الماسينجر

[الظل]

السلام عليكم
_______________-


جنون الليل تقول:سلام كيفك بدر
همس الخيال يقول:اهلين مضاوي تذكرتينا لا والله وفيك الخير
جنون الليل تقول:اصلا انا واصل فيني الطفش 90 في المية وعلشان اكمل للمية قلت اكلمك
همس الخيال:يقول:اجل بافصل الماسينجر نكادة:) عسى ماشر لية متنكدة؟
جنون الليل تقول:صدقني مادري سألت نفسي ومالقيت جواب قلت خليني ادردش معك شوي
همس الخيال يقول:مضاوي متنكدة لأنة غاب ثلاث ايام عن المنتدى؟
جنون الليل تقول:ايش قاعد تقول ومنه هذا اللي غايب ثلاث ايام عن المنتدى علشان ازعج نفسي بسبتة!!
همس الخيال يقول:مضاوي انتي عارفة اني انا عارف واذا تضايقتي من صراحتي عادي ممكن تفصلي الماسينجر

جنون الليل تقول:آه عرفت انت مين تقصد لا حبيبي مو هذا ولا واحد مثلة يشغل لي باللي،بس كويس مادامك فتحت الموضوع صحيح لية غايب ثلاث ايام عن المنتدى؟
همس الخيال يقول::)
جنون الليل تقول:بدر تبي تتكلم ولا بقفل الماسينجر

همس الخيال يقول:الغايب عذرة معاة لكن مضاوي اسمعيني وخذي النصيحة هذي مني
جنون الليل تقول:يووووووة بدر ماتخلي عنك الفلسفة؟
همس الخيال يقول:ماعليش مضاوي لو ماأعزك كان مأشغلت نفسي،لكن يابنت الناس نصيحة لا تسلمي روحك لمشاعرك لا تتجاهلي صوت العقل ترى المسألة تبدأجدا بسيطة أعجاب بأسلوب مثلا وبعدين استلطاف فجأة ماتدري عن نفسك الا طحتي بفخ المشاعر وقتها عاد ماينفع صوت العقل وراح تكوني انتي الضحية
جنون الليل تقول:ايش قاعد تخرف وتقول ايش فخ وايش ضحية الأخ صياد وانا ماأدري؟بدر الظاهر انت لسة ماعرفتني هذا شئ والشئ الثاني مع احترامي الشديد لك انت آخر واحديتكلم عن الحب،شوف أسلوبك راجع مواضيعك المطروحة في المنتدى،بدر انت حالة من ثنتين اما أنك فصيلة خاصة تختلف عن البشر أو انك تضحك على نفسك والحقيقة انك جبان وماعندك ثقة بنفسك وتخاف تدخل عالم الحب
همس الخيال يقول:شكرا مضاوي على الأسلوب الحلو اللي تعاملتي فية معاي لكن أنا أعطيتك النصيحة وانت حرة
جنون الليل تقول:بدر انا كنت ادور عندك عشرة بالمية نكادة مادريت اني بلقى تسعين بالمية انا آسفة بس مضطرة اقفل الماسينجر سلام
----------------يتبــــــــع--

[الظل]

بعد عدة شهور
جنون الليل تقول:هلالالالالالالالالالالالالالالالالا� �دوري
همس الخيال يقول:بلا هلا بلا كلام فاضي هذا انتي مضاوي في البداية ترحيب وآخر المكالمة اللة لا يشكرفضلك
جنون الليل تقول:افا بدوري كذا أزعل منك انت عارف جمايلك علي ولو انه واحد غيرك كان استغل سذاجتي في النت لكن انت كنت حريص علي أكثر من أخوي
همس الخيال يقول:مضاوي حاس فية شئ ايش عندك بصراحة انا صرت اخاف منك
جنون الليل تقول:افا بدوري تخاف مني انا ؟
همس الخيال يقول:؟؟؟؟؟؟؟؟؟اقول ايش عندك هاتي من الأخير
جنون الليل تقول:شوف بدر صح انت صاحب فلسفة واسلوبك جاف معاي ومع غيري بس ماأدري لية في الفترة الأخيرة صارت لك معزة انا نفسي ماأعرف سببها
همس الخيال يقول:مضاوي انتي ايش ناوية تقولي
جنون الليل تقول:بدر بالله لحظة خليني اكمل كلامي ولا تقاطعني،شوف بدر احيان نكون مثل واحد واقف على تبة وعينة للأفق يدور على شئ ناقصة بالرغم لو انة تلفت حولية بيلقاة جنبة اذا ماكان أحسن،بدر انت معاي؟
جنون الليل تقول:بدر انت معاي؟
همس الخيال يقول:اية معاك وفهمت انتي لأيش بتوصلين بس قبل ماتكملي كلامك ممكن أطلب منك خدمة وبعدها نرجع لموضوعك
جنون الليل تقول:آمر وتدلل عيوني

همس الخيال يقول:تعرفي استراحة محترمة لإقامة الأحتفالات والمناسبات؟
جنون الليل تقول:البلد مليانة !!!!!اماهو سؤال غريب
همس الخيال يقول:انا عارف ان البلد مليانة بس انا ادور على استراحة تكون بطرف المدينة يعني ماحولها أحد
جنون الليل تقول:ليش تكون بطرف المدينة؟
همس الخيال يقول:لا بس انتي عارفة صوت الطقاقات يكون مزعج احيانا خاصة اذا كانت المسألة خطوبة فراح يستمر الحفل الى آخر الليل وانا ماأبغى أزعج أحد بسرعة بالله مضاوي ترى أنا مستعجل ويمكن افصل النت بأي لحظة

جنون الليل تقول:لحظة بدر مو على كيفك تفصل الماسينجر،خطوبة مين اللي تتكلم عنها؟
همس الخيال يقول:يوووة صح نسيت اقول لك خلاص يامضاوي حلم حياتي بيتحقق خلاص الحين الخطوبة وبعد شهرين الزواج وان شاء الله راح اعزمك ولازم تجي
همس الخيال يقول:اقول مضاوي انا آسف بس مضطر اني اقفل الماسينجر بروح أخلص اشغالي مافي وقت مع السلامة
جنون الليل:بدر لحظة دقيقة بدر لحظة بس فهمني ايش الحكاية
جنون الليل تقول:بدر الله يخليك رد علي بدر واللي يرحم والديك دقيقة بس
جنون الليل تقول:بدر ليش تقفل الماسينجر حرام عليك،حرام عليك تسوي فيني كذا حرام عليك ماتحس فيني
ماهو صحـيح (http://www.kubbar.com/Music/abdelmajeed-maho_sa7ee7.ram)
------------------يتبع---

[الظل]

بعد 3 شهور


همس الخيال يقول:مضاوي سلالالالالالالالالالالالالالالالالالالال الالالالام
جنون الليل تقول:مين بدر حيالله بدر اخبارك واخبار العرس والمدام ان شاء الله امورك تمام
همس الخيال يقول:بوووووة مضاوي امورنا لله الحمد والعروس تقول سلم لي على مضاوي:)الا اقول مضاوي اي عرس واي عروس تتكلمي عنهم؟؟
جنون الليل تقول:اي عرس!!!للدرجة ذي العرس نساك كل شئ،عرسك قبل شهرين
همس الخيال يقول:هههههههههههههههههههههههههههههه
جنون الليل تقول :ان شاء الله الضحكة هذي على طول بس ممكن تفهمني ليش تضحك
همس الخيال يقول:يوووووة مضاوي كل الفترة هذي وانت فاهمة غلط!!!!!!!بس معذورة يمكن لأني كنت مستعجل فأسلوبي ماكان واضح
جنون الليل تقول:طيب ممكن تفهمني؟؟
همس الخيال يقول:انا لما تكلمت عن الخطوبة كنت اقصد خطوبة أخوي اللي أكبر مني ولما قلت انة حلم حياتي لأنة بصراحة كان داخل قصة حب وماأحديعرفها غيري لكن من سوء حظة ماكان فية نصيب،فصار عندة تقدري تقولي عقدة نفسية من الشغلات اللي مثل هذي وكان هذا حلمي اني انتشلة من الصدمة اللي هو فيها واساعده والحمد لله تم الموضوع ولاأروع و بس هذي كل الحكاية
جنون الليل تقول:وبس!!!!!!!
همس الخيال يقول:وبس:(
جنون الليل تقول:يعني العرس ماكان عرسك؟؟؟؟؟؟؟؟
همس الخيال :ابدا
جنون الليل تقول:بدر اقسم بالله انك.......................
همس الخيال يقول:مضاوي افا لية؟
همس الخيال يقول:مضاوي لحظة مضاوي.....افا قفلت الماسينجر
عاللي جرا (http://www.kubbar.com/Music/alroba3i_asala-3alli_jara.ram)
--------------يتبع----

[الظل]

بعد مرور سنة
همس الخيال يقول:سلام مضاوي اخبارك؟
جنون الليل تقول:الحمدلله اخبارك انت كويس تصدق كنت ابغى اكلمك
همس الخيال يقول:للدرحة ذي القلوب عند بعضها،تدري كنت أتسمع على أغنية عبادي الجوهر(عطشان)سمعتيها أغنية من جدروعة وفيها معاني أحس انها ترسمني رسم
جنون الليل تقول:سمعتها بس غريبة انا اعرف انك ماتحب النوعية هذي من الأغاني؟ايش صاير في شئ تغير بحياتك
همس الخيال يقول:بصراحة اية،تدري مضاوي جلست الفترة اللي راحت اراجع مسيرة حياتي واكتشفت اني كنت اضحك على نفسي،بديت انتبة لنفسي لما انت قلتي(الواحد فينا مثل الواقف على تبة وعينة للأفق يبحث عن شئ ناقصة.........)أكيد تتذكرين كلامك،واكتشفت ان نظرية فخ المشاعر فاهمها غلط،انتي معاي
جنون الليل تقول:معاك بس لحظة
همس الخيال يقول:انت لحظة انا كنت متصور ان فخ المشاعر يجي بعد اعجاب واستلطاف بس اكتشفت انة ممكن يجي مع كتابة اول حرف واتوقع اني اول واحد طاح بالفخ
جنون الليل تقول:متأكد انك بدر؟؟؟؟
همس الخيال يقول:اية بدر بس مو بدر المغفل ياالله يامضاوي كل ماأتذكر نفسي أول ودي امسح ذيك الأيام من ذاكرتي،والحين احس أني بأفضفض واقول لك كلام داخل صدري من فترة
همس الخيال يقول:مضاوي معاي؟؟
همس الخيال يقول:مضاوي انت مشغولة؟؟
جنون الليل تقول:بصراحة اية كان ودي اتكلم معك وانصحك بس زي مانت شايف انا مشغولة والوقت مايساعد،بس فرصة واكيد تقدر تساعدني
همس الخيال يقول:آمري مضاوي
جنون الليل تقول:ابغى منك عنوان الأستراحة اللي سويتوا فيها عرس أخوك
همس الخيال يقول:هههههههههههه لا ملعوبة ،يلوموني فيك لحظة بالله هههههههههههههههههههههه
جنون الليل تقول:بدر بسرعة بالله تراني مستعجلة
همس الخيال يقول:اكيد تبغي الأستراحة لأنها بطرف المدينة صح
جنون الليل تقول:صح
همس الخيال يقول:علشان صوت الطقاقات مايزعج أحد صح هههههههههههههههههه
جنون الليل تقول:صح
همس الخيال يقول:ههههههههههه وانتم جبتم الطقاقات علشان عندكم خطوبة صح
جنون الليل تقول:صح
همس الخيال يقول:ههههههههههههههههههههههه
همس الخيال يقول:وكمان ههههههههههههههههههه
همس الخيال يقول:آآآآآآآآه يامضاوي طولتها وهي قصيرة صح؟بس ماقلتي خطبة مين من خواتك؟
همس الخيال يقول:هاه مارديتي علي خطبة مين بسرعة ترى والله بالعافية ماسك نفسي من الضحك
همس الخيال يقول:مضاوي لية ماتردي !!!!!!!!فية شئ
همس الخيال يقول:مضاوي لحظة انا اللي أعرفة ان خواتك ثنتين واحدة متزوجة والثانية صغيرة وتوها تدرس مضاوي لا يكون
همس الخيال يقول:مضاوي انت لية ماتردين؟؟؟؟؟؟
جنون الليل تقول:بدر ادعي لي بالتوفيق
وهــــــــــــــــــــــــــم (http://www.kubbar.com/Music/abdo-waham.ram)
النـــــــــهاية
[/b]

الـــــــضاوي...سابقا

[الماس]

أخي الفاضل...الظل قصه جميله شدتني من بدايتها إلى آخر حرف فيها وهي أيضاً واااااااااقعيه جداً ...الله يعطيك العافيه

[أماني]

vرووووووووووعه فعــــــــلاً كــــــما قـــــــالت أخـــــتي سنـــــدريلا



قــــــصه تشــــــــد القـــــــارئ


ســــــلمت يمنـــــاك أخي الظـــــــل



عـــــــلى هــــــــــذه الـــــــراائــــــعه



تقبــــــــل تحــــــــياتي

[الكوبرا الشمالي]

وويطي :( :( :(
الحين انت ساردَ علينا هالبليه يالله كفاك موضوع وردين :confused: ماتقولنا وش العبره من القصه |513| |513|
والله قريتها من اولها الى ماجيت عند النهايه فلم ليوسف شاهين :D مافهمت شين
محادثة ماسنجر وبس بين ثنين سطول :D

لاتزعل من اسلوبي يالظل تراي على بطني اهبد هبد :D والفكر متنك توي ضارب(ن) لي صحن فول ...... :D
ياخلقك على التلوين :D اخ يابطني |513|

[فوفو]

وويطي
الحين انت ساردَ علينا هالبليه يالله كفاك موضوع وردين ماتقولنا وش العبره من القصه
والله قريتها من اولها الى ماجيت عند النهايه فلم ليوسف شاهين مافهمت شين
محادثة ماسنجر وبس بين ثنين سطول

لاتزعل من اسلوبي يالظل تراي على بطني اهبد هبد والفكر متنك توي ضارب(ن) لي صحن فول ......
ياخلقك على التلوين اخ يابطني


:D :D :D :D :D
لسى ماقريت الموضوع بس شكله طويل وانا فيني نوم:) لي عودة انشاء الله:)

[الظل]

مساء الخير

الكوبرا الشمالي:)
تحمدربك تراني مختصرها من موضوع و12 رد

لاتسأل عن العبرة اعتبرها خربشة وانا اخوك بين اثنين سطول;)

بس يوسف شاهين مرة واحدة الله يسامحك مالقيت الا ذا

قريت اسمة ورجعت اقرأ موضوعي مافهمت منة شئ:(

الكوبرا الله لايجيب الزعل اضرب من الفول وخذ راحتك

تحياتي

فوفو:)

بيني وبينك معذور....بس مافي مشكلة الموضوع موجود ماراح يطير

ونوم العوافي

تحياتي

[الفيتو]

يسلمو فعلا

قصه حلووووه جدا

[المشرف العام]

الظل ..

تسلم اخي ..

ماشاء الله عليك على حلقات وفواصل موسيقيّه .

مشاركه جميله والموعظه فيها اجمل . .


ماشاء الله عليك .. مدة المشاركه حوالي سنتين .. السيناريوا جميل ( ولكن ) لو حذفت كلمة تقول ويقول :) كان افضل احس انها ثقيله اثناء القراءه وتشتت القاريء نوعا ما .


تحياتي ومنتظرين سيناريوا آخر لقصه رائعه مشابهه .

[الظل]

مساءالخير

ابومرزوق:)

اشكرلك مرورك الكريم وكريم اطرائك

تحياتي

المشرف العام

أهلين أخي ومقدار تعليقكم الكريم

امابخصوص قالت وقال هذا الماسينجر ماجبت شئ من عندي :(

المشرف العام

اعتز بملاحظتكم وبإذن الله تكون في الحسبان مستقبلا

تحياتي

[المهاة]

فعلا مشاركة أكثر من رائعة و محتواها أروع ..

أحسنت أخي الكريم بلغت رسالتك و قرأنا مابين سطورها ..

بارك الله فيك و حفظ الجميع ..!!

[الظل]

المهاة

شاكر لك مرورك الكريم والأطراء الذي اتمنى ان ان أستحقة

لك فائق التحيات

[فوفو]

:D :D :D :D :D

الله يقطع شرهم بس .....

بصراحة اية،تدري مضاوي جلست الفترة اللي راحت اراجع مسيرة حياتي واكتشفت اني كنت اضحك على نفسي،بديت انتبة لنفسي لما انت قلتي(الواحد فينا مثل الواقف على تبة وعينة للأفق يبحث عن شئ ناقصة.........)أكيد تتذكرين كلامك،واكتشفت ان نظرية فخ المشاعر فاهمها غلط،انتي معاي

الصراحة كلام مؤثر:D

تشكر اخوي الظل :)

وآسفه على الأزعاج بس رد الكوبرا :D


http://hosting.webimpulse.net/fofo/11a.jpg

[الظل]

صباح الخير فوفو

بالمقطع اللي حطيتية صدقت انك قريتي الموضوع:)

بس لما كتبتي كلام مؤثر حسيت أنه فلم هندي:)

بالنسبة للكوبرا شكلة كان ناوي الموضوع بس أستحى عارف اني جديد

وخاف اني أزعل وأمشي ;)

مادرى ...ولابلاش

تحياتي لك وللكوبرا