المساعد الشخصي الرقمي

مشاهدة النسخة كاملة : يابعــــد روح القصيـــــدة


رحايل
14-12-2002, 22:39
مساء الخير
وكل عام وانتم بخير


ياحبيبي .. ياغلاي .. ويابعد روح القصيده =شف خفوقي قال سم .. ويافدا من هو ينادي

والله اني يوم شفتك ضاعت افكاري شريده=والأهـــم اللي قبل مالقاك صار بحكم عادي

صوتك الدافي تسلسل في هوى دمي وريده=والعيون اللي تنام الليل باتت لك سهادي

بس دخيلك اعتبرني في بقا دنيا طريده=لمني بحدود ليلك وان بغيت اعتق سوادي

عاند احساسي ترى لجلك وانا باصبح عنيده=ورنّــي ياكيف ترضي حسّـي ان خالط عنادي

كود انا اسمي يمه اسمك ينكتب وسط الجريده=عنتر ومجنون ليلى يم حبك صار هادي

ياحبيبي لو بيدي عامي الماضي اعيده =آآه والله لو بيدي عدت انا عمري وكادي

لجل انا ماعشت عمري قبل انا أشوفك سعيده =كود حسيت السعاده من بعد شفتك ودادي

قلبك ينادي ( رحايل) فز له قلبي يريــــده=وان بغاه يموت جنبه هذي هي غاية مرادي

ياحبيبي يوم صوتك شاقني جات القصيده=قلت انا لبيه.. سم.. ويابعد من هو تنادي
فــ الشمري ـهد
14-12-2002, 23:32
تسلمي والله

وصح لسانك

قصيده جميله تخبرنا بقدوم شاعره كبيره

هسمه

يارحايل هل بحضورك قصيده = واغتذا من صافي احساسك فوادي
لو كتب الشعر ماهو يوم عيده = ما قدر شعري يوصلك مرادي
بس اناء معجب بشعرك يافريده = ولحنك الشادي جذب غيري وكادي
جيت اهنيكي واهنيبك قصيده = يوم تمشيلك ولو مشيه جهادي
ابو مشاري الشمري
15-12-2002, 00:15
رحايل
صح السانك
تسلمين أختي
تحياتي
فيصل اللويش
15-12-2002, 02:26
رحايل

قصيده جدا مميزه

وصح لسانك

فبها من الصور الرائعه الكثير والكثير

اخوك
فيصل اللويش
بدر الفرحان
15-12-2002, 03:14
اختي رحايل



صح السانك



كما قال اخونا ابو طلال


فيها من الصور الرائعه الكثير



تقبلي اعجابي



اخوك ................... بدر الفرحان
عبدالله الجعيثن
15-12-2002, 20:45
رحايل

صح لسانك وحياك الله.

قصيده جميله تزف الينا شاعره تهدد وتتوعد الشاعرات والشعراء بحجز مكانا بينهم , بل انشاء الله تتفوق عليهم...

واصلي اختي وسوف تصلين.

اخوك/ الغازي
نافع بن طواله
16-12-2002, 00:36
قصيده جميله



ومنها لأعلى







اخــــــــــــــــــــــــــوك

القويسي
محمد الشهري
16-12-2002, 05:51
رحــــايل

ياحبني لها القصيده ..


ياحبيبي .. ياغلاي .. ويابعد روح القصيده
شف خفوقي قال سم .. ويافدا من هو iiينادي


والله اني يوم شفتك ضاعت افكاري iiشريده
والأهم اللي قبل مالقاك صار بحكم iiعادي


صوتك الدافي تسلسل في هوى دمي iiوريده
والعيون اللي تنام الليل باتت لك iiسهادي


بس دخيلك اعتبرني في بقا دنيا iiطريده
لمني بحدود ليلك وان بغيت اعتق iiسوادي


عاند احساسي ترى لجلك وانا باصبح iiعنيده
ورنّي ياكيف ترضي حسّي ان خالط iiعنادي


كود انا اسمي يمه اسمك ينكتب وسط الجريده
عنتر ومجنون ليلى يم حبك صار iiهادي


ياحبيبي لو بيدي عامي الماضي iiاعيده
آآه والله لو بيدي عدت انا عمري iiوكادي


لجل انا ماعشت عمري قبل انا أشوفك iiسعيده
كود حسيت السعاده من بعد شفتك iiودادي


قلبك ينادي ( رحايل) فز له قلبي iiيريده
وان بغاه يموت جنبه هذي هي غاية iiمرادي


ياحبيبي يوم صوتك شاقني جات iiالقصيده
قلت انا لبيه.. سم.. ويابعد من هو iiتنادي


صح الله لسانك ...


سبق لي مصافحتها مرارا وتكرارا ..


لكن هذا لا يمنع من مصافحتها مجددا والاستمتاع بصياغتها ...



تقبلي تحياتي
العنوود
16-12-2002, 10:15
عزيزتي

رحايل

صح لسانك

أستمتعت بجميل كلماتك وجميل معانيها

تحياتي لك

أختـــــك000الغاليـــــــــة
أمـــيرة
16-12-2002, 16:22
رحايل



كلمــــــــــــات رائــــــــعه





وتصــــــــوير جميـــــــــل



تقبــــــــلى ارق واعــــــــذب تحيـــــــــه



اختـــــــك



اميرة شمر
مواري
16-12-2002, 20:19
اختي رحايل
اهلاً بقدومك واهلاً بكلماتك واهلا بهذا الحس وهذا الابداع اهلا بكل بيت وكل كلمة في هذه القصيدة
اختي لا املك الا التصفيق لك فانتي اهل له
اخوكم
فريج الجربا ( مـواري )
رحايل
17-12-2002, 22:57
اخوي فهد الشمري


يارحايل هل بحضورك iiقصيده
واغتذا من صافي احساسك iiفوادي
لو كتب الشعر ماهو يوم iiعيده
ما قدر شعري يوصلك iiمرادي
بس اناء معجب بشعرك iiيافريده
ولحنك الشادي جذب غيري iiوكادي
جيت اهنيكي واهنيبك iiقصيده
يوم تمشيلك ولو مشيه iiجهادي


وش اقول صح بدنك والا احييييييك واهنيك على هالابيات الجميله ؟؟!!

شكرا لك من الاعمااااااااق وصح لسانك وبدنك :)
وماعليك زود يابن الاجواد