المساعد الشخصي الرقمي

مشاهدة النسخة كاملة : وسع صدرك مع اللهجة


ابو مشاري الشمري
06-01-2003, 01:20
السلام عليكم ورحمة الله وبركاته
موضوع حلو وبيعجبكم ان شاءلله وبيعطيكم فكرة مفردات اللهجة الخاصة
واذا عندكم مثل هذه الانواع من هالكلمات أضيفوها

اللهجة......................=معناها

أهو...أقلط...تفضل...= أدخل

وشبلاك...وشنوحك..= ماذا دهاك

قوه... امش...........=هيا بنا

أغديه..................=قد يكون

تهقى..................=تظن

يهوجس................=يفكر بصمت

يتكرفت...سفت......=يدخل بسرهة

طس....................=أذهب

غــدى..................=ضاع

يرثع......يركض.........=يجري

يدنق....................=يحني راسه

انجحر...................=دخل في مكان ساتر

يدوج.....................=يدور بالشوارع

وش وقعك...............=كيف حالك

يمطخ....................=يرشف

يكرف....................=يعمل بقوة

بين......................=اين

وشتبي..................=ماذا تريد

مريس....................=كوكتيل بلدي (بقل+ماء+سكر)

ينود.......................=ينعس

وغد.......................=شاب صغير

أنهج.......................=أذهب

وويحي......................=ياويلي

يابيسي.....................= ((سر مأنعلم أحد ))


وسلامتن تسلمكم
بشير اللويش
06-01-2003, 01:30
اخي الغالي

ابومشاري

مشاركه جداً رائعه

اما المريس هذي غير شكل

تسلم

سجل اعجابي

تقبل تحيات اخوك الصغير

الراسي
ابو مشاري الشمري
06-01-2003, 03:21
تسلم أخي الراسي
واذا عند مشاركات مثل هذا النوع
قلها
تسلم خيوه
الجازي
06-01-2003, 15:32
ابو مشاري خذ هالكلمات اللي بتصك راسك .......

أغديه..... كوده ...... قد يكون
طس ...... ضف ...... اذهب
يدنق ...... يطمس ..... يطمن ( بتشديد الميم في الكلمتين )...... يحني راسه
انجحر ..... اندس ..... توزى ( بتشديد الزاي ) ....... دخل في مكان ساتر
يكرف .... يدهر ( بتشديد الدال ) ..... يعمل بقوة
بين .... وين ......اين

معليش صجيتكم بكثر التشديدات كني هندية ...... بس عشان يصير عندكم خلفية عن البلاوي المتلتلة اللي نحتسي بها .....

ابو مشاري ودك تصطرني صح ؟ ....... عادي خذ راحتك ...... بس هناك ..... مب قدام الناس....

سلملم
ابو مشاري الشمري
06-01-2003, 17:12
ليه أطردك
تسلمين أختي الريم
على هالعليمات اللي ماهنا زينه
متشكرين
تسلمواااااااااااااااا
الفاضي
07-01-2003, 00:26
طااااااااااااااااط

الفاضي وصل

لي نكسه على الموضوع بس خلن اخلص من لاي بيدي

طاااااااااااااااو
8
8
8
بين المستعجل

اممممممممممممممممممم اححححححححححح
ابو مشاري الشمري
07-01-2003, 00:52
تروح وتنكس لنا .......ياعنوني ياطااااااااااااااااااااااااااااااااط
امممممممم اح
نجمه السماء
07-01-2003, 01:00
بصراحه تعجبت من غرابه بعض المفردات ..

وصرت ارددها وانا اقراها ..غالبيتها اعتقد عفى عليها الزمن ..

بس والحق ينقال ..

تشكر يا طويل العمر ..
ابو مشاري الشمري
07-01-2003, 01:22
نجمة السماء
أكيد منذوا مبطي تنقال
واذا عندك من هالنوع
لاتحرمنا قول
سلملم
نجمه السماء
07-01-2003, 12:09
لا والله يا طويل العمر ما عندي ..

يمكن لاننا ما نتداولها حيل ..او بمعنى اخر اهلنا ما صاروا ينطقون بها ..

يعني بالعربي حنا نص بدوي ..ونص حضري ..

افهمها عاااد ..
فلاح السعد
07-01-2003, 12:44
الغويش=الوغدان=الجذعان= تقريباً تساوي العيال :)

سمرمد=داجين=دشير

ابي انشك=ابي اشخفك=تعني ابي احبك بس بشراهه :)

شلقه=حفنه=يعني ملي اليدين

جبه=كوت
زرابيل تكرمون= تعني كنادر :)

صخن= حليب
شنينه = تقريباً هي الحليب بس مشنون يشننا ويشنك خير :)
وقده= مجموعه من الحطب متراكمه على بعض يالربع تريني بلييَه :)

ايه بلييَه :) = تعني ماهو بسيط


وش بعد يابومشاري والله ان الفيوزات عندي لك عليه اليوم :)



* ان كان هناك خطأ في الترجمه فهو من سبب تزاحم الكلمات اللي ليس لها ترجمه في جميع اللغات



ابومشاري قوه تجي به قه من غير نطق الواو يعني قه قه قه لاحظ النطق :)



ياعلمة العربان انتم

تحياتي
ابو مشاري الشمري
07-01-2003, 17:30
تسلم أخي فلاح
ماقصرت عزالله
أيه نبي مثل هالسوالف
يارمة العربا انت ورمتك
عاشق اجا
07-01-2003, 19:17
عندي كلمه حتى نص أهل حائل ما يعرفونها ألآ وهي :


إيــتــزّ



بمعنى وخر = ابعد شوي
ابو غازي
07-01-2003, 19:21
ابو مشاري

ماشاءالله عليك كفيت ووفيت يالحبيب

أنا ماعندي شي أبداً ماخلو شي الربع

سجل إعجابي يالحبيب

اخوك ابوغازي :o :(
ابو مشاري الشمري
07-01-2003, 19:33
نجمة السماء
كلنا حظر هالحين
بس عندنا بعض المختطفات اللغوية
متشكر
ابو مشاري الشمري
07-01-2003, 19:37
عاشق اجا
هذي اول مره تمر علي


يويز.............. = طل ....... يعني .... يبحر
اميرة
13-01-2003, 05:51
تسلم والله على هالمفردات والله انه خوش اختبار ترى الي عرفها كلها نجح في الاختبار وشمري على سن ورمح والي الله بالخير يعني شمري متشمر مهو يقولون سعودي متسعود
وانا ترى نجحت بس يمكن اثنين والا ثلاثة والله ماعرفتهن يمكن خاصة بأهل حايل
لا ن الشمامره مو بس بحايل في شتى انحاء المعموره لكن القبيلة وحده والعادات والولاء للقبيلة واحد
بس وغد و يبيسي هاذي والله مقلعة مره قوية ههههههههههه
اقول ابو ميشو خذ هذه المفردات واضفها في قاموسك
راع = بحر = انظر
تخبر = تتذكر
جذع = شاب في ريعان شبابه
تقل = مثل
مكمخ =مصفق
منبجر= منتفش منتفخ
لخيمه =تمكه بالعربي الفصيح بقر ه
دحش يعني دب ماعنده احساس
وش نوحك = وش بلاك
ازكح =يعني بخير وعافية
وفيه امثال كثيرة منها تقل وجه حمار مكمخ يعني التمكه الي مايدري وين ربي حاطه وحمار القايله يقال للجذع الي مايسمع الكلام الي بس يدج بها الشوارع وفيه كثير عندي بس يبي له وقت وانا ماكو وقت
واسلم يالغالي
العنوود
13-01-2003, 10:25
أبو مشاري

الله يعطيك العافيه ولايحرمنا من تواجدك ومواضيعك الرائعه

تحيتي لك


أختـــــك000الغاليــــــة
ابو مشاري الشمري
13-01-2003, 10:35
تسلم يابو غازي
ابو مشاري الشمري
13-01-2003, 10:37
العذا تسلم يالغالي
مفردات ولا
أحلى
سلملم
ابو مشاري الشمري
13-01-2003, 10:39
تسلمين أختي
الغاليه
الله يعافيك
ولا يحرمنا من وجودك ومشاركاتك
سلملم
قرم القروم
19-01-2003, 06:40
قواك الله اخوي ابو مشاري بس بوه حاجات ابي معانيهن

ياويقي =

الفيده=

الملويه=

يقرن الخنافس ويمشي وراهن=

ياعل مالابوك الباعث=

يكبع=

يناحي= يلاهد= يعاند

يفدع= يرثع= مادري وش معناها بالعربي

منجضع= منسدح معناها= منبطح

يابعد فرة ابوي هالفره=

وين غديت=

ينكس= يرجع

ينذخ ههههههههههههههههه كل ما اسمع هالكلمة اضحك من جد يطري على موقف مر علي

ينذخ= وش معناها الفصيح


اتمنى من الجميع شمر وغير شمر يسعفونن بهالكلمات انا اعرف معناهن بس بوه ناس يبلشونن كل شوين جايينن فايز وش معنى هالكلمة وهالكلمة وبهالكلمات معناهن الفصيح ماعرفه

واتمنى
واتمنى
واتمنى
من الجميع المساعدة ولكم جزيل الشكر


اخوكم/ فايز الزميلي السنجاري الشمري
ابو مشاري الشمري
19-01-2003, 11:46
تسلم قرم القروم
وتزويدنا بهالعليمات
ينذخ
والله مادري بالفصيح وشي
عاد مالقيت الا الفصيح
أقول
يعني
مثل
يتميلح ::::: جايبن زينه