المساعد الشخصي الرقمي

مشاهدة النسخة كاملة : كـنهـا مـنـازل عتـيـبه قصيدة عضو جديد


***شاعرعتيبه***
10-11-2001, 15:24
في خاطـري جـمع ورحـيل ونزايل ,, ومـنازل كـنهـا مـنـازل عتـيـبه

من عـاليةنجد علي اطـراف حايل ,, وعلي الحجاز وفي الجنوب الحبيبه

وفي خاطـري بدو وجـموع ورحايل ,, وجـمع الطـروش يـدورون الذهـيبه

والشعر وابيات الغزل والمثايل ,, والحـادي وطرق القصايد وجيبه

وركـب الجيوش المبطيات الأوايل ,, مـدري عـزو ؟ ولا نـواهـم نهـيبه

والبدو وجمـوع العرب والقبايل ,, والـخـيل والأبل والنصر والغليبه

وجـموع بـدو شوفا اليوم زايل ,, يدري بها الي ناصـف الراس شـيبه

عليك ياالي تنـثريـن الجـدايل ,, شــلالل شــعر للمـناكـب صـبـيبه

فـيها من الخـشف الـمذير دلايل ,, ياعـنـق خـشـف ذيـرته الكـتيبه

تــريضي ردي عـليـنا الجـمايل ,, تــريـضـي للي يـشـوفـك طـبـيبه

وعـطـيني الي مـن خيار السلايل ,, خـيل(ن) تـربت في الجزيرة عريبه


عـطـيني الي ورثــتها الاصـايل ,, تـاريخ اهـلها بين سـطـوه وهيبه

واخـذيني الي مايـطيع العذايل ,, مـافـيه غير ان الهـواجيس عـيبه


لاجـاه مـن مـيل الهوايس مايل ,, روح بـسـهـره كـن لـيلـه حـريبه


وسلامتكم
ثاني
10-11-2001, 17:13
السلام عليكم
الاخ شاعر عتيبه صح لسانك قصيده رائعه من شاعر رائع
لا تحرمنا من جديدك الغالي

في خاطـري جـمع ورحـيل ونزايل ,, ومـنازل كـنهـا مـنـازل عتـيـبه

من عـاليةنجد علي اطـراف حايل ,, وعلي الحجاز وفي الجنوب الحبيبه

وفي خاطـري بدو وجـموع ورحايل ,, وجـمع الطـروش يـدورون الذهـيبه

والشعر وابيات الغزل والمثايل ,, والحـادي وطرق القصايد وجيبه

وركـب الجيوش المبطيات الأوايل ,, مـدري عـزو ؟ ولا نواهـم نهـيبه

تحياتي واحترامي
ابو يزيد
10-11-2001, 17:44
الأخ/**شاعر عتيبه**
الله يمسيك بالخير
والعافيه
هذي والله الساعة المباركة
اللي تشاركنا الطرح والأراء
والشعر في هذه الشبكة
وانا اقول وش اللي منور بالشبكة
تراها طلتك ياشاعر عتبة
واسعدتنا بقصيدك الرائعة
واللتي نقلتنا من بيوتنا الى
مضارب بيوت الشعر وصهيل الخيل
وتدويه الرعاة ورغاء الأبل
ابيات رائعة وشاعر اروع
من قبيلة عريقة لها احترمها
ومكانتها بين القبائل ويعلم الله
انني من من يحب
هذه القبية .
ملاحظة:
كتبت مقال نقدي
حول مايدور حولنا في
الحياة بعنوان:
""اكبر مطب في حياتي""
( مع شعراء قبيلة عتيبة)
في مضيف قصة وقصيدة
أرجو إعطائي وجهة نظرك
حول الموضوع .
أخيرا
نحن بانتظارالقادم
من مشاركاتك

وتقبل تحيات
أخوك/ابو يزيد
بشير اللويش
10-11-2001, 18:14
حياك الله ياشاعر عتيبه

تسلم وصح لسانك
قصيدة تنبينا بان القادم احلا ان شاء الله

الف شكر لك على قصيدتك الراااائعهة

صح لسانك مره اخرى

تقبل تحيااات اخوووك الصغيررر

بشير اللويش
الفيتو
12-11-2001, 02:49
صح لسانك وتسلم على هذه القصيده الرائعه

تسلم , تسلم , تسلم الين بكرا وانا اقول لك تسلم ....

لا تطول علينا بالجديد خصوصا انك وعدتنا بالجديد

ونبيه يكون على طول مستمر........ صح لسانك مره ثانيه

اخوك ابو مرزوق
***شاعرعتيبه***
16-11-2001, 18:42
صح ابدانكم ومشكورين على ردودكم الحلوه
ابو يزيد
29-12-2001, 20:58
الأخ/شاعر عتيبه

السلام عليكم ورحمة الله

اخي قصيدة رائعة وسبق ان عقبت عليها لكننا افتقدناك

وعسى المانع يكون خير.

اخوك

ابو يزيد
واحد من الناس
30-12-2001, 00:04
بسم الله الرحمن الرحيم


الاخ شاعر عتيبه 0


صح لسانك 0 الله يعطيك العافيه قصيده تفوح بالاصاله


ولا تحرمنا من القادم الاجمل 0

وتقبل تحياتي

اخوك

((واحد من الناس ))
المشرف العام
30-12-2001, 01:10
وفي خاطـري بدو وجـموع ورحايل ,, وجـمع الطـروش يـدورون الذهـيبه




صح لسانك ..


لا .. تحرمنا من مشاركاتك..


تحياتي