المساعد الشخصي الرقمي

مشاهدة النسخة كاملة : ابيات متواضعه.... ساير الرماحي


بشير اللويش
15-12-2002, 15:38
كل عام وانتم بخير

لتعذروني على القصور.......

اهداء متواضع لاخي ساير الرماحي

ولانقول الا الحمدلله على السلامه

وليعذرني على تقصيري لاني ماعلمت الا متأخراً وعندما اتيت المستشفى

وجدته خارجاً ولله الحمد .





لاباس ياشوق الغنادير لاباس = والحمد للي زال عنْك الغمامه

له الشكر والحمد كلّه على اساس = نجّاك ياساير لنا بالسلامه

مثلك لنا بالجود قدوه ونبراس = وهذا مسارك للخلايق علامه

مثلك صديقٍ نفتخربه ونوماس = أصل الوفا بالفعل عالي مقامه

عند المواقف لااظلم الجو وانحاس = فعلك فخر توّجك بأحلى وسامه

من لابةٍ لاصار بالوقت لولاس = عز الضعيف عن الردى والملامه

أفعالكم ماتنحصى ماله إقياس = أرداكم اللي قال وتمّم كلامه

نبض المشاعر واضحٍ بين الاقواس = (( عسى بياض الوقت يجلى ظلامه ))

عسى حياتك يافتى مابه أتعاس = فيها الهنا والعز تسعين قامه

والحمد للمعبود كلّه على اساس = نجّاك ياساير لنا بالسلامه

لاباس ياشوق الغنادير لاباس = والحمدللي زال عنْك الغمامه



تقبلوا تحيات اخوكم الصغير

الراسي
ابو مشاري الشمري
15-12-2002, 15:44
بيض الله وجهك
ورفع مقامك
صح صح صح السانك
كذا تعودنا منك يالراسي
الله لايهينك
والحمدلله على سلامة أخينا ساير الرماحي
ومايشوف شر انشاءلله.
أبدعت والله يالراسي
وساير يستاهل كل الخير.
أخوك ابو مشاري الشمري
شمالي
15-12-2002, 15:57
الغالي بشير صح لسانك يالغالي وساير يستاهل كل خير وحمدلله على سلامته
فلاح السعد
15-12-2002, 16:10
بيض الله وجهك


وصح لسانك


ويستاهل ساير



تحياتي لك
الفاضي
15-12-2002, 20:18
طااااااااااااااط

الفاضي وصل

اخوي الي اكبر مني بشير<<<<<<يموت بشي اسمه الاحترام :D


بيض الله وجهك
ورايتك بيضاء

وساير يستاهل واكثر ونسال الله انه يشفيه ويرجع لنا احسن من اول

تقبل تحيات خيك
الفاضي
طااااااااو
عبدالله المهيني
15-12-2002, 20:28
الغالي بشير اللويش

صح لســـانـــك

وبيض الله وجهك

والحمد لله لنا على سلامة ساير
ابو غازي
15-12-2002, 21:20
بيض الله وجهك


وصح لسانك


ويستاهل ساير



تقبل خالص تحياتي
أبو فيصل
16-12-2002, 00:43
اخي الغالي بشير
بيض الله وجهك وماقصرت
وترن معك شريك بالقصيدة معنويا
ولا لفضيا مانقدر ماحنا شعار
واخونا ساير عزيز وغالي ويستاهل كل خير ويستاهل من يعنالة
عسى الله ان لا يوارينا في اخواننا اي مكروة
والحمد لله على السلامة
ريم شمر
16-12-2002, 09:14
الحمدلله على سلامه اخونا ساير
ومشكور اخوي بشير وصح لسانك
قصيده مميزه ...ويستاهل ساير كل خير


الريم
طلال صعفق الحافظ
16-12-2002, 09:37
صح
صح
صح
لسان شاعرنا ومبدعنا بشير اللويش..

وعز الله يستاهل ساير...الطيب
ســاير الرماحي
16-12-2002, 09:38
اخوي الغالي والعزيز والرائع والعزوة ونبراس الشهامة والرجولة :



بشير اللويش




بصراحة ما ادري وش اقول وش ارد؟



وما انسى يوم تعنا على شاني من ديرة بعيده يالغالي




وكل هذا من طيب أصلك و أصالة معدنك




والله يطول عمرك ويجزاك خير عني




ويعلم الله اسعدني كلامك وصح لسانك يالغالي على كل حرف كتبت وأكثر . .





وما ادري وش لون اجازيك على مواقفك الطيبة ياطيب الاصل




تحياتي لك . . واللي بالقلب معروف



وهذا ردي عليك




لانه بصراحة ما ادري متى انت نشرت ابياتك . .




المهم اني ماقريتها الا قبل 3 ساعات . . .










ولك تحياتي وتحيات كل من سأل عني . . .









.....

أنا احمد المولى على كل أبو باس=ما غير ربي أحمده بالسلامة


سبحان منهو معافيٍ واحد الناس=وفي رمشةٍ راح وتبيّن حطامة


في لحظةٍ كنّه على الارض ما داس=لا راحت أيامه وأقبل ختامه


سيارتي من شافها فكره إنحاس=يقول هذا من يجمّع عظامة!


سلمني الله فكّني هفوة الراس=ربي لك الحمد لجلالك كرامة


يارب تقبل سجدتي وقت الادماس=ومن شهرك المختار تقبّل صيامه


يامشفي المجروح من حر الاوجاس=ومرجعٍ للي تشافى كلامه


يارب فضلك واصلٍ كل الاجناس=حتى الكفر أسقيت ماه وطعامه


يارب يارحمن ياوالي الناس=أرحم بهم من أمهم وإهتمامه


من عقبها أبعث سلامي بمقياس=وأبعث مراسيلي بورقا حمامة


ياصلك ياللي صحبتك ترفع الراس=ياللي رفيقك مايعيش المضامه


بشير ياللي لولس الطيب لولاس=بشركم الله جنته بالقيامة


كنّك تشادي ياولد رمح جساس=اللي هوى وأبكى عيون اليمامة


يومك عنيت لشوفتي ما أطيبك ساس=قطعت يمي لك فيافي جهامه


نسمع لطبلونك تنابيه الاجراس=كلّه فدى لصويحبك بإنغمامه


هذي عروقك طيب والعرق دسّاس=الطيب تمشي به بيدّك خطامه


طيبك فلا يحصى بحبرٍٍ وقرطاس=ولو هو يوزّع للعرب بإنتظامه


يكفيهم وزودٍ يفيّض هالاطعاس=وتلقى القلوب البيض من كل خامه


واللي تحيزم بك نذر داااس ما إنداس=كنّه تحيزم في شواهق تهامة!


ماهزّها.. مرّ الزمن .. كثرة الناس=ولاغيّرتها تعرية بإنهدامة


وختامها حمدي لربي على الباس=هذا قدر واحمده حلو السلامة



ساير
الرماحي,,,


....


......................................



أخواني:





ابو مشاري الشمري





شمالي






فلاح السعد





الفاضي




المهيني






أبو غازي





الصارم





والغالية ريم شمر







أبشركم انا بخير وسلامة وسؤالكم عني هو اكبر دفعة معنوية لي




تحياتي للجميع



وكل عام وانتم بخير
العنوود
16-12-2002, 09:58
بشير اللويش

صح لسانك أيها الرائع

ساير الرماحي

ألف الحمد لله على سلامتك

وماتشوف شر أخي الكريم

تحياتي

الغاليــــــــة
بشير اللويش
22-12-2002, 18:56
اخي العزيز


ابو مشاري


شكرا لمرورك


وفعلا الحمدلله على سلامة ساير


اعذرني على التاخير في الرد


تقبل تحيات اخوك الصغير


الراسي
بشير اللويش
22-12-2002, 19:02
اخي العزيز

شمالي


وربي صدقت بكل حرف

وصح بدنك


تقبل تحيات اخوك الصغير


الراسي
بشير اللويش
22-12-2002, 19:12
اخي العزيز


فلاح العز

طير السعد


صح بدنك

وكما قتل اخي ساير يستاهل

والحمدلله على سلامته


اعذرني على التاخير في الرد

تقبل تحيات اخوك الصغير

الراسي
بشير اللويش
22-12-2002, 19:15
اخي العزيز


الفاضي


شكرا لمرورك


صح بدنك

واخي ساير يستاهل

اعذرني على التاخير في الرد


تقبل تحيات اخوك الصغير

الراسي
بشير اللويش
22-12-2002, 19:18
اخي العزيز

المهيني


صح بدنك

واعذرني على التاخير في الرد

والحمدلله لنا على سلامة ساير

تقبل تحيات اخوك الصغير

الراسي
بشير اللويش
22-12-2002, 19:20
اخي العزيز

ابوغازي


شكرا لمرورك

ودام شموخك

وصح بدنك


اعذرني على التاخير في الرد


تقبل تحيات اخوك الصغير

الراسي
بشير اللويش
22-12-2002, 19:23
اخي العزيز

الصارم


صح بدنك

ويكفي ردك الطيّب

والحمدلله على سلامة اخونا ساير


اعذرني على التاخير في الرد

وآآآآمين يارب مانرى مركروه لابصديق ولاقريب


تقبل تحيات اخوك الصغير

الراسي
بشير اللويش
22-12-2002, 19:27
اختي العزيزه

ريم شمر


صح بدنك


شرفتيني بمرورك

اعذريني على التاخير في الرد

تقبل تحيات اخوك الصغير

الراسي
بشير اللويش
22-12-2002, 19:31
ا
اخي العزيز

طلال الحافظ

صح بدنك

شرفتني بردك

وفعلا يستاهل اخي ساير

والحمدلله على سلامته


اعذرني على التاخير في الرد

تقبل تحيات اخوك الصغير

الراسي