المساعد الشخصي الرقمي

مشاهدة النسخة كاملة : خـــرررربووووش...والخـــطّااابه


خالد الغاشم
19-12-2002, 17:16
من باب التغيير والتلطيف لِمناخ الحزن والكآبه الذي عم أغلب مشاركاتِنا ...أقدم لكم هذه المساجله والتي هي من نسج الخيال ..
.حدثت بيني وبين الخطّابه قوت القلوب ...عندما كلفتها بالبحث لي عن عروس
خاصةً وأني ممن يؤيدون التعدد ....:o
ولكنها تأخرت بالرد علي ....فقلتُ لها ......:o


ياقوت وشبك علينا ....واعدتينا وأخلفتينا
تكفين ردي علينا ....والله بلشة خطّابات

الدنيا بيوتٍ معموره.....وفيها بنياتٍ مستوره
ما نيب عاجز يا البربوره......هرجِك كلّه هات وهات

عطينا لما ملينا......ما شفنا شيٍ يرضينا
حسافه والله علينا....مالي ومال الخطابات

واحد مثلي سوقه ماشي......للجالس حتى والماشي
ما أدور شيٍ ببلاشي........وأجنب درب الشينات

حلفت يمينٍ غموسه......إن ما رديتي يا السوسه
وأنهيتينا من ذا الحوسه.....لرجم راسك بالحصات
فــــقــــاااالت ...
خربووووش والله انك لجه...وشفيك طاير بالعجـه
الدعوى كنه مرتجه... أسكت لاتزوود علينا

تطلب عرووس غندورره... مامثله والله بالصووره
سنه صغير وسنفووره.... وحنا ندوور مالقينا

بالقوه قدمنا سرااك ... وهذا كله من غلااااك
وان ماتركد نسينااك... ترى والله ماعلينا

فـــــــقــــــلت لهــــــا....
عجيب والله عجايب .....ياقوت يابنت الشايب
الدنيا كلّه مصايب.........ومثلك ما مرت علينا

أنتي جيتي ما جبناك.....ولا قعدنا بحراك
ليتك والله ما شفناك.....ولا دخلتي لي مينا

أدريبك أنتي مكاره......من يوم كنّا بالحاره
وجاراتك عيوش وساره....ياما ضحكتن علينا

وأنا ياغافلك الله........مسيكين من عباد الله
أمشي دربي والله والله....ماشي بهدنيا يشقينا

واليوم لسانك به زود......ياجعلك لكسر العود
هرجك كلّه مابه فود.....لو يحصلِّك ذبحتينا

لكن ذا بُعدك يا الشينه....اللي مثلي ما تقوينه
وإن صارت والله غبينه .....هوينا يا الله هوينا

فـــــقــــــــااالت .....

عجيبه والله وغريبه ......خربوش يا ذا المصيبه
والخيبه بمثلك والخيبه....مردك ترجع إلينا

إن عشت والله لنسفك ....من راسك حتى أخمسك
هرجي ما تلقابه شك.......والموعد إلي إلتقينا

صحيح قالوها عِلم......من سوى خيرٍ يندم
جاحد والله ما بك دم.....مصيرك ترجع وتجينا..

فـــــقــــــلتُ لهـــــــا .....
ياقوت الله يرجك........دوختينا بكثرة هرجك
مانب ماخذوالله بنتك....لوما الخرده ما جيتينا

تهديدك ما يثر لو.........تشتب بشوشتس الضو
رحتي وإلا جيتي بو......ضفي وجهك غثيتينا

والله لوما النقاده .....والناس كلّه نقاده
لحطك تحت الوساده....وأكتم أنفاسك يمينا

وكان لها صويحبات يُحرِّضنها ضدي كي أقبل بازواج من إبنتها فقلت لهن...

ياعيوشه ويا مزون......قولن لي ليه ماترسون
أعقل ما فيكن مجنون.....يا الله ياربي تحمينا

ياربي وش هل بليه.....صارت حياتي شقيه
مابين هذي وذيه......وقوت تحرج علينا

الله يجمعكن جميع .....في حفره ماله مقيع
بين الحرّه والبقيع......وديتكن والله علينا

.....
....
...
..
.

دااايــــــــ الحــــر ـــــم
قديكون هناك تكمله لها ....سأوافيكم بها في حينها .
فيصل اللويش
20-12-2002, 01:59
الغالي

دايم الحر

صح لسانك


الشعر المروبع او المربوع جدا رائع



اخوك


فيصل اللويش
بشير اللويش
22-12-2002, 18:05
اخي العزيز


صح لسانك

ودام هطولك


تقبل تحيات اخوك الصغير

الراسي
خالد الغاشم
23-12-2002, 19:45
صح بدنك يا الغالي ولا عدمتك

تحياتي
خالد الغاشم
23-12-2002, 19:47
صح بدنك أخوي الكبير
ولا حرمني الله تواصلك

تحياتي
فوفو
24-12-2002, 00:04
واحد مثلي سوقه ماشي......للجالس حتى والماشي
ما أدور شيٍ ببلاشي........وأجنب درب الشينات


:D:D:D:D

عشتوووووووو يامعذبهم:D

طيب ماتدري يمكن بنت السوسه تطلع شي ......وتملي البيت لكم بكرى سوس كثار وسوسات ===طالعين على جدتهم:D:D

صح لسانك اخوي ....ونتحرى التكملة:)

تحياتي لك:)