محمد الشهري
06-01-2003, 17:18
السلام عليكم ورحمة الله وبركاته ..
احبتي في مضايف شمر .. مساكم الله بالخير ..
عذرا على التقصير والتأخير .. والله العالم بالظروف ..
يشرفني أن اقدم لكم هذه المتواضعة آملا أن تنال ولو على القيل من اعجابكم .. فلن تكتمل إلا بحضوركم ... وتقبلوا تحيات اخوكم الصغير ...
ذات جرأة عندما تكرمت (غادة) بإطلالتها ماذا حدث؟؟؟؟
نور ذا الليله هجيرٍ ما يشابه كل ليله = قلت: اخاف البدر طاح بحيّـنا والعالم الله
واثرها من الباب طلت بنت حارتنا الجميله = وكل ما في هالمجرّة إختفى.. وهي بس طلّه
سوّت اللي ما يتسوّى بنورها ذيك الفتيله = أطفت انوار الشوارع ..والكواكب.. والأهلّه
قلت: اجل لا جت بتطلع للخلايق ما يبي له = كل واحد لا يعتّب باب داره أزينٍ له
هي إذا مرت وصدفه بالطريـق اللي اجيله = والله إني لو أدله وشفتها.. ما عاد أدلّه
دربها من مرّ به لو بالخطا.. يا ويل ويله = هذا امّه ما دعت له خير في هالدرب للّه
غادةٍ بين العذارى ما لها شبه ومثيـله = كنّها من (الحور) ..بس بهيئة إنسانه مطلّه
أزين إن الله امرها (حجابها) لا لا تشيله = خشية الفتنة.. تصيب المسلم بنظره وتضلّه
عينها تسوّي سوايا ما تسوّيها قبيله = إن غزت تغزي ..وتسبي ..وما انشفى للرمش غلّه
يرحم عظامه (جرير) وليت هذا الجيل جيله = كان شاف عيون (غاده).. وكان كل الشعر خلّه
هن سواد وهن نواعس ..هالعيون وهن كحيله = تطرح الرجال.. بس بنظرةٍ ثمً تشلّه
فيه احد ياناس يقتل كل من مرّ بسبيله = هي كذا تمشي وتقتل مالها دينٍ وملّه
عرفها ما به قصاص إلا القصاص من القتيله = يصبح المقتول قاتل ما يصير القتل زلّه
هم كثار اللي بغوها لدارهم تصبح حليله = بس ترفض كل مرّه (طالب القرب) وتعلّه
تشترط لوصالها بعض الشروط المستحيله = كنّها تقول: القمر.. أبغاه تلّه من محلّه
قلت: معك الحق .. والله لو قدرت القى الوسيله = كان جبته لك هدية.. بس ما اقدر.. كيف اتلّه
وإنتي وش لك بالقمر لا صرتي الشمس الا صيله = وعن جميع النور إنتي .. بحد ذاتك مستقلّه
قالت: أمي .. من وانا صغيره تقول إني جميله = وانا حبيت أتاكد حكيها هو في محلّه
فكل مزيونه عزيزة جنبي تكون الذليله = وما بقى إلا هالقمر.. يا صاحبي ودي أذلّه
قلت: وجهك.. والله إن النور كل ينحني له = والقمر لو هو يتكوّن (بدر) .. يعجز ما وصلّه
وريقك اللي منتقى منه الرحيق وسلسبيله = العسل لا من تضايق قله: إني الأصل .. قلّه
أي ورد وأي زهر وأي تفاح وخميله = للطبيعة سحر لكن هالطبيعة مضمحلّه
وإنتي الله فيك كمّل باقي السحر ودليله = حمرة خدودك وربّي إنها احلى الأدلّه
هفهف النسناس وحرّك هالخصال وهالجديله = قلت: ياالنسناس تكفى .. شعرها بشويش فـلّه
شعرها اللي لا تناثر خابره راعي طويله = ما ترك في البنت شبر من الظهر غير استحلّه
قلت: غاده.. بنت ناس وكلها حشمة وفضيله = وما مدحت البنت إلا من سبب تأثير طلّه
هي عثت فيني وانا ادري يالربع ماهي قليله = يكفي اللي شفت منها لا تزيد الطين بلّه
والله لولا إني مصدّق بالعلامات الجليله = كنت اقول: إن القيامة قامت بهاالكون كلّه
وسلامتكم جميعاً ....
محمـــد الشهـــري
احبتي في مضايف شمر .. مساكم الله بالخير ..
عذرا على التقصير والتأخير .. والله العالم بالظروف ..
يشرفني أن اقدم لكم هذه المتواضعة آملا أن تنال ولو على القيل من اعجابكم .. فلن تكتمل إلا بحضوركم ... وتقبلوا تحيات اخوكم الصغير ...
ذات جرأة عندما تكرمت (غادة) بإطلالتها ماذا حدث؟؟؟؟
نور ذا الليله هجيرٍ ما يشابه كل ليله = قلت: اخاف البدر طاح بحيّـنا والعالم الله
واثرها من الباب طلت بنت حارتنا الجميله = وكل ما في هالمجرّة إختفى.. وهي بس طلّه
سوّت اللي ما يتسوّى بنورها ذيك الفتيله = أطفت انوار الشوارع ..والكواكب.. والأهلّه
قلت: اجل لا جت بتطلع للخلايق ما يبي له = كل واحد لا يعتّب باب داره أزينٍ له
هي إذا مرت وصدفه بالطريـق اللي اجيله = والله إني لو أدله وشفتها.. ما عاد أدلّه
دربها من مرّ به لو بالخطا.. يا ويل ويله = هذا امّه ما دعت له خير في هالدرب للّه
غادةٍ بين العذارى ما لها شبه ومثيـله = كنّها من (الحور) ..بس بهيئة إنسانه مطلّه
أزين إن الله امرها (حجابها) لا لا تشيله = خشية الفتنة.. تصيب المسلم بنظره وتضلّه
عينها تسوّي سوايا ما تسوّيها قبيله = إن غزت تغزي ..وتسبي ..وما انشفى للرمش غلّه
يرحم عظامه (جرير) وليت هذا الجيل جيله = كان شاف عيون (غاده).. وكان كل الشعر خلّه
هن سواد وهن نواعس ..هالعيون وهن كحيله = تطرح الرجال.. بس بنظرةٍ ثمً تشلّه
فيه احد ياناس يقتل كل من مرّ بسبيله = هي كذا تمشي وتقتل مالها دينٍ وملّه
عرفها ما به قصاص إلا القصاص من القتيله = يصبح المقتول قاتل ما يصير القتل زلّه
هم كثار اللي بغوها لدارهم تصبح حليله = بس ترفض كل مرّه (طالب القرب) وتعلّه
تشترط لوصالها بعض الشروط المستحيله = كنّها تقول: القمر.. أبغاه تلّه من محلّه
قلت: معك الحق .. والله لو قدرت القى الوسيله = كان جبته لك هدية.. بس ما اقدر.. كيف اتلّه
وإنتي وش لك بالقمر لا صرتي الشمس الا صيله = وعن جميع النور إنتي .. بحد ذاتك مستقلّه
قالت: أمي .. من وانا صغيره تقول إني جميله = وانا حبيت أتاكد حكيها هو في محلّه
فكل مزيونه عزيزة جنبي تكون الذليله = وما بقى إلا هالقمر.. يا صاحبي ودي أذلّه
قلت: وجهك.. والله إن النور كل ينحني له = والقمر لو هو يتكوّن (بدر) .. يعجز ما وصلّه
وريقك اللي منتقى منه الرحيق وسلسبيله = العسل لا من تضايق قله: إني الأصل .. قلّه
أي ورد وأي زهر وأي تفاح وخميله = للطبيعة سحر لكن هالطبيعة مضمحلّه
وإنتي الله فيك كمّل باقي السحر ودليله = حمرة خدودك وربّي إنها احلى الأدلّه
هفهف النسناس وحرّك هالخصال وهالجديله = قلت: ياالنسناس تكفى .. شعرها بشويش فـلّه
شعرها اللي لا تناثر خابره راعي طويله = ما ترك في البنت شبر من الظهر غير استحلّه
قلت: غاده.. بنت ناس وكلها حشمة وفضيله = وما مدحت البنت إلا من سبب تأثير طلّه
هي عثت فيني وانا ادري يالربع ماهي قليله = يكفي اللي شفت منها لا تزيد الطين بلّه
والله لولا إني مصدّق بالعلامات الجليله = كنت اقول: إن القيامة قامت بهاالكون كلّه
وسلامتكم جميعاً ....
محمـــد الشهـــري