وحنا السيافا مكدرين المشاريب

[الهضباوي]

هذه قصيده بال سعود الله يحفظهم واسمحو لنا اذا كانت القصيده لا تصل للمستوى المطلوب ( يقول الهضباوي )

الشمــــري رتب للامثـــــال تـرتيب ......... ابدى باسـم مولاي جلا جلاله

الحمــــد للـــي لادعينـــالــه يجيب ....... ماخاب عبدن خاشعن في سؤاله

بحكامنــا اهل السيــوف المعـاطيب ........ شيوخ الجزيرة كاسبين النفاله

ال سعود اهل الكـــرم والمواجيــب ....... كل القبايـل خاضعه في ظلاله

خلو به الأغنــام ترعى مـــع الذيب ........ وعقب الحرام اليوم ناكل حلاله

صار الشفر والبنـز في موقع النيب ........ وبيت الشعر نمنـا بفلـه بداله

نصبح ورا بقعــا ونمسي بتنــاقيب ........ كلـن عقـب دينــه همه رياله

الكل منـا سالم مـــن المطـــاليب .......... متمـركيـن مابين عمه وخاله

في نعمتــن تغار منـــا الاجانيـــب ........ الله يعز اللي على الدين شاله

وحنا السيافـا مكـدر ين المشاريب ......... بسيــف نتغنـا دام حنــا عياله

هضباويـن ماصاب جـدي عذاريـب ....... من السربة اللي قاد مطلق رجاله

من جالنـا بالطيب حنــا هل الطيب ........ ولاهـمنــا راع الـــردا والجهــاله

وابنشد اللـي يرمع اللغز ويصيـب ......... يشرب زلال المــاء ويترك حثاله

ياويــش رجلــن بدلـــوه برعابيـــب ........ من عقـب ماهـو ادمي صار آلـه

لاشان وجــه الوقت ماضني يغيب ........ حيـن بيده ميــت وميتن قبـــاله

وصلو عدد ماتطلع الشمس وتغيب ....... على رسـول حافظــن للرساله

وسلامتكم

[فيصل اللويش]

الغالي

الهضباوي

صح لسانك

ونعم بك وبالسيافا كلهم


وال سعود يستاهلون المديح


اما بالنسبه لللغز


فاانا امل منك طرحه بمضيف الا لغاز




اخوك


فيصل اللويش

[حمتو]

صح لسانك وهذي من القصايد النبطيه الصيحه تبدا بذكر الله وتنتهي بالصلا على الرسول اللهم صلي وسلم عليه وتحتوي موضوع ولغز ومدح والي يبي يقول القصيده يمشي على هالنمط






وعز الله مامثله وصح السانك



حمتو

[الهضباوي]

كل الشكر لكم واتمنى ان تكون حازت على رضاكم

وتقبلو تحيات اخوكم وشكرا ,,,,