل البنات يهمسن بأسمك ويهتفن ويرددن قل والله ابي اتعلم لي وللزمان حتن اذا جت المدام يمار افسر عن ذراعني وادخل المطبخ واساعده واطبخ له

عبدالعزيز

15-01-2003, 01:47

أييييييييييييييييه
حنا متعودين على كلمة كبسة .
على كل حال الضاهر يقال لو نثري أو لأ .....مادري
بس العلم اني ابي رزززززززززززززززززز
يعني لاخلص اللحم كبيت مرقتوه على الرز
ورز عنبر ابوفيل مثله مثل اي رز بس انه انتاج 1999

نجمه السماء

15-01-2003, 01:52

الله يسامحك العذا ..ترانا نعرف نطبخ المرقوق ونخبز المطحن والتنور ..

ونعرف كل شئ بس عليك تسوين دعايا عنا ..

وبعدين ابو صياح ..

وش رايك اعلمك طبخه للرز احسن من اللي تبي اتسويها ..

انا مخترعتها ..

عبدالعزيز

15-01-2003, 01:54

العذا .......الطبخ أطبخ يابنت الحلال
لاكن ماهو الطبخ اللي ابيه يعني.........مثل طبخ البيوت بالظبط
هذاك ماناكله الا من الجوع بالبر
قلت ابي اظبط زضعي 100% معوه

عبدالعزيز

15-01-2003, 01:56

مايخالف ...........بس ترا الطبخة راح تتم بكرا
وأن ماظبطت والله الا انشر صوره بكل المضايف .

ابو مشاري الشمري

15-01-2003, 01:57

نجمة السماء وده تثقف
في الانترنت يابو صياح
الضبان ياما فصمت العكر
وتطبخ الضب في قوطي نيدوا من الآولات
لايهمك قوله..
أبو صياح
الشغيوات
آه يازينهن بدون عشاء
لا نبي هالحين
أنا ذابحن الجوع
أبي ضبان
واللي تطبخهن نجمة الساء
يقولون حريفه
بطبخ الضبان
خبره
وله برنامج يطلع بالتلفزيون كيف طبخ الضبان
والمقادير حقت الطبخ
المهم
آكل وبس
((هين هين يالضبان))
جايتكم نجمة السماء توريكم
أبداع الطبخ .
سلملم

نجمه السماء

15-01-2003, 02:01

ياااي انا اطبخ ضبان ...

برستيجي انكسر ..

انا شفت القصاب يذبح الخروف بيتنا تعقدت ..

وشلون تبيني اطبخ لكم ضب ..

ابو مشاري شكلك تمزح ..

بس راح اعوضك عن الضب بطبخه حلوه ..وش رايك ..

اكيد موافق

ابو مشاري الشمري

15-01-2003, 02:05

جيعان
يانجمة السماء
أهم شي آكل
وشي الطبخة
حبي لشفايه
أما تنسد النفس أو أبشغلك الليلة حتى آكلها
نشوف وشي
سلملم

نجمه السماء

15-01-2003, 02:08

وش رايك رز بالفطر والفاصوليا ..

..وبجنبه دجاج بخلطه محد يسويها غيري ..

او لحم بطريقه سحريه ..

بس ماراح اعلمك الا بكره ..الصبح اصبح ..

وسكتت شهرزاد عن الكلام المباح

فيصل اللويش

15-01-2003, 02:08

وربي اجيب لكم عشا على حسابي

بس فكونا من هاالطبخه

اشغلتونا ترى

ههههههههههههههههههه

عبدالعزيز

15-01-2003, 02:09

قل اييييييييييييييييييييه قل ايييييييييييييييييييييييييييييييييييه يابومشاري خل هالطبخة تطلع على خير ...متت وانا اتحرا
وبعدين الله يهديك الضبان ماتبي حقات مكرونة اندونيسية وفشفاش بالشطة

اميرة

15-01-2003, 02:11

والله مشاالله عليك انت والله شكلك من رجال 2003 المطلوبين من قبل النساء طبخ ونفخ والله والسنع تصدق اني احترم وبكل جدارة الرجل اللي يطبخ ويدخل المطبخ ويساعد زوجته لانه انسان واعي مثقف يؤمن بأن الحياة مشاطرة بين الزوجين
بس مدري هو انت بس تعلمته علشان ابومشاري والفاضي وامثالهم والا للمستقبل

عبدالعزيز

15-01-2003, 02:19

ارافله ياوله
تسيف فطر وصلصة .
طريقة سحرية ولاماهي سحرية عطينن اياه بس تكون بكاتم ولا فطر

ابو مشاري الشمري

15-01-2003, 02:21

ايه يابو صياح
معك
معك
بس اللي مسهر هالحريم الى هالوقت وشو
ذبحنا الجوع
والله أني جالس أتعشاء هالحين
وأكتب بصبع وحدة
أتحداكم تعرفون وشو عشاي

عبدالعزيز

15-01-2003, 02:23

ارافله ياوله
تسيف فطر وصلصة .
طريقة سحرية ولاماهي سحرية عطينن اياه بس تكون بكاتم ولا فطر

ابولوييييييييييييييييييييييييييييييييييي ش
ياهلااااااااااااااااا ومرحبا
بلشت يابولويش
من اليوم ماطلعت بنتيجة
وعلى كل حال ...تم تم تم
عشاي وعشا ابومشاري عليك
كلم بيتزا هت واطلب ...يسلمون واحد بحايل و واحد بالشرقية ...عادي صدز والله
وسالفة الكاتم وانا خيك هاذي باتسر ان شاء الله بالبر.
وييييييييلك يابولويش على الكبيسة بحدى هالجروف

عبدالعزيز

15-01-2003, 02:26

يبقى الموضوع مفتوح

اميرة

15-01-2003, 02:33

عدال بس عدال شنو شايفني قاطه وجهي عليك الشرهة بس مو عليك على اللي ارد عليك

عبدالعزيز

15-01-2003, 02:38

الله يهديتس بس ....كان من باب المزح مثل مامزحتي قبل ..فهاذي فعلآ غلطتي .
.............
هاااااااه عيال
ويبقى الموضوع مفتوحآ

ابو مشاري الشمري

15-01-2003, 02:52

مفتوحا
نعم
أبشركم شبعت
تعشيت
عشى ماهو عشاء ابو صياح
ماني معلمكم
موتوا من القهر

عبدالعزيز

15-01-2003, 02:56

صايرن عشاي اللي مشوين عاد
مااااااااااااااش يابومشاري ...ماجانن علم وكاد ...الضاهر ربوعنا فشوش

أصبر لبكرا واشوف مع نجمة .....هي اشواهن.........لعل وعسى

الجازي

15-01-2003, 03:47

شف انا فيني النوم ........ بس رحمتك ......مع اني رفلة بشهادة الجميع وعلى راسهم امي .....بس مافيه مانع انك تكون ضحيتي الاولى .....وعلى قولة علماء الطب ......انت حقل لتجاربي .....اسمح لي على هالصراحة.........

الزبدة .........بما ان الدعوى بر في بر يعني محد لايمك على الطبخة لو طلعت بووووووووووووش.

شف وانا امك ......... خذ لك كم بصلة وقطعها حلقات يعني دواوير على قولتك وعرضها تقريبا اثنين سم وحطها في قاع القدر عشان تصير زي الطبقة الواقية للرز لأنها بتحترق على كل حال .......
بعدين حط فوقها حلقات طماط عريضة بعد زي البصل بعدين فوقهم شرايح كوسة مب دواوير هالمرة خلها طويلة يعني مقسومة بالطول قسمين بس .......وصفها فوق الطماط ........
بعدين تجيب لحمتك المتبلة يعني افركها بملح ناعم وبهارات وبزار ومايمنع ثوم للخياس وحطها فوق الكوسة بس لازم تصفها صف زين .........
بعدين جب حلقات بطاطس وحطها فوق اللحم الين يتغطى اللحم .... بيصير عندك طبقات الجو العليا كلها بس عادي تحمل تو المشوار طويل .....

خذ تقريبا نصف كاس ماء فيه نصف حبة ماجي وصبها على القدر........

بعدين( هذا ممكن تسويه في البيت قبل ماتروح للبر وتوديه معك وتكبسه هناك) في قدر ثاني احمس لك بصل مقطع تقطيع صغير مع بهار وشوي صلصة وحط الرزعليه مع موية وشوي ملح بس انتبه لايستوي الرز يعني خله ربع استواء (يعني حبة الرز تصير قاسية) بعدين اشخله من مويته وحطه في القدر الكاتم فوق البطاطس مع حبحر حار واعواد دارسين (قرفة) وشب عليه النار الين يصفر القدر ..... يعني تبدا الصفيرة تدور .......اذا صفرت اقصر على النار مرة وخله تقريبا ثلث او نصف ساعة..... بعدين اذا استوت اقلبها عشان تصير مقلوبة تقلب راسك ......

ملاحظة :
لاتستعمل رز عنبر لانه يستوي بسرعة استعمل رز ابو كاس ويفضل يكون قديم يعني انتاج 1948يعني تاريخ وعد بلفور ::::::::> يقطع ابو السياسة ....

على فكرة لاتنسى تودي معك مكنسة عشان تلقط وجهك عقب الغداء........لأني عارفة ان ماوراي الا الدجة ......... بس عادي نتعلم فيكم ......

انصحك تعزم الفاضي وابو مشاري كوده يجيكم تسمم غذائي ونرتاح منهم مرة وحدة ......بس لاتعزم الخيال خله عشاه علي......

سلملم.........تصبح على خير ......... وانصحك تودي معك شنطة الاسعافات الاولية ...........ماودي اصوم شهرين متتابعين..........يالله فال خير.

ابو مشاري الشمري

15-01-2003, 17:04

الحمدلله والشكر
الله يكثر خيرك ياصياح
شبعنا من هالنعمة

سلملم
ماتو قهر بعض الناس

تماضر

15-01-2003, 17:17

اخوي ابو صياح

وش بك نثرت شر هالبنات ........الحين الناس وشي اخر طبخه حلى او مالح

ونت الله يهدك كبسه وين حنا والكبسة ..... لأ لأ انا اسفه كلش ولا الكبسه

هونت مقول شيء عاد مايبيله شي ........

ماادري اكلمك بالعاميه الله يعين

شكرا على الموضوع الحماسي

خيتك

عبدالعزيز

16-01-2003, 00:41

الريم .......أوه ياعلتس للعافية
ولو ان الطبخة معقدة وتدبل التسبد بكثر محتوياته بس الله يعطيتس العافية
وعن قريب بتشوفين الطبخة بأناملي الذهبية.

عبدالعزيز

16-01-2003, 01:01

هلاابومشمش
ياعل اللي كليتوه عافية قل آمين .
بس عاد وانا اخوك تفرق الشهية بالاتسل بين مقابل الشاشة ومقابل النار

هلا تمااااااضر
شرهن عليهن وانا اخوتس .......قال شر البنات قال
وبخصوص الحلى .......مالنا بـ وش حطت فلانة و وش ماحطت علانة
كل اللي نبيه رزيزات وبسسسس
وهذا طبعن بنا يالحوايل ......مانعيش بلا رز
على كل حال ماأقول الا الله يرحم حال مزنة اللي ماتعلمو بناته صنعته.

ابو مشاري الشمري

16-01-2003, 01:05

الجمرية متى
يابوصياح

نجمه السماء

16-01-2003, 01:07

خساره ابو صياح انت كليت ...

افا عليك وانا اليوم بطوله قاعده اطبخ لك ..

خلاص يعطيها العافيه الريم اللي علمتك ..

ابو مشاري الشمري

16-01-2003, 01:12

ابو صياح تكفى أنخ الخوات
نفسي بلي كبسة جرابيع
تكفى يابو صياح
..........
الضبان وشبعنا
نبي
جرابيع
يعني
جرابيع
نجمة الساء يقولون حريفة طبخ
مستحي لاقوله
آه يابو صياح
وشقلت

نجمه السماء

16-01-2003, 01:16

ارجوكم لا تجيبون طاري الضبان والجرابيع ..

اتخيل نفسي متوحشه وانا اطبخهن ..

عااد تدرون عمري ما شفت الجربوع الا بالصور ..

محرومه منه انا ..

خلوني اشوف صورته واعرف حجمه واقرر اطبخ والا لا ..

ابو مشاري الشمري

16-01-2003, 01:22

نجمة السماء غشيمة يابو صياح
ندور غيره

طيب يانجمة
أنا مشتهي آكل
جراد مقلي
قولي ماتعرفين تقلينه بعد
سلملم

عبدالعزيز

16-01-2003, 01:25

لاااااااااااااا ماكليت ...قالو العيال نبيه مشاوي ..وهه توي اجي
باتسرلا ان شاءالله طبخة ريم بس عاد بدون بطاطس وثوم <<<<<قال بطاطس وثوم قال
وانتي علمينن ....هي صحيحة طبخته هالرفلا أو لأ.
والجرابيع لو انتس ماشسفتيهن هذولي مثل الفيران تقريبآ بالشكل بس دفرنسيبن
وطعمهن بالراس والله ....خصوصآ المرقة .

ابومشمش
الجمرية يالغالي تبي له شيبانن يقومون الصبح ماهو مثل حالتي ..ماقوم الا لاقالو الغدا

المهاة

16-01-2003, 01:28

خسارة فاتني الموضوع كنت بعلمك ابو صياح بس يالله خيرها بغيرها ان شاء الله .. لما تنوي تسوي أندومي دق لي بيجر .. !! :)

نجمه السماء

16-01-2003, 01:28

يااي جرابيع ولهن بعد مرقه ..

بس بجد للحين في ناس تأكلهن ..

ليه قله لحم يعني ..

الجمريه اعرفها ..لا تخافون ..

ابو مشاري الشمري

16-01-2003, 01:31

المهاة أسمه يلق فوق
خبيرة جرابيع على مستوى اسيا
وينك يامهاه
مشتهي أتعشاء جرابيع
أبو صياح من بعد المغرب وهو يتصيد
وجاء قبل شوي
صاد 45 جربوع
يالله وريناء شطارتك
جيعان
جيعان
متى يستوي
سلملم

نجمه السماء

16-01-2003, 01:35

طيب الجربوع فيه اصلا لحم ..

وبعدين صغير حراام تذبحونه ..

يا ويلكم من ربكم ..

عبدالعزيز

16-01-2003, 01:36

المهاة .
مافات شي
ابي آخذ أفضل طريقة للطبخ بقلة المقادير ........ماهو مثل مقادير بعض الناس اللي تبي مطبخ متنقل.

ابومشمش .
يقرفن بنات الحلال من الجرابيع
مايدرن ان حلاته بصيده بعد لاصرت تركض وراوه
أنت شفت وناسته وخاصة لاأرتفع ظغطك وأرسلت عليه النعلة (تكرمون)

عبدالعزيز

16-01-2003, 01:38

هو كلوه لحم ...ويازينوه من لحم .....هبرة
وعظمانه تقل سلوك مكرة.

الفاضي

16-01-2003, 01:56

طاااااااااااااط

ابو صياح وشنوحهن هالبنيوات قرفاناك من الجرابيع
بس
ما لومهن بلاهن ما جلغفن هالجرابيع واطلق شي يا قعدت تفحط انت واياوه وتاليته طلع جن وعنط بك<<<<<<<<<<يبي يفضخ قلوب البنيوات هالمجرم

نجمه السماء

16-01-2003, 01:59

الصراحه ما اقدر افتي بخصوص الجرابيع ..

عمري ما شفتها ..ولا لمستها ..

علشان كذا اخليك يا الشباب تتهنون فيها ..

بالهناء والشفاء

المهاة

16-01-2003, 02:11

بصراحة فيني نوم و الا كان اطبخ لكم جمل لو حبيتوا نأجلها ليوم ثاني و أبشروا بالخير بس عاد الله الله بالقدر الراهي ..

>>>>>> بتطبخكم كلكم فيه عشان اثبت لكم اني اعرف اطبخ .. هاه شقلتوا بعدكم تبون جرابيع و الا بتكفيكم الاندومي ..

من جدكم تاكلونها و ربي ماكذب من سماكم تماسيح .. :confused:
الله يستر لا تكلونا احنا بس .. <<<<< من قبل تخاف منكم و الان عرفت ليه ..:rolleyes:

ابو مشاري الشمري

16-01-2003, 15:06

المهاة
عندك حل واحد
من أثنين
جرابيع
ضبان
جراد
جمرية لا
آختاري واحد
ياتمساحه
سلملم

المهاة

16-01-2003, 16:03

الا وش ذا الجمرية بعد ..؟ :confused: :eek: :rolleyes:

الحين عرفت ليه انقرضت الديناصورات ..;)

ابو مشاري الشمري

16-01-2003, 16:25

المهاة اما عاد
جمرية ماتعرفينه
على مين
علينا
وعلى ابو صياح
اهههههههههههه
سلملم

المهاة

16-01-2003, 16:31

و الله صدق وشي ..؟؟ <<<< مو ملاحظ انها مؤدبة هاليومين .. اسم الله علي لا اكون تعبانة بس ..!! |512|

علموني يمكن أعرفها بس نسميها اسم ثاني و أصير أعرف أطبخها و تصيرون انتم الكسبانين .. |510|

ابو مشاري الشمري

16-01-2003, 16:36

فته
اهههههههههههههههههه
بعد ماتعرفينها

نجمه السماء

16-01-2003, 17:11

المهاه الجمريه ..عباره عن طحين وماء وشويه ملح ..

تعجنينهن مع بعض ..وتدفنينها بالرمل تحت الحطب ..

لين ما تصير مثل الحصاه ..يابسه يعني ..وتنوكل مع الشاي او الحليب ..

وبس ما تبي لها شي ..

خوش عشاء ..

ابو مشاري الشمري

16-01-2003, 17:32

نجمة
صدقتيها انها ماتعرفلها
تعرف للعفريت
ماهو جمرية
سلملم

الفاضي

16-01-2003, 17:37

طااااااااااااااااط

الفاضي وصل

ابو مشاري الظاهر البنيوات ماحولك احد :D

مار خلنه يجي وقت الضبان ونطبخهن انا وانت
وبعد الجراد اااااااااااااااه يازين الجراد :D<<<<يشبه الفش فاش :D
والا الجمريه اففففففف يامن خمعته بسمن بذمتي ان ما تنساه ابد :D :D

عاد الجرابيع لحال هذولا يامن قعدت تجلغفهن :D<<<<خبير جلغفه لانه سلق ما شاء الله عليه :D

ابو مشاري قصوك :D
لا احد يسمعنا :D

قالوا ايش قالوا حطب :D اول مره بحياتي اشوف جمريه تحط حدر الحطب وشلون تنجض :D<<<<<<<<يموت بالتدقيق على غلطات العالم :D

نجمه ماهي حدر الحطب ياملا العجره
اذا ما تعرفين اسعلي ابو مشاري تريه يضبط جمريه على الكيف :D ابو مشاري ارسلي قطيعه جمريه على الخاص اخبر جمريتك ما مثله :D :D

طااااااااااو

المهاة

16-01-2003, 19:32

اهاااااااا قصدكم قرص الجمر ..! شفتوا صرت اعرفه .. كان ابوي يسويه لنا لم نطلع البر الله يرحمه ..

بس كنتم تحكون عن الضبان و الجرابيع و الجراد و حسبت الجمرية حيوان .. :rolleyes:

كويس هذي سهلة اخبص العجينة و ادفنها بالجمر .. بس علموني عددكم عشان ابلغ المستشفيات تعلن الاستنفار .. :D

بصراحة تأكدت الحين اني ملقوفة او شفّاية و الا انا و الاكل ماحنا ربع وش جابني عندكم ..!؟

الا اقول ما عندكم تريميسو .. |505|

ابو مشاري الشمري

16-01-2003, 19:57

المهاة شفتي
أستفدتي منا
.....
الفاضي
ياخمعت الجمرية بزبد الغنم وعليه له فقع
ياه
تنسمي على المهاة
اما أنا مأشبع منه مرتن مره
سلملم
اشغلنا ابو صياح وهو وهالطبخ
وتعلمة المهاه للجمرية
طوووووووووووووووووووط

عبدالعزيز

17-01-2003, 02:48

ياعيال
ترو الجمرية لو زيننه البنات ماتصلح ....قولو ليه
أقول لكم ليه؟
اللي يفرقه بالطعم بيننا وبينهن أننا بالبر نعجنه بيدينا بدون غسيل وريحة البيز وغبار الحطب وصدأ المعاميل بيدينا ....هذا غير الشحم من تقطيع اللحم ......هذا السر بالطعم الخاص لو صلحوه الزقرت .

عبدالعزيز

17-01-2003, 02:50

وسالفة طبخة الريم ...تروني طلعت وطبخت بطريقتي لأني مالقيت أحد يزكي طريقته للحين من البنات.

الفاضي

17-01-2003, 03:01

كاتب الرسالة الأصلية ابوصياح
ياعيال
ترو الجمرية لو زيننه البنات ماتصلح ....قولو ليه
أقول لكم ليه؟
اللي يفرقه بالطعم بيننا وبينهن أننا بالبر نعجنه بيدينا بدون غسيل وريحة البيز وغبار الحطب وصدأ المعاميل بيدينا ....هذا غير الشحم من تقطيع اللحم ......هذا السر بالطعم الخاص لو صلحوه الزقرت .

والله انك صدقت يابو صياح
هذي هي النكهه الخاصه ولا بعد تزين اذا توك متطارح مع لك زقرت وممتليه رمتك تراب ويدينك ما تقدر تشوفهن من الوسخ

وبعد لا تنسى يامن كليت الجمريه همن قامن سنونك يطقطقن من الرمل
تقل جالسن بجنبك ((بي قاسوا)) وقاعد يسمعك معزوفه من معزوفاته

طاااااااااااااااااااو

الجازي

17-01-2003, 12:22

ابو صياح ........... الله يغثك مثل ماغثيتني ........ الحين مطير عني النوم وسهرانة عشان اكتب لك الطريقة جعلك الشقاق انت وربعك واخرتها يوم مالقيت احد يزكيها لك تقوم ماتسويها ........ بس الشرههة مب عليك الشرهه علي انا اللي رحمتك وعطيتك وجه ......

بس تصدق اشوى انك ماسويتها اخاف يجيكم شيء وابلش بكم ....... وحدة ماعندها ثقة .

المهم وش هالحركات اللي جت بعدي ..... جراد وجمرية وجرابيع وضببة وفقع ....... الله يقلعكم مشتهية اركب شاص واطلع للبر ودي اجرب ملاحق الجرابيع .... واذوق نكهة طبخكم الخاصة ...... نكهة بيز مع حطب مع معاميل وفوقها زفرة الشحم .......ياسلام بصراحة احس الطلعة معكم تجيب نزلة شعبية .....بس مايمنع اني اجربها ....... هاه متى توعدوني بطلعة ....... واهم شيء الفاضي يطلع معنا ابشوف هو يعرف يفحط صدق والا يتميلح علينا في هالمضايف .......

خاص للبنات ........ بلا لقافة ياعرابجة .....

بنات اللي ماتعرف كلمة من بلاوي هالشباب تعلمني وانا اعطيها شرح مفصل لجميع الالفاظ عشان ماتطيح وجيهكم عندهم .......

ابو مشاري ........ بالله ام مشاري وش تزين لك اجل اذا صرت بس تدخل وتتشهى عندنا ....والا الطبخ عليك والمواعين عليها .......

ابو صياح ..........مرة ثانية رز من الرومانسية ويخب عليك انت وربعك ..... ماوراء وجهك طلعة للبر....

ابو مشاري الشمري

17-01-2003, 14:58

ريم
كل شي تزينه لي
بعدين ماهو شغلكم
فشاش بلا
انا مشتهي فقع مع الجمرية
تجيبونه لي
ولا
لا؟
ومشتهي
ضب
من النوع الاصفر
وجراد زعيري
وجربوع رهاطي
و

سلملم

الجازي

17-01-2003, 15:18

بس ياقليبي مااشتهيت شيء ............. الظاهر انك مسوي رجيم يابعد امك .........

هاللي اشتهيته ياشاطر يبي له تقسيط على خمس طلعات بر والله يستر بعد لاتجيك غيرة ......يعني خذ معك احتياطا سفن ...........الا عاد اذا كانت معدتك ماشاء الله ضد التقلبات المعدية والمعوية ...... ومقاومة للغثاء والودتس والزفرة.......

الا الجراد ماودك بمكون اطعم ترى يمدحونه بس مدري هو متوفر هاليومين ولا لأ......

سلملم

ابو مشاري الشمري

17-01-2003, 15:23

أقول شوقتوني
ابو صياح وين أختفاء
طلب هالطلب وروح
اكيد عقب طبخ اللي طبخته له وحدة من هاللي أساميهم فوق
كان ماصار به تسمم الله يستر
سي يووووووووووووو

سرحان

17-01-2003, 16:26

ابو صياح الحين حريم ولا يعرفن يطبخن
تيبي أعلمك
كلها فصين بصل وطميطه وشوي بهارات وملح وحطهن جميع بدون الرز
وبعد ميتس الكاتم أحسب 20 دقيقه
وكب الرز
أذا كان عنبر خمره بماء حار 5 دقايق
بس لاتنس تعزمن

ريم شمر

17-01-2003, 19:28

يؤيؤ ...السالفه طبخ ونفخ ولاحد قالي ..

عاد محاتسيتكم ...الطبخ يمين وهي يسار :(

ولاتدل طريق المطبخ وين هو معه ..

اذا بغيت اشرب مويه ...اخذت الكروكي حق البيت

علشان ادل :D

بس اقدر افيدك بشي ثاني ابو صياح :o

مثلا نوع القدر المناسب ...وموديل المغارف والملاسات

ولون السفره اللي بتستعملها ...

والبيز لازم يكون ماركه ...مثلا ايف سان لوران ..

والا جفينشي :confused: ...

واذا ...جيت تذبح الخروف ...عطه خبر ...
لاتروعه مسكين:( ترى يموت من الخرعه ...حراااااااام |8|

بعدين خلو عنكم الضبان والجرابيع
والحاجات المقرفه هذي...

الا ابو صياح

وش رايك ..بعد ...مايحتاج كبسه ...
وش فيها المكرونه بالبشاميل ...والا التبوله ...
والا ورق العنب ...والحلى
جيز كيك :D

الا لازم كبسه يعني !!!!

ماطلع كروشكم الا هالكبسات:mad:

ادري ابو صياح ادري

اكيد انت الحين مبسوط ....وودك ..تعطيني كف:confused: ...

احم .....قصدي هديه على هالنصايح الحلوه :D

امانه ابو صياح اذا احتجت مره ثانيه اي استشاره بخصوص
المطبخ ...لاتستحي ابد...حنا مثل خواتك:o ..
ومدام انا والمهاة ونجمه والريم الطبخات ...عز الله تعشيتوا :D

المهاة تعالي ابيتس :)

انا قاعده افكر ساعه بالجمريه وش تكون :confused:

يوم شفت الوصف عرفت انه قرص الجمر

ايه قرص الجمر ......يازين اهل نجد ويازين حكيهم :)....

قال جمريه قال :rolleyes:

بايوووو

ريم..

ابو مشاري الشمري

17-01-2003, 19:50

ماتبون خليع ولا بقل ولا بعد ودسه..
هذ هالعليمات التفاصيل عند ابو صياح

عبدالعزيز

18-01-2003, 01:23

الله الله الله ...وش هالتطورات بغيابي ؟
ابو مشاري يالغالي
قايله من الاول انا ....ماعندبنات هالوقت الاالخرطي ....طلعت وقضيت ولاطلعت بنتيجة عدا نتيجة هالرفلا الريم ولاهي تكانة بعد.

سرحان ....هاااااااذي سالفتك وسالفتي بنفس الوقت يالغالي
بس اللي بغيته ان الطبخ يطلع مثل طبخ البيت بالظبببببببط
على كل حال تسلم ولاقصرت على المرور

ريم شمر ...بنت هيا أو مادري والله ...نسيت

كاتب الرسالة الأصلية ريم شمر

امانه ابو صياح اذا احتجت مره ثانيه اي استشاره بخصوص
المطبخ ...لاتستحي ابد...حنا مثل خواتك:o ..
.

أيه مايخالف ...هي حويجة وحدة اللي بغيت وطلعتكن فشوش .....ماعندكن ماعند جدتي ..قومي بس قومي

ريم شمر

18-01-2003, 06:08

اما بنت هيا !!

نوره يمال الهدى انشاء الله يابو صياح .... نوره بنت عبدالله ...

وبعدين بالله عليك مااستفدت من النصايح اللي قلت لك :)

ماتدري انت... النصايح هذي تنباع بفلوس وانا تبرعت فيهن مجانا

وهذي اخرتها :(

طيب

ابو صياح تعال
7
7
7
7
7
7
7
7
انت صادق تبي الطريقه

اذا السالفه صز .....ابشر باللي يعين ويعاون

محسوبتك ريمو ......مايطبخ المفاطيح ....بعزايم اهلها الا هي

8
8
8
8
8
قرما :)<<<< يعني سنعه :D

ريمو

نجمه السماء

18-01-2003, 12:21

ريمو ..والله انك بنت سنعه ..

وتعرفين تطبيخين المفطح ...

لا تعلمين انك تعرفين تطبخين بعدين ابو صياح ..وابو مشاري ..وابو محمد ..

وابو علي ..وابو فواز ..وابو نواف ......الخ ..كلهم يجون يسألونك علمينا ..

او انهم راح يقولون نبي نطلع بر ..ونبي احد يطبخ لنا ..وسوالفهم كثيره ..

نصيحه من اختك ...اذا احد قال لك تعرفين تطبخين ..

قولي ..حشى المطبخ ما ادله ..اهلي مدلليني على الاخر ..

بااي ...طبقي نصيحتي وعلميني ..

اوكيه

ابو مشاري الشمري

18-01-2003, 16:51

فلصة على حقيقتها نجمة السماء
يابو صياح
تقول انه من التدليل ماتعرف تطبخ
وهي مايرضع الصخال والطليان الا هي
والنعجة اللي مابه حليب
تصلح لطلي حليب نيدو بالرضاعة
وترضعة.
اهههههههههههه
وتعطي النصيحه لريمووووووه
أقول عالجي شطوب رجليك بودسه
اههههههههههههههههههههههههههههه
بااي

عبدالعزيز

18-01-2003, 23:39

هلا صبيان وصبايا

ريم
ايوالله صدز يابنت نورة ........عطينن اسهل وصفة للطبخ مع العللللللللللللللم للمرة ثلاث طعش اعرف اطبخ انا ولكن طبخ (بربسة)...فا قلت ابي ادور الطبخ المظبوط عندكن <<<<<<والله من قل الدبرة عند بعضهن.
وبعدين ماهو عاد ذبيحة الله يهديتس .....كبيرة والله .
قولي دجاجة . ومشوي بعد
قولي تجهيز الذبيحة بعد ماتخلص معقوووووووووول
اما ذبيحة مرة وحدة ....لالالا ماهي عند بنات هالوقت .

ابومشاري ....بعد تسبدي
معلمك من اول يابعدحي .....فشووووووووووش

الجازي

19-01-2003, 02:01

اقول ريومتي ............. وفري نصايحك لي ولتس ولبنات جنستس

اما هالتماسيح ............. الحتسي حسافة عليهم وشلون عاد الطبخ

سلملم

عبدالعزيز

19-01-2003, 02:20

كما انتي تبين تطبخين بس .
وبعدين شلون تبين نصايحه له ...ابيس افهم شلووووووووون يعني ؟

الجازي

19-01-2003, 02:32

اقول ياكثرك وش جابك تالي هالليل

رح تعلم على القدر الكاتم وخل المضايف لنا........

وبعدين كلامي لريم وهي عقلية راقية تفهم شفرتي السرية.......يعني اللي متنحين يلبقون على جنب لو سمحت
سلملم

اميرة

19-01-2003, 02:32

ابو صياح انت لهل حينك ماطبخت اقول ياحلالي ترى قدورك اروحن وصدن مار رح اغسلهن زين يابيي اذا انت صاج انهج ام المكتبه واشر كتاب ابلة نظيرة واطبخ وريحنا وريح دماغك

عبدالعزيز

19-01-2003, 02:51

انتظر منكم السنع يالعذا
و وشي ابلا نظيره هاذي .
صايرتن ابلا طريفة على غفلة .

الا وش معنى العذا ؟؟؟؟

الجازي

19-01-2003, 03:14

طيب جرب طبختي ........... اقبر بخاطري ربنا يقبر بخاطرك.......

ماودي يطيح وجهي للمرة المليون وخمسة

وعلمني اذا كانت زينة عشان اسويها لاهلي

ابو مشاري الشمري

19-01-2003, 13:25

ماعند بنت ميثا الا الخرطي
تموت جوع يابو صياح
اذا
انت تحراهم
مار شب نارك وصلح عشاك بنفسك
وأعزمن

جــواهــر

19-01-2003, 14:44

ماااا شاء الله عليكم وصلتوا لتسعين ومحد توصل لطبخه تبسط ابو صياح ،،،

يلااا بعطيك طريقة اتمني تعجبك يا اخ بو صياح

اولااا انت حاب تكون الطبخة كبسة لحم وودك يكون اللحم خارج الرز

شوف ياا بو صياح

مكونات الطبخة وطبعا ماهي اجباريه يعني ممكن تقلل وممكن تزيد

لحم مقطع ( على حسب الرغبه بالعظم او مخلي )

حبتين بصل مفرومه ( يعني مقطعه )

حبتين طماطم كذلك مقطعه

فصين ثوم مهروس ( حسب الرغبة وممكن الاستغناء عنه )

رشة ملح حسب الذوق ( بالنسبة لقدرك ملعقين ونصف تقريبا )

ثلاث ملاعق صلصة طماطم

حبين لومي اسود

اربع اعود قرفة ( الدارسين )

اربع اعود قرنفل ( المسمار ، العويدي )

حسب الرغبه ملعقتين متوسطه فلفل اسود مطحون

حاب تضيف فلفل حار مقطع

والرز فأعتقد انه حسب الاشخاض من خمس الى ست اكوب رز منقوع بالماء

والافضل تغسل الرز وتنقعه قبل تبداء الطبخ

وبعدها تجيب قدرك

وتحط قليل من الزيت يعني ملعقين وترفعه على النار وتحمر البصل فيه
يعني تحمسه الين يبداء البصل بذبول ومن ثم تضيف له الملح والفلفل والومي والدارسين والمسمار وبعدها تضيف اللحم وتحمره معه بالتقلب المستمر

بعدها تخليه الى ان ينشف من السؤال تضيف عليه الطماطم والثوم ومن ثم الصلصه وتذوب الطماط

بعد كذا تضيف الماء على المحتويات وتخليها الى ان تغلي مع بعض وتتجانس

الى حين ينضج اللحم وهو تقريبا يبقي له مابين ربع الى ثلث ساعه

وتخرج اللحم من القدر وتضعه في اناء اخر

طبعا مرق اللحم تخليه يغلي وفي هذا الاثناء تقوم تشخل الرز من الماء المنقوع فيه

وتضيفه على مرق اللحم وتحركه

وهناك طريقه لمعرفة القدر المناسب لكمية الماء للرز وهي تغرس الملاس بوسط الرز اذا ثبت فالكمية مناسبه

بعدها تقوم تغطي القدر الضغط وتخلي على نار هادية مدة اقل من 20 دقيقة

طبعا بعد هذا كله اتمني الطبخه تعجبك وعطيتك بالتفصيل الممل علشان تستوعبها

ولا تنسى الملح ابو صياح تذوقه يمكن تحب الطبخه مالحه زيادة فزيد حسب رغبتك

،،،

،،

،

جــواهــر

عبدالعزيز

19-01-2003, 15:30

هذا الكلام ...ياسلام
علمي تكفين هالي ذبحهن الاندومي وفشفاش الشطة
على كل حال ....راح تشوفون صور الطبخة بهالاربعاء الجاي.....على الله ماأتوهق

الا هالمقادير ياجواهر هي عنتس ولا عن الشغالة؟

جــواهــر

19-01-2003, 15:41

أفاااا وش جاب طاري الشغالة بس الله يهداك

كله ولا الطبخ وبعدين صحيح اني امرأة عاملة ولكن بيتي اولاااا ومن بعدها عملي

،،،

،،

،

جــواهــر

عبدالعزيز

19-01-2003, 15:45

قال أبلا نظيرة قال
والثانية تقول لي 2سم بصل
لا والثالثة تقول انا اذبح الذبيحة واطبخه
وكلهن ماعندهن ماعندجدتي

جواهر ...خلاص ....الوعد الاربعاء ...ابي اتكل على الله واشوف

جــواهــر

19-01-2003, 15:49

اعقلها وتوكل يا بوصياح

ومالك الا بياض الوجه

بس هااا لا تنسى تدعي لي الله يخليك بالذرية الصالحة

،،،

،،

،

جـــواهــر

ريم شمر

19-01-2003, 17:48

افااااااا سبقتنا الجواهر والدرر

معليش ابو صياح
فاتت عليك وصفة الريم :(

بس تدري جواهر ماقصرت جابت لك المفيد

يعني مانقدر نقول غير ماقالت ...

تسلمين جواهر

تسلم يدينك ابو صياح مقدما :)

ريمو

ابو مشاري الشمري

19-01-2003, 23:48

ابوصياح
ماعليك منهن يبون يتعبونك هذولا
اذا انت عزوبي
وجيعان
حط لك ماء بلك زدر
واذا بدى يطبخ
جب لك خمس بيضات وجدعهن بوسط الماء اللي بالزدر
وأصبر
لك شوي حوالي عشر دقايق
وبعدين طلعهن من الزدر
وخلهن يبردن شوي
وجب لك خبزه الله يعينك تروح لسوبر ماركت
وتشتري لك خبزه. اذا ماعندك
وقشر البيض داخل الخبزه
ولف الخبزة وقلبه
بالعافيه
بلا تفريم بصل وقلي بالزيت وخرابيط ماله داعي
وش رايك فيني يابو صياح أصلح للعزبة ولا
لا
تحياتي

اميرة

20-01-2003, 01:33

ابو صياح والله ماخلي معنى العذا يصير بشبدك ياولد عمي العذا معناه القبلة والحلا والملح والسنع و----- الخ من الصفات السنعة
على فكرة ترى حلمت انك طبخت طبختك وقب بك الغاز واستعرت مار هون ياببي واطبخ لك بيض وعين من الله خير انت ماقبلت هلون لافيشن مستعر

ابو مشاري الشمري

20-01-2003, 01:53

سلامات يابن عمه
الحمدلله على السلامة
وين راح الشنب والدقن
أحترقت
صرت مثل وجه تريتراء اللي ماشفته
سلامات
والله يابن العم
خلك حول البيض
وخلاص يكفي
اهههههههه
تقوله العذاء
تحياتي

عبدالعزيز

04-04-2003, 04:42

طلعت وقطعت اللحم والبصل وتبلت وبهرت وطبخت وطلعت خوش طبخة الله يعطي (بعضكن) العافية ويعطي الباقيات النشاط شوين

طلع الموضوع يتلامع عقب نثرة هالقش اللي صارت

المهاة

15-04-2003, 12:36

يالله سترك و ستايرن من خلقك .. :o ست صفحات و لا علمتن اخوكن وش يبي ..:mad:

الحمد لله ان هالموضوع قبل أصير مشرفة و الا كان حذفته من وقتها .. فضحتونا يالشمريات ماتعرفن تسون رز و بقدر ضغط بعد .. الحين عرفت وش زارعكن قدام هالشاشة من قل السنع الله يصلحكن .. :(<------- تحاكيكم من على الفرن .. :cool:

خليكن مثل امكن المهاة ماهنا شي ماتعرفه بس مقيولة بنت السنعة رفلا .. :D

تعال ياوليدي اعلمك العلم السنع ..

لحمة الغنم تحتاج بالقدر الكاتم ربع ساعة بالضبط و لحمة الحاشي لو هو صغير 25 دقيقة و ان كانه مثل محاتسيتك خله نص ساعة .. أما الرز ربع ساعة بالضبط على نار هاااااااادية ..<------ ماخلت وحدة اليوم بالدوام ما سألتها .. :rolleyes:

يالله عاد اكشت بهالحر عشان تعبي .. |513|

و استر ما واجهت ترا خياتك و خابرهن يحبن العناد و الا ماحد مثلهن بالسنع .. طالعاتن على أمهن .. :cool:

الحربي

15-04-2003, 13:18

الله يهديك يا ابو صياح

ثلاثة شهور وانت تسأل عن طريقة طبخ الكبسة من البنات

الظاهر انت مو عزوبي فل كامل :D:D:D:D:D

كان سئلتني وانا اوصف لك الطريقة

وعاد الله الله بكبسة اهل جده

تدلع واختار بس

برياني ، كابلي ، بخاري

مو كبستكم اللي تكبس البطن:D:D:D:D

اقول ياواااد اسمع الهرجة هادى يابويا

تري احنا مانعرف لحم حاشي وضبان وجرابيع

ايش هدى اللحوم:confused::confused::confused:

احنا كبستنا لحم طلي ودجاج :D:D:D:D

تصدق انا من اول بسئل عن طريقة الجريش والقرصان والمثلوثة

اشوى اني ماتهورت كان بيقولون هذا الحجازي منين جاي للمضيف :p:p:p

سيبك من طريقة المهاة ماعندها سالفة من يوم تسأل رفيقاتها :D:D:D

علمني بس انت تبغي اي كبسة منهم وانا اوصفلك على طول

اختار ربياني كابلي بخاري

انتظر ياااواد رد عليا مو تطنش

اخوكم الحربي