الشاعر/منصور الرمالي رحمة الله

[سفير شمر]

هذي قصيدة للشاعر/منصور الرمالي رحمة الله طبعا كلنا نعرف

منهو الشاعر مايحتاج اعرفكم ارجو ان تنال اعجابكم واستحسانكم خصوصا


اللى اول مرة يقراه

يانجم


يانجـــــــم يللي غبـــــت مابينــــــت####وشحــــال بين ليام مجــــدك وبينك

الشمس تطلع واسال الصبح وين انت####وتغيب شمسي واسل الليل وينك

وين انـت انامنهـــــــــان لاهنــــــــت####منهـــان من شخص عجز لايهينـــك

ارجع متى ترجــع انا انهنت وسجنـت ####واللى سجني كان قبلي سجينـك

ارجع ورجع مجد ماضـــي كما كنــــت####ورجــع من المــديون للناس دينــك

ياقاسي في وجـه الاضــداد مالنـــت####ومن صاحبك ينعم بعطفك ولينـــك

حتى على خصمك من احسانك احسنت####وياماعطت من كل غالي يمينك

بالسيف في شبة الجزيرة تسلطنت####اخضعـــــت اهلهاوملكنـــه يدينـــك

مثـلك ولد والله فلاجــابته بنـــــــت####لاشــك عيــن يمهلنــــتك سنينـــك

اقولـــها وينـك ونا ادل ويــن انـــــت####لا شــك من زود القهـــر قلت وينــك

وياقصــر ياللى بدلو طينـك اسمنـت####احـذر تخــون وتنكــر اصحاب طينــك

الله يخـونك كان لأهل الوفــاء خنــت####واوفيــت للــي بالخفــا خـاينـينــــك

ياقصر لاتسكن وان انضمت واسكنت####اخفس قهر واخفس معك ساكنينك

ياقصــر مهمــا زينـو فيـــك مازنــــت####زينـــــك رحل وان عاد لك عاد زينــك



تحيات اخوكم الصغير/سفير شمر

[الصاروخ]

صح لسانك وسلم اختيارك

ورحم الله الشاعر الشاب منصور

[ابن جشعم]

الله يرحم الشاعر منصور بن سعدي بن رجاء الرمالي الشمري

اكيد معروف للجميع ولي ايضاً
كان زميل لي بالدراسة من أول ابتدائي لثالث متوسط...
الله يرحم ويغفر لهذا الفقيد الغالي

ومن روائعة ايضاً هذه الأبيات:

ياقلب مادام الزمان متحديك = أصبر على ميلات وقتك وجوره
ويانفس صبرك والفرج عند واليك = كوني على ما قدّرالله صبوره
هاذي هي الأيام لابد تسقيك = عقب الحلا..كاس الكدر والمروره
وهاذي هي الأقدار لابد ترميك = من برّه الآمن لمظلم بحوره
لاتجزعي مادام الممات متقفيك = وكوني على صعب المواقف جسوره
ولا تيئسي من رحمه الله يخليك = الله هو القادر..على حل أموره

[عبدالله الجعيثن]

سفير شمر

تسلم على نقلك

ورحم الله منصور

[aljaffaly]

الاخ (سفير شمر) السلام عليكم ورحمة الله وبركاته وبعد:
آمل من الله ثم منك تعديل البيت الاول في القصيده وهو كالتالي
يانجم يللي غبت من غبت ما بنت وش حال بين ايام مجدك وبينك
واحب اسالك اذا كانت لديك قصائد للمرحوم لاني من المهتمين بشعره وسبق ان جمعت له ديوان ولكن اعطيته لواحد من اخوياي الله يهديه وظيعه او انه ما يبي يرجعه على العموم ارجو الافاده وشكرا
اخوك الجفففففففففففففالي
والسلام عليكم ورحمة الله وبركاته

[العقال المايل]

الف شكر اخوي
سفير شمــــــــــــــــــــــــــــــــــــــ ـــــــــــر

على عرضك لقصيدة الشاعر المرحوم منصور الرمالي تعرف اني من وقت وانا ادور على هالقصيدة وماقصرت الف شكر عليها والله يرحم قايلها



................................................................................ ......

قال تفزع لا نخيتك قلت مافيها كلام ..... راح جدي سبة الفزعة عسى الله يرحمه