ابي منكم رئيكم بكل صراحه

[راع البل]

قصيده صغيره

ابي اقول الي احفظه منه ,

قصيده في هذا الزمن العجيب,

وكما قال الشاعر ابن حثلين:

ماقل دل وزبدة الهرج نيشان
والهرج يكفي صامله عن كثيره

القصيده كالتالي:

الله من وقت(ن) انافيه مهتــــــــــال
وقت(ن) علينا غريب الطبع والصوره
وقت(ن)به المصدر الاعلى هو المال
والا مع المغنيــــــن وملاحق الكوره
وقت(ن)عجيب تطاولبه الانـــــــذال
وقت(ن)علينا الردى هو دســــتوره
والا المراجل راحت مابين قيل وقال
والا النشاما راحو بوســـــــــط قبوره
راحو وراحت مراجلهم والامـــــثال
وراحت مجالسهم والعلوم الخبــــوره
واستغفر الله عد ماوادي ســــال
وعداد انهار العــــــــــالم هي وبحوره



وسلامتكم من الي يوصلها فواصل اكون له ممنون

اخو كم

راع

البل

[الكايد]

قصيدتك فيها شموخ
بس الظاهر انه مكسره

الكايد

[راع البل]

اشكرك على التعقيب والمشاركه



ر ا ع

ا لـــــبـــــــــــــل

[بشير اللويش]

اخي العزيز

راع البل

مشاركه كمصافحه اولى لابأس بها


وتلبيه لطلبك بآرائنا بصراحه

باعتقادي ان بها بعض الاخطاء

في الوزن

ولقد تم نقلها من قبلي الى مضيف المحاولات الشعريه

بأنتظار ردود الاعضاء والمشرفين

تقبل تحيات اخوك الصغير

الراسي

[k-s-a:1408h]

صح السانك
.
وانا اخوك:

ابقول راي بصراحة القصيدة : ماعليها وصحيح الي ذكرتة في القصيدة.

وهذا اخر الزمان.

والسلام عليكم ورحمة الله وبركاتو..


اخوكم : خالد الشمري

[مرزوق الشمري]

اصل المحبة الوداد وكل شيء مكتوب====وغلبت اصبر دمعي اللي كل يوم مكتوب
عجبي على بدر عالي ذابت عشانة قلوب====حاولت انساة وتاري حبي لية مكتوب

[fdfd]

صح لسانك

[أسير الماضي]

قصيده ممتازه

وتكلم عن زمنا والوضع الحالي

راعي البل

موفق انشاء الله وبداية ممتازه

أسير الماضي

[اخو حصه]

راعي البل قصيده فيها من الشموخ والانفه الشي الكثير


الى الامام

[ابو عارف]

راع البل حياك الله

رايي بالكصيده لاهي كصيده ولاهي نص هي بين هذا وذاك ومعانيها جزله وموضوعها واقعي.

وعليك بحفظ البل الله يحفظك.

[حمود الباتع]

يالربع انا مادري انا غلطان والا على صواب

شكل ال ك ص ي د ة عام 2003م

ومدري من وين نبشها اخو حصة وهقنا >>>>هههههههه جيت دايركت افكرها جديدة

تحية عطرة للجميع

[عرق الضما]

راع البل ماعندك مشكله بس توضيح
وانت تنضم الابيات حاول ان ماتغطي كسر البيت بمد الحروف الثلاثه
الالف
والواو
واليا
لكن صدقني عشت الابيات كلمه كلمه وحسك حس شاعر ميه ميه وزد ثقتك بنفسك يامبددددددددددددددددددددددددع
وحاول ماتهيجن اوتغني الابيات وانت تنضمها

لان الشعلر ماهو لحن ولايمكن ان يكون كذلك ابد

واللي ينضم باالالحان ويحاول يجيب كلمات وهويغنيها ماهوشاعر ابد
لان اي شاعر
استحاله يعرف اويحدد بحر قصيدته من الكلمه الاولى


بالتوفيق

[عرق الضما]

راع البل ماعندك مشكله بس توضيح
وانت تنضم الابيات حاول ان ماتغطي كسر البيت بمد الحروف الثلاثه
الالف
والواو
واليا
لكن صدقني عشت الابيات كلمه كلمه وحسك حس شاعر ميه ميه وزد ثقتك بنفسك يامبددددددددددددددددددددددددع
وحاول ماتهيجن اوتغني الابيات وانت تنضمها

لان الشعر ماهو لحن ولايمكن ان يكون كذلك ابد

واللي ينضم باالالحان ويحاول يجيب كلمات وهويغنيها ماهوشاعر ابد
لان اي شاعر
استحاله يعرف اويحدد بحر قصيدته من الكلمه الاولى


بالتوفيق

[فهد الثابتي]

بسم الله ابدي الك يشاعرنا ان الصوره للكصيده هي صوره جميله لاكن الغلط هو انت ما صورته بصوره الشاعر من ناحيه الوزن

[هندالتويجري]

فكرة رائعة

ولكن العيب بالوزن

صح لسانك ويعطيك العافية


تحياتي:هندالتويجري