محمد الشهري
09-12-2002, 03:29
السلام عليكم ورحمة الله وبركاته ..
اخواني واخواتي في مضايف الشمر الكريمة ...
كل عام وانتم بخير . . والله يعيده علينا وعليكم باليمن والخير والبركات ..
أولا: إعذروني على تقصيري اتجاهكم بالعامية ( مدري وين اودي وجهي منكم) .. لكن من الآن اعدكم بالتواجد وتحياتي إليكم جميعاً ..
ثانيا: أقدم إليكم هذه المتواضعة والتي تحررت بعد مرور أيام من هذا العيد .. آملا أن تنال هذه الرساله على رضاكم واستحسانكم ..
ثالثا: إعذروني على التقصير للمرة المليوووووووون ......
آخيــــــرا ............... إليكم القصيده
على كثر اتصالات الخلايق في صباح العيد = انا والله ما كنت آتحـرّى غير جـوّالك
تحريت إتصـالك إنت يالغالي وبالتحديد = لآن العيد ما اظنه يجي وما جيت في بالك
تصوّر كيف مرّ العيـد من تنكيد في تنكيد = وانا ما غير اهوجس بك و انادي وآتحرّالك
وجـوّالي غدا مثلي تنهّد واكثر التنهيـد = يقول: ابطى عليك وقلت: اكيد العلة ارسالك
وقمت اكذب على نفسي واقول بصيغة التأكيد = اكيد الحين بتكلم وانا ادري ما طرينالك
على ما يبدو اني كنت عن بالك بعيد ابعيد = حرام ارجوك صدقني انا ما استاهل افعالك
انا يا سيّدي ملْكك يا سيّد سيّدات الغيد = أنا وياك تعرفنا كما المملوك والمالك
لاني منخلق بعد العبادة وكلمة التوحيد = عشان اعيش من شانك وشان ارضاك واحيـالك
انا رهن اصبعك .. أشّـر .. ومن هاالإيـد الى هاالإيد = على كل اعتباراتي انا طفلك ورجّالك
وإذا غايتْك هي ذبْحي فلا تحتـاج للتأييد = توكّل وإنت تلقاني متى ما تنوي اقبالك
ولكن لا تعوّدني على الفرقا ونار البيـد = وانا عايش على خبرك نعيم وجنـة وْصالك
جفاك اليوم قيّدني تعال وفكّ هذا القيـد = وكلّمني.. وعايدني.. وقلّي إنت وش حالك
ياليت العذر (فاتورة) عليك بحاجة التسديد = أخاف العذر هي قولة: نسيته رقم جـوالك
وسلامتكم جميعاً ......
محمد الشهري
اخواني واخواتي في مضايف الشمر الكريمة ...
كل عام وانتم بخير . . والله يعيده علينا وعليكم باليمن والخير والبركات ..
أولا: إعذروني على تقصيري اتجاهكم بالعامية ( مدري وين اودي وجهي منكم) .. لكن من الآن اعدكم بالتواجد وتحياتي إليكم جميعاً ..
ثانيا: أقدم إليكم هذه المتواضعة والتي تحررت بعد مرور أيام من هذا العيد .. آملا أن تنال هذه الرساله على رضاكم واستحسانكم ..
ثالثا: إعذروني على التقصير للمرة المليوووووووون ......
آخيــــــرا ............... إليكم القصيده
على كثر اتصالات الخلايق في صباح العيد = انا والله ما كنت آتحـرّى غير جـوّالك
تحريت إتصـالك إنت يالغالي وبالتحديد = لآن العيد ما اظنه يجي وما جيت في بالك
تصوّر كيف مرّ العيـد من تنكيد في تنكيد = وانا ما غير اهوجس بك و انادي وآتحرّالك
وجـوّالي غدا مثلي تنهّد واكثر التنهيـد = يقول: ابطى عليك وقلت: اكيد العلة ارسالك
وقمت اكذب على نفسي واقول بصيغة التأكيد = اكيد الحين بتكلم وانا ادري ما طرينالك
على ما يبدو اني كنت عن بالك بعيد ابعيد = حرام ارجوك صدقني انا ما استاهل افعالك
انا يا سيّدي ملْكك يا سيّد سيّدات الغيد = أنا وياك تعرفنا كما المملوك والمالك
لاني منخلق بعد العبادة وكلمة التوحيد = عشان اعيش من شانك وشان ارضاك واحيـالك
انا رهن اصبعك .. أشّـر .. ومن هاالإيـد الى هاالإيد = على كل اعتباراتي انا طفلك ورجّالك
وإذا غايتْك هي ذبْحي فلا تحتـاج للتأييد = توكّل وإنت تلقاني متى ما تنوي اقبالك
ولكن لا تعوّدني على الفرقا ونار البيـد = وانا عايش على خبرك نعيم وجنـة وْصالك
جفاك اليوم قيّدني تعال وفكّ هذا القيـد = وكلّمني.. وعايدني.. وقلّي إنت وش حالك
ياليت العذر (فاتورة) عليك بحاجة التسديد = أخاف العذر هي قولة: نسيته رقم جـوالك
وسلامتكم جميعاً ......
محمد الشهري