حرموني منه...

[نوف]

(1)

الحمد لله على السلامه


رجع نورك ... رجع ضيك

رجع صوتك ... رجع حسّك

يمه

أحمد الله اللي رجعك سالمه

أحمد الله اللي رجعك غانمه

تعبتي.. تألمتي.. أجر وعافيه ياغلاي

الحمد لله على السلامه ياأميمتي

تعالي اجلسي وبقولك

شوفي وش صار لي في غيبتك يمه

عيني ماذاقت حلا النوم

ودمعتي ولا وقفت يمه

بسمتي..ايه بسمتي غابت توها ترد يمه

نور وجهي كله اختفى يمه..

يمه طلبتك عوضيني ليالي وايام حرماني من حنانك
ابرتمي بحضنك
ابحس بدفا يدك
ابي قربك يمه ابي قربك
انا بنيتك...انا حبيبة قلبك..

اسمحيلي انام الليله بحضنك..
يمه

احمد الله اللي رجعك سالمه...احمد الله اللي رجعك غانمه


(2)

ياسيدي.. مليت من كثر التفكير..
مليت..مدري باكر وش بيصير..

هجر وبعاد؟؟؟ والا بيلتم الشمل؟؟؟

بقترب منك؟؟ والا بتفرقنا الايام..؟؟؟

آآآهـ محلاها من أحلام..

أحلمها قبل ماأنام!!!

أفكر وأهوجس...يارب وش بيصير..
أنا.. مليت من كثر التفكير...

(3)

حرموني من البحر
من عشقي وحبي
رموني بأرض كلها سدود وحدود

ليتني كنت دانه بأعماقه ويلعب بي.. ويخفيني عن الانظار
ليتني دانه..ترميني موجه وتلمني موجه
اسقي روحي من حبه.. وأروي ضمى قلبي من عشقه
ليتني غرقت ولا احد أنقذني...

عشقي البحر... وحرموني منه...


(4)

أبوعدك منساك..ولا انسى أيامك...
منسى حنينك وشوقك..منسى حبك وخوفك...
أوعدك...أوعدك..أبقى وأعيش على ذكراك...

ولو غصبوني على أحد غيرك..

خذ مني هالوعد..وخذه عهد للأبد..

الضنى أسمه على أسمك..
ودايم الدوم بذكرك..
وبدعيلك.. عسى ربي يوفقك ويثبتك..

أوعدك....أوعدك...
منساك وأبقى وأعيش على ذكراك...


لكم أعذب تحيه من قلب يهواكم ويحبكم...
اختكم...نوف

[الماس]

نوفه الغاليه أولاً يا حلوووووووو الصوره وربي تهبل يازينه وثانياً عيدك مبارك والحمد لله على سلامة جدتك ثالثاً ماهذا التدفق الرائع...سلمت يمينك ودمتي بخير حال

[بدر الفرحان]

اختي نوف

اولا كل عام وانت بخير

ثانيا الحمد لله على سلامة جدتك


فصول اربعه تعانق الجمال برقة احاسيسها


تحياتي لك ولقلمك


اخوك .................... بدر الفرحان

[موال]

[


نوف الماسه الرائعه
منعطف جديد في محراب الكلمه
مشاعر بصدق تحترم
رائعه يا نوف

[فهد المويهي]

الحمدلله على سلامتها

وكل عام وانت بخير

اخوك

فهد المويهي

[نوف]

الغالين علي جدا جدا

سندريلا شماليه
بدر الفرحان
موال
فهد المويهي

شكرا لكم لمروركم الكريم الذي اسعدني كثيرا
واسفه مرررررررره
لاني تأخرت عليكم بالرد

اختكم
نوف