محارش في قفص.....؟؟؟؟؟؟؟؟؟ [الأرشيف]

مخيلب

17-12-2002, 00:32

السلام عليكم ورحمه الله تعالى وبركاته

الحقيقه ما حنا من أهل المحاورة.....لكنني اطلب الشيخ/ محارش للمساجله من باب المداعبه الأخويه.........وأرجوا أن يتسع صدره لما سأورد .....وينقض على راحته

أستلم يا محارش

هيـه يالشـعـر يوم أنك تـدور سنــد= أنص راعي المعاني والعلوم الجـزال
أنـص قـرمٍ يســاوي بالفــعايـل بـلـد= قـل.. محــارش يـردن القوافي.. تـعال
والقــاف تــوه...............وأنا راعــي طويله

مخيـلب

محارش

17-12-2002, 15:44

خلووووووووووووووها :D

انا جييييييييييت :p

انتبه يا مخيلب
امامك محارش ( <<< صاير مطب :D )

حياك ياجدي واستلم :)

تر هذي بس تسخين والجاي ياويلك بالويل :mad: <<< ما اخوّف بالله :D

ياهلا بالذي دوم ٍ لـسـانه شـهد= ياهلا بالذي ما تمسك ايديه مال
يامخيلب لكم بالجود كل ٍ شهد = وبالوفاء يامخيلب اعتليت الجبال

خاص للاخ مخيلب لاحد يقراه غيره :

لا يغرك الحتسي اللي فوق بس اني ما بغيت الفاضي يشمت بي :D
ولا انت تخبرن لساني متبرّين مني

<<< يدادي ولا يلادي :p

الفاضي

17-12-2002, 15:51

طااااااااااااااااط

الفاضي وصل

عزالله لسانك متبري منك يا شيخ محارش :D

اقول من تبون اصير بصفه :D<<<<بزعمه فزعه :D

تقبلوا تحياتي

طاااااااااو

إغـــتراب

17-12-2002, 20:21

انا جيت اتفرج بس ارجو السموحه

اخ محارش لاني قريت اللي كتبته حق مخيلب

سلمت اخي.

مخيلب

18-12-2002, 01:33

تخوف ياذيبان.........لكن أستلم ,,,,وشد اللعب

المهلي... ما يولي ..يوم جيناه بوعد=زانت اللعبة..وهات المسبحه ..وأرم العقال
جيت ابشكي علتن يشنى بها تاسع ولد= والعلوم الخافيه قشرى ولا فيها مجال
والقاف توه........وانا راعي طويله

يا الفاضي.....خلك معي ......أبرد كبدك به.....ما جاه شين ليا هالحين.....القاف توه ....يا طاااااااااااااااااط

مخيـلب

فواز الشبيكان

18-12-2002, 01:37

يله حيهم بمضيفهم /// انا تهولت المضيف يا الله فتح من التفحيط /// والله ايقويكم ومتابعين علشان انفرق وانتبهوا من اللي ايقحص لا يدعسكم/// تحياتي للجميع

الرقيب الساطع

19-12-2002, 19:49

وربي انكم عمالقه

وبكل امانه اتحفتونا وخليتونا نتابع

واهديكم هالمقطع لو انه مهو قد المقام ولكن وش اسوي

الجود من الموجود

ولا تطولون علينا تروكم تطولون شوين وحنا كل يوم ندور جديد ابداعكم

ياهلا باللي حضر عد مادوّى رعد=ترحيبة(ن) من راسٍ عقاله على الخد مال

ماني محاور بس ابمسك صف واكمل عدد=رافعن راسي بكم ياعريبين الساس بين عم وخال

والقاف توه وانتم راعين الطويله

مخيلب

20-12-2002, 01:14

الأخ/الرقيب الساطع ,,,,,,,,,,,,ما قصرت ,,,,,,ومرورك شرف.

مخيـلب

مخيلب

20-12-2002, 01:26

الغالي الفاضي ...........أشهد أنك رهيب رجيتهم ....أنت صف لحالك.

سويت اللي قلت لي,,,,,بس لا تعلم احد.

ماقصرت ........طاااااااااااااااااااااط

بشير اللويش

22-12-2002, 18:30

اخواني الاعزاء

مخيلب

محارش

وربي ابدعتوا الله لايهينكم

سجلوا اعجابي

وانا متابع للجميع

تقبلوا تحيات اخوكم الصغير

الراسي

محارش

23-12-2002, 08:42

الفاضي :

ههههههههههههه
اي والله تكفى خلك معوه غديك تقردوه :D
تسلم ياجدي انت هالفره :p

اغتراب :

وليه هالعمل اجل مانا محرّجكم ما تقرونه :D
تسلمين .

القديمي :

ماشاء الله وشلون شفت بهالغبره :D
تسلم يالقديمي وترن عليمي لا تنقد علي :p
حتى شفن ما حطيت القفله :(

الرقيب الساطع :

والله ما ادري وش اقول لك غير صح لسانك والطيّب ما يجي منه الا كل طيب .
واسفين على التأخير بس عذري اني كنت مشغول بالبدايه ثمن طفت المضايف علشان الترقيه .
تسلم :)

بشير اللويش :

والله انك انت المبدع اللي تشوف كل شئ ابداع .
وهذا من طيب معدنك يابو سلطان .
وترفق علي شوي لا تنفخن ثمن اطير بالعجه <<< الاخ بالون مهو آدمي :D

وللجميع اشكركم جميعا على حسن مشاعركم وشكرا

ولمخيلب هالبويتين استلم لا عدمت هالخشه :D

البلاوي على العـقّــيل ماهن جدد= اختبار النشاما ومن يروم المعال
والعلل له دواها او تموت بكمد = مار خوفي تعاصي والمماته محال
والقاف توه........وانا راعي طويله

الكاسب

23-12-2002, 12:41

السلام عليكم ورحمة الله وبركاته

مساكم الله بالخير

صح لسانكم جميعا على هالردية

حبيت اشارك معكم

عسى ان تنال اعجابكم واستحسانكم

اول الطاروق يبدا بالله الفرد الصمد =
ثم هذا سلامي يامطانيخ العيال
زينة الملعب ثلاثه وابشروا جاكم سند =
يرجي المضمي هماج وعادتي اروى زلال

والقاف توه .........وانا راعي طويلة

اخوكم الكاسب

فلاح السعد

23-12-2002, 13:09

بسم الله الرحمن الرحيم

أنا بغيت اجيب الددسن اقحص :)

يالربع نبي نرفع قضيه على طااااااااااااط

ازعج الحاره ولاخلا هالشيبان تنام وخرع الوغدان :)

ت

ت

تسلم يامخليب طلعت لنا محارش على حقيقته

وترن مع الله ثم معك :)

وتسلم ياشيخ محارش و الله الله

ونشكر جميع الحضور عدى المزعجين :)

شكر خااااااص لقسم التفحيط :)

تحياتي

ضحوي الاسلمي

23-12-2002, 13:14

شهاده اعجاب

لكل الردود

والشكر الخاص للشيخ محارش

ومخليييييييييييييييييييييييب

والشاعر المعروف الكاسب

اخوكم

ابو عذاري

سنجار

24-12-2002, 19:41

شكر للجميع علي

الرديه الممتعه

وتحياتي لكم جميعا

سنجار

ابو غازي

24-12-2002, 20:14

عزالله إنكم ماقصرتو يالنشاما :(

ونستونا ومتعتوووونا :D

بس المفحط هذا يبيله شغل وشقل |512|

مخيلب

25-12-2002, 02:30

أسف جداَ لتأخير ........شكراَ للجميع على آرائهم الجميله................حضور الأخ الكاسب لردينتا هو الكسب والغنيمه بحد ذاته...فأهلاَ وسهلاَ بك يا طويل العمر من الأعماق مني ونيابتاَ عن أخي الغالي محارش.

الحقيقه أبرد ردين ....وأرجوا أننا نستمر على رد واحد فيما بعد.
للأخ /الكاسب هذا رد مني ومن محارش:

جعـل ربٍ رفـع سبــعٍ بليا عمــد = يحفـظ اللـي نصـانا شـامخٍ بالمـقال
كاسب الطيب بحضوره يزين المشد= والموارد عميقه .....والليالي طوال
والقاف توه.......وأنا راعي طويله

أستلموا

المصايب على ماقلت هم وجلد = في غياب الأجابه ...آه مأقسى السؤال
أن حكينا بلشنا...والمجامـل نكد= والخفافيش ترقص ...يوم غاب الرجال
والقاف توه ........وأنا راعي طويله

محارش

27-12-2002, 23:20

الكاسب :

ياهلا ويا مرحبا وقدومك ابرك ساعه يا بعدي :)
وصح لسانك .

فلاح السعد :

حياك الله والمفحط هذا ابلشنا صدز مار دواه عندي :D
<<< ناوي يبلغ المرور :p

ابو عذاري :

تسلم يالغالي ومشكور على هالمجامله اللطيفه :)

سنجار :

تسلم يابعدي وهذا من طيبك :)

ابو غازي :

والله ان هالليد بث خفاي الله يسبعوه :D
تسلم :)

استلموووووووووووو يالكاسب ومخيلب :)

كاسب الطيب جانا ياهلا بالمدد = راس قوم ٍ رفيقه ماشي ٍ باختيال
البحر يامخيلب مامنه لو ركد = والخفافيش تمرح في ظلام الليال

مخيلب

28-12-2002, 01:08

أستلم ...............

الخفافيش كرهه...لا شكل...لاجسد=تسكن بروس راعين الردى والحثال
وتسكن بعين من غمض ولا به مسد= وتسكن بجوف راعي الفلسفه والخيال
والقاف توه.........وأنا راعي طويله

الكاسب

28-12-2002, 11:39

.

.

خلووووووووووووها

انا صفي اللي على اليمين :D

شيلو ياهل الصف

يفرق اللي على الصابور ياما ورد =
والشدايد تبين من عريب الخوال

والخفافيش ماتملى عيون الاسد =
والمراااجل سنود(ن) ماتجي بالسهال

والقاف توه وانا راعي طويله

الله الله ........ يالله يالله

:D :D :D :D

محارش

30-12-2002, 00:40

خلوووووووووووووووها:D

سـنـّة الكون هذي ما تغير أبد= في وجود القباحه دافع ٍ للجمال
صافيه للشكاله تاركين الزبد= والخفافيش تطرخ في خمال وفسال
والقاف توه ..... وأنا راعي طويله

خلف الرويتع

30-12-2002, 13:41

اخواني الاعزاء مخيلب الشيخ محارش الاخ العزيز الكاسب

يعطيكم العافيه على هذه المحاوره
صحيح راعين طويله وحنا ننتظر

الاصمعي

31-12-2002, 09:13

اخواني الاعزاء مخيلب الشيخ محارش الاخ العزيز الكاسب
ماشاء الله عليكم محاوره جميله وانا مع صف مخيليب والكاسب لاني بي لي زعيله على الشيخ ماقبل ترشيحي بهالفايت وابيكم تبردون قلبي به تكفون حيلكم به
مخيليب عطه كاش تره دابلن كبدي................

محارش لاتحطن ببالك تراني امزح
والله امزح....................ذليت منه البليه هذا (شيخ وشاعر)
مادري هو من الي ذكرهم الهربيد بقصيدته الشيخه او لا ؟

مخيلب

01-01-2003, 01:25

نقض ممتاز.........لكن أستلموا توي بكم............

من ترك عبدته ...ولت وجابت وغد=جابت العار...والسبه سقيم الفعال
والبنادق تبي رجال لامن فقد= صار حكمه ...وهيل...وزعفران الدلال
والقاف توه........وأنا راعي طويله

نافع بن طواله

01-01-2003, 01:51

مخيلب الغالي

ومحارش العزيز

ماشاء الله عليكم تلعبون ولا تعزمون

على العموم أنا حبيت أقط وجهي وأشارك وأتحزب بعد

وإستلم يا مخيلب

يا مخيلب جاك علم ٍ هو على الشارب جمد=لو تصفف ماتصفف من جيوشك والرجال

جاك علم القاسي اللي يجعل الشايب ولد=ما تهز محارش اللي ياقف بصفه جبال

والقاف توه .. وأنا راعي طويله

عبدالله الجعيثن

01-01-2003, 14:12

عشتوا بعد حيي

تروني مع صف الشبخ.

وابشركم ترونا صدنا اللي يفحط.

تدرون من طلع.....!

طلع ابوراكان.........

ايه والله من الفضاوه عنده بالرياضي, كل هذا حسد.

افاااااا ماهقيناه منك يابوراكان.

الكاسب

01-01-2003, 19:24

خلووووووووووووها

هييييه خلووووووووووها :D

على طاري البنادق يرحم الله سند =
واخو رثعه وضاري... وبو بندر طلال
قاضي الشعب عيا لايوافق ابد =
بالفتاوي يحرم وان بغوها حلال

والقاااف توه وانا راعي طويله

مخيلب

05-01-2003, 23:25

أستلموا ,
وانت يالخال نبي منك الفزعه.......صرت ضدي ........هين يقول المثل ياويل الخال من رمح البناخي ...........
أمزح ....معك يالقاسي ...
ألعب ارضي....ومحارش ما يلحقه الحكي

هاكا..الأيام ...والفريس...عز..وسعد= مار نمشي جنوب ودربهم للشمال
وانت يالخال يوم أنك تجينا هدد= لعبنا العمق ....والمرمى رذال الخصال
والقاف توه ........وأنا راعي طويله

نافع بن طواله

09-01-2003, 12:27

يالبناخي صوم رمحك يجعلن عنك أبتعد=وأرقب اللي ينزرك لو كان حكيه بالعدال

خل خالك يفتخر في رمح عن صدره شرد=وإرتسم هالرمح طعنه في صدر سود الليال

ياويل سود الليال من رمح البناخي

مخيلب

10-01-2003, 03:33

. تسلم يالخال........عساك ذخر ..................لي عوده قريبه

الشمري الضايع

11-01-2003, 13:54

والله انكم مبدعين وانا اشهد لكم بالعوالي ....ما قصرتوا

اليم

18-01-2003, 08:43

تسلمون لي والله

وعودتكم طولت يامالين الغنيمه:D

مخيلب

24-01-2003, 00:49

ارجوا أن تكون هذه المساجله قد حازت على الرضى.....وحنا مضطرين ننهيه لأن ما كتب استوفى الهدف. وبالنهايه أشكر كل الأخوان المشاركين .....

وأخص الأخ الغالي محارش ( الذي حاولت ألهيه عن مغارش اهل فلت الحجاج بس للأ سف بلشت به ...وربعه ما سلموا منه.....فأشوف أنه طلع من القفص وهذا أوفق لي ,,,,أقل شي أسلم براسي ,,,,, وبكيفه هو وياهم يتفاهمون)

والأخ العزيز الكاسب الذي عطر هذه المساجله بحضوره القوي الرائع الذي نفتخر به,,,

والخال الغالي قاسي الباس المبدع (مع أن شهادتي وكلامي فيه مجروح) .

وأخيراَ أحب أن أختم هذه المساجله بهالبيتين:

ثابت العسكري ثابت ولا به مصد=ثابت العسكري ثابت على كل حال
وكم رجلِ صميدع شب نار وسمد=وجعل ربك يوردها الهدى والعدال
والقاف صادق.....ولا غيره وسيله

وأتمنى التوفيق للجميع